Gʼaˬkʼehˇ 3:25 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Nawmaf-aq, Miqyaer gharduq ngaeqdan-eu deuq-euq zaqdeuq pyeuf-awr, Miqyaer nae aqdui-euq aqpoeq deuq-anr aernaeq-euq dawqma sarjax-euq zaqdeuq khawf pyeuf-eu mae. Miqyaer, Aqbyaqhaq-anr aernaeq-euq, ‘Mirtsaq-euq khoertav-euq tsawrjeuq tsawrca dawqtawvluf, nawq-euq aryoeq-euq baqda’nae guiqlanq za taef-a.’ (Adb 22:18; 26:4)

Akha

²⁵ Miˬyehˇ neh aˬ yawꞈ gʼaˇ duˬ ngehˬ dah-eu deuˬ-ahˇ gʼoe-awˇ saˇ jaˇ dzaˬ taˬ-euˬ-aˬ, naw maꞈ gʼaˇ duˬ pyeuꞈ-awˇ, naw maꞈ-euˬ aˬ poeˬ aˬ bawˇ deuˬ hawˇ-eu Miˬyehˇ yaw kaˬ dzaˬ taˬ-euˬ dawˬ ma saˇ jaˇ kʼoeˇ, naw maꞈ-ahˇ kʼawꞈ taꞈ-eu meh. Miˬyehˇ neh Aˬbyaˬhaˬ-ahˇ ‘Nawˬ-euˬ zaˬ nawˬ-euˬ uˆ deuˬ-ahˇ gʼoe-awˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ-ahˇ ngaˇ guiˬ lahˬ biꞈ ma lehˇ ehˇ nehˬ-euˬ dawˬ kʼoeˇ dawˬ, naw maꞈ-ahˇ kʼawꞈ ehˇ mawꞈ-eu meh.

Gʼaˬkʼehˇ 3:25 Referans Kwoze

Gʼaˬkʼehˇ 2:39

Aqjeq mirnae aernar-aq, sarjax khoer-aq, aqdui-euq Sanqpaq Miqyaer nae khar kurtaq-euq nawmaf-anr khawf, nawmaf-euq zaqdeuq-anr khawf, garmanr kaq-eu gar jawr-eu tsawrhaq dawqtawv luf-anr khawf dzaqtaq-euq mae.”

Gaˬlaˬtiˆ 3:8

Aqcawq tsawrjeuq tsawrca jan-eu mirnae, Miqyaer, aqyawf maf-anr tsaq-awr dawr-eu tsawrhaq bi pyeuflar taef-a laer yawbae ngae nae Yaerbof mawrtaq-euq mae. “Nawq-euq baqda’nae, mirkhanq-euq tsawrjeuq dawqtawvluf guiqlanq za taef-a,” (Adb 12:3,18) laer Yaerbof, Aqbyaqhaq-anr guiqlanqdawq maeqnaeq baebae-euq mae.

Panmaeq 7:9

Khoernar-aq, ngar hawghae ngae, hawsher-eq, tsawrhaq tiqghaq-iq maq guijir coer-eu tsawrhaq armaf mafma-anr ya’mawr-euq ma. Aqyawf maf-aq, tsawrjeuq tsawrca, arjeuq arca, tsawrhaq hawr-eu dawqngaeq dawqbav yawqjeq navluf-euq lafkhoer nae lartaq-euq mae. Aqyawfmaf pyurdeuqni ghae-eu paerkhanq paermanr dm-awr, aqlaf-anr daor uqpyaq baf-awr nae, nuirmanq hawr-eu Yawrzaq-euq maeqshi yawfluf-eu mae.

Gaˬlaˬtiˆ 3:16

Aqbyaqhaq hawr-eu aqyawf-euq aryoeq-anr dawqma sarjax khoerdeuq aernaeq taq-euq mae. “Aryoeq” laer aer-eu-aq, ghawqmya ghaq-anr aer-eu maqngeur-a. “Nawq-euq aryoeq khoerghaq,” (Adb 12:7) laer aer-eu-aq, tiq ghaq-anr aer-eu taef mae. Khoerghaq-aq, Kali mae.

