Gaˬlaˬtiˆ 1:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Kali-euq guiqlanq yawdzanr-euq lafkhoer nawmaf-anr kur-euq Miqyaer-anr, nawmaf yaw’awr laf-aer byaerdzae-awr, guiqlanqdawq yawqdawq yawq-anr hageuf-euq mirnae, ngar zanq duidui ler nya.

Akha

⁶ Ka li-euˬ guiˬ lahˬ yaw dzahˇ laꞈ kʼoeˇ naw maꞈ-ahˇ kuˇ-euˬ gʼaˬ-ahˇ naw maꞈ yaw awˇ laꞈ-ehˇ byehˇ dzeh-awˇ, Laˬ kʼaˬ cehˇ-eu Guiˬ lahˬ dawˬ yawˬ hmˬ yawˬ-ahˇ ha geuꞈ-eu kawˇ dui dui gaˇ ngaˇ zahˬ dui dui leˇ nya.

Gaˬlaˬtiˆ 1:6 Referans Kwoze

2 Gawˇliˬtu 11:4

Nga’maf nae dawqmaeq maeq-euq Yeqsur maqngeur-eu, Yeqsur nuighaq-euq garkawv maeqlar-awr, nawmaf nae hageuf-euq Saflar maqngeur-eu, saflar nuijeq-anr hageuf-eu uqtaf, nawmaf nae hageuf-euq guiqlanqdawq maqngeur-eu, guiqlanqdawq nuijeq-anr hageuf-awr nae zawr-aer daqnya-eu nga aerlawq!

Jaceuq 106:13

Ghawqmyanr maqghae-aer, aqyawfmaf, aqyawf nae mr-euq jeq ngaer-awr; Aqyawfmaf, aqyawf maeqbawq bif-eu gar maqpar dawq-eu mae.

1 Tiˆmoˇseˬ 1:3

Ngar, Maqgeqdawrniv mirkhanq-anr le-eu laer ghae ngae, tsawrhaq tiqpavnav deuq-anr dawq bibif-eu gharduq, nawq-anr heulof-aer tanqshar-euq ma, “Erpersu-anr jawryaf-awr, ‘Dawqmaeq dawqtsov nuijeq taqpar maeq.

1 Gawˇliˬtu 4:15

Kali-euq garkawv nawmaf-anr maeqnaeq-eu 10,000 ghaq jawr-eu khawf, aqda ghawqmya ghaq jawr-eu maqngeur-a. Aqjeq mirnae aernar-aq, ngar guiqlanqdawq maeq-awr, Yeqsur Kali-euq lafkhoer nawmaf-anr ngaq-euq zaq bi pyeuflar-euq ma.

Gʼaˬkʼehˇ 15:11

Sanqpaq Yeqsur Kali-euq guiqlanq yawdzanr-euq baqda’nae, aqdui yabuq-ir taef-a laer aqdui jan-eu ma. Aqyawfmaf khawf khoerlof-aer yabuq-ir taef-a.”

Gaˬlaˬtiˆ 5:4

Nawmaf, zanrdawq-euq baqda’nae tsaq-awr dawr-eu tsawrhaq pyeuflar taef-a laer kharnoeq-eu deuq-aq, Kali-anr maqpar taf-aer, guiqlanq yawdzanr-anr nae dov-ir-euq mae.

Lormav 10:3

Aqjeq mirnae aernar-aq, aqyawfmaf, Miqyaer-euq tsaq-awr dawr-eu jeq-anr maq siqnya-aer, yawqha-euq tsaq-awr dawr-eu jeq mrdov-eu laer laejae-eu mae. Khoermirnae, aqyawfmaf, Miqyaer-euq tsaq-awr dawr-eu jeq-euq uqmov maqjawr-a.

1 Tiˆmoˇseˬ 1:14

Aqdui-euq Sanqpaq Miqyaer-euq guiqlanq yawdzanr myaqgar maq aerjircoer nya. Yeqsur Kali-euq lafkhoer anr-eu jan-eu jeq hawr-eu gaq-eu jeq ngaq-anr bifnaeq laf-euq mae.

Panmaeq 22:21

Sanqpaq Yeqsur Kali-euq guiqlanq yawdzanr, nawmaf yawqghaq navluf-euq khoertav jav luf-ur. Aqmeq.

2 Tiˆmoˇseˬ 2:1

Khoermirnae, ngaqli-or! Nawr, Yeqsur Kali-euq guiqlanq yawdzanr-euq lafkhoer ghaq khavlar-awq.

2 Tiˆmoˇseˬ 1:9

Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.

2 Teˇsaˬloˇni 2:14

Nawmaf, aqdui-euq Sanqpaq Yeqsur Kali-euq yawshaef khanqsaer za’ni, Miqyaer, nga’maf nae maeq-euq guiqlanq dawq-anr ghoe-awr, nawmaf-anr kur-euq mae.

Lormav 5:2

Aqdui, Kali-anr ghoe-awr jan-eu baqda’nae, guiqlanq yawdzanr-euq lafkhoer ya urler-awr yawfluf-eu ma. Miqyaer-euq yawshaef khanqsaer-anr noeqtmq luf-eu mirnae laqkhaq caer-eu ma.

Yoˇhaˬ 9:30

Khoerghaq, aqyawf, aqyawf maf-anr heulof-aer aerkhof naeq-euq mae, “Nawmaf, aqyawf aqgeugar nae oe-euq la laer maq siqnya-eu mirnae, ngaq-anr zanq duidui ler mir-a. Aqjeq mirnae aernar-aq, aqyawf, ngaq-euq myavnuiv bi mawrnya lar-euq mae.

