Gʼaˬkʼehˇ 6:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoernar-aq, Miqyaer-euq dawq gaqdoe-ir-awr, Yeqlursaqlaeq-euq lafkhoer zaqlanr zawr myaqlar-awr, pirma ghawqmya’ni khawf Kali-anr janlar-euq mae.

Akha

⁷ Kʼoeˇ loꞈ-ehˇ jahˇ-eu laꞈ kʼoeˇ, Miˬyehˇ-euˬ dawˬ kawˬ mehˬ hu paw maˬ naˬ leˇ ni gaˬ doe-iˇ luꞈ-eu meh. Yeˬluˇsaˬlehˬ meuˬ laꞈ kʼoeˇ zaˬ lahˇ deuˬ tiˬ jawˇ saˇ-iˬ tiˬ jawˇ myaˬ laˇ luꞈ-awˇ, piˇ ma gʼawˬ mya gʼaˬ jah-eu tsawˇ haˬ pyeuꞈ laˇ-euˬ meh.

Gʼaˬkʼehˇ 6:7 Referans Kwoze

Gʼaˬkʼehˇ 19:20

Khoermirnae, Sanqpaq Miqyaer-euq dawq-aq, ghaq khavlar luf-awr ghaqler luf-eu mae.

Gʼaˬkʼehˇ 12:24

Aerkhawf, Miqyaer-euq dawq-aq, huiqlar manrlar luf-awr, khawq-ir byan-ir luf-eu mae.

Gawˇlawˇsehˇ 1:6

Yawtsaq yawdawr-anr taf-eu Miqyaer-euq guiqlanq yawdzanr garkawv khoer, mirtsaq doeni gaqbyan-ir-awr, arsiq siqle luf-eu lof-aer, nawmaf jawr-eu gar gaqkeuv le-awr, nawmaf yagaq-awr siqnya-euq nan-anr nae nar-aq, nawmaf-euq ghanrcae khawf arsiq siqle luf-eu mae.

HeˬByehˇ 5:9

Aqyawf khoerlof-aer byanlar-euq nar-aq, aqyawf-anr narhaq geuf-eu yawqghaq navluf-euq, li-eu maqbawni kakhof-eu jeq-euq dawqpaeq duqpur pyeuflar-euq mae.

Lormav 16:26

Mirkhanq-euq tsawrjeuq dawqtawvluf janlar-awr narhaq geufnya’ni, mqmaq maqbyav yarzir daef-eu Miqyaer nae dawq biftaq-euq lof-aer zaftaq-euq khoer, nymq-mr panmaeq naeqlaf-awr, Miqyaer gharduq ngaeqdan-eu deuq-euq sanqbof-anr ghoe-awr, tsawrjeuq tsawrca dawqtawvluf zaftaq-euq khoer-anr byacaevni ya’mawr-euq mae.

Lormav 1:5

Nga’maf, aqyawf-euq baqda’nae, guiqlanq yawdzanr za-awr ghaqkhaer yageuf-euq ma. Khoer-aq, aqyawf-euq tsawrmyanr gharduq hawr-eu mirkhanq-euq tsawrjeuq dawqtawv luf-euq ghanrcae nae, jan-awr narhaq geuf-eu tsawrhaq bi dovlar-eu gharduq mae.

Gʼaˬkʼehˇ 14:22

Zaqlanr deuq nuima saflar, ghaq khavlarni, aqmyanluf jan-awr nuima zifdanni jawr-awq laer ghaq bifnaeq-eu lafkhoer aer-eu, “Aqdui, Miqyaer uvlanr-eu jeq-anr urler nya’ni, shaqzanq ghawqmya jeq-anr ya tanqpuq-eu mae.”

HeˬByehˇ 11:8

Aqbyaqhaq jan-eu mirnae, Miqyaer, aqyawf-euq jeqbir pyeuf-eu mirkhanq-anr ir-awq laer aqyawf-anr kur ngae, aqgeugar ya’ir-eu laer maq siqnya-eu khawf, Miqyaer-euq dawq narhaq geuf-awr ir-euq mae.

2 Tiˆmoˇseˬ 2:9

Guiqlanqdawq heu baqda’nae, yawdoer jeq mr-euq tsawrhaq tiq ghaq-anr shmrcav nae paf-eu lof-aer, ngaq-anr paf-awr, ngar shaq-awr zanq-eu jeq-anr ya daqluf-eu ma. Aerkhawf, Miqyaer-euq dawq-anr shmrcav nae maq paftawf nya-a.

2 Teˇsaˬloˇni 1:8

Miqyaer-anr maq siqnya-eu tsawrhaq-anr hawr-eu aqdui-euq Sanqpaq Yeqsur-euq guiqlanq dawq-anr maq narhaq geuf-eu tsawrhaq-anr yarkhaq darnaeq taef-a.

