Gʼaˬkʼehˇ 26:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aerkhawf, Miqyaer, ngaq-anr cawba naeqlaf luf-eu mirnae, iqnan keuvni, ngar heugar yawf-awr, huiqzaq nyirzaq deuq-euq maeqshi, garkawv heudeuq sarkir kamqluf-eu ma. Ngar aerluf-eu heudeuq-aq, Miqyaer gharduq ngaeqdan-eu tsawrhaq deuq hawr-eu Morseq nae aqkar pyeuflar taef-a laer, aertaq-euq lof-aer taef-aer ngar aer-eu ma.

Akha

²² Ehˇ kʼawꞈ, iˬ nah keuˆ ni Miˬyehˇ ngaˬ-ahˇ caw ba nehˬ laꞈ-eu miˇ neh, heu gaˇ yawꞈ-awˇ, huiˬ zaˬ nyiˇ zaˬ heu myaˆ ni gʼeh-eu mehˬ shi saˇ kiˇ ya kamˬ luꞈ-eu ma. Nymˬ-mˇ ngaˇ ehˇ luꞈ-eu gaˇ kawˆ heu-aˬ, Miˬyehˇ gʼaˇ duˬ ngehˬ dah-eu deuˬ hawˇ-eu Moˇseˬ neh aˬ kaˇ heu loꞈ-ehˇ pyeuꞈ laˇ tehꞈ-a lehˇ ehˇ taˬ yaꞈ-euˬ gaˇ kawˆ aˬ yawꞈ tiˬ hmˬ ma.

Gʼaˬkʼehˇ 26:22 Referans Kwoze

Gʼaˬkʼehˇ 24:14

Aerkhawf, ngar, nawq-anr dawrcoeni aerdov ma. Maqtsaq-eu baqmur laer aqyawfmaf kur-eu Yeqsur-euq Garma-anr ngar cantae luf-eu ma. Khoermirnae, ngar, ngaq-euq aqpoeq deuq-euq Miqyaer-anr uqduq tanqluf-awr, zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-euq lafkhoer khar boftaq-euq dawqtawv luf-anr khawf ngar jan-eu ma.

Yoˇhaˬ 5:46

“Nawmaf, Morseq-anr jan-eu lawnmr-aq, ngaq-anr khawf jan taef-a. Aqjeq mirnae aernar-aq, aqyawf, ngaq-euq garkawv boftaq-euq mae.

Gʼaˬkʼehˇ 10:43

Aqyawf-anr kharjan-eu aqsur ghaq maqkaq, aqyawf-euq tsawrmyanr baqda’nae iqbax pyaeq-eu jeq za taef-a laer, Miqyaer gharduq ngaeqdan-eu tsawrhaq yawqghaq navluf aqyawf-euq garkawv sarkir kamqtaq-euq mae.”

Luˇkaꞈ 24:44

Khoerngae, Yeqsur, aqyawf maf-anr aernaeq-eu, “Morseq-euq zanrdawq, Miqyaer gharduq ngaeqdan-eu deuq-euq sanqbof hawr-eu, Jaceuq-eu sanqbof-euq lafkhoer, ngaq-euq garkawv khar boftaq-euq dawqtawvluf ya byanlar taef-a laer, ngar, nawmaf naeq-aer jawr ngae, dawq heudeuq aernaeq dzeur-euq ma.”

Luˇkaꞈ 24:27

Khoernar-aq, aqyawf-euq garkawv boftaq-euq Yaerbof dawqtawvluf, Morseq nae boftaq-euq gar nae danqbae-awr, Miqyaer gharduq ngaeqdan-eu tsawrhaq deuq nae boftaq-euq gar keuvni, aqyawf nyaf-anr dawqtsuif jashaw maeqnaeq-euq mae.

