Gʼaˬkʼehˇ 6:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoermirnae, aqyuif aqnyir deuq-or! Nawmaf-euq lafkhoer tsawrmyanr muiq-awr, Yawshawr Saflar hawr-eu zaqsiq tsawrganr byan-eu tsawrhaq shif ghaq-anr tserdov-awq. Nga’maf, aqyawf maf-anr khaerdar naeq-awr gar heu bimr ma.

Akha

³ Kʼoeˇ miˇ neh aˬ yuiꞈ aˬ nyiˇ deuˬ-oˇ, naw maꞈ laꞈ kʼoeˇ Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-awˇ, tsawˇ gahˇ byah-eu tsawˇ haˬ shiꞈ gʼaˬ tseˇ doˆ-awˬ. Aˬ yawꞈ maꞈ-ahˇ gaˇ heu hmˬ bi mˇ ma.

Gʼaˬkʼehˇ 6:3 Referans Kwoze

1 Tiˆmoˇseˬ 5:10

Khoeruqtaf, yawmuiq jeq mrluf sharluf mae laer tsawrter dov-awr, zaqdeuq-anr cuhuiq-awr, daqyan-anr ha-euq, tsawrshawr deuq-euq aqkuir dzuifnaeq-euq, shaq-awr zanq-eu tsawrhaq deuq-anr cawba naeq-euq hawr-eu yawmuiq yawqjeq navluf-anr laejae laejae-aer mrluf-eu miqcoeq miqma yapyeuf-eu mae.

3 Yoˇhaˬ 1:12

Deqmeqdeqlir yawmuiq mae laer tsawrhaq dawqtawvluf sarkir kamq-eu mae. Yawtsaq yawdawr jeq khawf aqyawf-euq gharduq sarkir kamqluf-eu mae. Nga’maf khawf aqyawf-euq gharduq sarkir kamq-eu ma. Nga’maf kamq-eu jeq tsaq-awr dawr mae laer nawr siqnya mae.

Yaˬkoˆ 1:17

Guiqlanq yawmuiq dawqtawvluf hawr-eu kufdui byan duidui-eu lafsawq dawqtawvluf mq-euq khoertav jawr-eu yawshaef-euq Aqda-anr nae oe-euq mae. Aqyawf-aq, povlar parlar-eu narshmr maqbaw-aer, tiqjawr-iq maqpov maq parlar-a.

Eˇpeˇsu 5:18

Jirbaq taq dawryaef. Dawryaef nar-aq, yawuq uq-ir nya-eu mae. Aerkhawf, nawmaf-euq lafkhoer muiq-eu Saflar bi byanlar-awq.

1 Gawˇliˬtu 16:3

Ngar larkeuv ngae, nawmaf nae sanqbof bof-awr khaerdov taq-euq tsawrhaq-anr ghoe-awr, nawmaf nae yuruiq taq-euq pyur khoer yur-awr, Yeqlursaqlaeq-anr bi shaha-ir ma.

Gʼaˬkʼehˇ 22:12

“Khoergar, Aqnaqnir laer kur-eu tiq ghaq jawr-eu mae. Aqyawf-aq, khoergar jawr-eu Yurdav tsawrhaq dawqtawv luf-euq lafkhoer tsawrmyanr muiq-eu uqtaf, zanrdawq jav-eu lof-aer Miqyaer-anr guv-eu tsawrhaq tiq ghaq mae.

Gʼaˬkʼehˇ 10:22

Khoerngae, aqyawfmaf aer-eu, “Yardzoeq guirhuq Gorneqlir-aq, Miqyaer-anr guv-awr, Yurdav tsawrjeuq tsawrca dawqtawv luf-euq lafkhoer tsawrmyanr muiq-eu, tsaq-awr dawr-eu tiq ghaq mae. Nawq-anr aqyawf-euq irkanr-euq lafkhoer kurur-awr, nawq-euq dawq narhaq-awq laer shawr-eu mqtav ghaqkhaer tiq ghaq, aqyawf-anr aernaeq le-euq mae.”

Gʼaˬkʼehˇ 6:6

Aqyawf maf-anr ghaqkhaer deuq-euq maeqshi biyawf-awr, ghaqkhaer deuq guiqlanq shar-awr, aqyawf maf-euq khoertav aqlaf bafdav naeq-euq mae.