Gʼaˬkʼehˇ 21:20

Aqyawfmaf yagaq ngae, Miqyaer-anr ciqhuiq ciqmanr-eu mae. Khoernar-aq, aqyawfmaf, Pawrluv-anr heulof-aer aernaeq-euq mae: “Maernmr-or! Yurdav tsawrhaq-euq lafkhoer Kali-anr janlar-euq armyav tanr ghaq jawr-eu la laer nawr mawrluf-eu mae. Aqyawfmaf dawqtawvluf zanrdawq-anr nuima keuv duidui-eu mae.

Gʼaˬkʼehˇ 13:8

Aerkhawf, meuq-anr sanrmr-eu heughaq maqbi janlarni, mawloq loqnya-eu Erlurma laer kur-eu khoerghaq, aqyawf nyaf-anr lavtsoeq luf-eu mae (Erlurma laer aer-eu-aq, mawloq loqnya-eu laer aermawf-eu mae).

Yoˇhaˬ 12:42

Khoerlof-aer khawf, uvlanr-eu deuq-euq lafkhoer, ghawqmya ghaq Yeqsur-anr janlar-euq mae. Aerkhawf, Paqliqsaer deuq-anr guv-eu mirnae, Aqyawfmaf, aqyawf-euq garkawv maq aerdov-a. Aqjeq mirnae aernar-aq, zanrdawq khawqnymr-anr nae taedov lar-eu gar guv-eu mae.

Luˇkaꞈ 2:34

Surmoq, aqnyaf dzerzaq-anr dawq ngaeqghae naeq-awr, zaqnanq-euq aqma Maqliv-anr bisiq bimawr-eu jeq heulof-aer aernaeq-euq mae, “Zaqnanq heughaq-euq baqda’nae Irsaqleqlav tsawrhaq ghawqmya ghaq coqdzae-ir-awr, ghawqmya ghaq turlar taef-a. Aqyawf-aq, aqcawq yaeqbawq saerlu-aer aerduq pyeuf taef-a.

Maꞈtehˬ 19:30

Aerkhawf, aqcawq-euq maeqhu jawr-eu tsawrhaq ghawqmya’ni, aqcawq-euq maeqnan yajawr-ir taef-a. Aqcawq-euq maeqnan jawr-eu tsawrhaq ghawqmya’ni, aqcawq-euq maeqhu yajawr taef-a.

Jaceuq 132:16

Ngar, Ziroq-euq pirma deuq-anr kakhof-eu maeqtsoeq bidm-awr, Tsawrshawr deuq laqkhaq caer-eu tersar yawkhav-aer yagur taef-a.

Jaceuq 132:9

Nawq-euq pirma deuq tsaq-awr dawr-eu maeqtsoeq bidm-awr, Nawq-euq tsawrshawr deuq laqkhaq caer-awr bigur law.

Gʼaˬkʼehˇ 2:47

Aqyawfmaf, Miqyaer-anr jaceuq-eu mae. Tsawrhaq dawqtawvluf, aqyawf maf-anr nuikhanr shir-eu mae. Nan-anr nae kakhof-eu jeq za-awr jan-eu tsawrhaq deuq bi lanqlarni, Sanqpaq Miqyaer mrluf-eu mae.

Gʼaˬkʼehˇ 6:1

Khoerngae yamq-anr, zaqlanr deuq myaqlar luf-eu mae. Yawqnan navluf dzaqdzaq dawrdawr birnaeq ngae, aqyawf maf-euq miqcoeq miqma deuq-anr yawmuiq-aer maq birof naeq-euq mirnae, Heqlaqsar dawq ngaeq-eu deuq, Heqbyaer dawq ngaeq-eu deuq-anr dawqghof dov-eu mae.

Gaˬlaˬtiˆ 1:23

Dzeurlaf ngae, “Aqdui-anr khaeqnaeq laf-euq khoerghaq, nymq-mr-aq, arhu aqyawf nae lavcawv haw-euq jan-eu guiqlanqdawq khoerdawq maeqluf mae jer” laer taef-aer aqyawfmaf yagaq-euq mae.

Gaˬlaˬtiˆ 6:10

Khoeruqtaf, aqdui khar yaeflar ngae, tsawrhaq dawqtawv luf-anr yawmuiq jeq mrnaeq kar-eur. Aqcawq-anr navmaqtser, jan-eu nymrkhanq-euq lafkhoer mrnaeq-eu tsaq mae.

Yuˇdaˆ 1:3

Ngar zawr gaq-eu cawqdeuq-or! Aqdui kakhof-eu jeq tiqkawv lof-aer za-eu garkawv, ngar nuima keuv-awr nawmaf-anr bofanr naeqlefmawf mir-a. Aerkhawf, Miqyaer nae tsawrshawr deuq-anr tiq pov bif-euq nar-aq luiv-eu jan-eu jeq-euq gharduq, nuima keuv duidui-eu lafkhoer deuv-awq laer, ghaq bif-eu tsaq nga laer noeq-awr bofanr lef-euq ma.

Yuˇdaˆ 1:20

Aerkhawf, ngar zawr gaq-eu cawqdeuq-or! Nawmaf, shawr duidui-eu jan-eu jeq-euq lafkhoer huiqlar manrlar-awr, Yawshawr Saflar-euq lafkhoer guiqlanq shar-awq.