Gʼaˬkʼehˇ 3:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Nawmaf, Tsaq-awr dawr-eu Yawshawr ghaq-anr byaerdzae-awr, aqcawq-anr saef-eu tsawrhaq pyaeqnaeqlaf laer shar-euq mae.

Akha

¹⁴ Aˬ yawꞈ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ meh. Ehˇ kʼawꞈ, naw maꞈ aˬ yawꞈ-ahˇ byehˇ dzeh-awˇ, aˬ yawꞈ-euˬ dah zaˇ aˬ cawˬ-ahˇ sehꞈ-euˬ tsawˇ haˬ tiˬ gʼaˬ-ahˇ pyehˬ nehˬ-awˬ lehˇ, sahˬ paˬ Piˇlaˆ-ahˇ naw maꞈ shaˇ-euˬ meh.

Gʼaˬkʼehˇ 3:14 Referans Kwoze

Maˬkuˆ 1:24

Aqyawf aer-eu, “Naqzaqlaer tsawrhaq Yeqsur-or! Nawr, nga’maf-anr aqjeq taf-eu le? Nga’maf-anr lavcawv le-euq le lor? Nawr aqsur ghaq-a laer ngar siqnya ma. Nawr-aq, Miqyaer-euq Yawshawr ghaq mae.”

Gʼaˬkʼehˇ 7:52

Nawmaf-euq aqpoeq deuq nae maqbi khaeq maqbi khav haw-euq Miqyaer gharduq ngaeqdan-eu tsawrhaq aqgeu ghaq jawr-eu la? Tsaq-awr dawr-eu ghaq oe taef-a laer ngaeqdan-euq deuq-anr khawf, aqyawfmaf saef-euq mae. Nymq-mr nawmaf khawf, Tsaq-awr dawr-eu khoerghaq, aqcawq-anr anqdzaq-awr bisaef-euq mae.

1 Beˬtuˆluˆ 3:18

Aqjeq mirnae aernar-aq, Kali khawf iqbax-euq gharduq shaqzanq tiq pov daq-euq mae. Maqtsaq maqdawr-eu tsawrhaq-euq gharduq, tsaq-awr dawr-eu ghaq yadaq-euq mae. Aqyawf, aqdui-anr Miqyaer-euq maeqshi sheuqlef nya’ni, shiqshaq paw-aq, bi tafsaef-euq khawf, muiq-eu Saflar nae bi ghofdaef lar-euq mae.

Gʼaˬkʼehˇ 4:27

“Nawq nae tsaqtsov taq-euq, shawr-eu nawq-euq ghaqzaq ghaqkhaer Yeqsur-anr aqdir muir-eu laer, Heqlor hawr-eu Boqtiv Pirlav, aqcawq tsawrjeuq tsawrca hawr-eu Irsaqleqlav tsawrhaq deuq khawf tiqkawv lof-aer uiqlar taq-euq mae.

Yaˬkoˆ 5:6

Nawmaf, dawr-awr tsaq-eu tsawrhaq-anr yarkhaq dar-awr, aqyawf-anr saef-euq mae. Aerkhawf, aqyawf, nawmaf-anr maq lavtsoeq-aq.

Gʼaˬkʼehˇ 22:14

Khoernar-aq, aqyawf aer-eu, ‘Nawr, Miqyaer nuima tsaq-eu jeq-anr yasiqni hawr-eu, Tsaq-awr dawr-eu ghaq-anr ya’mawrni khawf, aqyawf-euq khaqmae-anr nae ngaeqdov lef-euq tersar-anr yagaqni khawf, aqdui-euq aqpoeq deuq-euq Miqyaer, nawq-anr tserdov taq-euq mae.

Panmaeq 3:7

“Pirlaqdeqpir Kalizaq armur-euq mqtav ghaqkhaer-anr heulof-aer bofnaeq-awq: ‘Larghov pantaq-euq gar tiqghaq-iq maq piqtaeq nya-aer, piqtaeq taq-euq gar tiqghaq-iq maq pannya-eu, “Daqbir-euq mawqtawfdur tuvtaeq taq-euq dawrcoeni ghae-eu yawshawr ghaq heulof-aer aer-eu mae.”

1 Yoˇhaˬ 2:1

Ngar gaq-eu zaqdeuq-or! Nawmaf iqbax maqya mrni, garkawv heudeuq ngar, nawmaf-anr bofnaeq-eu ma. Aerkhawf, tiqghaqnav iqbax mr-euq law nar-aq, aqdui-euq danzar tanqshar-eu tsaq-awr dawr-eu tiq ghaq Aqda Miqyaer jawr-eu gar jawrluf-eu ma. Aqyawf-aq, Yeqsur Kali mae.

