Gaˬlaˬtiˆ 2:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Miqyaer, ngaq-anr panmaeq naeqlaf-euq mirnae le-euq ma. Ngaq nae aqcawq tsawrjeuq tsawrca-anr guiqlanqdawq maeqnaeq-euq garkawv, aqyuif aqnyir deuq-anr dzawrnaeq-euq ma. Aerkhawf, ter dov-eu deuq-anr taef-aer ciqcurni dzawrnaeq-euq ma. Nymq-mr ngar mrluf-eu jeq hawr-eu mrdzeur yaf-euq jeq yawqngaef-aer maqya pyeufni dzawrnaeq-euq ma.

Akha

² Miˬyehˇ ngaˬ-ahˇ pah mehˬ nehˬ laꞈ-euˬ miˇ neh iˇ-euˬ ma. Aˬ yuiꞈ aˬ tsu deuˬ nehˬ-ehˇ ciˬ cuˇ ni tahˬ dzoeˇ-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-euˬ gaˇ kawˆ ngaˇ dzawˇ nehˬ-euˬ ma. Ngaˬ neh mˇ dzeuˇ yaꞈ-euˬ jeˬ hawˇ-eu nymˬ-mˇ mˇ luꞈ-eu jeˬ yawꞈ ngehꞈ-ehˇ maˬ bi pyeuꞈ-iˇ mawꞈ-eu miˇ neh, kʼoeˇ loꞈ-ehˇ dzawˇ nehˬ-euˬ ma.

Gaˬlaˬtiˆ 2:2 Referans Kwoze

Gaˬlaˬtiˆ 2:6

Ter dov-eu deuq-aq, aqyawfmaf aqjox-aer ghae-eu tsawrhaq law-awr khawf, ngaq naeq-aer tiqjeq-iq maq beugar-a. Miqyaer-aq, myavpyawq huiqnyir maqtser-a. Ter dov-eu khoerdeuq, ngaq-anr tiqjeq-iq maeqlanq maqka naeqlaf-aq.

Piˇliˇpiˆ 2:16

Daef-eu jeq bif-eu dawq-anr zifdanni nyaeftaeq taq-awq. Khoerlof-aer mr nar-aq, Kali-euq arnan keuvle ngae, ngaq nae caev-awr, ngaq nae mr-awr shar-euq yawqngaef maqngeur nga laer ngar laqkhaq yacaer taef-a.

1 Teˇsaˬloˇni 3:5

Khoer baqda’nae, ngar maq jawrtaeqcoer lar-aer, nawmaf jan-eu jeq aqjox-aer pyeufluf-eu nga laer yasiqni, Tivmorseq-anr bilar-euq ma. Murjur jur-eu khoerghaq, nawmaf-anr murza-awr, nga’maf nae laejae-awr mryaf-euq jeq yawqngaef pyeuf-ir-euq baw-mr laer khanqlanr mir-a.

Gaˬlaˬtiˆ 2:9

Ngaq-anr bifnaeq laf-euq guiqlanq-anr ya’mawr ngae, Kalizaq armur-euq lafkhoer khawrzeur zeurzif pyeufluf-eu Yaqkov, Beqtuvluv hawr-eu Yorhaq aqha’maf, Baqnaqbar, nga’nyaf-anr armar laf nae laftsaf tsafnaeq laf-awr, gar mrcawq laer sawxnaeq laf-euq mae. Nga’nyaf-aq, aqcawq tsawrjeuq tsawrca jawr-eu gar ir-awr, aqyawf maf-aq, bawkhov maeqdzaq yaeq-euq tsawrhaq jawr-eu gar irni nuima tsaq-eu mae.

1 Gawˇliˬtu 9:26

Khoermirnae, ngar arpyar maqjav-aer caevluf-eu maqngeur. Ngar tanqcae cae-eu-aq, tiqjeq-anr-iq maq tanqzawni jaqlaer-anr taef-aer tanq-eu maqngeur.

