Gʼaˬkʼehˇ 28:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aerkhawf, Pawrluv miqdzaq kawqpyar tiq dzanq ya laf-awr bafdof ngae, yawlanr lanr-eu mirnae, dof zawr khav-eu arlawr tiq mawr dovle-awr, Pawrluv-euq aqlaf-anr lanrtaeq taq-euq mae.

Akha

³ Pawˇluˆ gʼeh, miˬ dzaˬ kawˬ pyaˇ ya uiˬ-awˇ, miˬ dzaˬ jehˆ bymˇ kʼoeˇ taˆ baꞈ doꞈ-euˬ meh. Miˬ dzaˬ yaw lahˇ lahˇ-eu miˇ neh, doꞈ kʼaˆ dui dui-eu aˇ lawˇ tiˬ mawˇ doˆ laˇ-awˇ, Pawˇluˆ-euˬ aˬ laꞈ-ahˇ kawꞈ tsoˆ taˬ-euˬ meh.

Gʼaˬkʼehˇ 28:3 Referans Kwoze

Maꞈtehˬ 23:33

Arlawr-euq baqmaf-or! Dof khav-eu arlawr-euq zaqdeuq-or! Yarkhaqdar ngae nan, nawmaf shiqbuir lanma yarkhaq dar-eu jeq-anr nae aqjox-aer dzeur-ir nya-eu?

Maꞈtehˬ 12:34

Dof khav-eu arlawr-euq zaqdeuq-or! Nawmaf-aq, tsawrdoer mirnae, dawqmuiq aqjox-aer ngaeqnya-eu lawr? Aqjeq mirnae aernar-aq, nuima-euq lafkhoer khar dawvbyan taq-euq jeq khaqmae-anr ngaeqdov laf-eu mae.

2 Gawˇliˬtu 11:23

Aqyawfmaf, Kali-euq ghaqzaq ghaqkhaer-a laq? Ngar, aqdzawq argan lof-aer ngaeq ma de-eq. Ngar, aqyawf maf-euq navmaqtser Kali-euq ghaqzaq ghaqkhaer ma. Ngar, aqyawf maf-euq navmaqtser gar mr-eu laejae-awr, maq guijir coerni diqlar khovlaf-eu gar yadaq-euq uqtaf, aqyawf maf-euq myavmaqtser kuv-anr urmyaq dzaeq-awr, shirtaw taeqni khawf ghawqmya pov daqhaw-euq ma.

Gʼaˬkʼehˇ 28:4

Khoergar jawr-eu tsawrhaq deuq, arlawr khoermawr, Pawrluv-euq aqlaf-anr gagheu luf-eu gar ya’mawr ngae, aqyawf maf-euq yawkaq ja-eu, “Tsawrhaq teughaq-aq, aqdirma-aer aqcawq-anr saef-eu tsawrhaq ngar-a. Aqyawf, iqmalavshav-anr nae yabuq-ir-euq khawf, tsaq-awr dawr-eu jeq aqyawf-anr maqbi daef-ir-eu ghae-eu nga.”

2 Gawˇliˬtu 6:9

Aqcawq tiqghaq-iq maq siqnya-eu tsawrhaq-anr dur-eu khawf, aqcawq ghawqmya’ni siqnya-eu mae. Shirtaw taeqni pyeuf-ir-euq tsawrhaq-anr dur-eu khawf, daefluf-eu tsawrhaq ma. Diq-eu gar yadaq-euq khawf, saef-eu gar maqya daq-aq.

Maꞈtehˬ 3:7

Paqliqsaer deuq hawr-eu Saqduqgaer deuq ghawqmya’ni, aqyawf-euq bartirsaq hageuf le-eu gar ya’mawr ngae, aqyawf maf-anr heulof-aer aernaeq-euq mae, “Dof khav-eu arlawr-euq zaqdeuq-or! Aqkar keuvle-eu nuima paer-eu jeq-anr caevbuq nya’ni, aqsur ghaq nae nawmaf-anr aernaeq laf-euq la?

Maˬkuˆ 16:18

Aqyawfmaf, arlawr-anr nyaefnya-awr, dzardof dawr ngae tiqjeq-iq maq pyeuflar-ar. Aqyawfmaf, nar-awr gawr-eu tsawrhaq-euq khoertav aqlaf bafdavnaeq ngae, tsawrhaq khoerdeuq taqler taef-a.”

Gʼaˬkʼehˇ 28:2

Irjawlanr-anr jawr-eu tsawrhaq, nga’maf-anr ghawqshaq zawr gaqnaeq laf-euq mae. Khoerngae, uqyaer yaer-awr, yawgav gav-eu mirnae, aqyawfmaf miqdzaq bawdof-awr, nga’maf, yawqghaq navluf-anr yawmuiq-aer hageuf naeqlaf-euq mae.