Gʼaˬkʼehˇ 3:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawmaf, Yeqsur, Pirlav-anr a’naeq-awr, Pirlav, aqyawf-anr pyaeqnaeq ma laer noeqtsaev-euq khawf, Pirlav-euq maeqshi nawmaf, aqyawf-anr byaerdzae-euq mae. Aerkhawf, ‘ Aqbyaqhaq , Irtsav hawr-eu Yaqkov-euq Miqyaer pyeuf-eu aqdui-euq aqpoeq deuq-euq Miqyaer-aq,’ (Di 3:6,15) aqyawf-euq ghaqzaq ghaqkhaer Yeqsur-anr yawshaef khanqsaer bifnaeq-euq mae.

Akha

¹³ Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu aˬ dui maꞈ-euˬ aˬ poeˬ aˬ bawˇ deuˬ-euˬ Miˬyehˇ neh, a yawꞈ-euˬ Zaˬ kʼaˆ Yeˬsuˇ-ahˇ muiˬ-eu shawˇ-eu yaw shehꞈ kʼahˬ sehˇ biꞈ nehˬ-euˬ meh. Ehˇ kʼawꞈ, aˬ yawꞈ-ahˇ miˇ kʼahˬ sahˬ paˬ sahˬ ma deuˬ-euˬ aˬ laꞈ laꞈ kʼoeˇ naw maꞈ a nehˬ-awˇ, aˬ yawꞈ-ahˇ pyehˬ nehˬ-eu gʼaˇ duˬ sahˬ paˬ Piˇlaˆ noeˬ tsehˆ gʼaˬ-euˬ kʼawꞈ, sahˬ paˬ Piˇlaˆ mehˬ shi aˬ yawꞈ-ahˇ naw maꞈ iˬ baˆ poˆ-euˬ meh.

Gʼaˬkʼehˇ 3:13 Referans Kwoze

Gʼaˬkʼehˇ 7:32

aer-eu, ‘Ngar-aq, nawq-euq aqpoeq deuq-euq Miqyaer, Aqbyaqhaq-euq Miqyaer, Irtsav-euq Miqyaer hawr-eu Yaqkov-euq Miqyaer ma.’ (Di 3:6) Khoerngae, Morseq yawdzuq gan’gan-aer maq hawpeuq-a.

Maꞈtehˬ 22:32

‘Ngar-aq, Aqbyaqhaq-euq Miqyaer, Irtsav-euq Miqyaer hawr-eu Yaqkov-euq Miqyaer ma’ (Di 3:6,15) laer aqyawf aertaq-euq mae. Miqyaer-aq, shir-euq tsawrhaq-euq Miqyaer maqngeur-a. Daefluf-eu tsawrhaq-euq Miqyaer mae.”

HeˬByehˇ 2:9

Aerkhawf, mqtav ghaqkhaer taf-aer uicuiv teqni janrnaeq-euq Yeqsur-anr aqdui ya’mawr-euq ma. Aqyawf shir-eu gar yadaq-euq mirnae, taqhuiq taqmanr-eu jeq hawr-eu yawshaef khanqsaer, shuir uqkhov lof-aer aqyawf-anr ciqkhov naeq-euq mae. Miqyaer-euq guiqlanq yawdzanr baqda’nae, aqyawf, tsawrhaq yawqghaq navluf-euq gharduq shirdan-euq mae.

Yoˇhaˬ 19:15

Aqyawfmaf gur-eu, “Aqyawf-anr lavsaef byov-awq, aqyawf-anr lavsaef byov-awq! Aqyawf-anr lafyaq-euq khoertav tafsaef-awq!” Pirlav, aqyawf maf-anr narhaq-eu, “Ngaq nae nawmaf-euq Sanqpaq-anr bi tafsaef le lor?” Pirma aqyuif deuq aerkhof naeq-eu, “Sanqpaq Gaersaq maqngeur nar-aq, nga’maf sanqpaq nuighaq maqjawr!”

Yoˇhaˬ 19:12

Khoerngae nae nar-aq, Pirlav, Yeqsur-anr pyaeqnaeq-eu garma pov-euq mae. Aerkhawf, Yurdav tsawrhaq deuq gur-awr aer-eu, “Nawr teughaq-anr pyaeq nar-aq, nawr-aq, sanqpaq Gaersaq-euq cawq maqngeur-a. Yawqhar yawqha sanqpaq ma laer kharaer-eu tsawrhaq-aq, sanqpaq Gaersaq-anr puiq-eu tsawrhaq mae.”

