Gʼaˬkʼehˇ 3:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqyawfmaf, aqyawf-aq, Hawmuiq-eu larghov ghovkhaeq-anr nuir-awr pyur shar-eu khoerghaq nga laer hawsiq-awr, aqyawf-euq khoertav pyeuflar-euq jeq-euq baqda’nae, aqyawfmaf noeq maqdovni zanq duidui ler-euq mae.

Akha

¹⁰ Aˬ yawꞈ-aˬ, Haw muiˬ dui dui-eu Lahˇ kʼehˬ-ahˇ nuiˇ-awˇ shaˇ dzaˬ shaˇ dawˇ luꞈ-eu kʼoeˇ gʼaˬ pyeuꞈ-eu gaˇ kawˆ aˬ yawꞈ maꞈ haw siˬ ngeh, aˬ yawꞈ kʼoeˇ loꞈ-ehˇ pyeuꞈ laˇ-euˬ gaˇ zahˬ dui dui leˇ-euˬ meh.

Gʼaˬkʼehˇ 3:10 Referans Kwoze

Gʼaˬkʼehˇ 3:2

Khoerngae, Hawmuiq-eu larghov laer kur-eu ghovkhaeq-anr, uqduq tanqnymr nymrma-euq lafkhoer urler-eu deuq-anr pyur bishar-eu laer, daefle ngae nae aqkuir yawcawv tiq ghaq-anr aqcawq yawqnan navluf baftaq lar-eu lof-aer, bi baftaq lar-awr jawr-eu mae.

Yoˇhaˬ 9:3

Yeqsur heulof-aer aerkhof naeq-euq mae, “Aqyawf maqngeur nar-aq, aqyawf-euq aqma aqda iqbax mr-euq mirnae maqngeur-a. Aerkhawf, Miqyaer gar mr-eu jeq, aqyawf-euq daefzir-anr nae bi mawrlar-eu laer khoerlof-aer bi daefle-euq nga.

Yoˇhaˬ 5:20

Aqda-aq, Zaqyo-anr gaq-awr, aqyawf kharmr-eu dawqtawvluf Zaqyo-anr bimawr-eu mae. Nawmaf bi zanqler paq-aer heudeuq navmaqtser huiq-eu jeq khawf, aqyawf, Zaqyo-anr bimawr taef-a.

Luˇkaꞈ 9:43

Khoerngae, tsawrhaq dawqtawvluf, Miqyaer khanqsaer huiq-eu gar zanq duidui ler-euq mae. Yeqsur nae mr-euq yawqjeq navluf-anr tsawrhaq dawqtawvluf zanqler-awr jawrluf ngae, Yeqsur, zaqlanr deuq-anr aernaeq-eu,

Gʼaˬkʼehˇ 2:12

Aqyawfmaf dawqtawvluf zanqler jir-awr, noeq maqdovni pyeuf-ir jir-awr, tiqghaq tirghaq aer-eu, “Heu, aqjeq laer aermawf-eu nga?”

Gʼaˬkʼehˇ 2:7

Aqyawfmaf noeq maqdov-aer zanq duidui ler-eu lafkhoer tiqghaq tirghaq heulof-aer aer-eu mae: “Hawsher-eq, dawq ngaeqluf-eu teudeuq dawqtawvluf Gaqliqlaer-euq tsawrhaq maqngeur-a lor?

Luˇkaꞈ 4:36

Tsawrhaq khoerdeuq dawqtawvluf zanq duidui ler-awr aqyawf maf-euq yawkaq ja-eu, “Dawq teudawq aqjox-aer ghae-eu dawq nga? Aqyawf aryaq za-awr baoq anr-eu lafkhoer naef yawjawf deuq-anr dawq bif ngae, naef yawjawf khoerdeuq dovle-eu nga.”

Maꞈtehˬ 14:35

Khoergar jawr-eu tsawrhaq deuq, Yeqsur-anr hawsiq-awr, mirkhanq khoerkhanq doeni bi tsafgaq-ir-awr, nar-eu tsawrhaq dawqtawvluf, aqyawf jawr-eu gar bi sheuqlaf-euq mae.

Yoˇhaˬ 9:8

Khoerngae, aqyawf naeq-aer nymrkaq taf-eu deuq hawr-eu aqyawf myavbaefbaef ngae mawrhaw-euq deuq aer-eu, “Tsawrhaq heughaq-aq, dzeurlaf ngae nuir-awr hawqshar shardzaq-eu khoerghaq maqngeur-a lor?”