Gaˬlaˬtiˆ 1:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Aerkhawf, ngar, aqma-euq uqpanq-euq lafkhoer urngae nae ngaq-anr tserdov-awr, aqyawf-euq guiqlanq yawdzanr nae ngaq-anr kurnaeq laf-euq Miqyaer-aq,

Akha

¹⁵ Ehˇ kʼawꞈ, ngaˇ maˬ dehꞈ doˆ le mi naˆ-ehˇ Miˬyehˇ gʼawˬ shaˬ gaˬ-eu jeˬ neh ngaˬ-ahˇ tseˇ doˆ gʼaˬ-awˇ, aˬ yawꞈ-euˬ gaˇ bi mˇ-eu gʼaˇ duˬ ngaˬ-ahˇ kuˇ-euˬ meh.

Gaˬlaˬtiˆ 1:15 Referans Kwoze

2 Tiˆmoˇseˬ 1:9

Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.

Eˇpeˇsu 1:5

Miqyaer nuima tsaq-awr nuikhanr shir-eu lof-aer, Yeqsur Kali-anr ghoe-awr nae aqdui, aqyawf-euq zaq pyeuflarni, Miqyaer yawbae ngae nae tserdov taq-euq mae.

1 Gawˇliˬtu 1:9

Miqyaer-aq, sarjax zif-eu mae. Aqyawf-euq Zaqyo pyeuf-eu aqdui-euq Sanqpaq Yeqsur Kali naeq-aer, cawq bicawq-eu laer aqyawf, nawmaf-anr kur-euq mae.

Lormav 1:1

Ngar-aq, Yeqsur Kali-euq kuirlaf zaqkhav Pawrluv ma. Miqyaer, ngaq-anr ghaqkhaer geuf laer kur-awr, Miqyaer-euq guiqlanq dawq-euq gharduq bi tserpav taq-euq tiq ghaq ma.

Gʼaˬkʼehˇ 13:2

Aqyawfmaf, Sanqpaq Miqyaer-anr uqduq tanqtanq-aer dzardzaq sheuqluf ngae, Yawshawr Saflar, aqyawf maf-anr aernaeq-eu, “Ngaq nae aqyawf nyaf-anr kurtaq-awr bi mr-eu laer ghaer-eu gar deuq-anr mrni, ngaq-euq gharduq Baqnaqbar hawr-eu Sawrluv-anr tserpavdov taq-awq.”

Gʼaˬkʼehˇ 9:15

Khoerngae, Sanqpaq Yeqsur, aqyawf-anr heulof-aer aernaeq-euq mae: “Ir-awq. Aqjeq mirnae aernar-aq, aqyawf-aq, aqcawq tsawrjeuq tsawrca, sanqpaq deuq hawr-eu Irsaqleqlav tsawrhaq-euq maeqshi, ngaq-euq tsawrmyanr bipi-awr bi tsafgaq-eu laer ngaq nae tserdov taq-euq ngaq-euq keuka ma.

Lormav 8:30

Khoeruqtaf, yawbae ngae nae aqyawf nae tserdov taq-euq tsawrhaq-anr aqyawf kur-euq mae. Aqyawf nae kur-euq deuq-anr mrshawr-euq tsawrhaq bi pyeuflar-euq mae. Aqyawf nae mrshawr-euq deuq-anr aqyawf-euq yawshaef khanqsaer biza-euq mae.

Lormav 1:5

Nga’maf, aqyawf-euq baqda’nae, guiqlanq yawdzanr za-awr ghaqkhaer yageuf-euq ma. Khoer-aq, aqyawf-euq tsawrmyanr gharduq hawr-eu mirkhanq-euq tsawrjeuq dawqtawv luf-euq ghanrcae nae, jan-awr narhaq geuf-eu tsawrhaq bi dovlar-eu gharduq mae.

Maꞈtehˬ 11:26

Aqda-or! Heu-aq, nawr nuima tsaq-eu jeq pyeuf-eu mae.

1 Beˬtuˆluˆ 5:10

Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.

Eˇpeˇsu 3:11

Miqyaer nae mqmaq maqbyav yarzir noeqtsaev taq-euq lof-aer, aqdui-euq Sanqpaq Yeqsur Kali-euq lafkhoer bi byanlar-euq mae.

Eˇpeˇsu 1:9

Miqyaer, aqyawfghaq nae noeqtsaev taq-euq jeq, aqyawf nuikhanr shir-eu mirnae, zaftaq-euq aqyawf nuima tsaq-eu jeq aqdui-anr bi siqnya naeqlaf-euq mae.

Gaˬlaˬtiˆ 1:6

Kali-euq guiqlanq yawdzanr-euq lafkhoer nawmaf-anr kur-euq Miqyaer-anr, nawmaf yaw’awr laf-aer byaerdzae-awr, guiqlanqdawq yawqdawq yawq-anr hageuf-euq mirnae, ngar zanq duidui ler nya.

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

1 Gawˇliˬtu 1:24

Aerkhawf, Miqyaer nae kharkur taq-euq tsawrhaq-euq gharduq-aq, Yurdav tsawrhaq hawr-eu Heqlaqsar tsawrhaq-euq gharduq khawf, Kali-aq, Miqyaer-euq baoq hawr-eu Miqyaer-euq zaqsiq tsawrganr pyeuf-eu mae.

1 Gawˇliˬtu 1:1

Miqyaer nuima tsaq-awr, Yeqsur Kali-euq ghaqkhaer bigeuf-eu laer kurtaq-euq, Pawrluv hawr-eu maernmr Surdeq nga’nyaf,

Luˇkaꞈ 10:21

Khoerngae, Yeqsur, Yawshawr Saflar-euq baqda’nae laqkhaq caer-awr heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-euq mae. Aqda-or! Heu-aq, nawr nuima tsaq-eu jeq pyeuf-eu mae.

Lormav 9:24

Oeqlanq khoer-aq, Miqyaer nae kur-euq aqduimaf ma. Yurdav tsawrhaq-euq lafkhoer taef-aer maqngeur-aer, aqcawq tsawrjeuq tsawrca-anr khawf kurdov naeqlaf-euq mae.

Lormav 8:28

Miqyaer, aqyawf-anr khargaq-eu tsawrhaq-euq gharduq, yawqjeq navluf-euq lafkhoer nae, yawmuiq jeq bi dovlar-eu mae laer aqdui siqnya ma. Miqyaer nae noeqtaq-euq lof-aer pyeuflarni, aqyawf, tsawrhaq khoerdeuq-anr kur-euq mae.

1 Gawˇliˬtu 1:21

Miqyaer, aqyawf-euq zaqsiq tsawrganr-euq lafkhoer noeqtsaev taq-euq lof-aer nar-aq, mirtsaqzaq, yawqha-euq zaqsiq tsawrganr-anr ghoe-awr nae Miqyaer-anr siqnya larni maqngeur-a. Zaqsiq tsawrganq maqanr-eu gar dur-eu, guiqlanqdawq maeq-eu gar jan-eu tsawrhaq deuq-anr kakhof-eu Miqyaer nuikhanr shir-eu mae.

Gaˬlaˬtiˆ 1:1

Ngar-aq, ghaqkhaer Pawrluv ma. Ngar ghaqkhaer geufluf-eu-aq, tsawrhaq nae bi geufnaeq laf-euq maqngeur-aer, tsawrhaqzaq nae aryaq bifnaeq laf-euq khawf maqngeur-a. Yeqsur Kali hawr-eu aqyawf-anr shir-euq gar-anr nae bi ghofdaef lar-euq Aqda Miqyaer nae bi geufnaeq laf-euq mae.