Gʼaˬkʼehˇ 6:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae yamq-anr, zaqlanr deuq myaqlar luf-eu mae. Yawqnan navluf dzaqdzaq dawrdawr birnaeq ngae, aqyawf maf-euq miqcoeq miqma deuq-anr yawmuiq-aer maq birof naeq-euq mirnae, Heqlaqsar dawq ngaeq-eu deuq, Heqbyaer dawq ngaeq-eu deuq-anr dawqghof dov-eu mae.

Akha

¹ Zaˬ lahˇ deuˬ myaˬ laˇ luꞈ-eu aˇ nah aˇ yamˬ kʼoeˇ laꞈ kʼoeˇ, Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ hawˇ-eu, Yuˇdaˆ dawˬ ngehˬ-eu Yuˇdaˆ tsawˇ haˬ deuˬ yaw kaˬ dawˬ ja doˆ-euˬ meh. Aˬ jeˬ miˇ neh ehˇ naˇ, aˬ yawꞈ nah yawꞈ loˬ-eu jeˬ biˇ nehˬ ngeh, aˬ yawꞈ maꞈ-euˬ miˬ coeˬ miˬ ma deuˬ-ahˇ yaw muiˬ paˬ-ehˇ maˬ biˇ oꞈ doe nehˬ nga lehˇ, Heˬlaˬsaˇ dawˬ ngehˬ-eu Yuˇdaˆ tsawˇ haˬ deuˬ ehˇ-eu meh.

Gʼaˬkʼehˇ 6:1 Referans Kwoze

Gʼaˬkʼehˇ 4:35

ghaqkhaer deuq-euq aqkuir-anr yurtaq lar-eu mae. Khoernar-aq, yawqha mawf-eu gar tsaqni kharmawf-eu ghaq-anr birnaeq-eu mae.

Gʼaˬkʼehˇ 2:41

Aqyawf nae maeq-euq dawq-anr laqkhaq caertavni hageuf-euq tsawrhaq deuq bartirsaq hageuf-euq mae. Khoerngae nan, zaqlanr 3,000 ghaq aerghaqni lanqlar-euq mae.

Yaˬkoˆ 5:9

Aqyuif aqnyir deuq-or! Nawmaf yarkhaq dar-eu gar maqya daq paq-aer, tiqghaq tirghaq dawqghof taqdov. Hawsher-eq! Yarkhaq dar-eu ghaq ghovkhaeq-anr yawfluf ngar-a.

Gʼaˬkʼehˇ 9:39

Khoerngae, Beqtuvluv tur-awr aqyawfnyaf naeq-aer ir-euq mae. Khoergar irkeuv-euq naeq-aer, aqcawq, aqyawf-anr nymr laftav tiv-euq kuvlawv-anr sheuqdav lef-euq mae. Miqcoeq miqma dawqtawvluf Beqtuvluv-euq dawqpae yawf-awr, Dawkar daef ngae guf-euq paerkhanq hawr-eu maeqtsoeq deuq, aqyawf-anr sheuhaw sheuhaw-aer ngoer-eu mae.

Gʼaˬkʼehˇ 6:7

Khoernar-aq, Miqyaer-euq dawq gaqdoe-ir-awr, Yeqlursaqlaeq-euq lafkhoer zaqlanr zawr myaqlar-awr, pirma ghawqmya’ni khawf Kali-anr janlar-euq mae.

Gʼaˬkʼehˇ 2:47

Aqyawfmaf, Miqyaer-anr jaceuq-eu mae. Tsawrhaq dawqtawvluf, aqyawf maf-anr nuikhanr shir-eu mae. Nan-anr nae kakhof-eu jeq za-awr jan-eu tsawrhaq deuq bi lanqlarni, Sanqpaq Miqyaer mrluf-eu mae.