1 Gawˇliˬtu 1:23

Aerkhawf, aqdui, Kali lafyaq-anr bi tafsaef-euq garkawv dawqmaeq maeq-eu ma. Garkawv heu-aq, Yurdav tsawrhaq-euq gharduq sanqtif tif-eu jeq pyeuf-awr, Heqlaqsar tsawrhaq-euq gharduq zaqsiq tsawrganr maqanr-eu jeq pyeuf-eu mae.

1 Gawˇliˬtu 9:24

Caevcae cae ngae, yawqghaq navluf caev-eu khawf, tiq ghaq taef-aer lafsawq za-eu mae laer nawmaf maq siqnya-eu le lor? Nawmaf khawf, lafsawq khoer-anr za’ni caevcae cae-awq.

1 Gawˇliˬtu 2:2

Ngar, nawmaf naeq-aer jawr ngae, Yeqsur Kali-euq garkawv hawr-eu, aqyawf, lafyaq-euq khoertav bi tafsaef-euq garkawv maqngeur nar-aq, nuijeq tiqjeq-iq siqnya-eu maqgeuf laer ngar noeqtsaev taq-euq ma.

Gʼaˬkʼehˇ 15:12

Khoerngae, uiqlar-euq tsawrhaq dawqtawvluf ciqcurni jawr-awr, Baqnaqbar hawr-eu Pawrluv dzawrnaeq-eu gar narhaq luf-eu mae. Miqyaer, aqyawf nyaf-anr ghoe-awr, aqcawq tsawrjeuq tsawrca-euq ghanrcae bisiq bimawr-eu jeq hawr-eu zanqler paq-aer ghae-eu jeq ghawqmya’ni mr-euq garkawv dzawrnaeq-euq mae.

Gʼaˬkʼehˇ 15:4

Aqyawfmaf, Yeqlursaqlaeq-anr lekeuv ngae, Kalizaq armur, ghaqkhaer deuq hawr-eu aqyuif aqtsu deuq, aqyawf maf-anr hageuf-euq mae. Khoerngae, Miqyaer, aqyawf nyaf-anr ghoe-awr kharmr kharshar-euq garkawv dawqtawvluf, aqyawf maf-anr dzawrnaeq-euq mae.

Piˇliˇpiˆ 2:29

Nawmaf, Sanqpaq Miqyaer-euq lafkhoer, laqkhaq caertavni aqyawf-anr hageuf-awq. Aqyawf lof-aer ghae-eu tsawrhaq-anr noeqpoeq-awq.

Gaˬlaˬtiˆ 1:16

aqyawf-euq Zaqyo-euq garkawv aqcawq tsawrjeuq tsawrca-anr dawqmaeq bimaeq-ir-eu, aqyawf nuima tsaq-eu lof-aer aqyawf-euq Zaqyo-euq garkawv, ngaq-euq nuima-euq lafkhoer panmaeq naeqlaf-euq mae. Khoerngae, shiqshaq piluf-eu tiqghaq naeq-aer-iq ngar maq bawqdzaq-aq.

Gʼaˬkʼehˇ 23:11

Nishawq nan ngae mir, Sanqpaq Yeqsur, Pawrluv-euq dawqpae yawfle-awr aer-eu, “Pawrluv-or! Nuima khaqduqni jawr-awq. Nawr, ngaq-euq garkawv Yeqlursaqlaeq-euq lafkhoer sarkir kamq-euq lof-aer, Lormav meuq-anr khawf sarkir yakamq taef-a.”

Gʼaˬkʼehˇ 18:9

Uqcif pawdzer mawrle-eu lafkhoer, Sanqpaq Yeqsur, Pawrluv-anr heulof-aer aer-eu mae, “Taqguv. Nawr ciqcurni maqjawr-aer ngaeq-awq.

