Gaˬlaˬtiˆ 1:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngar-aq, ghaqkhaer Pawrluv ma. Ngar ghaqkhaer geufluf-eu-aq, tsawrhaq nae bi geufnaeq laf-euq maqngeur-aer, tsawrhaqzaq nae aryaq bifnaeq laf-euq khawf maqngeur-a. Yeqsur Kali hawr-eu aqyawf-anr shir-euq gar-anr nae bi ghofdaef lar-euq Aqda Miqyaer nae bi geufnaeq laf-euq mae.

Akha

¹ Gʼaˬ kʼehˇ bi geuꞈ-eu gʼaˇ duˬ tsawˇ haˬ zaˬ neh kuˇ-euˬ maˬ ngeuˇ-ehˇ, tsawˇ haˬ zaˬ neh gʼaˬ kʼehˇ ka nehˬ-euˬ kʼawꞈ maˬ ngeuˇ ni, Yeˬsuˇ Ka li hawˇ-eu aˬ yawꞈ-ahˇ bi gʼoꞈ dehꞈ laˇ-euˬ Aˬda Miˬyehˇ neh kuˇ-euˬ gʼaˬ pyeuꞈ-eu ngaˇ Pawˇluˆ hawˇ-eu

Gaˬlaˬtiˆ 1:1 Referans Kwoze

1 Gawˇliˬtu 1:1

Miqyaer nuima tsaq-awr, Yeqsur Kali-euq ghaqkhaer bigeuf-eu laer kurtaq-euq, Pawrluv hawr-eu maernmr Surdeq nga’nyaf,

Panmaeq 1:5

Shir-euq tsawrhaq deuq-anr nae ghofdaef baebae lar-euq ghaq pyeuf-awr, mirtsaq-euq sanqpaq deuq-euq khoertav uvlanr-eu ghaq pyeuf-eu uqtaf, sarjax zif-eu lafkhoer sarkir kamq-eu Yeqsur Kali-euq guiqlanq yawdzanr hawr-eu nuisar of-eu jeq, nawmaf-euq khoertav jav luf-ur. Aqdui-anr gaq-awr aqyawf-euq shiq nae, aqdui-euq iqbax tsiqshawr naeqlaf-euq mae.

Lormav 1:1

Ngar-aq, Yeqsur Kali-euq kuirlaf zaqkhav Pawrluv ma. Miqyaer, ngaq-anr ghaqkhaer geuf laer kur-awr, Miqyaer-euq guiqlanq dawq-euq gharduq bi tserpav taq-euq tiq ghaq ma.

Eˇpeˇsu 3:8

Kali-euq lafkhoer anr-eu, maq povmawr jircoerni sanr-eu guiqlanq deuq, aqcawq tsawrjeuq tsawrca-anr dawqmaeq bimaeq-ir-eu gharduq, tsawrshawr dawqtawv luf-anr nae teqdzaeq dzaeq-eu ghaq pyeuf-eu ngaq-anr, guiqlanq yawdzanr khoer bifnaeq laf-euq mae.

Tiˇtuˆ 1:3

Aryamq tsaq ngae, dawqmaeq maeq-eu gar ghoe-awr, Miqyaer, aqyawf-euq dawq bisiqni, aqdui-anr Kakhof-eu ghaq pyeuf-eu Miqyaer, ngaq-anr khaerdar naeqlaf-euq mae.

2 Gawˇliˬtu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Gawrliqtu-anr jawr-eu Miqyaer-euq Kalizaq armur hawr-eu, Aqgaqyar mirkhanq doeni jawr-eu tsawrshawr dawqtawv luf-anr, aqdui-euq maernmr Tivmorseq, nga’nyaf sanqbof bofanr lef-eu ma.

2 Tiˆmoˇseˬ 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Yeqsur Kali-euq lafkhoer daef-eu jeq za mae laer sarjax dzaqtaq-euq lof-aer maeqnaeq-awq laer Miqyaer, ngaq-anr khaer-eu mae.

Lormav 10:9

Yeqsur-aq, Sanqpaq mae laer nawq-euq khaqmae nae aerdov-awr, Miqyaer, aqyawf-anr shir-euq gar nae bi ghofdaef lar-euq mae laer nawq-euq nuima-euq lafkhoer jan nar-aq, nawr kakhof-eu jeq za taef-a.

