Gʼaˬkʼehˇ 9:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Khoernar-aq, aqyawf zanqler taq-awr yawdzuq gan’gan-aer aer-eu, “Sanqpaq-or! Nawr, ngaq-anr aqjeq bi janrmawf-eu nya?” Khoerngae, Sanqpaq Yeqsur, aqyawf-anr aerkhof naeq-eu, “Tur-awr meuq-anr urler-awq. Nawr aqjeq yajanr-eu la laer aqcawq, nawq-anr aernaeqlaf taef-a.”

Akha

⁶ Teˇ saˇ kʼoeˇ saˇ aˬ yawꞈ-ahˇ ehˇ-eu, “Ngaˇ-aˬ, nawˇ kʼehˬ luꞈ-eu Yeˬsuˇ ma. Tuˇ-awˇ meuˬ-ahˇ le uˇ-awˬ. Nawˇ aˬ joˆ-ehˇ ya jahˇ-eu gaˇ kawˆ kʼoeˇ gaˇ ehˇ nehˬ laꞈ tehꞈ-a.”

Gʼaˬkʼehˇ 9:6 Referans Kwoze

Gʼaˬkʼehˇ 22:10

Khoernar-aq, ngar heulof-aer narhaq-euq ma, ‘Sanqpaq-or! Ngar aqjeq yajanr-eu la?’ Khoerngae, Sanqpaq Yeqsur, ngaq-anr aernaeq laf-eu, ‘Tur-awr, Daqmaqsaer-anr urler-awq. Nawq-anr bimr-eu laer tsaq khartsov taq-euq yawqjeq navluf khoergar nawq-anr aernaeqlaf taef-a.’

Gʼaˬkʼehˇ 26:16

Tur-awr, nawq-euq aqkuir nae yawf-awq. Aqjeq mirnae aernar-aq, ngar, nawq-anr heu-euq gharduq bimawr-euq ma. Nawq nae ya’mawr-euq garkawv hawr-eu maeqhu paw ngar, nawq-anr panmaeq naeq-eu garkawv deuq, nawr gar mr-awr, sarkir kamqni ngar, nawq-anr tserdov-euq ma.

Piˇliˇpiˆ 2:12

Khoermirnae, ngar zawr gaq-eu cawqdeuq-or! Ngar, nawmaf naeq-aer jawr ngae, nawmaf aqmyanluf ngaq-euq dawq narhaq geuf-euq lof-aer, khoernav maqtser, nymq-mr ngar, nawmaf naeq-aer maqjawr ngae khawf ngaq-euq dawq narhaq geuf-awq. Nawmaf, yawqha-euq kakhof-eu jeq za’nya paq-aer, guv-awr yawdzuq dzuq-eu lafkhoer laejae duidui-awq.

Lormav 10:20

Aerkhawf, Irsaqyar nuima khaqduqni aer-eu, “Ngaq-anr maq sharpov-eu tsawrhaq-anr, Ngar, aqyawf maf-anr bi povmawr-awr, Ngaq-anr maqshar-eu tsawrhaq-anr, Ngar, aqyawf maf-anr byacaevni bimawr ma.” (Isy 65:1)

Lormav 10:3

Aqjeq mirnae aernar-aq, aqyawfmaf, Miqyaer-euq tsaq-awr dawr-eu jeq-anr maq siqnya-aer, yawqha-euq tsaq-awr dawr-eu jeq mrdov-eu laer laejae-eu mae. Khoermirnae, aqyawfmaf, Miqyaer-euq tsaq-awr dawr-eu jeq-euq uqmov maqjawr-a.

Lormav 7:9

Dzeurlaf ngae, ngar, zanrdawq maqjav-aer daef-euq ma. Aerkhawf, zanrdawq khofdawq dovle ngae, iqbax daeflar-awr, ngar-aq, shir-euq ma.

Lormav 5:20

Zanrdawq javle-awr mrbanq lavlaeq-eu jeq myaqlar-euq mae. Aerkhawf, iqbax myaq-eu jawrduq-anr-aq, Miqyaer-euq guiqlanq yawdzanr par myaqdzaeq lar-eu mae.

