Gʼaˬkʼehˇ 3:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Nawmaf, daefzir-euq Sanqpaq pyeuf-eu ghaq-anr saef-euq mae. Aerkhawf, Miqyaer, aqyawf-anr shir-euq gar nae bi ghofdaef lar-euq mae. Nga’nyaf-aq, garkawv heu-euq sarkir pyeuf-eu ma.

Akha

¹⁵ Dehꞈ-eu gaˇ ma sheuˬ mehˬ-eu gʼaˬ-ahˇ naw maꞈ sehꞈ-euˬ meh. Ehˇkʼawꞈ, Miˬyehˇ neh aˬ yawꞈ-ahˇ paˇ bi gʼoꞈ dehꞈ laˇ-euˬ meh. Nga nyaꞈ siˬ duˬ mawˇ duˬ-euˬ ma.

Gʼaˬkʼehˇ 3:15 Referans Kwoze

Gʼaˬkʼehˇ 2:24

Aerkhawf, Miqyaer, aqyawf-anr shir-eu jeq-euq shaqzanq-anr nae puirpyaeq naeq-awr, bi ghofdaef lar-euq mae. Aqjeq mirnae aernar-aq, shir-eu jeq aqyawf-anr maq paftawftaq nya-a.

Panmaeq 21:6

Khoerngae, aqyawf, ngaq-anr heulof-aer aernaeq laf-euq mae, “Mrluiv jir-euq ma! Ngar-aq, Ardanq bae-awr Arsaq saq-eu ghaq, Aqlaqpar hawr-eu Ormeqgar ma. Ngar, ircuf kharmaef-eu tsawrhaq-anr, daef-eu jeq bif-eu ircuf irbyoe-anr nae yoerdov lef-eu ircuf yawqngaef-aer bidawr ma.

Gʼaˬkʼehˇ 2:32

Yeqsur heughaq-anr Miqyaer nae bi ghofdaef lar-euq mae. Nga’maf dawqtawvluf garkawv heu-euq gharduq sarkir kamq-eu tsawrhaq ma.

HeˬByehˇ 2:10

Miqyaer, aqyawf-euq zaq ghawqmya ni-anr, aqyawf-euq yawshaef khanqsaer jav-eu gar sheuqlaf-eu gharduq, aqyawf maf-euq kakhof-eu jeq bi byanlarni sheuqghae-eu ghaq, shaq-awr zanq-eu jeq yadaq-eu gar Miqyaer nuima tsaq-eu mae. Aqjeq mirnae aernar-aq, kharjawr kharjav-eu yawqjeq navluf Miqyaer nae bae-awr, yawqjeq navluf aqyawf-euq pyeuf-eu mae.

1 Gawˇliˬtu 15:45

Khoerlof-aer durni, Yaerbof-euq lafkhoer boftaq-euq, “Tsawrhaq yawbae ghaq pyeuf-eu Aqdaq-aq, daef-eu tsawrhaq pyeuflar-euq mae.” (Adb 2:7) Arsaq saq-eu Aqdaq ghaq-aq, daef-eu jeq bif-eu saflar pyeuflar-euq mae.

Yoˇhaˬ 5:26

Aqjeq mirnae aernar-aq, Aqda, aqyawf-euq lafkhoer daef-eu jeq anr-eu lof-aer durni, Zaqyo-euq lafkhoer khawf daef-eu jeq anrni, aqyawf-anr biftaq-euq mae.

Yoˇhaˬ 1:4

Aqyawf-euq lafkhoer daef-eu jeq anr-eu mae. Daef-eu jeq khoer-aq, tsawrhaq-euq yawshaef mae.

Panmaeq 22:17

Khoerngae, muiq-eu Saflar hawr-eu miqshuif aer-eu, “Lar-awq.” Yagaq-euq tsawrhaq deuq khawf, “Lar-awq” laer kur-awq. Ircuf maef-eu tsawrhaq deuq khawf lar-awq. Khar dawrmawf-eu tsawrhaq yawqghaq navluf daef-eu jeq bif-eu ircuf yawqngaef-aer dawrlar-awq.

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.

HeˬByehˇ 5:9

Aqyawf khoerlof-aer byanlar-euq nar-aq, aqyawf-anr narhaq geuf-eu yawqghaq navluf-euq, li-eu maqbawni kakhof-eu jeq-euq dawqpaeq duqpur pyeuflar-euq mae.

