Gʼaˬkʼehˇ 4:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqyawfmaf, Beqtuvluv hawr-eu Yorhaq nuima khaqduqni ghae-eu gar ya’mawr-awr, sanqbof maq dzawhaw-aer, mrdzaw maqdzaw-euq tsawrhaq mae laer parya siq ngae zanqler-eu mae. Khoerngae, aqyawf nyaf-aq, Yeqsur naeq-aer jawr-euq mirnae ngar-a laer, aqyawf maf-anr noeqdov ler-euq mae.

Akha

¹³ Beˬtuˆluˆ hawˇ-eu Yoˇhaˬ aˬ nyaꞈ zaˬ siˬ tsawˇ gahˇ maˬ ya dzaw haw-euˬ dahˇ taˆ zaˬ pyeuꞈ kʼawꞈ, kʼoeˇ loꞈ-ehˇ kʼaˬ duˬ ni ngehˬ gaˇ tmˇ gaˇ, Baꞈ dzah aˇ muˇ laꞈ kʼoeˇ uˇ-eu aˬ yuiꞈ aˬ tsu deuˬ zahˬ leˇ-euˬ meh. Kʼoeˇ mi neh, aˬ yawꞈ nyaꞈ Yeˬsuˇ nehˬ-ehˇ jawˇ haw-euˬ tsawˇ haˬ pyeuꞈ-eu ngaˇ lehˇ aˬ yawꞈ maꞈ siˬ duˬ-euˬ meh.

Gʼaˬkʼehˇ 4:13 Referans Kwoze

1 Gawˇliˬtu 1:27

Aerkhawf, Miqyaer, zaqsiq tsawrganr anr-eu deuq bi shafdawr-ir-eu laer, mirtsaqzaq nae zaqsiq tsawrganr maqanr-a laer sawxtaq-euq deuq-anr tserdov-euq mae. Miqyaer, ghaq khav-eu deuq bi shafdawr-ir-eu laer ghaq baq-eu tsawrhaq mae laer mirtsaqzaq nae sawxtaq-euq deuq-anr tserdov-euq mae.

Yoˇhaˬ 7:15

Yurdav tsawrhaq zanqler-awr aer-eu, “Tsawrhaq teughaq-aq, sanqbof maq dzawhaw-euq gar nae, sanqbof aqjox-aer siqnya-eu nga?”

Maꞈtehˬ 11:25

Khoerngae, Yeqsur heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-eu mae.

Maꞈtehˬ 26:73

Tiqkhaeq parkar-ir-euq nar-aq, khoergar yawfluf-eu deuq, Beqtuvluv jawr-eu gar lar-awr aer-eu, “Nawr-aq, aqdir aqmar aqyawf maf-euq armur-euq lafkhoer keuq-eu tiq ghaq ngar-a. Aqjeq mirnae aernar-aq, nawr dawq ngaeq-eu gar narhaq khawf byacaevni siqlar-eu beu.”

Yoˇhaˬ 7:49

Aerkhawf, zanrdawq-anr maq siqnya-eu tsawrhaq armaf heudeuq-aq, yaqkhaer yaq-eu gar yadaq taef-a.”

Luˇkaꞈ 22:8

Khoerngae, Yeqsur, Beqtuvluv hawr-eu Yorhaq-anr khaer-awr aer-eu, “Nawnyaf ir-awr, aqduimaf Baqsaqkaq dzaqbyawr dzaqtaf nya’ni, aqdui-euq gharduq laeqhmq-ir-awq.”

Maꞈtehˬ 26:71

Khoernar-aq, Beqtuvluv dov-ir-awr, ghovkhaeq-anr irkeuv ngae, kuirlaf zaqkhav aqbur nuighaq, aqyawf-anr parmawr-awr, khoergar jawr-eu tsawrhaq deuq-anr aernaeq-eu, “Teughaq-aq, Naqzaqlaer tsawrhaq Yeqsur naeq-aer jawr-euq tsawrhaq mae.”

Yoˇhaˬ 19:26

Yeqsur-aq, aqyawf-euq aqma hawr-eu aqyawf zawr gaq-eu zaqlanr khoerghaq, aqyawf-euq aqma-euq dawqpae yawfluf-eu gar mawr-awr, aqyawf, aqyawf-euq aqma-anr aernaeq-eu, “Zaqmiq aqbur-or! Haeq, teughaq-aq, nawq-euq zaqyo mae!”

Gʼaˬkʼehˇ 4:14

Khoeruqtaf, aqkuir taqler-euq khoerghaq, aqyawfnyaf naeq-aer yawfluf-eu gar parya mawr-euq mirnae, aqyawfmaf tiqjeq-iq maq aerler nya-a.

Gʼaˬkʼehˇ 4:19

Aerkhawf, Beqtuvluv hawr-eu Yorhaq, aqyawf maf-anr heulof-aer aerkhof naeq-euq mae, “Miqyaer-anr narhaq geuf-eu navmaqtser nawmaf-anr narhaq geuf-eu, Miqyaer-euq maeqshi tsaq paq-aer ghae mir-a laq laer nawmaf dar-awq.

Gʼaˬkʼehˇ 4:29

Sanqpaq Miqyaer-or! Nymq-mr aqyawfmaf, nga’maf-anr guvtsiq nyaeflar-eu gar haw-awr, nawq-euq ghaqzaq ghaqkhaer deuq nuima khaqduqni anranr-aer, nawq-euq dawq ngaeqnya’ni cawba naeqlaf-awq.

Gʼaˬkʼehˇ 4:31

Aqyawfmaf guiqlanq sharghaq ngae, aqyawfmaf uiqler taq-euq khoertsanr nyaelar-euq mae. Khoernar-aq, aqyawfmaf yawqghaq navluf-anr Yawshawr Saflar byanle-awr, aqyawfmaf nuima khaqduqni Miqyaer-euq dawq ngaeq-eu mae.

Gʼaˬkʼehˇ 9:27

Aerkhawf, Baqnaqbar, aqyawf-anr sheuq-awr ghaqkhaer deuq jawr-eu gar dzoer-ir-euq mae. Sawrluv garma garpaer-anr, Sanqpaq Yeqsur-anr aqjox-aer mawr-awr, Sanqpaq Yeqsur, aqyawf-anr dawq aqjox-aer ngaeqcawq le-euq garkawv hawr-eu aqyawf, Daqmaqsaer-anr Yeqsur-euq tsawrmyanr-anr ghoeghoe-aer nuima khaqduqni dawqmaeq aqjox-aer maeq-euq garkawv khawf, aqyawf maf-anr dzawrnaeq-euq mae.

Gʼaˬkʼehˇ 9:28

Khoermirnae, aqyawf, aqyawfmaf naeq-aer irir larlar-aer Yeqlursaqlaeq-anr jawr-euq mae.

1 Gawˇliˬtu 14:25

Khoermirnae, aqyawf-euq nuima-euq lafkhoer zaftaq-euq deuq khawf pandov laf-awr, myavpyawq, mirtsa tuvni awbyav-awr, Miqyaer-anr uqduq tanqtanq-aer, Miqyaer-aq, aqdir nawmaf-euq ghanrcae jawrluf-eu ngar-a laer aer taef-a.

2 Gawˇliˬtu 3:12

Aqdui heulof-aer noeqtmqkhar za-eu mirnae, aqdui nuima khaqduqni ngaeqpeuq tmrpeuq-eu ma.