Gaˬlaˬtiˆ 1:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Mqmaq maqbyav yarzir Miqyaer-euq yawshaef khanqsaer huiq luf-ur! Aqmeq.

Akha

⁵ Mˬ maˬ maˬ byaˆ zaˇ ziˇ Miˬyehˇ yaw shehꞈ kʼahˬ sehˇ huiˬ luꞈ-uˇ. Aˬ miˬ.

Gaˬlaˬtiˆ 1:5 Referans Kwoze

Lormav 11:36

Aqjeq mirnae aernar-aq, kharjawr kharjav-eu yawqjeq navluf, aqyawf-anr nae dovle-awr aqyawf-euq baqda’nae javluf jawrluf-awr, aqyawf-euq gharduq taef mae. Mqmaq maqbyav yarzir aqyawf-anr yawshaef khanqsaer damqnaeq kar-eur. Aqmeq.

Yuˇdaˆ 1:25

Yawshaef khanqsaer hawr-eu huiq duidui-eu khanqsaer, Uvlanr-eu baoq hawr-eu aryaq, Nymq-mr nae mqmaq maqbyav yarzir, Aqdui-euq Kakhof-eu ghaq pyeuf-eu, Aqyawf tiq ghaq taef-aer tsawrganr byan-eu Miqyaer-euq pyeuf luf-ur. Aqmeq.

HeˬByehˇ 13:21

nawmaf, aqyawf nuima tsaq-eu lof-aer mrnya’ni, aqyawf, nawmaf-euq lafkhoer yawmuiq yawqjeq navluf bi byanlar luf-eu mae. Yeqsur Kali-anr ghoe-awr, aqyawf-euq maeqshi aqyawf nuikhanr shir-eu jeq, aqdui-euq lafkhoer mrnaeqlaf luf-ur. Arsaq saq-eu maqbawni yawshaef khanqsaer dawqtawvluf Kali-anr a’naeq kar-eur. Aqmeq.

Jaceuq 72:19

Yawshaef khanqsaer huiq-eu aqyawf-euq tsawrmyanr-anr, Mqmaq maqbyav yarzir jaceuq-awq! Aqyawf-euq yawshaef khanqsaer mirtsaq tanqkhawr dawqtawv luf-euq khoertav byan luf-ur. Aqmeq. Aqmeq.

Panmaeq 14:7

Aqyawf, tersar yawkhav khav-aer aer-eu, “Miqyaer-anr guv-awr, aqyawf-anr ciqhuiq ciqmanr-awq. Aqjeq mirnae aernar-aq, aqyawf yarkhaq dar-eu aryamq keuvle-euq mae. Mq hawr-eu mir, iqmalavshav hawr-eu ircuf irbyoe deuq-anr bae-euq ghaq-anr uqduq tanq-awq.”

Panmaeq 7:12

aer-eu, “Aqmeq. Jaceuq-eu jeq hawr-eu yawshaef khanqsaer, Zaqsiq tsawrganr hawr-eu guiqlanq-anr jaceuq-eu jeq, Taqhuiq taqmanr-eu jeq, baoq hawr-eu ghaq dawqtawvluf, Mqmaq maqbyav yarzir, aqdui-euq Miqyaer-anr of luf-ur. Aqmeq.”

Panmaeq 5:12

Aqyawfmaf tersar yawkhav khav-aer aer-eu, “Saef-euq gar yadaq-euq Yawrzaq-aq, Baoq hawr-eu pyurshuir myawqganq, zaqsiq tsawrganr hawr-eu ghaq, Taqhuiq taqmanr-eu jeq, yawshaef khanqsaer hawr-eu jaceuq-eu jeq, Heudeuq dawqtawvluf za-eu geux-eu mae!”

