Gaˬlaˬtiˆ 1:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqdir aernar-aq, guiqlanqdawq yawqdawqyawq maqjav-a. Aerkhawf, tsawrhaq tiqghaqnav, nawmaf-anr yawbanq yawlanr-aer bipyeuf-ir-awr, Kali-euq guiqlanq dawq-anr yurpyawv mawf-eu mae.

Akha

⁷ Maˇ maˇ ni ehˇ naˇ, Laˬ kʼaˬ cehˇ-eu Guiˬ lahˬ dawˬ yawˬ hmˬ yawˬ maˬ jaˆ-a. Ehˇ kʼawꞈ, naw maꞈ-ahˇ laˆ bahˬ-awˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ yuˇ pyawˆ mawꞈ-eu tsawˇ haˬ tiˬ deuˬ jawˇ-eu miˇ neh, ngaˇ heu loꞈ-ehˇ ehˇ-eu ma.

Gaˬlaˬtiˆ 1:7 Referans Kwoze

Gʼaˬkʼehˇ 15:24

Nga’maf-euq lafkhoer jawr-eu tsawrhaq tiqpavnav deuq, nawmaf jawr-eu gar oe-awr, ‘Nawmaf zanrdawq-anr ya cantae-awr, bawkhov maeqdzaq yayaeq-eu mae’ laer nawmaf-euq nuima maqsarni bi pyeuflar-awr nuima saflar povpov lavlav-aer bi ghaelar-eu dawq ngaeqle-euq mae laer nga’maf yagaq-euq ma. Tsawrhaq khoerdeuq-anr nga’maf nae khaerlef-euq maqngeur.

Gaˬlaˬtiˆ 5:10

Nawmaf-euq nuinoeq yawqjeq yawq-aer maqpyeuf-ir-ar laer Sanqpaq Miqyaer-euq lafkhoer ngar, nawmaf-anr yawduqbaw ma. Aerkhawf, nawmaf-anr banqgha lar-eu aqsur ghaq maqkaq, yarkhaq dar-eu gar yadaq taef-a.

2 Gawˇliˬtu 11:13

Tsawrhaq khoerdeuq-aq, ghaqkhaer janrgeuf-eu deuq mae. Aqyawf maf-aq, Kali-euq ghaqkhaer deuq lof-aer janrgeuf-awr, jaqmyawf maershuir-euq gar mr-eu tsawrhaq mae.

Gaˬlaˬtiˆ 5:12

Nawmaf-anr bi banqgha lar-eu khoerdeuq, yawqhar yawqha shawf nmr-aq ghaq-ar laer noeq mir-a.

2 Gawˇliˬtu 2:17

Tsawrhaq ghawqmya ghaq, pyur za’ni Miqyaer-euq dawq maeqluf-eu mae. Aerkhawf, nga’maf-aq, khoerlof-aer ghae-eu tsawrhaq maqngeur. Miqyaer-anr nae za-euq lof-aer Miqyaer-euq maeqshi, Kali-euq lafkhoer dawrcoeni maeq-eu ma.

Panmaeq 20:3

Khoernar-aq, mirkhanq-euq tsawrjeuq tsawrca deuq-anr maqbi myawftawv shuirtawvni, aqyawf-anr 1,000 khof maq byanlar-euq khoerkeuvni, li-eu maqbaw-eu duqkhanq-anr bafanr ghae-awr, piqtaeq taq-euq uqtaf, jmq diqtaq-euq mae. Aryamq khoer dzeur-euq nar-aq, aqyawf-anr tiqkhaeq larkhaeq taef-aer pyaeqdovnaeq taef-a.

2 Yoˇhaˬ 1:10

Tsawrhaq tiqghaqnav nawmaf jawr-eu gar lar-awr, dawqmaeq dawqtsov heu maqmaeq nar-aq, aqyawf-anr irkanr-euq lafkhoer taq ha’anr, dawqcawq khawf taq puqnaeq.

1 Yoˇhaˬ 4:1

Ngar zawr gaq-eu cawqdeuq-or! Kharngeur-eu saflar-anr taqjan. Saflar khoer Miqyaer-anr nae oe-euq saflar nga laq laer yawmuiq-aer tsermr haw-awq. Aqjeq mirnae aernar-aq, Miqyaer gharduq ngaeqdan-eu jaqmyawf deuq ghawqmya ghaq mirtsaq doeni dov-ir taq-euq mae.