Lormav 4:13

Miqyaer, Aqbyaqhaq hawr-eu aqyawf-euq aryoeq-anr mirtsaq heu dawqtawvluf za’ni jeqbir of-eu tsawrhaq bipyeuf ma laer sarjax dzaqtaq-euq mae. Khoer-aq, zanrdawq-euq baqda’nae maqngeur-eu, jan-eu jeq-anr taf-eu tsaq-awr dawr-eu jeq-euq baqda’nae za-eu mae.

Gaˬlaˬtiˆ 3:29

Nawmaf Kali-anr taf-eu tsawrhaq ngeur nar-aq, Aqbyaqhaq-euq aryoeq pyeuf-awr, dawqma sarjax aertaq-euq lof-aer jeqbir of-eu tsawrhaq mae.

Jaceuq 22:27

Mirtsaq-euq mirdzer yawqdzer navluf, Ya’we Miqyaer-anr noeqkeuv lar-awr, aqyawf jawr-eu paw ghofkhoflar taef-a. Mirkhanq-euq tsawrjeuq-euq zawfjir dawqtawvluf khawf, nawq-euq maeqshi uqduq tanqlar taef-a.

Panmaeq 14:6

Khoernar-aq, ngar, mqtav mirkhanq-euq ghanrcae mqtav ghaqkhaer tiq ghaq zawluf-eu gar ya’mawr-euq ma. Aqyawf-aq, mirtsaq-euq khoertav kharjawr-eu tsawrjeuq tsawrca, arjeuq arca, dawqngaeq dawqbav hawr-eu tsawrhaq yawqjeq navluf-anr maeqnaeq-eu gharduq, mqmaq maqbyav yarzir-euq guiqlanqdawq piluf-eu mae.

Panmaeq 5:9

Aqyawfmaf cardawq yawshuif heulof-aer car-eu mae: “Nawr-aq, yovtaq-euq sanqbof teuyov yur-awr, Jmq diqtaq-euq gheudzae-eu geux-eu mae. Aqjeq mirnae aernar-aq, nawr saef-euq gar yadaq-awr, Nawq-euq shiq nae yawqjeq navluf-euq arjeuq arca, dawqngaeq dawqbav, tsawrhaq hawr-eu tsawrjeuq tsawrca-anr, kakhof-awr Miqyaer-anr bi gawflar naeqlaf-euq mae.

Lormav 15:8

Nymq-mr ngar aermawf-eu-aq, arhu Miqyaer nae aqpoeq deuq-anr sarjax dzaqtaq-euq khoerdeuq biduq bi marlarni hawr-eu, Miqyaer-euq yawtsaq yawdawr bi dovlar-eu gharduq, Yeqsur Kali, bawkhov maeqdzaq yaeq-euq tsawrhaq deuq-euq kuirlaf zaqkhav geufle-euq mae.

Gʼaˬkʼehˇ 13:26

“Aqbyaqhaq-euq zaq pyeuf-eu aqyuif aqnyir hawr-eu nawmaf-euq lafkhoer Miqyaer-anr guv-eu tsawrhaq deuq-or! Kakhof-eu garkawv-anr taf-eu dawq heu-aq, nawmaf-anr shaha keuvlef taq-euq mae.

Luˇkaꞈ 1:72

Aqyawf, aqdui-euq aqpoeq deuq-anr ghawqshaq gaq-eu lafkhoer janrnaeq-awr, Aqyawf-euq shawr-eu dawqma sarjax-anr noeqkeuv-euq mae.

Jaceuq 96:7

Tsawrhaqzaq-euq tsawrpaq tsawrca deuq-or, Ya’we Miqyaer-anr a’naeq-awq! Ghaq hawr-eu yawshaef khanqsaer, Ya’we Miqyaer-anr a’naeq-awq.