Gʼaˬkʼehˇ 8:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Aerkhawf, Pirlirpuv, Miqyaer uvlanr-eu garkawv hawr-eu Yeqsur Kali-euq tsawrmyanr garkawv dawqmaeq maeq-eu gar aqyawfmaf janlar-awr, zaqmiq aqbur hawr-eu zaqyo aqli deuq khawf bartirsaq hageuf-euq mae.

Akha

¹² Ehˇ kʼawꞈ, Miˬyehˇ Miˇkʼahˬ gaˇ kawˆ hawˇ-eu Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ-ahˇ Piˇliˇpuˆ mehˬ gaˇ aˬ yawꞈ maꞈ jah laˇ-awˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, iˇ cuꞈ shawˇ-euˬ meh.

Gʼaˬkʼehˇ 8:12 Referans Kwoze

Gʼaˬkʼehˇ 2:38

Khoerngae, Beqtuvluv, aqyawf maf-anr heulof-aer aernaeq-euq mae: “Miqyaer, nawmaf-euq iqbax pyaeqnaeqni noeqpov noeqpar-awr, Yeqsur Kali-euq tsawrmyanr-euq uqmov bartirsaq hageuf-awq. Khoerlof-aer janr nar-aq, Yawshawr Saflar-euq lafsawq za taef-a.

Gʼaˬkʼehˇ 1:3

Aqyawf shaqzanq daqghaq-euq nar-aq, yawduq baw-eu sarkir ghawqmya jeq nae aqyawf daefluf-eu ma laer, ghaqkhaer deuq-anr bimawr-euq mae. Oeqtser nan-euq lafkhoer aqyawf-euq mawrdo aqyawf maf-anr bimawr-awr, Miqyaer uvlanr-eu garkawv ja’maeq naeq-euq mae.

Maꞈtehˬ 28:19

Khoermirnae, nawmaf ir-awr, tsawrjeuq tsawrca dawqtawvluf, ngaq-euq zaqlanr pyeuflarni mr-ir-awq. Aqda, Zaqyo hawr-eu Yawshawr Saflar-euq tsawrmyanr-euq uqmov, aqyawf maf-anr bartirsaq mrnaeq-awq.

1 Beˬtuˆluˆ 3:21

Khoerlof-aer durni, nymq-mr aqdui, bartirsaq mr-awr yabuq-ir-euq ma. Bartirsaq mrnaeq-euq laer aer-eu-aq, mawrdo-anr laef-eu jawflafni ghae-eu jeq-anr tsiqshawr-euq gar aer-eu maqngeur-a. Yeqsur Kali ghofdaef lar-euq gar ghoe-awr, Miqyaer-euq maeqshi zaqsiq nuisiq shawrlar-euq gar aer-eu mae.

Gʼaˬkʼehˇ 2:41

Aqyawf nae maeq-euq dawq-anr laqkhaq caertavni hageuf-euq tsawrhaq deuq bartirsaq hageuf-euq mae. Khoerngae nan, zaqlanr 3,000 ghaq aerghaqni lanqlar-euq mae.

Gaˬlaˬtiˆ 3:28

Nawmaf dawqtawvluf, Yeqsur Kali-euq lafkhoer tiq ghaq lof-aer taef-aer pyeuf-eu mirnae, Yurdav tsawrhaq hawr-eu Heqlaqsar tsawrhaq, zaqkhav hawr-eu buq-ir-euq tsawrhaq, zaqyo aqli hawr-eu zaqmiq aqbur laer maqpar baw-eu mae.

Lormav 10:10

Aqjeq mirnae aernar-aq, tsawrhaq tiq ghaq nuima-euq lafkhoer jan nar-aq, tsaq-awr dawr-eu tsawrhaq pyeuflar-awr, khaqmae nae aerdov nar-aq, kakhof-eu jeq za-eu mae.

1 Gawˇliˬtu 11:11

Aerkhawf, Sanqpaq Miqyaer-euq lafkhoer, zaqmiq aqbur-aq, zaqyo aqli-anr yaghoe-awr, zaqyo aqli khawf zaqmiq aqbur-anr yaghoe-eu mae.

Gʼaˬkʼehˇ 28:31

Aqyawf nuima khaqduqni anr-eu lafkhoer, Miqyaer uvlanr-eu garkawv dawqmaeq maeq-awr, Sanqpaq Yeqsur Kali-euq garkawv maeqnaeq tsovnaeq-euq mae. Aqyawf khoerlof-aer maeq-eu gar tiqghaq-iq maq lavtsoeq-a.

Gʼaˬkʼehˇ 20:25

“Hawsher-eq, ngar, nawmaf-euq ghanrcae cancan-aer, Miqyaer uvlanr-eu garkawv maeqnaeq-euq ma. Aqkar nar-aq, nawmaf dawqtawvluf ngaq-euq myavpyawq-anr maqpar ya’mawr-a laer ngar siqnya ma.

Gʼaˬkʼehˇ 20:21

Yurdav tsawrhaq hawr-eu Heqlaqsar tsawrhaq-anr khawf, Miqyaer-euq maeqshi iqbax noeqpov-awr, aqdui-euq Sanqpaq Yeqsur Kali-anr jan-awq laer sarkir kamq-euq ma.

Gʼaˬkʼehˇ 18:8

Zanrdawq khawqnymr-euq aqyuif geuf-eu Gaqlirpuv laer kur-eu ghaq hawr-eu aqyawf-euq miqsawrzaq yawqghaq navluf, Sanqpaq Yeqsur-anr janlar-euq mae. Gawrliqtu-anr jawr-eu ghawqmya ghaq khawf yagaq-awr janlar-awr, bartirsaq hageuf-euq mae.

Gʼaˬkʼehˇ 11:20

Aerkhawf, Gurbaqlur irjawlanr hawr-eu Kurleqniq mirkhanq-anr jawr-eu tiqpavnav deuq-aq, aqyawfmaf, Aqdirawq-anr larkeuv ngae, Heqlaqsar tsawrhaq-anr khawf ngaeqcawq-awr, Sanqpaq Yeqsur-euq garkawv dawqmaeq maeqnaeq-euq mae.

Gʼaˬkʼehˇ 5:14

Sanqpaq Yeqsur-anr jan-eu tsawrhaq, zaqmiq aqbur khawf, zaqyo aqli khawf, ghawqmya’ni tiqjawr sair tiqjawr myaqlar luf-eu mae.

Luˇkaꞈ 9:60

Khoerngae, Yeqsur aer-eu, “Shir-euq tsawrhaq-anr-aq, shir-euq tsawrhaq nae bi bafpanq-awq. Aerkhawf, nawr-aq, ir-awr Miqyaer uvlanr-eu garkawv maeqnaeq-ir-awq.”

Luˇkaꞈ 9:2

Miqyaer uvlanr-eu garkawv maeqnaeqni hawr-eu nar-eu deuq-anr lavtaq naeqni, aqyawf maf-anr khaerdov ghae-euq mae.

Gʼaˬkʼehˇ 8:4

Caevbyav ghae-euq khoerdeuq, khar irkeuv-euq gar Yaerdawq maeqnaeq-euq mae.

Gʼaˬkʼehˇ 19:5

Aqyawfmaf dawq khoerdawq-anr yagaq ngae, Sanqpaq Yeqsur-euq tsawrmyanr-euq uqmov bartirsaq hageuf-euq mae.