Gʼaˬkʼehˇ 3:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Khoermirnae, noeqpov noeqpar-awr daefpov daefpar-awq. Khoerlof-aer janr nar-aq, Miqyaer, nawmaf-euq iqbax sivdzae naeqlaf-awr, Sanqpaq Miqyaer-euq maeqshi lavshuif-eu aryamq keuvle taef-a.

Akha

¹⁹ Naw maꞈ-euˬ iˬ baˇ bi pyehˬ nehˬ-eu gʼaˇ duˬ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ kʼoeˇ loꞈ-ehˇ jahˇ naˇ,

Gʼaˬkʼehˇ 3:19 Referans Kwoze

Gʼaˬkʼehˇ 2:38

Khoerngae, Beqtuvluv, aqyawf maf-anr heulof-aer aernaeq-euq mae: “Miqyaer, nawmaf-euq iqbax pyaeqnaeqni noeqpov noeqpar-awr, Yeqsur Kali-euq tsawrmyanr-euq uqmov bartirsaq hageuf-awq. Khoerlof-aer janr nar-aq, Yawshawr Saflar-euq lafsawq za taef-a.

Maꞈtehˬ 18:3

heulof-aer aer-eu mae: “Ngar, nawmaf-anr aqdirma-aer aernaeq nyar, nawmaf nuima par-awr, zaq yawnyir lof-aer maq pyeuflar nar-aq, mqtav mirkhanq-anr tiqjeq ghaenae-iq maqya urler-a.

Maꞈtehˬ 13:15

Aqjeq mirnae aernar-aq, Tsawrhaq heudeuq-euq nuima ghanr-ir-awr, Naqbawr naqbar bar-ir-awr, Myavnuiv mivtaeq taq-euq mae. Khoerlof-aer maqghae lawnmr-aq, Aqyawfmaf, ngar jawr-eu paw pyawrlar taef-a. Ngar, aqyawf maf-anr bi taqler-eu ma. Khoerngae, aqyawf maf-euq myavnuiv mawrlar-awr, naqbawr coerlar taef-a. Nuima khawf noeqsiq nyalar taef-a.’ (Isy 6:9-10)

Jaceuq 51:9

Nawq-euq myavpyawq, ngaq-euq iqbax-anr nae awzaf-awr, Ngaq-euq yawlaeq yawca jeq dawqtawv luf-anr sivdzaejir naeqlaf-awq.

2 Teˇsaˬloˇni 1:7

nuima maqsar-aer ya daqluf-eu nawmaf-anr nga’maf naeq-aer ghaqnaq binaq-eu tsaq mae laer Miqyaer noeqtaq-euq mae. Khoerngae, miqdzaq miqlmr-euq lafkhoer Sanqpaq Yeqsur hawr-eu baoq huiq-eu aqyawf-euq mqtav ghaqkhaer deuq naeq-aer mq-anr nae bi dovle-awr,

Gʼaˬkʼehˇ 11:21

Sanqpaq Miqyaer-euq aqlaf, aqyawf maf-anr sheuqghae luf-eu mirnae, tsawrhaq ghawqmya’ni Sanqpaq Miqyaer-anr janlar-awr, aqyawf jawr-eu paw pyawrlar-euq mae.

2 Beˬtuˆluˆ 3:8

Aerkhawf, ngar zawr gaq-eu cawqdeuq-or! Heu tiqjeq-anr taqngaer de-eq. Sanqpaq Miqyaer-euq gharduq-aq, tiq nan khawf 1,000 khof lof-aer dur-awr, 1,000 khof khawf tiq nan lof-aer dur-eu mae.

Gʼaˬkʼehˇ 28:27

Aqjeq mirnae aernar-aq, tsawrjeuq heujeuq-euq nuima ghanr-ir-awr, Naqbawr naqbar bar-ir-awr, myavnuiv mivtaeq taq-euq mae. Khoerlof-aer maqghae lawnmr-aq, Aqyawfmaf, ngar jawr-eu paw pyawrlar taef-a. Ngar, aqyawf maf-anr bi taqler ma. Khoerngae, aqyawf maf-euq myavnuiv mawrlar-awr, naqbawr coerlar taef-a. Nuima khawf ghovshaw nyalar taef-a.” ’ (Isy 6:9-10)

1 Beˬtuˆluˆ 2:25

Yawbae, nawmaf-aq, garbanq banq-euq yawr-anr dur-eu mae. Aerkhawf, nymq-mr nawmaf-aq, nawmaf-euq nuima saflar-anr hawpir-eu ghaq hawr-eu yawr bo-eu ghaq jawr-eu gar ghofkhof lar-euq mae.

2 Teˇsaˬloˇni 1:10

Khoerngae nan, Sanqpaq Yeqsur zafka le-awr, aqyawf-euq tsawrshawr deuq, aqyawf-anr ciqhuiq ciqmanr-awr, aqyawf-anr jan-eu tsawrhaq dawqtawvluf, aqyawf-anr jaceuq taef-a. Aqjeq mirnae aernar-aq, nga’maf nae nawmaf-euq ghanrcae sarkir kamq-euq gar nawmaf jan-eu mae.