Yoˇhaˬ 18:40

Khoerngae, aqyawfmaf dawqtawvluf pargur-awr aer-eu, “Teughaq maqngeur-eu, Baqlaqbar-anr pyaeq-awq.” Baqlaqbar khoerghaq-aq tanrjoe mae.

Panmaeq 1:18

Dzeurlaf ngae, ngar shir-euq khawf, nymq-mr ngar-aq, daefluf-eu ghaq pyeuf-eu ma. Hawsher-eq, li-eu maqbawni daef-eu ghaq khawf ngeur-eu ma. Aqmeq. Shir-eu jeq hawr-eu shir-eu mirkhanq-euq manqtawf tawfdur, ngaq-euq aqlaf-euq lafkhoer anrluf-eu ma.

Panmaeq 1:5

Shir-euq tsawrhaq deuq-anr nae ghofdaef baebae lar-euq ghaq pyeuf-awr, mirtsaq-euq sanqpaq deuq-euq khoertav uvlanr-eu ghaq pyeuf-eu uqtaf, sarjax zif-eu lafkhoer sarkir kamq-eu Yeqsur Kali-euq guiqlanq yawdzanr hawr-eu nuisar of-eu jeq, nawmaf-euq khoertav jav luf-ur. Aqdui-anr gaq-awr aqyawf-euq shiq nae, aqdui-euq iqbax tsiqshawr naeqlaf-euq mae.

Gʼaˬkʼehˇ 22:14

Khoernar-aq, aqyawf aer-eu, ‘Nawr, Miqyaer nuima tsaq-eu jeq-anr yasiqni hawr-eu, Tsaq-awr dawr-eu ghaq-anr ya’mawrni khawf, aqyawf-euq khaqmae-anr nae ngaeqdov lef-euq tersar-anr yagaqni khawf, aqdui-euq aqpoeq deuq-euq Miqyaer, nawq-anr tserdov taq-euq mae.

Yoˇhaˬ 12:16

Yawbae ngae-aq, aqyawf-euq zaqlanr deuq garkawv khoer-anr maq ghovshaw nya-a. Yeqsur yawshaef khanqsaer zaghaq-awr nae taef-aer, aqyawf-euq garkawv khoerlof-aer boftaq-euq gar hawr-eu aqcawq, aqyawf-anr khoerlof-aer janrnaeq-euq garkawv, aqyawf maf-anr noeqdov ler-euq mae.

Yoˇhaˬ 7:39

Yeqsur heulof-aer aer-eu-aq, aqyawf-anr jan-eu tsawrhaq deuq aqkar muiq-eu Saflar za-eu gar aermawf-eu mae. Aqjeq mirnae aqkar za-eu laer aernar-aq, Yeqsur yawshaef khanqsaer maqza-euq siq mirnae, aqyawf maf-anr Yawshawr Saflar maq bifdan-aq siq.

Luˇkaꞈ 23:4

Khoernar-aq, Pirlav, pirma aqyuif deuq hawr-eu tsawrhaq armaf mafma deuq-anr aernaeq-eu, “Ngar, tsawrhaq heughaq-euq lafkhoer yawlaeq tiqjeq-iq maq povmawrnya nya.”

Maˬkuˆ 15:11

Aerkhawf, aqyawf nae aqyawf maf-euq gharduq Baqlaqbar-anr pyaeqnaeqni pirma aqyuif deuq, tsawrhaq armaf mafma-anr lavluiq taq-euq mae.

Maꞈtehˬ 28:18

Yeqsur, aqyawf maf-euq dawqpae jivlar-awr heulof-aer aernaeq-euq mae: “Mq-euq khoertav hawr-eu mirtsaq-euq khoertav-euq aryaq dawqtawvluf, ngaq-anr bifnaeq laf-euq mae.

Maꞈtehˬ 27:2

Khoernar-aq, aqyawfmaf, aqyawf-anr paf-awr meuqsanr Boqtiv Pirlav jawr-eu gar sheuqghae-awr, aqyawf-anr a’naeq-euq mae.

Maꞈtehˬ 20:19

Khoernar-aq, aqcawq tsawrjeuq tsawrca-euq aqlaf-euq lafkhoer a’naeq-awr, aqyawf-anr aqjaf jafnaeq-awr, yanqcav nae juif-awr nae lafyaq-euq khoertav tafsaef taef-a. Aerkhawf, smq nan keuvlar nar-aq, aqyawf ghofdaeflar taef-a.”