Gʼaˬkʼehˇ 22:10

Khoernar-aq, ngar heulof-aer narhaq-euq ma, ‘Sanqpaq-or! Ngar aqjeq yajanr-eu la?’ Khoerngae, Sanqpaq Yeqsur, ngaq-anr aernaeq laf-eu, ‘Tur-awr, Daqmaqsaer-anr urler-awq. Nawq-anr bimr-eu laer tsaq khartsov taq-euq yawqjeq navluf khoergar nawq-anr aernaeqlaf taef-a.’

Gʼaˬkʼehˇ 9:6

Khoernar-aq, aqyawf zanqler taq-awr yawdzuq gan’gan-aer aer-eu, “Sanqpaq-or! Nawr, ngaq-anr aqjeq bi janrmawf-eu nya?” Khoerngae, Sanqpaq Yeqsur, aqyawf-anr aerkhof naeq-eu, “Tur-awr meuq-anr urler-awq. Nawr aqjeq yajanr-eu la laer aqcawq, nawq-anr aernaeqlaf taef-a.”

Panmaeq 2:8

“Saqmeuqnav Kalizaq armur-euq mqtav ghaqkhaer-anr heulof-aer bofnaeq-awq: ‘Ardanq bae-eu hawr-eu Arsaq saq-eu ghaq pyeuf-awr, shir-euq khawf ghofdaef lar-euq khoerghaq heulof-aer aer-eu mae:

Panmaeq 1:18

Dzeurlaf ngae, ngar shir-euq khawf, nymq-mr ngar-aq, daefluf-eu ghaq pyeuf-eu ma. Hawsher-eq, li-eu maqbawni daef-eu ghaq khawf ngeur-eu ma. Aqmeq. Shir-eu jeq hawr-eu shir-eu mirkhanq-euq manqtawf tawfdur, ngaq-euq aqlaf-euq lafkhoer anrluf-eu ma.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

HeˬByehˇ 13:20

Nuisar bif-eu Miqyaer, aqdui-euq Sanqpaq Yeqsur shir-euq gar nae bi ghofdaef lar-euq mae. Yawr bo-eu Yawhuiq khoerghaq, mqmaq maqbyav yarzir zif-eu dawqma sarjax-anr taf-eu shiq-anr ghoe-awr,

Gaˬlaˬtiˆ 1:17

Ngar, Yeqlursaqlaeq-anr le-awr, ngaq-euq jeqhu nae ghaqkhaer geufluf-eu deuq-anr khawf maq lemawr-aq. Tiqpov taef-aer Aqlarbyaq mirkhanq-anr ir-euq ma. Khoernar-aq, Daqmaqsaer-anr ghofler-euq ma.

Lormav 14:9

Heu-euq baqda’nae, shir-euq tsawrhaq hawr-eu daefluf-eu tsawrhaq-euq Sanqpaq Miqyaer pyeufni, Kali shir-awr ghofdaef lar-awr daefluf-eu mae.

Yoˇhaˬ 20:21

Khoerngae, Yeqsur, aqyawf maf-anr par aernaeq-eu, “Nawmaf, nuisar of luf-ur! Aqda, ngaq-anr khaerghae lef-euq lof-aer, ngar khawf, nawmaf-anr khaerghae-eu ma.”

Yoˇhaˬ 10:30

Ngar hawr-eu ngaqDa-aq, tiq ghaq taef ma.”

Yoˇhaˬ 5:19

Khoernar-aq, Yeqsur, aqyawf maf-anr heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, Zaqyo-aq, yawqha yawqha tiqjeq-iq maq mrnya-a. Aqda mr-eu gar mawr-awr, aqyawf mr-eu taef mae. Aqda kharmr-eu yawqjeq navluf Zaqyo khawf mrluf-eu mae.

Gʼaˬkʼehˇ 3:15

Nawmaf, daefzir-euq Sanqpaq pyeuf-eu ghaq-anr saef-euq mae. Aerkhawf, Miqyaer, aqyawf-anr shir-euq gar nae bi ghofdaef lar-euq mae. Nga’nyaf-aq, garkawv heu-euq sarkir pyeuf-eu ma.

Gaˬlaˬtiˆ 1:15

Aerkhawf, ngar, aqma-euq uqpanq-euq lafkhoer urngae nae ngaq-anr tserdov-awr, aqyawf-euq guiqlanq yawdzanr nae ngaq-anr kurnaeq laf-euq Miqyaer-aq,