Gʼaˬkʼehˇ 5:34

Aerkhawf, tsawrhaq dawqtawvluf yawzeu baw-eu zanrdawq maeq-eu saqlaq, Gaqmaqleqlar laer kur-eu Paqliqsaer tiq ghaq, khavma armur-euq lafkhoer turlar-awr, ghaqkhaer deuq-anr lafnyir tiqkhaeq bi sheuqdov ghaeni aqyawf maf-anr dawq bif-euq mae.

Maꞈtehˬ 10:16

“Hawsher-eq, ngar, nawmaf-anr khaqyaer baqmaf-euq tsanq-anr, yawr pyaequr ghae-eu lof-aer khaerghae-eu ma. Khoermirnae, nawmaf, arlawr lof-aer zaqsiq tsawrganr anr-awr, khaqkhoeq lof-aer aqcawq-anr maqcoeq maqcivni jawr-awq.

Gʼaˬkʼehˇ 15:2

Khoermirnae, Pawrluv hawr-eu Baqnaqbar, aqyawfmaf naeq-aer caecae-aer pyaer duidui-euq mae. Khoernar-aq, garkawv khoer bi narhaq ler-eu laer, Pawrluv, Baqnaqbar hawr-eu aqyawf maf-euq lafkhoer keuq-eu heumyav ghaq-anr tserdov-awr, Yeqlursaqlaeq-anr jawr-eu ghaqkhaer deuq hawr-eu aqyuif aqtsu deuq jawr-eu gar bile-euq mae.

Lormav 9:16

Khoermirnae, khoer-aq, tsawrhaqzaq-euq nuikhanr-euq baqda’nae za-eu maqngeur-a. Tsawrhaqzaq laejae-awr mr-eu mirnae za-eu khawf maqngeur-a. Miqyaer ghawqshaq gaq-eu baqda’nae taef-aer za’nya-eu mae.

2 Gawˇliˬtu 12:1

Ngar khanqsaer jaev-eu-aq gardanr maqtsoeq-a. Aerkhawf, Sanqpaq Miqyaer nae panmaeq naeqlaf-euq deuq hawr-eu mawrle-euq deuq-euq garkawv ngar ja’naeq ma de-eq.

Gaˬlaˬtiˆ 1:6

Kali-euq guiqlanq yawdzanr-euq lafkhoer nawmaf-anr kur-euq Miqyaer-anr, nawmaf yaw’awr laf-aer byaerdzae-awr, guiqlanqdawq yawqdawq yawq-anr hageuf-euq mirnae, ngar zanq duidui ler nya.

Gaˬlaˬtiˆ 1:12

Aqjeq mirnae aernar-aq, tsawrhaq-anr nae za-euq maqngeur, tsawrhaqzaq nae maeqnaeq laf-euq khawf maqngeur-a. Yeqsur Kali nae ngaq-anr panmaeq naeqlaf-euq mae.

Gaˬlaˬtiˆ 5:7

Dzeurlaf ngae, nawmaf yawmuiq-aer caev-euq mae. Yawtsaq yawdawr jeq-anr maqbi narhaq geufni, nawmaf-anr aqsur ghaq lavtsoeq lar-euq la?

2 Tiˆmoˇseˬ 4:7

Ngar guirdeuv yawmuiq-aer deuv-awr, ngar caev paq-aer ghae-eu garma caevli-euq ma. Ngar jan-eu jeq-anr zifdanni nyaeftaeq laf-euq ma.

HeˬByehˇ 12:1

Jan-eu jeq-euq garkawv sarkir kamq-eu tsawrhaq, juqkhoeq tmq-eu lof-aer aqdui-euq tiqjawq jawrluf-eu mirnae, aqdui-anr kanluf-eu yawqjeq navluf pyaeqka yaf-awr, aqdui-anr gheupaf lar-eu iqbax dawqtawvluf khawf puirdzae yaf-eu uqtaf, nuinoeq ghawqmanrni noeq-awr, aqdui-euq gharduq lavsav taq-euq garma-anr caevghae kar-eur.