Gaˬlaˬtiˆ 1:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Nymq-mr, tsawrhaq, ngaq-anr nuima tsaqni ngar mrluf-eu nga lor? Maqngeur nar-aq, Miqyaer nuima tsaqni mrluf-eu nga laq? Tsawrhaq, ngaq-anr nuikhanr bishir-eu laer ngar povluf-eu nga lor? Tsawrhaq, ngaq-anr nuikhanr bishir-eu laer ngar povluf-eu ngeur nar-aq, ngar-aq, Kali-euq zaqkhav maqngeur-a.

Akha

¹⁰ Tsawˇ haˬ zaˬ ngaˬ-ahˇ nui ma tsaˬ ni ngaˇ mˇ luꞈ-eu nga loˇ. Maˬ ngeuˇ. Miˬyehˇ nui ma tsaˬ-eu jeˬ-ahˇ ngaˇ mawꞈ-eu ma. Tsawˇ haˬ zaˬ nui kʼahˇ shiˇ-eu jeˬ-ahˇ ngaˇ leh jeh luꞈ-eu nga loˇ. Kʼoeˇ loꞈ-ehˇ mˇ naˇ, ngaˇ Ka li-euˬ zaˬ kʼaˆ maˬ paˇ ngeuˇ-aˇ.

Gaˬlaˬtiˆ 1:10 Referans Kwoze

1 Teˇsaˬloˇni 2:4

Aerkhawf, guiqlanqdawq maeqni Miqyaer, nga’maf-anr tsermr ghaq-awr, nga’maf-anr ghoe-awr bimaeq naeqlaf-euq mae. Nga’maf, tsawrhaq nuikhanr shirni maeq-eu maqngeur, aqdui-euq nuima-anr tsermr-eu Miqyaer nuikhanr shirni maeq-eu ma.

Gʼaˬkʼehˇ 5:29

Khoerngae, Beqtuvluv hawr-eu ghaqkhaer deuq heulof-aer aerkhof-euq mae: “Nga’maf, tsawrhaq-euq dawq-anr navmaqtser, Miqyaer-euq dawq-anr narhaq geuf-eu tsaq mae.

Eˇpeˇsu 6:6

Tsawrhaqzaq nuikhanr bishir-eu laer, aqcawq mawr ngae taef-aer mr-eu jeq taqbi pyeuf. Kali-euq kuirlaf zaqkhav lof-aer, nuima-euq lafkhoer nae Miqyaer nuima tsaqni mr-eu jeq bipyeuf-awq.

Yaˬkoˆ 4:4

Banqluf muvluf-eu tsawrhaq deuq-or! Nawmaf, mirtsaq naeq-aer cawq cawq-eu deuq-aq, Miqyaer-anr muir-eu jeq pyeuf-eu mae laer maq siqnya-eu le lor? Khoermirnae, mirtsaq naeq-aer cawq khar cawqmawf-eu tsawrhaq-aq, Miqyaer-anr muir-eu tsawrhaq mae.

Maꞈtehˬ 22:16

Khoernar-aq, aqyawf maf-euq zaqlanr hawr-eu Heqlor-euq armur-anr ur-eu tsawrhaq deuq-anr, Yeqsur jawr-eu gar khaerghae-awr heulof-aer bi narhaq-euq mae, “Saqlaq-or! Nawr-aq, tsaq-awr dawr-eu tiq ghaq pyeuf-awr, yawtsaq yawdawr dawr-aer Miqyaer-euq garma maeq-eu mae. Aqcawq noeqdoer lar-eu gar khanq maqlanr-aer, myavpyawq huiqnyir khawf maqtser-a laer nga’maf siqnya ma.

Gawˇlawˇsehˇ 3:22

Zaqkhav deuq-or! Yawqjeq navluf-euq lafkhoer, mirtsaq-euq khoertav jawr-eu nawmaf-euq yawsanr ghaq-euq aerdawq narhaq geuf-awq. Tsawrhaq nuikhanr bishir-eu laer aqcawq bimawrni taef-aer mr-eu jeq taqbi pyeuf. Nuima shawrjaevni ghae-awr, Sanqpaq Yeqsur-anr yawzeu baw-eu lafkhoer narhaq geuf-awq.