Panmaeq 15:3

Aqyawfmaf, Miqyaer-euq ghaqzaq ghaqkhaer pyeuf-eu Morseq-euq cardawq hawr-eu Yawrzaq-euq cardawq heulof-aer car-eu mae: “Baoq huiq duidui-eu Sanqpaq Miqyaer-or! Nawq nae mr-awr shar-euq deuq-aq, huiq duidui-awr, zanqler paq-aer ghae-eu mae. Tsawrshawr deuq-euq Sanqpaq-or! Nawq-euq garma-aq, dawr-awr tsaq-eu hawr-eu tsaq-awr dawr-eu mae.

Lormav 3:21

Aerkhawf, nymq-mr zanrdawq-anr maqtaf-eu, Miqyaer-anr nae dovle-euq tsaq-awr dawr-eu jeq-anr panmaeq naeqlaf-euq mae. Garkawv heu-aq, zanrdawq hawr-eu Miqyaer gharduq ngaeqdan-eu deuq-euq sanqbof-euq lafkhoer sarkirkamq taq-euq mae.

Gʼaˬkʼehˇ 28:23

Khoernar-aq, aqyawfmaf, Pawrluv naeq-aer nanpax pax-euq mae. Khoernan keuvlar ngae, tsawrhaq ghawqmya’ni Pawrluv jawr-eu gar uiqlar-euq mae. Pawrluv uqshawq paw nae uqcif pawdzer keuvni, Miqyaer uvlanr-eu garkawv, aqyawf maf-anr sarkir kamqnaeq-awr, aqyawfmaf, Yeqsur-anr taf-eu paw pyawrlarni, Morseq-euq zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-anr ghoeghoe-aer, yawmuiq paq-aer dufyawrni ja’maeq naeq-euq mae.

Gʼaˬkʼehˇ 26:17

Ngar, nawq-anr Yurdav tsawrhaq-anr nae bibuq-ir-eu uqtaf, nymq-mr ngar, nawq-anr khaerghae-eu aqcawq tsawrjeuq tsawrca-euq aqlaf-anr nae khawf bibuq-ir ma.

Gʼaˬkʼehˇ 26:6

Nymq-mr-aq, ngar, Miqyaer nae nga’maf-euq aqpoeq deuq-anr aernaeq taq-euq sarjax-anr noeqtmq-eu mirnae, ngar heugar yawf-awr yarkhaq dar-eu gar ya daqluf-eu ma.

Yoˇhaˬ 5:39

“Yaerbof-euq lafkhoer mqmaq maqbyav yarzir daef-eu jeq anr-eu mae laer nawmaf noeq-eu mirnae, nawmaf, Yaerbof guigui-aer povtser luf-eu mae. Yaerbof khoer-aq, ngaq-euq garkawv sarkir kamq-eu mae.

Yoˇhaˬ 1:45

Pirlirpuv, Naqdaqneqlar-anr povmawr-awr aqyawf-anr aernaeq-eu, “Morseq nae boftaq-euq zanrdawq-euq lafkhoer hawr-eu, Miqyaer gharduq ngaeqdan-eu deuq-euq sanqbof-euq lafkhoer boftaq-euq tsawrhaq khoerghaq-anr nga’maf ya’mawr-euq ma. Aqyawf-aq, Naqzaqlaer tsawrhaq Yorsaev-euq zaqyo Yeqsur mae.”

Yoˇhaˬ 1:17

Zanrdawq-aq, Morseq-anr ghoe-awr bifnaeq lef-euq mae. Aerkhawf, guiqlanq yawdzanr hawr-eu yawtsaq yawdawr jeq-aq, Yeqsur Kali-anr nae dovle-euq mae.

Luˇkaꞈ 24:46

Yeqsur, aqyawf maf-anr heulof-aer par aernaeq-euq mae, “Yaerbof-euq lafkhoer boftaq-euq lof-aer, Kali-aq, shaqzanq yadaq-awr, smq nan byanlar nar-aq, shir-euq gar nae ya ghofdaeflar taef-a.