2 Beˬtuˆluˆ 1:3

Aqdui-anr yawshaef khanqsaer hawr-eu yawmuiq yawjaq jeq-anr ghoe-awr nae, kur-euq ghaq-anr aqdui siqnya-eu mirnae, Miqyaer, aqyawf-euq baoq-anr ghoe-awr nae, Miqyaer-anr yawzeu baw-awr, yawdaef daef-eu gar taf-eu yawqjeq navluf, aqdui-anr bifnaeq laf-euq mae.

1 Beˬtuˆluˆ 1:15

Nawmaf-anr kur-euq ghaq yawshawr mirnae, nawmaf khawf yawqjeq navluf-euq lafkhoer yawshawr shawr-aer daef-awq.

Maˬkuˆ 6:6

Aqyawfmaf maqjan-eu mirnae, Yeqsur zanq duidui ler-euq mae. Khoernar-aq, Yeqsur khoergar tiqjawq jav-eu pudeuq-anr ir-awr, maeqnaeq tsovnaeq-ir-euq mae.

Lormav 8:28

Miqyaer, aqyawf-anr khargaq-eu tsawrhaq-euq gharduq, yawqjeq navluf-euq lafkhoer nae, yawmuiq jeq bi dovlar-eu mae laer aqdui siqnya ma. Miqyaer nae noeqtaq-euq lof-aer pyeuflarni, aqyawf, tsawrhaq khoerdeuq-anr kur-euq mae.

Lormav 8:30

Khoeruqtaf, yawbae ngae nae aqyawf nae tserdov taq-euq tsawrhaq-anr aqyawf kur-euq mae. Aqyawf nae kur-euq deuq-anr mrshawr-euq tsawrhaq bi pyeuflar-euq mae. Aqyawf nae mrshawr-euq deuq-anr aqyawf-euq yawshaef khanqsaer biza-euq mae.

2 Gawˇliˬtu 2:17

Tsawrhaq ghawqmya ghaq, pyur za’ni Miqyaer-euq dawq maeqluf-eu mae. Aerkhawf, nga’maf-aq, khoerlof-aer ghae-eu tsawrhaq maqngeur. Miqyaer-anr nae za-euq lof-aer Miqyaer-euq maeqshi, Kali-euq lafkhoer dawrcoeni maeq-eu ma.

Gaˬlaˬtiˆ 1:7

Aqdir aernar-aq, guiqlanqdawq yawqdawqyawq maqjav-a. Aerkhawf, tsawrhaq tiqghaqnav, nawmaf-anr yawbanq yawlanr-aer bipyeuf-ir-awr, Kali-euq guiqlanq dawq-anr yurpyawv mawf-eu mae.

Gaˬlaˬtiˆ 1:11

Aqyuif aqnyir deuq-or! Ngar maeqluf-eu guiqlanqdawq heu-aq, tsawrhaq-anr nae dovlar-euq maqngeur-a laer ngar, nawmaf-anr bi siqnya’mawf mir-a.

Gaˬlaˬtiˆ 1:15

Aerkhawf, ngar, aqma-euq uqpanq-euq lafkhoer urngae nae ngaq-anr tserdov-awr, aqyawf-euq guiqlanq yawdzanr nae ngaq-anr kurnaeq laf-euq Miqyaer-aq,

Gaˬlaˬtiˆ 2:2

Miqyaer, ngaq-anr panmaeq naeqlaf-euq mirnae le-euq ma. Ngaq nae aqcawq tsawrjeuq tsawrca-anr guiqlanqdawq maeqnaeq-euq garkawv, aqyuif aqnyir deuq-anr dzawrnaeq-euq ma. Aerkhawf, ter dov-eu deuq-anr taef-aer ciqcurni dzawrnaeq-euq ma. Nymq-mr ngar mrluf-eu jeq hawr-eu mrdzeur yaf-euq jeq yawqngaef-aer maqya pyeufni dzawrnaeq-euq ma.

Gaˬlaˬtiˆ 2:5

Guiqlanq dawq-euq yawtsaq yawdawr jeq nawmaf-euq lafkhoer zifnya’ni, nga’maf, aqyawf maf-euq dawq-anr tiqpawf-iq maq narhaq-aq.

Gaˬlaˬtiˆ 2:7

Aqyawfmaf tiqjeq-iq maq maeqnaeq laf-euq uqtaf, bawkhov maeqdzaq yaeq-euq deuq-anr guiqlanqdawq maeqnaeq-awq laer Beqtuvluv-anr khaertaq-euq lof-aer, bawkhov maeqdzaq maqyaeq-euq deuq-anr guiqlanqdawq maeqnaeq-awq laer ngaq-anr khaertaq-euq nga laer aqyawfmaf yasiq-euq mae.

Gaˬlaˬtiˆ 2:14

Ngar, aqyawfmaf, guiqlanq dawq-euq yawtsaq yawdawr-euq maeqnan dawrcoeni maq cantae-eu gar ya’mawr ngae, aqyawfmaf dawqtawv luf-euq maeqshi Beqtuvluv-anr heulof-aer aernaeq-euq ma, “Nawr, Yurdav tsawrhaq pyeuf-eu khawf, Yurdav tsawrhaq lof-aer maqdaef-aer, aqcawq tsawrjeuq tsawrca lof-aer daef-eu gar nae, aqjeq mirnae, aqcawq tsawrjeuq tsawrca, Yurdav tsawrhaq lof-aer yadaef-eu mae laer katir-eu le?”

Gaˬlaˬtiˆ 5:14

Aqjeq mirnae aernar-aq, zanrdawq dawqtawvluf dawq heudawq-euq lafkhoer byanlar jir-euq mae, “Yawqha-euq mawrdo-anr gaq-eu lof-aer, yawqha-euq dawqpae jawr-eu tsawrhaq-anr gaq-awq.” (Lb 19:18)