Piˇliˇpiˆ 3:5

Ngar daefle-awr yaef nan byanlar-euq nar-aq, bawkhov maeqdzaq biyaeq-euq ma. Ngar-aq, Irsaqleqlav tsawrjeuq-euq lafkhoer, Beqyaqmiq-euq arjeuq arca, Heqbyaer tsawrhaq-anr nae daefle-euq Heqbyaer tsawrhaq ma. Zanrdawq paw aerlef nar-aq, ngar-aq, Paqliqsaer tiq ghaq ma.

Gʼaˬkʼehˇ 11:20

Aerkhawf, Gurbaqlur irjawlanr hawr-eu Kurleqniq mirkhanq-anr jawr-eu tiqpavnav deuq-aq, aqyawfmaf, Aqdirawq-anr larkeuv ngae, Heqlaqsar tsawrhaq-anr khawf ngaeqcawq-awr, Sanqpaq Yeqsur-euq garkawv dawqmaeq maeqnaeq-euq mae.

Gʼaˬkʼehˇ 9:41

Khoerngae, Beqtuvluv, aqlaf cawqja-awr, aqyawf-anr gheutur naeq-euq mae. Khoernar-aq, tsawrshawr deuq hawr-eu miqcoeq miqma deuq-anr kurlaf-awr, Dawkar yawdaef-aer aqyawf maf-anr a’naeq-euq mae.

Gʼaˬkʼehˇ 9:29

Aqyawf, Sanqpaq Yeqsur-euq tsawrmyanr-anr ghoeghoe-aer, nuima khaqduqni dawqmaeq maeq-euq mae. Heqlaqsar tsawrhaq deuq naeq-aer tsawrpyaer pyaer-euq mae. Khoerngae, aqyawfmaf, aqyawf-anr saef-eu laer laejae-eu mae.

Gʼaˬkʼehˇ 5:14

Sanqpaq Yeqsur-anr jan-eu tsawrhaq, zaqmiq aqbur khawf, zaqyo aqli khawf, ghawqmya’ni tiqjawr sair tiqjawr myaqlar luf-eu mae.

Gʼaˬkʼehˇ 4:4

Aerkhawf, dawq khoer-anr yagaq-euq tsawrhaq ghawqmya’ni janlar-euq mae. Zaqyo aqli deuq taef-aer 5,000 ghaq aerghaqni byan-eu mae.

HeˬByehˇ 13:1

Aqyuif aqnyir maernmr yawkaq gaq-eu lof-aer aqmyanluf gaq-awq.

2 Gawˇliˬtu 11:22

Aqyawfmaf, Heqbyaer tsawrhaq-a lor? Ngar khawf ngeur ma. Aqyawfmaf, Irsaqleqlav tsawrhaq-a laq? Ngar khawf ngeur ma. Aqyawfmaf, Aqbyaqhaq-euq aryoeq-a lor? Ngar khawf ngeur ma.

Gʼaˬkʼehˇ 2:45

Aqyawfmaf, mirtsaq hawr-eu myawqganq anq-awr, kharmawf-eu ghaq-anr mawf-eu lof-aer daeqbir naeq-euq mae.

Maꞈtehˬ 23:13

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, aqcawq-euq maeqshi nawmaf, mqtav mirkhanq-euq larghov piqtaeq-eu mae. Yawqha maq urler-eu uqtaf, urler-eu laer ghae-eu tsawrhaq-anr khawf nawmaf, aqyawf maf-anr maqbi urler-a.

Jaceuq 72:16

Mirtsaq-euq khoertav, gawqjawq uqdu sanqlanqdar tiqbyan tiqlof javle taef-a. Arsiq arlu deuq Leqbaqnoq lof-aer nyaenyae-aer jav-awr; Meuq-anr jawr-eu deuq, mirtsaq-anr daef-eu yarmof lof-aer myaqlar baerlar taef-a.