Gʼaˬkʼehˇ 2:4

Khoerngae, aqyawfmaf yawqghaq navluf-anr Yawshawr Saflar byanle-awr, Yawshawr Saflar nae bingaeq-euq lof-aer, danqbae-awr nuijeq-euq dawq-anr nae dawqbav bav-eu mae.

Gʼaˬkʼehˇ 1:21

“Khoermirnae, Sanqpaq Yeqsur, aqdui naeq-aer irir larlar-aer can-euq aryamq dawqtawv luf-euq lafkhoer, ardanqbae ngae nae nymq-mr keuvni, aqdui naeq-aer jawrluf-eu tsawrhaq deuq-euq lafkhoer-euq tiq ghaq,

Maꞈtehˬ 23:8

Aerkhawf, aqcawq nae nawmaf-anr ‘Saqlaq’ laer taqbi kur. Aqjeq mirnae aernar-aq, nawmaf-euq saqlaq tiq ghaq taef-aer jawr-awr, nawmaf dawqtawvluf aqyuif aqnyir taef mae.

1 Gawˇliˬtu 12:8

Muiq-eu Saflar-aq, tiq ghaq-anr zaqsiq tsawrganr-euq dawq bif-awr, muiq-eu Saflar heughaq, tiq ghaq-anr-aq, siqnya-eu tsawrganr-euq dawq bif-eu mae.

Gʼaˬkʼehˇ 16:2

Lurdaqlar meuq-anr hawr-eu Irgawrnir-anr jawr-eu aqyuif aqnyir deuq, aqyawf-anr jaceuq-eu mae.

Gʼaˬkʼehˇ 15:23

Aqyawfmaf nae bof-euq sanqbof-aq, heulof-aer boftaq-euq mae: “Nga’maf, ghaqkhaer deuq, aqyuif aqtsu deuq hawr-eu aqyuif aqnyir deuq, nawmaf, Aqdirawq, Surliv hawr-eu Girlirciv-anr jawr-eu, aqcawq tsawrjeuq tsawrca pyeuf-eu aqyuif aqnyir deuq-anr dawqcawqpuq ma.

Gʼaˬkʼehˇ 9:30

Aqyuif aqnyir deuq, garkawv khoer-anr yasiq ngae, aqyawf-anr Gaersaqlir-anr sheuqkeuv ha-ir-awr, Daqsuv-anr bile-euq mae.

Yoˇhaˬ 21:23

Khoermirnae, zaqlanr khoerghaq maqya shir-a jer laer aqyuif aqnyir deuq-euq ghanrcae jabyan taq-euq mae. Aerkhawf, Yeqsur, zaqlanr khoerghaq maqya shir-a laer aermawf-eu maqngeur-a. “Ngar ghofle ngae keuvni, ngar, aqyawf-anr bi jawrmawf nar-aq, nawq-anr aqjeq taf-eu la?” laer aer-eu taef mae.

Gʼaˬkʼehˇ 1:15

(Khoerngae yamq-anr, tsawrhaq 120 ghaq aerghaqni uiqler taq-awr jawr-eu gar), Beqtuvluv, zaqlanr deuq-euq ghanrcae nae turlar-awr heulof-aer aer-eu mae:

Gʼaˬkʼehˇ 6:2

Khoermirnae, ghaqkhaer 12 ghaq, zaqlanr baqmaf mafma-anr kuruiq-awr heulof-aer aernaeq-euq mae: “Nga’maf, Miqyaer-euq dawq maeq-eu byaer-awr, dzaqdzaq dawrdawr birnaeq-eu-aq maqtsaq nga.

Gʼaˬkʼehˇ 6:5

Aqyawfmaf aer-eu gar, tsawrhaq armaf maflanni nuikhanr shir-awr, heudeuq-anr tserdov-euq mae: jan-eu jeq byan-awr Yawshawr Saflar byan-eu Saqteqpaq hawr-eu Pirlirpuv, Bawrkawq, Nirgaqnawq, Tirmoq, Baqmeqnar hawr-eu Yurdav-euq zanr tawqlar-euq Aqdirawq-anr jawr-eu Nirgawrla heudeuq mae.

Gʼaˬkʼehˇ 28:14

Khoergar, aqyuif aqnyir deuq-anr tanqpuq-awr, aqyawfmaf naeq-aer shif nan jawrnaeq laf-awq laer shar-eu mae. Khoernar-aq, nga’maf, Lormav meuq-anr le-euq ma.