Gʼaˬkʼehˇ 7:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Miqyaer, aqyawf-euq aqlaf-anr ghoe-awr, aqyawf maf-anr bi kakhof le-euq ngar-a laer, aqyuif aqnyir deuq ghovshawnya taef-a laer Morseq noeq-euq khawf, aqyawfmaf maq ghovshaw nya-a.

Akha

²⁵ Miˬyehˇ aˬ yawꞈ-ahˇ zmˬ-eu laꞈ kʼoeˇ, aˬ yawꞈ-euˬ tsawˇ jeuˬ-ahˇ ka kʼoꞈ-eu lehˇ gʼeh-eu gaˇ kawˆ aˬ yawꞈ-euˬ tsawˇ haˬ deuˬ noeˬ siˬ tehꞈ-a lehˇ aˬ yawꞈ noeˬ-euˬ meh. Ehˇ kʼawꞈ, aˬ yawꞈ maꞈ maˬ noeˬ siˬ-a.

Gʼaˬkʼehˇ 7:25 Referans Kwoze

Gawˇlawˇsehˇ 1:29

Kali, ngaq-euq lafkhoer baoq huiq duidui-eu jeq nae gar mrluf-eu gar ghoe-awr, teu-euq gharduq ngar khawf laejae-awr gar mrluf-eu ma.

2 Gawˇliˬtu 6:1

Nawmaf, Miqyaer-euq guiqlanq yawdzanr hageuf-euq khoer yawqngaef-aer taqbi pyeuf laer Miqyaer-euq gar mrcawq pyeuf-awr mrluf-eu nga’maf, nawmaf-anr tanqshar-eu ma.

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

Lormav 15:18

Aqcawq tsawrjeuq tsawrca narhaqgeuf larni, Kali, ngaq-anr ghoe-awr ngaq-euq dawq hawr-eu ngaq nae mr-awr shar-euq jeq bi pyeufler-euq garkawv maqngeur nar-aq, ngar tiqjeq-iq maq aerpeuq nya.

Gʼaˬkʼehˇ 21:19

Pawrluv, aqyawf maf-anr dawqcawq puq-awr, Miqyaer, aqyawf-euq guiqlanq-euq gar-anr ghoe-awr, aqcawq tsawrjeuq tsawrca-euq gharduq aqjox-aer mr-euq garkawv tiqjeq sair tiqjeq dzawrnaeq-euq mae.

Gʼaˬkʼehˇ 15:7

Garkawv khoer-anr ghawqmyanrni pyaerkeuvlaf ngae, Beqtuvluv turlar-awr aqyawf maf-anr heulof-aer aernaeq-euq mae: “Aqyuif aqnyir deuq-or! Aqcawq tsawrjeuq tsawrca khawf, guiqlanqdawq yagaq-awr janlar nya’ni, yawbae ngae nae aqdui maf-euq ghanrcae, Miqyaer, ngaq-euq khaqmae-anr zmq-eu laer tserdov-euq mae laer nawmaf siqnya-eu mae.

Gʼaˬkʼehˇ 15:4

Aqyawfmaf, Yeqlursaqlaeq-anr lekeuv ngae, Kalizaq armur, ghaqkhaer deuq hawr-eu aqyuif aqtsu deuq, aqyawf maf-anr hageuf-euq mae. Khoerngae, Miqyaer, aqyawf nyaf-anr ghoe-awr kharmr kharshar-euq garkawv dawqtawvluf, aqyawf maf-anr dzawrnaeq-euq mae.

Gʼaˬkʼehˇ 14:27

Aqyawfnyaf ghofkeuvle ngae, Kalizaq armur-anr tiqgar kuruiq-awr, Miqyaer, aqyawf nyaf-anr ghoe-awr kharmr kharshar-euq garkawv hawr-eu, aqcawq tsawrjeuq tsawrca, Kali-anr janlarni Miqyaer larghov aqjox-aer pannaeq-euq garkawv, aqyawf maf-anr dzawrnaeq-euq mae.

Luˇkaꞈ 18:34

Aerkhawf, zaqlanr deuq garkawv heudeuq-anr tiqpawf-iq maq ghovshaw nya-a. Aqyawf maf-euq gharduq dawqtsuif khoer zaftaq-euq jeq pyeuf-awr, aqyawf aer-eu gar aqyawfmaf maq siqnya-a.

Luˇkaꞈ 9:45

Dawq khoerdawq-euq dawqtsuif, aqyawf maf-anr maqbi ghovshaw nya’ni zaftaq-euq mirnae, aqyawfmaf dawq khoerdawq-anr maq ghovshaw nya-a. Aerkhawf, aqyawfmaf garkawv khoer-anr maq narhaq peuq-a.

Maˬkuˆ 9:32

Zaqlanr deuq dawq khoerdawq-anr maq ghovshaw nya-eu khawf, aqyawf-anr maq narhaq peuq-a.

Jaceuq 106:7

Irjirtuv-anr jawr ngae, nga’maf-euq aqpoeq aqbawr deuq, Nawq nae mr-euq zanqler paq-aer ghae-eu jeq-anr maq ghovshaw nya-aq. Aqyawfmaf, myaq duidui-eu nawq-euq ghawqshaq gaq-eu jeq-anr maq noeqmawrni, Iqmalavshav-euq lawrdzer, Irner iqmalavshav-anr nawq-anr puiq-euq mae.

1 Gawˇliˬtu 3:9

Nga’nyaf-aq, Miqyaer-euq gar mrcawq ma. Nawmaf-aq, Miqyaer-euq daeyar mae. Nawmaf-aq, Miqyaer tsovluf-eu nymr mae.

Gʼaˬkʼehˇ 7:24

Aqyawf, aqyawf maf-euq lafkhoer-euq tiq ghaq bikhaeq-awr shaqzanq daqluf-eu gar ya’mawr ngae, aqyawf-euq tsawrhaq-anr cawba naeq-awr, khaeq-euq Irjirtuv tsawrhaq khoerghaq-anr janrkhof naeq-awr saef-euq mae.

Gʼaˬkʼehˇ 7:26

Nishawq ngae nan, Irsaqleqlav tsawrhaq nyiq ghaq caedzaq luf-eu gar dovle-awr, aqyawfnyaf tsaqler dzoerlerni laejae-eu lafkhoer aer-eu, ‘Cawq-or! Nawnyaf, aqyuif aqnyir yawkaq, aqjeq mirnae tiqghaq tirghaq mrbanq luf-eu le?’