Maꞈtehˬ 11:27

Yawqjeq navluf ngaqDa nae ngaq-anr a’naeq laf-euq mae. Aqda Miqyaer maqngeur nar-aq, Zaqyo-anr tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda Miqyaer-anr tiqghaq-iq maq siqnya-a.

Luˇkaꞈ 6:37

“Nawmaf, aqcawq-anr yarkhaq taqdar. Maqdar nar-aq, aqcawq khawf nawmaf-anr yarkhaq maq darlar-ar. Nawmaf, aqcawq-anr dartsaev-eu taqtaeq. Maq dartsaev nar-aq, aqcawq khawf dartsaev lar-eu maqkawr-ar. Nawmaf, aqcawq mrlaeq naeqlaf-euq iqbax-anr pyaeqnaeq-awq. Pyaeqnaeq nar-aq, aqcawq khawf pyaeqnaeqlaf taef-a.

Yoˇhaˬ 19:11

Yeqsur aerkhof-eu, “Laftav paw nae nawq-anr aryaq maqbif-euq nar-aq, nawr, ngaq-euq khoertav aryaq tiqpawf-iq maqjav-a. Khoermirnae, ngaq-anr nawr jawr-eu gar sheuqha lar-euq tsawrhaq-aq, nawq-euq navmaqtser iqbax naf-eu mae.”

Gʼaˬkʼehˇ 3:12

Beqtuvluv khoer-anr ya’mawr ngae, tsawrhaq khoerdeuq-anr heulof-aer aernaeq-euq mae: “Irsaqleqlav tsawrhaq deuq-or! Nawmaf aqjeq mirnae garkawv heu-anr zanqler-eu nya? Nga’maf-anr aqjeq mirnae hawtsov taq-euq le? Nga’nyaf-euq baoq hawr-eu nga’nyaf, Miqyaer-anr yawzeu baw-eu baqda’nae heughaq-anr garma bi cannya lar-euq nga laer nawmaf noeq-eu le lor?

Gʼaˬkʼehˇ 3:26

Nawmaf yawqghaq navluf, yawqha-euq yawlaeq jeq-anr byaerdzae-awr, aqyawf, nawmaf-anr guiqlanq bibif-eu gharduq, Miqyaer, aqyawf-euq ghaqzaq ghaqkhaer, Yeqsur-anr bi ghofdaef lar-awr, nawmaf jawr-eu gar jeqhu bi’oe-euq mae.”

Gʼaˬkʼehˇ 4:27

“Nawq nae tsaqtsov taq-euq, shawr-eu nawq-euq ghaqzaq ghaqkhaer Yeqsur-anr aqdir muir-eu laer, Heqlor hawr-eu Boqtiv Pirlav, aqcawq tsawrjeuq tsawrca hawr-eu Irsaqleqlav tsawrhaq deuq khawf tiqkawv lof-aer uiqlar taq-euq mae.

Gʼaˬkʼehˇ 4:30

Nawq-euq aqlaf cawqja lef-awr nargawr lavtaq naeq-eu uqtaf, nawq-euq shawr-eu ghaqzaq ghaqkhaer Yeqsur-euq tsawrmyanr-anr ghoe-awr, bisiq bimawr-eu jeq hawr-eu zanqler paq-aer ghae-eu jeq mr-awq.”

Gʼaˬkʼehˇ 24:14

Aerkhawf, ngar, nawq-anr dawrcoeni aerdov ma. Maqtsaq-eu baqmur laer aqyawfmaf kur-eu Yeqsur-euq Garma-anr ngar cantae luf-eu ma. Khoermirnae, ngar, ngaq-euq aqpoeq deuq-euq Miqyaer-anr uqduq tanqluf-awr, zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-euq lafkhoer khar boftaq-euq dawqtawv luf-anr khawf ngar jan-eu ma.

Lormav 9:5

Aqpoeq deuq-aq, aqyawf maf-euq aqpoeq mae. Shiqshaq paw aerlef nar-aq, Kali khawf aqyawf maf-euq arjeuq arca mae. Aqyawf-aq, dawqtawv luf-euq khoertav uvlanr-awr, arsaq saq-eu maqbawni jaceuq-eu geux-eu Miqyaer mae. Aqmeq.

Luˇkaꞈ 22:57

Aerkhawf, Beqtuvluv pyaer-eu, “Zaqmiq aqbur-or! Ngar, aqyawf-anr maq siqnya nya.”