Panmaeq 19:20

Khoerngae, jeqzaq yawghae khoermawr-anr nyaefmi-awr, Miqyaer gharduq ngaeqdan-eu jaqmyawf khoerghaq-anr khawf, jeqzaq yawghae khoermawr naeq-aer tiqkawv lof-aer nyaefmi-euq mae. Miqyaer gharduq ngaeqdan-eu jaqmyawf khoerghaq-aq, jeqzaq yawghae khoermawr-euq jmq diqtaq-awr, khoermawr-euq mawrkawr-anr uqduq tanq-eu tsawrhaq-anr myawfza shuirza nya’ni, jeqzaq yawghae khoermawr-euq maeqshi bisiq bimawr-eu jeq mrluf-eu khoerghaq mae. Aqyawf nyaf-anr yawdaef-aer, miqdzar dzarshuir dofluf-eu miqdzaq-euq lan-euq lafkhoer bafanr ghae-euq mae.

Panmaeq 13:14

Aqyawf, jeqzaq yawghae yawbae mawr-euq maeqshi, bisiq bimawr-eu jeq janr-eu baoq zataq-euq mirnae, mirtsaq-euq khoertav jawr-eu tsawrhaq deuq-anr myawfza shuirza-awr, micaer nae bi deuvnar-euq khawf daefluf-eu jeqzaq yawghae khoermawr-euq mawrkawr taev-awq laer mirtsaq-euq zaqdeuq-anr khaer-eu mae.

Panmaeq 12:9

Arhu-euq arlawr khoermawr pyeuf-eu, naef sanqpaq hawr-eu naef Saqdaq laer khawf kur-eu, mirtsaqzaq dawqtawv luf-anr sheuqbanq-eu byavyanq yanqma khoermawr, mirtsaq-euq khoertav bi biqka lef-awr, aqyawf-euq mqtav ghaqkhaer deuq-anr khawf, aqyawf naeq-aer tiqkawv lof-aer bi biqka lef-euq mae.

Panmaeq 2:20

Aerkhawf, ngar, nawq-anr aer paq-aer ghae-eu heumyav jeq jav-eu ma. Yawqhar yawqha, Miqyaer gharduq ngaeqdan-eu tsawrhaq ma laer aer-eu zaqmiq aqbur Yeqsaqbeqlar-anr nawr bi jawrluf-eu nga siq. Aqyawf, ngaq-euq ghaqzaq ghaqkhaer-anr banq-awr, khaqmiq sheuni hawr-eu tanqpanq aqma mawrkawr-anr lawrnaeq-euq lawrdzar dzaqni, maeqnaeq tsovnaeq-awr murluf-eu mae.

Panmaeq 2:6

Aerkhawf, nawr yawmuiq heujeq anrluf nga siq. Nirgawrla tsawrhaq deuq mrluf sharluf-eu jeq-anr ngar byae-eu lof-aer, nawr khawf byae-eu mae.

Panmaeq 2:2

“Ngar, nawq nae mr-euq jeq, laejae-euq jeq hawr-eu orcoer-euq deuq-anr siqnya-awr, nawr, tsawrdoer deuq-anr maq hageuf coer-a laer khawf siqnya ma. Ghaqkhaer maqngeur-eu gar nae ghaqkhaer ma laer aer-eu deuq-anr nawr tsermr haw-awr, jaqmyawf myawf-eu nga laer yasiq-euq mae.

Yuˇdaˆ 1:4

Aqjeq mirnae aernar-aq, tsawrhaq tiqghaqnav, aqdui maf-euq lafkhoer urkhoeq lar-euq mae. Aqyawf maf-aq, jawflafni ghae-eu jeq mrnya’ni, Miqyaer-euq guiqlanq yawdzanr lavpyawv-awr, aqdui-euq Sanqpaq Yeqsur Kali tiq ghaq taef-aer Sanqpaq Miqyaer pyeuf-eu mae laer maq hageuf-eu, Miqyaer-anr yawzeu maqbaw-eu tsawrhaq mae. Aqyawf maf-aq, yarkhaq dar-eu gar yadaqni arhuba nae bi dartsaev taq-euq mae.