Gʼaˬkʼehˇ 10:32

Khoermirnae, nawr, Yurbeq meuq-anr tsawrhaq khaerghae-awr, Beqtuvluv laer kur-eu Sirmoq khoerghaq-anr bi kurlaq-ir-awq. Aqyawf-aq, iqmalavshav-euq lawrdzer-anr jav-eu bawkhov janranq-eu Sirmoq-euq nymr-anr jawr-eu mae. Aqyawf larkeuv ngae, aqyawf, nawq-anr ja’maeq naeqlaf taef-a.’

Gʼaˬkʼehˇ 10:22

Khoerngae, aqyawfmaf aer-eu, “Yardzoeq guirhuq Gorneqlir-aq, Miqyaer-anr guv-awr, Yurdav tsawrjeuq tsawrca dawqtawv luf-euq lafkhoer tsawrmyanr muiq-eu, tsaq-awr dawr-eu tiq ghaq mae. Nawq-anr aqyawf-euq irkanr-euq lafkhoer kurur-awr, nawq-euq dawq narhaq-awq laer shawr-eu mqtav ghaqkhaer tiq ghaq, aqyawf-anr aernaeq le-euq mae.”

Gʼaˬkʼehˇ 10:6

Aqyawf-aq, iqmalavshav-euq lawrdzer-anr jav-eu bawkhov janranq-eu Sirmoq-euq nymr-anr jawrluf mae. Nawr aqjeq yajanr-a laer aqyawf, nawq-anr aernaeqlaf taef-a.”

Gʼaˬkʼehˇ 2:37

Aqyawfmaf, dawq khoerdeuq-anr yagaq ngae, nuima-anr zawler-awr, Beqtuvluv hawr-eu ghaqkhaer nuideuq-anr aernaeq-eu, “Aqyuif aqnyir deuq-or! Nga’maf aqjox-aer yajanr-eu la?”

Luˇkaꞈ 3:10

Khoerngae, tsawrhaq armaf mafma deuq, Yorhaq-anr narhaq-eu, “Tox-aer mar-iq, nga’maf aqjox-aer yajanr-eu la?”

Maꞈtehˬ 19:30

Aerkhawf, aqcawq-euq maeqhu jawr-eu tsawrhaq ghawqmya’ni, aqcawq-euq maeqnan yajawr-ir taef-a. Aqcawq-euq maeqnan jawr-eu tsawrhaq ghawqmya’ni, aqcawq-euq maeqhu yajawr taef-a.

Jaceuq 94:12

Ya’we Miqyaer-or! Nawq-euq zanrdawq-anr ghoe-awr maeq-awr tsov-euq; Nawq nae maeqnaeq tsovnaeq-euq tsawrhaq-aq, guiqlanq huiq-eu mae.

Jaceuq 25:12

Ya’we Miqyaer-anr guv-eu tsawrhaq aqsur ghaq la? Aqyawf tsergeuf paq-aer ghae-eu garma, Miqyaer maeqnaeq taef-a.

Yaˬkoˆ 4:6

Aerkhawf, Miqyaer-aq, guiqlanq yawdzanr ghawqmya’ni bifnaeq laf-eu mae. “Miqyaer, nuima huiq-eu tsawrhaq-anr lavtsoeq-awr, nuima nanqyuni anr-eu tsawrhaq-anr guiqlanq yawdzanr bif-eu mae,” (Dd 3:34) laer Yaerbof-euq lafkhoer aertaq-euq mae.

Gʼaˬkʼehˇ 9:5

Khoerngae, aqyawf aer-eu, “Sanqpaq-or! Nawr aqsur ghaq le?” Sanqpaq Yeqsur aer-eu, “Ngar-aq, nawr khaeqluf-eu Yeqsur ma. Nawr jeqzaq-anr tae-eu darcae-anr baev-eu-aq yawshaq mae.”