2 Gawˇliˬtu 5:21

Kali-aq, iqbax tiqpawf-iq maqanr-eu khawf, aqdui-euq gharduq Miqyaer, aqyawf-anr iqbax bipyeuf-ir-euq mae. Khoermirnae, Kali-euq lafkhoer aqdui, Miqyaer-euq tsaq-awr dawr-eu tsawrhaq pyeuflar-euq ma.

Gʼaˬkʼehˇ 2:27

Aqjeq mirnae aernar-aq, nawr, ngaq-euq saflar, shir-eu mirkhanq-anr maq byaerdzae yaf-aer, Nawq-euq Yawshawr ghaq-anr buf-ir shov-ir gar maqbi keuv-a.

Luˇkaꞈ 23:25

Mirkhanq-anr puiq-awr, tsawrhaq-anr saef-euq mirnae, kuv-anr bi nyaefur taq-euq khoerghaq-anr-aq, aqyawfmaf shar-eu lof-aer pyaeqdov naeq-euq mae. Yeqsur-anr-aq, aqyawfmaf janrnaeq mawf-eu lof-aer janrnaeq nya’ni, aqyawf maf-euq aqlaf-anr a’naeq-euq mae.

Luˇkaꞈ 1:35

Mqtav ghaqkhaer heulof-aer aerkhof naeq-euq mae, “Yawshawr Saflar, nawq-euq khoertav zafka le-awr, Gor duidui-eu ghaq-euq baoq nawq-anr joeshmrle taef-a. Khoermirnae, daefle-eu Yawshawr ghaq-anr Miqyaer-euq Zaqyo laer kur taef-a.

Maˬkuˆ 15:11

Aerkhawf, aqyawf nae aqyawf maf-euq gharduq Baqlaqbar-anr pyaeqnaeqni pirma aqyuif deuq, tsawrhaq armaf mafma-anr lavluiq taq-euq mae.

Maˬkuˆ 15:7

Khoerngae, Baqlaqbar laer kur-eu tsawrhaq tiq ghaq jawr-eu mae. Aqyawf-aq, puiq-awr muir-eu baqmaf gm-awr puiq-awr muir ngae, tsawrhaq-anr saef-euq mirnae, shmrcav nae bi paftaq-euq mae.

Jaceuq 16:10

Aqjeq mirnae aernar-aq, nawr, ngaq-euq saflar-anr shir-eu mirkhanq-anr maq byaerdzae yaf-aer, Nawq-euq Yawshawr ghaq-anr buf-ir shov-ir-eu gar maqbi keuv-a.

Maꞈtehˬ 27:20

Baqlaqbar-anr pyaeq-awr Yeqsur-anr saef-awq laer aer de-eq laer pirma aqyuif deuq hawr-eu aqyuif aqtsu deuq, tsawrhaq armaf mafma-anr cawqtawv-euq mae.

Yoˇhaˬ 16:10

Tsaq-awr dawr-eu-aq, ngar, ngaqDa jawr-eu gar ghofler-awr, nawmaf, ngaq-anr maqpar ya’mawr-eu mirnae mae.

Yoˇhaˬ 18:40

Khoerngae, aqyawfmaf dawqtawvluf pargur-awr aer-eu, “Teughaq maqngeur-eu, Baqlaqbar-anr pyaeq-awq.” Baqlaqbar khoerghaq-aq tanrjoe mae.

Gʼaˬkʼehˇ 5:28

aer-eu, “Tsawrmyanr heumyanr-anr ghoeghoe-aer aqcawq-anr taqpar maeqnaeq laer nga’maf, nawmaf-anr dawq yawkhav khav-aer bif-euq maqngeur-a lor? Aerkhawf, hawsher-eq, nawmaf-euq dawqmaeq dawqtsov deuq, Yeqlursaqlaeq meuq meuqlanni gaqdoe-ir taq-awr, tsawrhaq heughaq-euq shiq-euq arpoeq, nga’maf-euq khoertav bi keuvle mawf-eu ghae-eu nga.”

Gʼaˬkʼehˇ 13:28

Aqyawf-euq lafkhoer yashir paq-aer mrlaeq taq-euq jeq maq povmawr nya-euq khawf, aqyawf-anr saefni Pirlav-anr shar-euq mae.