2 Yoˇhaˬ 1:7

Jaqmyawf myawf-eu tsawrhaq ghawqmya ghaq mirtsaq doeni ir-awr, Yeqsur Kali-aq, mawrdo baw-awr zafka le-euq mae laer sarkir maqkamq-a. Khoerdeuq-aq, jaqmyawf myawf-eu tsawrhaq hawr-eu Kali-anr muir-eu tsawrhaq mae.

1 Yoˇhaˬ 2:26

Nawmaf-anr maershuir shuirtawv-eu laer laejae-eu deuq-anr taf-eu garkawv, ngar, nawmaf-anr sanqbof bofanr lef-euq ma.

2 Tiˆmoˇseˬ 2:18

Aqyawfnyaf, “Ghofdaef lar-eu laer aer-eu jeq-aq dzeur-euq mae” laer aeraer-aer, yawtsaq yawdawr jeq-anr garbanq banq-awr, tsawrhaq ghawqmya ghaq-euq jan-eu nuima-anr lavcawv luf-eu mae.

Gaˬlaˬtiˆ 6:17

Iqnan tafnar-aq, tsawrhaq tiqghaq-iq ngaq-anr taq banqghalar. Aqjeq mirnae aernar-aq, ngaq-euq mawrdo-anr Sanqpaq Yeqsur nae tsaqtsov taq-euq marbyawf baw-eu ma.

Gaˬlaˬtiˆ 4:17

Tsawrhaq khoerdeuq, nawmaf-euq gharduq nuima keuv-eu gar dur-eu khawf, nuinoeq maqshawr-a de-eq. Nawmaf-anr bi dovle-awr, nawmaf, aqyawf maf-anr nuima bikeuv mawf-eu mirnae taef mae.

Gaˬlaˬtiˆ 2:4

Aqjeq mirnae aernar-aq, tsawrhaq tiqpavnav deuq aqyuif aqnyir janrgeuf-awr, nga’maf-euq lafkhoer urkhoeq lar-euq mae. Aqdui-anr zaqkhav bigeuf-ir-eu laer Yeqsur Kali-euq lafkhoer za-euq buq-ir-eu jeq-anr khoeqsho luf-eu mae.

2 Gawˇliˬtu 4:2

Aerkhawf, nga’maf shafdawrlar paq-aer ghae-eu zaftaq-euq jeq byaerdzae jir-awr, jaqmyawf-euq lafkhoer maqdaef-aer, maershuir maqanrni, Miqyaer-euq dawq khawqluf-eu ma. Khoermirnae, Miqyaer-euq maeqshi, tsawrhaq dawqtawv luf-euq zaqsiq nuisiq-anr tsaqni, yawtsaq yawdawr-aq, nga’maf-anr byacaevni ciqpoeq luf-eu mae.

Gʼaˬkʼehˇ 20:30

Khoeruqtaf, nawmaf-euq lafkhoer tsawrhaq tiqpavnav deuq dovlar-awr, zaqlanr deuq, aqyawf maf-euq maeqnan cantae larni, yawtsaq yawdawr-euq dawq-anr yurpyawv taef-a.

Gʼaˬkʼehˇ 13:10

heulof-aer aernaeq-euq mae: “Naef sanqpaq-euq zaqyo-or! Nawr-aq, jaqmyawf hawr-eu maershuir tiqbyanni anr-eu nga. Tsaq-awr dawr-eu dawqtawv luf-anr muir-eu ghaq khawf ngeur nga. Sanqpaq Miqyaer-euq garma yawdawr-anr lavghof-eu nawr maq naqler-eu le siq laq?

Maꞈtehˬ 24:24

Aqjeq mirnae aernar-aq, Kali jaqmyawf deuq hawr-eu Miqyaer gharduq ngaeqdan-eu jaqmyawf deuq dovle-awr, ghaenya nar-aq, Miqyaer nae tserdov taq-euq tsawrhaq deuq-anr sheuqbanq ghaeni, huiq duidui-eu bisiq bimawr-eu jeq hawr-eu zanq duidui ler paq-aer ghae-eu jeq, aqyawfmaf janrmaeq taef-a.

Gaˬlaˬtiˆ 1:6

Kali-euq guiqlanq yawdzanr-euq lafkhoer nawmaf-anr kur-euq Miqyaer-anr, nawmaf yaw’awr laf-aer byaerdzae-awr, guiqlanqdawq yawqdawq yawq-anr hageuf-euq mirnae, ngar zanq duidui ler nya.