Gʼaˬkʼehˇ 9:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoerngae, Aqnaqnir heulof-aer aerkhof naeq-euq mae: “Sanqpaq-or! Tsawrhaq heughaq-aq, Yeqlursaqlaeq-anr jawr-eu nawq-euq tsawrshawr deuq-anr arnavni lavtanq lavnar naeq-euq garkawv, ngar, ghawqmya ghaq ja-eu gar yagaq-euq ma.

Akha

¹³ Aˬnaˬniˇ ehˇ-eu, “Sahˬpaˬ-oˇ, tsawˇ haˬ heu gʼaˬ gaˇ kawˆ hawˇ-eu, Yeˬluˇsaˬlehˬ meuˬ-ahˇ jawˇ-eu nawˬ-euˬ tsawˇ haˬ deuˬ-ahˇ aˬ yawꞈ neh kʼehˬ-euˬ kʼaˆ-euˬ gaˇ kawˆ, tsawˇ haˬ gʼawˬ mya gʼaˬ ngaˬ-ahˇ ja mehˬ laꞈ-euˬ meh.

Gʼaˬkʼehˇ 9:13 Referans Kwoze

Gʼaˬkʼehˇ 8:3

Aerkhawf, Sawrluv-aq, Kali-euq armur-anr lavcawv luf-eu mae. Aqyawf tiqnymr sair tiqnymr irir-aer, zaqmiq aqbur hawr-eu zaqyo aqli deuq-anr nyaef-awr kuv-anr dawvnaeq-eu mae.

Gʼaˬkʼehˇ 9:1

Khoerngae yamq-anr khawf, Sawrluv-aq, Sanqpaq Yeqsur-euq zaqlanr deuq-anr saef ma laer guvtsiq nyaefnyaef-aer lmqluf-eu mae. Aqyawf, pirma yawhuiq ghaq jawr-eu gar le-awr,

Lormav 16:15

Pirlawrlur hawr-eu Yurliv, Neqlur hawr-eu aqyawf-euq dmrma Awrloqpar hawr-eu aqyawfmaf naeq-aer jawr-eu tsawrshawr yawqghaq navluf-anr khawf dawqcawq puq-eu ma.

Lormav 16:2

Sanqpaq Miqyaer-euq lafkhoer, tsawrshawr deuq mr paq-aer ghae-eu lof-aer, nawmaf, aqyawf-anr hageuf naeq-awq. Aqyawf, nawmaf-anr nae mawf-eu aqgeu jeq maqkaq, nawmaf, aqyawf-anr cawba naeq-awq. Aqjeq mirnae aernar-aq, aqyawf, tsawrhaq ghawqmya ghaq-anr cawba naeqluf-eu uqtaf, ngaq-anr khawf cawba naeqlaf-euq mae.

Lormav 15:31

Yurdav mirkhanq-euq lafkhoer jawr-eu, maqjan-eu tsawrhaq deuq-euq aqlaf-anr nae ngar yabuq-ir ni sharcaw naeqlaf-awq. Yeqlursaqlaeq-anr jawr-eu tsawrshawr deuq, ngaq nae gar mr-euq gar hageufni khawf sharcaw naeqlaf-awq.

Lormav 1:7

Miqyaer zawr gaq-awr, tsawrshawr pyeuflarni bi kurtaq-euq Lormav meuq-anr jawr-eu nawmaf dawqtawv luf-anr ngar sanqbof bofanr laf-euq ma. Aqdui-euq Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu nuisar of-eu jeq nawmaf-euq khoertav jav luf-ur.

Gʼaˬkʼehˇ 22:4

Ngar, Yeqsur-euq Garma-anr can-eu tsawrhaq-anr shir-eu gar keuvni khaeqnaeq khavnaeq haw-euq ma. Zaqyo aqli deuq-anr khawf, zaqmiq aqbur deuq-anr khawf, nyaef-awr kuv-anr dawv-euq ma.

Gʼaˬkʼehˇ 9:32

Khoerngae, heulof-aer pyeuflar-euq mae. Beqtuvluv doedoe-aer can-awr, Lurda-anr jawr-eu tsawrshawr jawr-eu gar oeka-euq mae.

Maꞈtehˬ 10:16

“Hawsher-eq, ngar, nawmaf-anr khaqyaer baqmaf-euq tsanq-anr, yawr pyaequr ghae-eu lof-aer khaerghae-eu ma. Khoermirnae, nawmaf, arlawr lof-aer zaqsiq tsawrganr anr-awr, khaqkhoeq lof-aer aqcawq-anr maqcoeq maqcivni jawr-awq.

Gʼaˬkʼehˇ 9:21

Kharya gaq-euq tsawrhaq dawqtawvluf zanqler-awr aer-eu, “Tsawrhaq heughaq, Yeqlursaqlaeq-euq lafkhoer, tsawrmyanr heumyanr-anr kharkur-eu tsawrhaq-anr lavcawv-euq khoerghaq maqngeur-a lor? Heugar khawf khoerlof-aer janr-eu gharduq, aqyawf, aqyawf maf-anr nyaef-awr pirma aqyuif deuq jawr-eu gar sheuqghae-eu laer, aqyawf oe-euq maqngeur-a laq?”

