Gʼaˬkʼehˇ 5:42 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Aqyawfmaf yawqnan navluf, Yeqsur-aq, Kali mae laer uqduq tanqnymr nymrma-euq lafkhoer hawr-eu nymr yawqnymr navluf-euq lafkhoer, dawqmaeq maeq-awr maeqnaeq tsovnaeq-euq mae.

Akha

⁴² Kʼoeˇ naˇ, Uˬ duˬ tahˬ nymˇ nymˇ ma laꞈ kʼoeˇ maˬ ehˇ, nymˇ doe ni maˬ ehˇ, Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu hawˇ-eu mehˬ nehˬ tsoˆ nehˬ-eu jeˬ, yawˬ nah na luꞈ maˬ tsehˆ leˇ ni mˇ daˆ leꞈ-euˬ meh.

Gʼaˬkʼehˇ 5:42 Referans Kwoze

Gʼaˬkʼehˇ 2:46

Aqyawfmaf nan-anr nae nuima gm-awr, uqduq tanqnymr nymrma-anr davler-eu uqtaf, kaqmur ngawqpyaeq-awr, laqkhaq tiqcaer nuima jerloni, tiqnymr sair tiqnymr dzaqtaf dawrtaf-eu mae.

Gʼaˬkʼehˇ 20:20

Ngar, nawmaf-anr gardanr tsoeq-eu jeq maq zaftaqni nawmaf-anr dzawrmaeq naeq-awr, tsawrhaq dawqtawv luf-euq maeqshi khawf, tiqnymr sair tiqnymr khawf, ngar, nawmaf-anr maeqnaeq tsovnaeq-euq ma.

2 Tiˆmoˇseˬ 4:2

Yaerdawq yawmuiq-aer maeq-awq! Aryamq za ngae khawf, maqza ngae khawf maeq-eu laer laeqhmq taq-awq. Mrlaeq-euq deuq-anr toeqmaeq-awr, yawkhav khav-aer maeqpar tsovpar naeq-awq. Yawqjeq navluf-euq lafkhoer nuinoeq ghawqmanrni noeq-awr maeq-eu uqtaf, ghaq khawf bif-awq.

Gʼaˬkʼehˇ 8:35

Khoerngae, Pirlirpuv khaqmae mrnga-awr Yaerbof heudeuv-anr nae danqbae-awr, Yeqsur-euq garkawv aqyawf-anr dawqmaeq maeqnaeq-euq mae.

Luˇkaꞈ 21:37

Yeqsur nan’ghanr paw uqduq tanqnymr nymrma-euq lafkhoer maeqnaeq tsovnaeq-awr, uqcif paw meuq-anr nae dov-ir-awr, Saqloq laer kur-eu gawqjawq-anr jawr-ir-eu mae.

Gʼaˬkʼehˇ 17:3

Kali-aq, shaqzanq yadaq-awr, shir-euq gar nae ya ghofdaeflar mae laer aershaw-awr ja’mawr naeq-eu lafkhoer aer-eu, “Ngar, nawmaf-anr dawqmaeq maeqluf-eu Yeqsur heughaq-aq Kali mae.”

Gʼaˬkʼehˇ 9:20

Sawrluv tiqpov taef-aer zanrdawq khawqnymr-euq lafkhoer, Kali-aq, Miqyaer-euq Zaqyo mae laer maeqnaeq-euq mae.

Gʼaˬkʼehˇ 4:29

Sanqpaq Miqyaer-or! Nymq-mr aqyawfmaf, nga’maf-anr guvtsiq nyaeflar-eu gar haw-awr, nawq-euq ghaqzaq ghaqkhaer deuq nuima khaqduqni anranr-aer, nawq-euq dawq ngaeqnya’ni cawba naeqlaf-awq.

Gaˬlaˬtiˆ 6:14

Aerkhawf, ngar lawnmr-aq, aqdui-euq Sanqpaq Yeqsur Kali-euq lafyaq-anr taef-aer nuima huiq-awr, nuijeq tiqjeq-anr-iq nuima maqhuiq. Aqyawf-euq baqda’nae, mirtsaq heu-aq, ngaq-euq gharduq lafyaq-euq khoertav taftaeq dzeur-awr, ngar khawf, mirtsaq-euq gharduq-aq, lafyaq-euq khoertav bi tafsaef dzeur-euq ma.

1 Gawˇliˬtu 2:2

Ngar, nawmaf naeq-aer jawr ngae, Yeqsur Kali-euq garkawv hawr-eu, aqyawf, lafyaq-euq khoertav bi tafsaef-euq garkawv maqngeur nar-aq, nuijeq tiqjeq-iq siqnya-eu maqgeuf laer ngar noeqtsaev taq-euq ma.

Gʼaˬkʼehˇ 17:18

Khoerngae, Erpirgurlu armaf hawr-eu Saqtovif armaf-euq tsawrganr siqzaq deuq khawf, Pawrluv naeq-aer jasawx-euq mae. Khoerngae, tiqpavnav deuq aer-eu, “Heugar maqloev maqlawv-aer tortor-aer can-eu heughaq aqjeq aermawf-eu nga?” Pawrluv, Yeqsur-euq garkawv hawr-eu ghofdaef lar-euq garkawv maeq-eu mirnae, tiqpavnav deuq aer-eu, “Aqyawf-aq, yawqkhanq yawqmir yawq-euq miqyaer deuq-euq garkawv maeq-eu lof-aer dur nga.”

Gʼaˬkʼehˇ 11:20

Aerkhawf, Gurbaqlur irjawlanr hawr-eu Kurleqniq mirkhanq-anr jawr-eu tiqpavnav deuq-aq, aqyawfmaf, Aqdirawq-anr larkeuv ngae, Heqlaqsar tsawrhaq-anr khawf ngaeqcawq-awr, Sanqpaq Yeqsur-euq garkawv dawqmaeq maeqnaeq-euq mae.

Gʼaˬkʼehˇ 8:5

Pirlirpuv khawf Saqmaqliv meuq-anr ir-awr, aqyawf maf-anr Kali-euq garkawv dawqmaeq maeqnaeq-euq mae.

Gʼaˬkʼehˇ 4:20

Nga’nyaf-aq, nga’nyaf nae yagaq-awr ya’mawr-euq garkawv deuq maqja-aer maq jawrnya nya.”

Luˇkaꞈ 22:53

Ngar yawqnan navluf nawmaf naeq-aer uqduq tanqnymr nymrma-anr jawrluf-eu khawf, nawmaf, ngaq-anr maqnyaef-a. Aerkhawf, aryamq heu-aq, nawmaf-euq aryamq mae. Nymq-mr-aq, yawzanr-euq baoq uvlanr luf-eu mae.”

Gʼaˬkʼehˇ 13:32

Miqyaer nae aqdui-euq aqpoeq deuq-anr sarjax dzaqtaq-euq lof-aer, nga’nyaf, nawmaf-anr laqkhaq caer-eu guiqlanqdawq heu maeqnaeq-eu ma.

Gaˬlaˬtiˆ 1:16

aqyawf-euq Zaqyo-euq garkawv aqcawq tsawrjeuq tsawrca-anr dawqmaeq bimaeq-ir-eu, aqyawf nuima tsaq-eu lof-aer aqyawf-euq Zaqyo-euq garkawv, ngaq-euq nuima-euq lafkhoer panmaeq naeqlaf-euq mae. Khoerngae, shiqshaq piluf-eu tiqghaq naeq-aer-iq ngar maq bawqdzaq-aq.