2 Beˬtuˆluˆ 3:18

Aqdui-euq Sanqpaq hawr-eu Kakhof-eu ghaq pyeuf-eu Yeqsur Kali-euq guiqlanq yawdzanr hawr-eu aqyawf-anr siqnya-eu jeq-euq lafkhoer, huiqlar manrlar-awq. Nymq-mr nae arsaq saq-eu maqbawni, yawshaef khanqsaer aqyawf-anr damqnaeq kar-eur. Aqmeq.

1 Beˬtuˆluˆ 5:11

Yawshaef khanqsaer hawr-eu uvlanr-eu baoq dawqtawvluf, arsaq saq-eu maqbawni aqyawf-euq mae. Aqmeq.

2 Tiˆmoˇseˬ 4:18

Sanqpaq Yeqsur, ngaq-anr yawdoer yawqjeq navluf-anr nae bibuq-ir naeqlaf-awr, ngar, aqyawf-euq mqtav mirkhanq-anr ya urler ngae keuvni, ngaq-anr sheuqkeuv naeqlaf taef-a. Li-eu maqbawni yawshaef khanqsaer dawqtawvluf, aqyawf-anr damqnaeq kar-eur. Aqmeq.

1 Tiˆmoˇseˬ 1:17

Tsawrhaqzaq-anr maq mawrlar-aer, maq shirnya-eu, mqmaq maqbyav yarzir-euq Sanqpaq pyeuf-awr, aqyawf tiq ghaq taef-aer zaqsiq tsawrganr byan-eu Miqyaer-anr, li-eu maqbawni yawzeu baw-awr, aqyawf-euq yawshaef khanqsaer-anr jaceuq kar-eur. Aqmeq.

Piˇliˇpiˆ 4:20

Aqdui-euq Aqda Miqyaer, mqmaq maqbyav yarzir yawshaef khanqsaer huiq luf-ur. Aqmeq.

Eˇpeˇsu 1:12

Khoer-aq, aqcawq-euq maeqhu Kali-euq lafkhoer noeqtmq-eu deuq, aqyawf-euq yawshaef khanqsaer-anr bi jaceuq-eu gharduq mae.

Lormav 16:27

Miqyaer tiq ghaq taef-aer tsawrganr byan-eu mirnae, Yeqsur Kali-anr ghoe-awr, mqmaq maqbyav yarzir aqyawf-anr ciqhuiq ciqmanr kar-eur. Aqmeq.

Luˇkaꞈ 2:14

“Gor duidui-eu gar jawr-eu Miqyaer-euq yawshaef khanqsaer huiq luf-ur! Mirtsaq-euq khoertav, aqyawf nuikhanr shir-eu tsawrhaq deuq nuisar of luf-ur!”

Maꞈtehˬ 28:20

Ngaq nae nawmaf-anr biftaq-euq dawq yawqdawq navluf-anr aqyawfmaf narhaq geufni maeqnaeq tsovnaeq-awq. Mirtsaq heu arsaqsaq ngae keuvni, ngar, nawmaf naeq-aer aqmyanluf jawr ma.” Aqmeq.

Maꞈtehˬ 6:13

Iqbax murjur jur-eu maeqnan nga’maf-anr taqbi ir laf. Yawdoer jeq-anr nae nga’maf-anr bidzeur-ir laf. Uvlanr-eu jeq, baoq hawr-eu yawshaef khanqsaer dawqtawvluf, mqmaq maqbyav yarzir nawq-euq mae. Aqmeq.

Jaceuq 41:13

Mqmaq maqbyav yarzir-anr nae, mqmaq maqbyav yarzir-anr keuvni, Irsaqleqlav-euq Miqyaer pyeuf-eu Ya’we Miqyaer-anr jaceuq-awq! Aqmeq hawr-eu Aqmeq.

1 Gawˇliˬtu 8:13

Khoermirnae, dzaqdzaq dawrdawr-euq baqda’nae, ngar, ngaq-euq aqyuif aqnyir-anr sanqtif bitif-ir nar-aq, ngaq-euq aqyuif aqnyir sanqtif maqya tifni, aqkar nar-aq, ngar shaqjir tiqjawr-iq maqpar dzaq ma.