Yoˇhaˬ 17:2

Nawr, tsawrhaq dawqtawv luf-euq khoertav-euq aryaq aqyawf-anr biftaq-euq lof-aer, aqyawf-anr khar a’naeq taq-euq tsawrhaq dawqtawv luf-anr, aqyawf mqmaq maqbyav yarzir daef-eu jeq bifnaeq nya-eu mae.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Yoˇhaˬ 4:14

Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Yoˇhaˬ 4:10

Yeqsur, aqyawf-anr aerkhof naeq-eu, “Miqyaer nae bif-euq lafsawq hawr-eu, ‘Ngaq-anr ircuf bidawr naeqlaf-awq’ laer nawq-anr sharluf-eu ghaq aqsur ghaq la laer nawr siqnya lawnmr-aq, nawr, aqyawf-anr shar taef-a. Aqyawf khawf nawq-anr daef-eu jeq bif-eu ircuf bidawr naeqlaf taef-a.”

Panmaeq 22:1

Khoerngae, mqtav ghaqkhaer khoerghaq, ngaq-anr daef-eu jeq bif-eu shawrjaevni ghae-eu ircuf lawrgawv bimawr naeqlaf-euq mae. Lawrgawv heugawv-aq, jeq-oq lof-aer shawr-awr, Miqyaer hawr-eu Yawrzaq-euq nuirmanq-anr nae yoerdov lef-eu mae.

Yoˇhaˬ 10:28

Khoeruqtaf, ngar, aqyawf maf-anr mqmaq maqbyav yarzir daef-eu jeq bif-awr, aqyawfmaf tiqjawr-iq maqya cawv-ir-ar. Ngaq-euq aqlaf-anr nae tiqghaq-iq yawr khoerdeuq-anr maq ludov nya-ar.

Eˇpeˇsu 1:20

Aqyawf-euq baoq khoer Kali-euq lafkhoer gar mr ngae, aqyawf-anr shir-euq gar nae bi ghofdaef lar-awr, mq-euq khoertav, Miqyaer, Kali-anr aqyawf-euq armar paw binuir-euq mae.

Gʼaˬkʼehˇ 5:31

Uvlanr-eu ghaq hawr-eu Kakhof-eu ghaq pyeuf-awr, Irsaqleqlav-anr noeqpov noeqpar-eu jeq hawr-eu, iqbax pyaeq-eu jeq bif-eu gharduq, Miqyaer, aqyawf-anr aqyawf-euq armar paw ciqgor naeq-euq mae.

Gʼaˬkʼehˇ 1:22

Yorhaq bartirsaq mrnaeq-eu aryamq-anr nae bae-awr, Yeqsur, aqdui jawr-eu gar nae bi sheuqdav lef-euq arnan aryamq-anr keuvni, aqdui naeq-aer keuq-eu tiq ghaq, Yeqsur ghofdaef lar-euq garkawv, aqduimaf naeq-aer sarkir kamq-eu tsawrhaq ya pyeuflar-eu mae.”

Luˇkaꞈ 24:48

Nawmaf-aq, garkawv heudeuq-euq gharduq sarkir yakamq-eu tsawrhaq deuq mae.

Gʼaˬkʼehˇ 4:2

Aqyawfnyaf, tsawrhaq khoerdeuq-anr maeqnaeq tsovnaeq luf-awr, Yeqsur-euq garkawv-anr ghoe-awr, shir-euq tsawrhaq ghofdaef lar-eu garkawv maeqnaeq luf-eu mirnae, nuima paer duidui-eu mae.

HeˬByehˇ 12:2

Caevghaeluf ngae, Yeqsur-anr hawtsov taq-awq. Aqyawf-aq, aqdui jan-eu jeq-euq ardanq bae-euq ghaq hawr-eu arsaq saq-eu ghaq pyeuf-eu mae. Aqyawf-euq maeqshi javluf-eu laqkhaq caer-eu jeq-euq baqda’nae, daqga-eu jeq-anr maq sharnoeqni lafyaq-anr daq-euq mae. Nymq-mr aqyawf, Miqyaer-euq nuirmanq armar paw nuirluf-eu mae.