Gʼaˬkʼehˇ 5:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Ghaqkhaer deuq dawq khoerdawq yagaq-euq mirnae uqshawq yawnaf-aer, uqduq tanqnymr nymrma-anr urler-awr maeqnaeq tsovnaeq-euq mae. Khoerngae, pirma yawhuiq ghaq hawr-eu aqyawf naeq-aer jawr-eu tsawrhaq deuq lar-awr, khavma armur hawr-eu Irsaqleqlav tsawrhaq-euq aqyuif aqtsu dawqtawvluf kuruiq jir-awr, kuv-anr nyaefur taq-euq ghaqkhaer deuq-anr bi sheuqdov laq-ir-euq mae.

Akha

²¹ Dawˬ kʼoeˇ dawˬ-ahˇ gʼaˬ kʼehˇ deuˬ naˇ haˬ-awˇ, uˬ bya bya laˇ ngeh Uˬ duˬ tahˬ nymˇ nymˇ ma laꞈ kʼoeˇ uˇ leˇ-awˇ, gaˇ kawˆ kʼoeˇ mehˬ nehˬ tsoˆ nehˬ-euˬ meh. Piˇ ma Yaw huiˬ gʼaˬ hawˇ-eu aˬ yawꞈ-euˬ tsawˇ haˬ deuˬ neh, Yuˇdaˆ tsawˇ haˬ tsawˇ mawˬ tsawˇ kʼaˆ dawˬ tawˆ luꞈ kuˇ ymˬ jiˇ-awˇ, Baꞈ dzah dzah ma dzah-euˬ meh. Kʼoeˇ naˇ, gʼaˬ kʼehˇ deuˬ-ahˇ aˬ yawꞈ maꞈ-euˬ mehˬ shi bi sheuˬ laꞈ-eu gʼaˇ duˬ dawˬ biꞈ-euˬ meh.

Gʼaˬkʼehˇ 5:21 Referans Kwoze

Yoˇhaˬ 8:2

Uqshawq yawnaf-aer aqyawf, uqduq tanqnymr nymrma-anr par ghofler-euq mae. Tsawrhaq dawqtawvluf, aqyawf jawr-eu gar lar-euq mae. Khoerngae, Yeqsur nuir-awr, aqyawf maf-anr maeqnaeq tsovnaeq-euq mae.

Gʼaˬkʼehˇ 22:15

Aqjeq mirnae aernar-aq, nawq nae yagaq ya’mawr-euq deuq, tsawrhaq dawqtawv luf-euq maeqshi aqyawf-euq gharduq nawr sarkir yakamq taef-a.

Gʼaˬkʼehˇ 5:41

Miqyaer, aqyawf maf-anr Yeqsur-euq tsawrmyanr baqda’nae shafdawr-eu jeq-anr daq-eu geux-eu tsawrhaq laer sawxnaeq-euq mirnae, ghaqkhaer deuq, khavma armur-euq maeqshi nae laqkhaq caertavni dov-ir-euq mae.

Gʼaˬkʼehˇ 5:34

Aerkhawf, tsawrhaq dawqtawvluf yawzeu baw-eu zanrdawq maeq-eu saqlaq, Gaqmaqleqlar laer kur-eu Paqliqsaer tiq ghaq, khavma armur-euq lafkhoer turlar-awr, ghaqkhaer deuq-anr lafnyir tiqkhaeq bi sheuqdov ghaeni aqyawf maf-anr dawq bif-euq mae.

Gʼaˬkʼehˇ 5:27

Ghaqkhaer deuq-anr sheuqkeuv laf-euq nar-aq, khavma armur-euq maeqshi biyawf-awr, pirma yawhuiq ghaq, aqyawf maf-anr narhaq-eu lafkhoer,

Gʼaˬkʼehˇ 5:17

Khoerngae, pirma yawhuiq ghaq hawr-eu aqyawf naeq-aer kharjawr-eu Saqduqgaer armur-anr gawf-eu tsawrhaq deuq myavnavnav duidui-eu mirnae tsawqtur lar-euq mae.

Yoˇhaˬ 18:35

Pirlav aerkhof naeq-eu, “Ngar, Yurdav tsawrhaq nga laq? Nawq-euq tsawrjeuq tsawrca hawr-eu pirma aqyuif deuq, nawq-anr ngar jawr-eu gar sheuqha lar-euq mae. Nawr aqjeq mr-euq le?”

Luˇkaꞈ 22:66

Uqbya byalar-euq naeq-aer, Yurdav tsawrhaq-euq aqyuif aqtsu deuq, pirma aqyuif deuq hawr-eu zanr maeq-eu deuq tiqkawv lof-aer uiqler-awr, Yeqsur-anr aqyawf maf-euq khavma armur bawqdzaq-eu gar sheuqur lef-awr nae aer-eu,

Maꞈtehˬ 5:22

Aerkhawf, ngar, nawmaf-anr aernaeq nyar, tiqjeq-iq garkawv maqjav-eu gar nae nuima kharpaer-eu tsawrhaq-aq, yarkhaq dar-eu gar yadaq taef-a. Aqyuif aqnyir-anr ‘Dawrga’ laer khardaeq-eu tsawrhaq-aq, khavma armur-euq maeqshi yarkhaq dar-eu gar yadaq taef-a. Aqyuif aqnyir-anr ‘Aqdzawq argan’ laer khardaeq-eu tsawrhaq-aq, shiqbuir lanma miqdzaq-euq lafkhoer yadaq taef-a.

Jaceuq 105:22

Aqyawf, sanqpaq-euq dzoeqda deuq-anr janrnaeq mawf-eu lof-aer janrnaeq-awr; Sanqpaq-euq aqyuif aqtsu deuq-anr zaqsiq tsawrganr maeqnaeq-euq mae.

Gʼaˬkʼehˇ 22:5

Pirma yawhuiq ghaq hawr-eu khavma armur-euq aqyuif aqtsu dawqtawvluf khawf, ngaq-euq garkawv sarkir kamqnya taef-a. Aqyuif aqnyir Yurdav tsawrhaq-euq gharduq, ngar sanqbof za-awr, Daqmaqsaer-anr jawr-eu aqyuif aqnyir deuq-anr shmrcav nae paf-awr, Yeqlursaqlaeq-anr sheuqkeuv laf-awr khaeqnaeq-eu laer ngar, Daqmaqsaer-anr ir-euq ma.”