Gaˬlaˬtiˆ 2:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoernar-aq, 14 khof dzeur-ir-awr, Baqnaqbar, nga’nyaf, Yeqlursaqlaeq-anr parle-euq ma. Tirtuv khawf sheuq-awr le-euq ma.

Akha

¹ Tseˇ oeˬ kʼoꞈ paˇ gʼeh-awˇ, Baˬnaˬbaˆ nga nyaꞈ Tiˇtuˆ sheuˬ-awˇ Yeˬluˇsaˬlehˬ meuˬ-ahˇ paˇ iˇ-euˬ ma.

Gaˬlaˬtiˆ 2:1 Referans Kwoze

Gaˬlaˬtiˆ 2:3

Ngaq naeq-aer le-euq Tirtuv-aq, Heqlaqsar tsawrhaq pyeuf-eu khawf, aqyawf-anr bawkhov maeqdzaq yaeq-awq laer maq katir-aq.

Tiˇtuˆ 1:4

Jan-eu jeq tiqgar dur-eu lafkhoer, aqdir ngaqli pyeuf-eu Tirtuv-anr sanqbof bofanr lef-eu ma. Aqda Miqyaer hawr-eu aqdui-euq Kakhof-eu ghaq Yeqsur Kali-euq guiqlanq yawdzanr hawr-eu nuisar of-eu jeq, nawq-euq khoertav jav luf-ur!

Gawˇlawˇsehˇ 4:10

Ngaq naeq-aer kuv-anr urluf-eu Aqliqdaqgur, nawmaf-anr dawqcawq puqanr lef-euq mae. Baqnaqbar-euq aqdur Maqkuv khawf, nawmaf-anr dawqcawq puqanr lef-euq mae. (Maqkuv-euq garkawv ngar, nawmaf-anr khaertaq-euq lof-aer, aqyawf, nawmaf jawr-eu gar oekeuv nar-aq, aqyawf-anr hageuf-awq).

Gaˬlaˬtiˆ 2:13

Yurdav tsawrhaq nuideuq khawf, aqyawf kharmr-eu maeqnan cantae luf-eu mae. Baqnaqbar khawf aqyawfmaf lof-aer janrluf-eu mae.

Gaˬlaˬtiˆ 1:18

Khoernar-aq, smr khof dzeur-ir-awr nae taef-aer, ngar, Yeqlursaqlaeq-anr le-awr, Beqtuvluv-anr dzoerler-awr, aqyawf naeq-aer 15 nan jawr-euq ma.

2 Gawˇliˬtu 8:23

Tiqghaqnav siqnya’mawf nar-aq, Tirtuv-aq, ngaq-euq cawq pyeuf-awr nawmaf-anr gar mrnaeq luf-eu, ngaq-euq gar mrcawq mae. Maernmr heu nyiq ghaq-aq, Kali-euq yawshaef khanqsaer pyeuf-eu Kalizaq armur deuq-euq dawqtsaf dawqdzawr mr-eu tsawrhaq mae.

2 Gawˇliˬtu 8:16

Ngar, nawmaf-euq gharduq nuima keuv-eu lof-aer, Tirtuv khawf nawmaf-euq gharduq nuima keuvni, Miqyaer janrnaeq laf-euq mirnae, Miqyaer-euq guiqlanq-anr jaceuq ma.

1 Gawˇliˬtu 9:6

Maqngeur nar-aq, Baqnaqbar, nga’nyaf taef-aer gar maqmr-aer maq ghaenya-a lor?

Gʼaˬkʼehˇ 15:25

Khoermirnae, nga’maf tiqgar uiqler-awr tserdov-euq, nga’maf zawr gaq-eu Baqnaqbar hawr-eu Pawrluv, nawmaf jawr-eu gar bi’oe-eu yawmuiq taef-a laer noeq-eu ma.

Gʼaˬkʼehˇ 14:12

Aqyawfmaf, Baqnaqbar-anr Jursav laer kur-awr, Pawrluv-anr-aq, dawq ngaeqmyaq dzaeq-eu mirnae, Heqmeq laer kur-eu mae.

Gʼaˬkʼehˇ 13:50

Aerkhawf, Yurdav tsawrhaq deuq, Miqyaer-anr guv-eu myavpyawq narmaer jav-eu zaqmiq aqbur deuq hawr-eu meuq-euq lafkhoer aqyuif geufluf-eu deuq-anr lavteuv-awr, Pawrluv hawr-eu Baqnaqbar-anr bikhaeq bikhav-awr, aqyawf nyaf-anr mircoer khoercoer-anr nae taedov-euq mae.

Gʼaˬkʼehˇ 13:2

Aqyawfmaf, Sanqpaq Miqyaer-anr uqduq tanqtanq-aer dzardzaq sheuqluf ngae, Yawshawr Saflar, aqyawf maf-anr aernaeq-eu, “Ngaq nae aqyawf nyaf-anr kurtaq-awr bi mr-eu laer ghaer-eu gar deuq-anr mrni, ngaq-euq gharduq Baqnaqbar hawr-eu Sawrluv-anr tserpavdov taq-awq.”

Gʼaˬkʼehˇ 12:25

Baqnaqbar hawr-eu Sawrluv, aqyawf nyaf-euq guiqlanq-euq gar mrluiv ghaq-euq nar-aq, Yeqlursaqlaeq-anr nae Maqkuv laer khawf kur-eu Yorhaq-anr sheuq-awr ghof-ir-euq mae.

Gʼaˬkʼehˇ 11:30

Aqyawfmaf nae noeqtsaev taq-euq lof-aer mr-awr, Baqnaqbar hawr-eu Sawrluv-euq aqlaf-anr ghoe-awr nae Kalizaq armur-euq aqyuif aqtsu deuq jawr-eu gar bi shaha ler-euq mae.

Gʼaˬkʼehˇ 11:25

Khoernar-aq, Baqnaqbar, Daqsuv-anr ir-awr, Sawrluv-anr pov-ir-euq mae.

2 Gawˇliˬtu 2:13

Aerkhawf, ngar, ngaq-euq maernmr Tirtuv-anr maqya mawr-euq mirnae nuima ghaqnaq maqdan-aer, khoergar jawr-eu tsawrhaq deuq-anr ghawq-awr, Maqgeqdawrniv mirkhanq-anr lar-euq ma.

Gaˬlaˬtiˆ 2:9

Ngaq-anr bifnaeq laf-euq guiqlanq-anr ya’mawr ngae, Kalizaq armur-euq lafkhoer khawrzeur zeurzif pyeufluf-eu Yaqkov, Beqtuvluv hawr-eu Yorhaq aqha’maf, Baqnaqbar, nga’nyaf-anr armar laf nae laftsaf tsafnaeq laf-awr, gar mrcawq laer sawxnaeq laf-euq mae. Nga’nyaf-aq, aqcawq tsawrjeuq tsawrca jawr-eu gar ir-awr, aqyawf maf-aq, bawkhov maeqdzaq yaeq-euq tsawrhaq jawr-eu gar irni nuima tsaq-eu mae.