Gʼaˬkʼehˇ 9:41

Khoerngae, Beqtuvluv, aqlaf cawqja-awr, aqyawf-anr gheutur naeq-euq mae. Khoernar-aq, tsawrshawr deuq hawr-eu miqcoeq miqma deuq-anr kurlaf-awr, Dawkar yawdaef-aer aqyawf maf-anr a’naeq-euq mae.

1 Gawˇliˬtu 1:2

Gawrliqtu-anr jawr-eu Miqyaer-euq Kalizaq armur-anr sanqbof bofanr lef-eu ma. Yeqsur Kali-euq lafkhoer bi lavshawr-awr, tsawrshawr bigeuf-eu laer kurdov taq-euq aqdui-euq Sanqpaq, Yeqsur Kali-euq tsawrmyanr-anr kharkur-eu aqgeugar jawr-eu tsawrhaq-anr maqkaq, sanqbof heu bofnaeq-eu ma. Kali-aq, aqdui-euq Sanqpaq pyeuf-awr, aqyawf maf-euq Sanqpaq khawf ngeur-eu mae.

1 Gawˇliˬtu 6:5

Ngar, nawmaf bi shafdawr-eu laer heulof-aer aer-eu ma. Aqyuif aqnyir yawkaq jadzaq-eu jeq dovlar ngae, nawmaf-euq lafkhoer dartsaev nya-eu tsawrganr anr-eu tsawrhaq tiq ghaq taef-aer khawf maqjawr-a laq?

1 Gawˇliˬtu 14:33

Aqjeq mirnae aernar-aq, Miqyaer-aq, yawbanq yawlanr-aer ghae-eu jeq bi dovlar-eu ghaq maqngeur-aer, tsawrshawr deuq-euq Kalizaq armur dawqtawv luf-euq lafkhoer jav-eu nuisar bif-eu ghaq pyeuf-eu mae.

1 Gawˇliˬtu 16:1

Tsawrshawr deuq-euq gharduq pyurdamq yuruiq-eu garkawv-anr tafler-awr nae ngar heulof-aer aer-eu ma. Ngaq nae Gaqlaqtiv-anr jawr-eu Kalizaq armur deuq-anr khaertaq-euq lof-aer, nawmaf khawf mr-awq.

Eˇpeˇsu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Yeqsur Kali-euq lafkhoer sarjax zif-eu tsawrhaq pyeuf-eu, Erpersu-anr jawr-eu tsawrshawr deuq-anr sanqbof bofanr lef-eu ma.

Piˇliˇpiˆ 1:1

Yeqsur Kali-euq kuirlaf zaqkhav pyeuf-eu Pawrluv hawr-eu Tivmorseq nga’nyaf, Pirlirpiv-anr jawr-eu Yeqsur Kali-euq tsawrshawr dawqtawv luf-anr khawf, Kalizaq armur-anr hawpir-eu deuq hawr-eu cawba-eu deuq-anr khawf, sanqbof bofanr lef-eu ma.

Piˇliˇpiˆ 4:22

Tsawrshawr dawqtawvluf, nawmaf-anr dawqcawq puqanr lef-awr, aqcawq navmaqtser, sanqpaq Gaersaq-euq nymr-anr jawr-eu deuq, nawmaf-anr dawqcawq puqanr lef-euq mae.

Gawˇlawˇsehˇ 1:2

Kali-euq lafkhoer sarjax zif-eu aqyuif aqnyir, Gawrlawrsaer-anr jawr-eu tsawrshawr deuq-anr sanqbof bofanr lef-euq ma. Aqdui-euq Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu, nuisar of-eu jeq, nawmaf-euq khoertav jav luf-ur.

HeˬByehˇ 13:24

Nawmaf-anr uvlanr luf-eu yawqghaq navluf-anr hawr-eu tsawrshawr yawqghaq navluf-anr dawqcawq puqanr laf-euq ma. Irdaqliq-anr nae lar-euq deuq khawf nawmaf-anr dawqcawq puqanr laf-euq mae.

Yuˇdaˆ 1:3

Ngar zawr gaq-eu cawqdeuq-or! Aqdui kakhof-eu jeq tiqkawv lof-aer za-eu garkawv, ngar nuima keuv-awr nawmaf-anr bofanr naeqlefmawf mir-a. Aerkhawf, Miqyaer nae tsawrshawr deuq-anr tiq pov bif-euq nar-aq luiv-eu jan-eu jeq-euq gharduq, nuima keuv duidui-eu lafkhoer deuv-awq laer, ghaq bif-eu tsaq nga laer noeq-awr bofanr lef-euq ma.