Yaˬkoˆ 4:5

“Miqyaer nae aqdui-euq lafkhoer bijawr naeqlaf-euq Saflar myavnav nav-eu mae” laer Yaerbof-euq lafkhoer boftaq-euq dawq khoerdawq yawqngaef-aer boftaq-euq nga laer nawmaf noeq-eu le lor?

Yaˬkoˆ 1:27

Murcoeq aqnmr hawr-eu miqcoeq miqma deuq shaq-eu gar cawba-eu uqtaf, mirtsaq-euq yawjawf, yawqha-anr maqbi jawflarni yanr-eu-aq, aqdui-euq Aqda Miqyaer-euq maeqshi, shawrjaevni ghae-awr maq lavjawf-euq uqduq tanq-eu zanr mae.

1 Tiˆmoˇseˬ 5:9

Arkhof 60 khof maq khawvlar-euq hawr-eu tiq zanr taf-aer irdzaeq-euq deuq-anr miqcoeq miqma-euq tsawrmyanr-anr taq bofanr.

1 Gawˇliˬtu 10:10

Aqyawfmaf tiqpavnav deuq dawqghof dov-euq lof-aer nawmaf dawqghof taqdov. Aqyawfmaf dawqghof dov-euq mirnae, lavcawv-eu ghaq nae bi lavcawv-euq mae.

Gʼaˬkʼehˇ 5:28

aer-eu, “Tsawrmyanr heumyanr-anr ghoeghoe-aer aqcawq-anr taqpar maeqnaeq laer nga’maf, nawmaf-anr dawq yawkhav khav-aer bif-euq maqngeur-a lor? Aerkhawf, hawsher-eq, nawmaf-euq dawqmaeq dawqtsov deuq, Yeqlursaqlaeq meuq meuqlanni gaqdoe-ir taq-awr, tsawrhaq heughaq-euq shiq-euq arpoeq, nga’maf-euq khoertav bi keuvle mawf-eu ghae-eu nga.”

Jaceuq 110:3

Nawr, baoq anr-eu arnan-anr, Nawq-euq tsawrhaq nuima keuv-awr cawba taef-a. Yawshawr-euq lafkhoer hawmuiq-eu, Uqshawq paw-euq, zaq-euq jawrzar-euq ceuq lof-aer, Nawq-euq zaqguq deuq, nawr jawr-eu gar lar taef-a.

Gʼaˬkʼehˇ 6:2

Khoermirnae, ghaqkhaer 12 ghaq, zaqlanr baqmaf mafma-anr kuruiq-awr heulof-aer aernaeq-euq mae: “Nga’maf, Miqyaer-euq dawq maeq-eu byaer-awr, dzaqdzaq dawrdawr birnaeq-eu-aq maqtsaq nga.

Gʼaˬkʼehˇ 11:26

Aqyawf-anr povmawr ngae, Aqdirawq meuq-anr sheuqlaf-euq mae. Aqyawfnyaf tiq khof byanni khoergar jawr-awr, Kali-anr jan-eu armur naeq-aer uiqler uiqler-aer tsawrhaq ghawqmya ni-anr maeqnaeq tsovnaeq-euq mae. Zaqlanr deuq-anr Kalizaq laer kur-eu-aq, Aqdirawq meuq-anr nae kurbae bae-euq mae.

Gʼaˬkʼehˇ 11:29

Khoerngae, zaqlanr deuq yawqha khar ghaenya-eu lof-aer, Yurdav mirkhanq-anr jawr-eu aqyuif aqnyir deuq-anr cawba-eu pyur shaghae ma laer noeqtsaev taq-euq mae.

Lormav 12:7

Kuirlaf zaqkhav geuf-eu lafsawq za-euq ngeur nar-aq, kuirlaf zaqkhav geuf-awq. Maeq-awr tsov-eu lafsawq za-euq ngeur nar-aq, maeqnaeq tsovnaeq-awq.

1 Tiˆmoˇseˬ 5:3

Aqdir miqcoeq miqma deuq-anr yawzeu baw-awr hawpir naeq-awq.