Lormav 2:29

Lafkhoer paw Yurdav tsawrhaq pyeuf-eu ghaq taef-aer aqdir Yurdav tsawrhaq mae. Aqdir bawkhov maeqdzaq yaeq-euq tsawrhaq-aq, nuima-euq lafkhoer yaeq-eu mae. Boftaq-euq zanrdawq khofdawq-euq baqda’nae maqngeur-a, muiq-eu Saflar baqda’nae mae. Khoerlof-aer ghae-eu tsawrhaq-anr jaceuq-eu-aq, tsawrhaq maqngeur-a, Miqyaer mae.

1 Yoˇhaˬ 3:9

Miqyaer-anr nae daefle-euq aqsur ghaq maqkaq, iqbax maqmr-a. Aqjeq mirnae aernar-aq, Miqyaer-euq aryoeq aqyawf-euq lafkhoer anr-eu mae. Aqyawf, Miqyaer-anr nae daefle-euq mirnae, iqbax maqpar mr-ar.

2 Gawˇliˬtu 12:19

Nawmaf nymq-mr keuvni, nga’maf, yawqha-euq garkawv jashaw-eu laer ja-eu nga laer taef-aer noeq-eu le siq laq? Nga’maf-aq, Miqyaer-euq maeqshi Kali-euq lafkhoer ngaeqluf-eu ma. Ngar zawr gaq-eu cawqdeuq-or! Heudeuq dawqtawvluf nawmaf bihuiq bi manrlar-eu laer mrluf-eu ma.

Lormav 2:8

Aerkhawf, yawqha-euq gharduq taef-aer sharnoeq-eu tsawrhaq hawr-eu yawtsaq yawdawr dawq-anr maq narhaq geuf-aer, maqtsaq maqdawr-eu jeq-anr narhaq geuf-eu tsawrhaq-euq khoertav, Miqyaer nuima dav-awr nuima paer-eu jeq keuvle taef-a.

Lormav 1:1

Ngar-aq, Yeqsur Kali-euq kuirlaf zaqkhav Pawrluv ma. Miqyaer, ngaq-anr ghaqkhaer geuf laer kur-awr, Miqyaer-euq guiqlanq dawq-euq gharduq bi tserpav taq-euq tiq ghaq ma.

1 Gawˇliˬtu 10:33

Ngar kharmr-eu yawqjeq navluf-euq lafkhoer, tsawrhaq dawqtawvluf nuikhanr shirni mr-eu lof-aer, aqyawfmaf kakhof-eu jeq za’ni, ngar, yawqha-anr muiqlar-eu jeq maqpov-aer, tsawrhaq ghawqmya ni-anr muiqni povluf-eu ma.

Maꞈtehˬ 28:14

Garkawv heu meuqsanr-anr gaqkeuvler nar-aq, nawmaf tiqjeq-iq maqlaeq-a laer nga’maf japirnaeq ma.”

Gʼaˬkʼehˇ 12:20

Heqlor-aq, Durlu hawr-eu Sirdoq-anr jawr-eu tsawrhaq deuq-anr nuima paer duidui-eu mae. Khoermirnae, aqyawfmaf nuima tiqgar gm-awr, aqyawf jawr-eu gar lar-euq mae. Sanqpaq-anr cawba-eu ghaq Baqlaqdur laer kur-eu ghaq-anr bawqdzaq tsaq-awr, tsaqler dzoerlerni sharler-euq mae. Aqjeq mirnae aernar-aq, aqyawf maf-euq dzaqdzaq dawrdawr Heqlor-euq mirkhanq-anr ghoeluf-eu mae.

Maꞈtehˬ 6:24

“Tsawrhaq tiqghaq-iq yawsanr nyiq ghaq-euq zaqkhav maqgeuf nya-ar. Tiq ghaq-anr byae nar-aq, tiq ghaq-anr gaq-eu mae. Maqngeur nar-aq, tiq ghaq-anr yawzeu baw-awr, tiq ghaq-anr yaeqbawq-aer ghae-eu mae. Nawmaf, tiqyamq-euq lafkhoer, Miqyaer-euq hawr-eu pyurshuir myawqganq-euq kuirlaf zaqkhav maq geufnya-a.

Piˇliˇpiˆ 1:1

Yeqsur Kali-euq kuirlaf zaqkhav pyeuf-eu Pawrluv hawr-eu Tivmorseq nga’nyaf, Pirlirpiv-anr jawr-eu Yeqsur Kali-euq tsawrshawr dawqtawv luf-anr khawf, Kalizaq armur-anr hawpir-eu deuq hawr-eu cawba-eu deuq-anr khawf, sanqbof bofanr lef-eu ma.