Gʼaˬkʼehˇ 9:42 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Garkawv heu Yurbeq meuq meuqlan-aer gaqdoe-ir-awr, tsawrhaq ghawqmya’ni Sanqpaq Yeqsur-anr janlar-euq mae.

Akha

⁴² Gaˇ kawˆ kʼoeˇ Yuˇbeˬ meuˬ meuˬ lah-ehˇ gaˬ doe-iˇ-awˇ, tsawˇ haˬ gʼawˬ mya ni Sahˬpaˬ Yeˬsuˇ-ahˇ jah laˇ-euˬ mehl.

Gʼaˬkʼehˇ 9:42 Referans Kwoze

Gʼaˬkʼehˇ 9:35

Lurda hawr-eu Saqlor mirkhanq-anr jawr-eu tsawrhaq dawqtawvluf khoerghaq-anr ya’mawr ngae, Sanqpaq Yeqsur jawr-eu paw pyawrlar jir-euq mae.

Yoˇhaˬ 12:11

Aqjeq mirnae aernar-aq, Yurdav tsawrhaq ghawqmya’ni Laqzaqlur baqda’nae aqyawf maf-euq armur-anr nae dov-ir-awr, Yeqsur-anr jan-ir-euq mae.

Yoˇhaˬ 11:45

Khoernar-aq, Maqliv naeq-aer oe-euq Yurdav tsawrhaq ghawqmya ghaq, Yeqsur nae mr-euq gar ya’mawr ngae, aqyawf-anr janlar-euq mae.

Gʼaˬkʼehˇ 11:21

Sanqpaq Miqyaer-euq aqlaf, aqyawf maf-anr sheuqghae luf-eu mirnae, tsawrhaq ghawqmya’ni Sanqpaq Miqyaer-anr janlar-awr, aqyawf jawr-eu paw pyawrlar-euq mae.

Yoˇhaˬ 12:44

Khoerngae, Yeqsur tersar yawkhav-aer heulof-aer aer-eu mae: “Ngaq-anr jan-eu tsawrhaq-aq, ngaq-anr jan-eu maqngeur-a. Ngaq-anr khaerghae lef-euq ghaq-anr jan-eu mae.

Yoˇhaˬ 11:4

Yeqsur dawq khoerdawq-anr yagaq ngae aer-eu, “Nar-eu khoer-aq, shir-eu gar maqkeuv-ar. Aerkhawf, Miqyaer-euq yawshaef khanqsaer bi dovlar-eu gharduq mae. Nar-eu khoer baqda’nae Miqyaer-euq Zaqyo yawshaef khanqsaer za taef-a.”

Gʼaˬkʼehˇ 9:36

Yurbeq meuq-anr Daqbirtav laer kur-eu zaqlanr pyeuf-euq zaqmiq aqbur tiq ghaq jawr-eu mae. Daqbirtav-aq, Dawkar laer aermawf-eu mae. Aqyawf aqmyanluf yawmuiq jeq mr-awr, gamfnaeq-eu tiq ghaq mae.

Gʼaˬkʼehˇ 9:38

Lurda-aq, Yurbeq meuq-euq dawqpae jav-eu mirnae, Beqtuvluv khoergar jawr mae laer zaqlanr deuq yagaq ngae, aqyawfmaf, aqyawf jawr-eu gar tsawrhaq nyiq ghaq khaerghae lef-awr, maq nyinaqni aqyawfmaf jawr-eu gar oe-awq laer bi tanqshar ler-euq mae.

Gʼaˬkʼehˇ 9:43

Khoernar-aq, Beqtuvluv, Yurbeq meuq-anr jawr-eu Sirmoq laer kur-eu shaqkhov janranq-eu ghaq-euq nymr-anr ghawqmya nan jawr-euq mae.

Gʼaˬkʼehˇ 10:5

Nymq-mr nawr, tsawrhaq khaerghae-awr, Yurbeq meuq-anr jawr-eu Beqtuvluv laer kur-eu Sirmoq-anr bi kurlaq-ir-awq.

Gʼaˬkʼehˇ 10:8

Khoernar-aq, khoerdeuq dawqtawvluf, aqyawf, aqyawf maf-anr jashawnaeq ghaq ngae, Yurbeq meuq-anr khaerghae-euq mae.

Gʼaˬkʼehˇ 11:5

“Ngar, Yurbeq meuq-anr jawr-awr guiqlanq sharluf ngae, ngar yufmav mavmawr-eu lof-aer mawrle-euq lafkhoer, lafcoer oeq coer baw-eu saqpar parma lof-aer ghae-eu tiq hmq, mq-anr nae, ngaq-euq maeqshi pyaeqka lef-euq gar, ngar ya’mawr-euq ma.

Gʼaˬkʼehˇ 11:13

Mqtav ghaqkhaer tiq ghaq, aqyawf-euq irkanr yawfle-euq gar aqyawf aqjox-aer ya’mawr-euq garkawv, khoerghaq, nga’maf-anr dzawrnaeq laf-euq mae. Mqtav ghaqkhaer khoerghaq, aqyawf-anr heulof-aer aernaeq laf-euq mae laer aer-eu mae, ‘Yurbeq meuq-anr tsawrhaq khaerghae-awr, Beqtuvluv laer kur-eu Sirmoq-anr bi kurlaq-ir-awq.