Gʼaˬkʼehˇ 11:18

Aqyawfmaf garkawv khoer-anr yagaq ngae, ciqcur savni jawr-awr Miqyaer-anr ciqhuiq ciqmanr-eu, “Tox-aer mar-iq, aqcawq tsawrjeuq tsawrca-anr khawf daef-eu jeq bi za’ni Miqyaer, aqyawf maf-anr bi noeqpov bi noeqpar-euq ngar-a.”

Luˇkaꞈ 1:16

“Aqyawf, Irsaqleqlav tsawrhaq ghawqmya ni-anr aqyawf maf-euq Sanqpaq Miqyaer jawr-eu paw bi ghoflar taef-a.

Lormav 11:25

Aqyuif aqnyir deuq-or! Nawmaf yawqhar yawqha zaqsiq tsawrganr anr ma laer maqya noeqni, ngar, nawmaf-anr zaftaq-euq garkawv heu-anr maq siqnya-aer maqbi ghaemawf nya. Aqcawq tsawrjeuq tsawrca maq urbyan lar-euq khoerkeuvni, Irsaqleqlav tsawrhaq tiqpavnav deuq myavbaefbaef taef-a.

Gʼaˬkʼehˇ 17:26

Aqyawf, tsawrhaq tiq ghaq-euq shiq-anr nae taef-aer, mirkhanq-euq tsawrjeuq tsawrca dawqtawv luf-anr bae-euq khoer-aq, mirtsaq tanqkhawr doeni bijawr-eu gharduq mae. Aryamq arlaw hawr-eu yajawr-eu mirkaq khawf, ardanqbae ngae nae noeqtsaev taq-euq mae.

Gʼaˬkʼehˇ 15:3

Khoerngae, Kalizaq armur aqyawf maf-anr khaerdov-awr bile-euq mae. Aqyawfmaf, Pirnir mirkhanq hawr-eu Saqmaqliv mirkhanq-anr cantsaev-awr, aqcawq tsawrjeuq tsawrca, Miqyaer jawr-eu paw ghoflar-euq garkawv dzawrmaeqnaeq ngae, aqyuif aqnyir dawqtawvluf laqkhaqcaer duidui-eu mae.

Gʼaˬkʼehˇ 3:21

Miqyaer-aq, mqmir bae ngae nae, shawr-eu aqyawf-euq gharduq ngaeqdan-eu deuq-euq khaqmae-anr ghoe-awr aertaq-euq lof-aer, yawqjeq navluf lavmuiqkhof jir ngae keuvni, mqtav mirkhanq, aqyawf-anr yabi jawrtawq taef-a.

Gʼaˬkʼehˇ 1:6

Khoermirnae, aqyawfmaf uiqler taq-awr jawr ngae, Yeqsur-anr narhaq-eu, “Sanqpaq-or! Nymq-mr nawr, Irsaqleqlav tsawrhaq yawqhar yawqha parbi uvlanr-eu laer ghae-eu ma lor?”

Jaceuq 103:12

Nanrma gakhaeq, dovkhaeq-anr nae armanni kaq nar-aq; Aqyawf, aqdui-euq yawbanq yawlaeq-anr khoermanni kaq-eu gar yurdzae naeqlaf-euq mae.

Jaceuq 51:13

Khoernar-aq, ngar, yawbanq yawlaeq jeq mr-eu deuq-anr, Nawq-euq garma maeqnaeq ngae, Iqbaxzaq noeqpov noeqpar-awr, nawr jawr-eu paw ghoflar taef-a.

Panmaeq 21:4

Miqyaer, aqyawf maf-euq myavbir dawqtawv luf-anr sivdzaenaeq taef-a. Shir-eu jeq maqpar jav-aer, noeqshaq-eu jeq hawr-eu ngoer-eu jeq maqpar jav-eu uqtaf, nar-awr gawr-eu jeq khawf maqpar jav-eu mae. Aqjeq mirnae aernar-aq, yawbae jav-euq jeq dawqtawvluf byovjir-euq mae.”

2 Tiˆmoˇseˬ 2:25

Maeq-eu gar pyaerlar-eu tsawrhaq-anr nuinanq nuiyu anr-awr maeqnaeq nya-eu tsawrhaq khawf yapyeuf-eu mae. Khoerlof-aer janr nar-aq, aqyawfmaf yawtsaq yawdawr-anr siqnya larni, Miqyaer, aqyawf maf-anr bi noeqpov bi noeqpar lar-eu baw-mr.

Gʼaˬkʼehˇ 3:20

Aqcawq, aqyawf-euq garkawv maeq-eu gar nawmaf ya gaqhaw-euq Yeqsur Kali-anr khawf, aqyawf bi’oe taef-a.

HeˬByehˇ 4:1

Khoermirnae, aqyawf-euq ghaqnaq naqduq-anr urler-eu sarjax javluf ngae, nawmaf-euq lafkhoer tiqghaqnav maqya urler-eu paq laer, aqdui khawf guvkhar za-eu mae.

Luˇkaꞈ 22:57

Aerkhawf, Beqtuvluv pyaer-eu, “Zaqmiq aqbur-or! Ngar, aqyawf-anr maq siqnya nya.”