Jaceuq 124:8

Aqdui-anr cawba-eu jeq-aq, Mq hawr-eu mir bae-euq Ya’we Miqyaer tsawrmyanr-euq lafkhoer jav-eu mae.

Jaceuq 66:12

Nawr, nga’maf-euq uqduq-euq khoertav tsawrhaq bidziq taq-awr, Nga’maf, miqdzaq hawr-eu ircuf-anr ya cantsaev-euq ma. Aerkhawf, nawr, nga’maf-anr bawle zale-eu jawrduq-anr sheuqkeuv naeqlaf-euq mae.

Jaceuq 18:47

Miqyaer-aq, ngaq-euq gharduq lafpov povkhof naeq-awr; Aqcawq tsawrjeuq, ngaq-euq lafov bijawrni janr-eu ghaq pyeuf-eu mae.

Panmaeq 20:12

Khoernar-aq, ngar, shir-euq tsawrhaq huiqzaq nyirzaq dawqtawvluf, Miqyaer-euq maeqshi yawfluf-eu gar ya’mawr-euq ma. Khoerngae, sanqbof ghawqmya dmq pantaq-euq mae. Daef-eu jeq bif-eu sanqbof khawf pantaq-euq mae. Shir-euq tsawrhaq deuq nae mr-awr shar-euq deuq, sanqbof khoerdeuq-euq lafkhoer bofanr taq-euq mae. Bofanr taq-euq khoerdeuq-anr hawhaw-aer geuxni aqyawf maf-anr yarkhaq darnaeq-eu mae.

Panmaeq 11:18

Mirkhanq-euq tsawrjeuq nuima paerlar-awr, Nawq-euq nuima paer-eu jeq khawf keuvle-euq mae. Shir-euq tsawrhaq deuq-anr yarkhaq dar-eu aryamq khawf keuvle-euq mae. Nawq-euq ghaqzaq ghaqkhaer pyeuf-eu, Miqyaer gharduq ngaeqdan-eu tsawrhaq deuq hawr-eu, Nawq-euq tsawrmyanr-anr yawzeu baw-eu huiqzaq nyirzaq dawqtawv luf-anr mrpoeq lafsawq bif-eu aryamq keuvle-euq mae. Mirtsaq-anr lavcawv-eu deuq-anr nawr lavcawv-eu aryamq khawf keuvle-euq mae.”

2 Tiˆmoˇseˬ 3:11

Khoeruqtaf, khaeq-awr khav-eu jeq hawr-eu shaqzanq nargawr daqgar khawf nawr yawmuiq-aer cantae-euq mae. Aqdirawq, Irgawrnir hawr-eu Lurdaqlar-anr jawr ngae, ngar yadaq duidui-euq ma. Aerkhawf, khaeq-awr khav-eu khoerdeuq dawqtawv luf-euq lafkhoer nae, Sanqpaq Yeqsur, ngaq-anr bibuq-ir naeqlaf-euq mae.

Maꞈtehˬ 26:24

Tsawrhaq-euq Zaqyo-aq, Yaerbof-euq lafkhoer aqyawf-euq garkawv boftaq-euq lof-aer ya ghofler-eu mae. Aerkhawf, Tsawrhaq-euq Zaqyo-anr anqdzaq-euq ghaq-aq, ghawqshar shaq-aer ya ghaesaef taef-a. Khoerghaq maq daefle-euq lawnmr-aq, aqyawf-euq gharduq muiqdzaeq-eu mae.”

Luˇkaꞈ 16:28

Aqjeq mirnae aernar-aq, ngar maernmr ngaq ghaq jawr-eu le siq. Aqyawfmaf, shaqdui zanq duidui-eu jawrduq heutsanr-anr maqya oeni, Laqzaqlur nae aqyawf maf-anr sarkir bikamq-ir sher-eq.’

Gʼaˬkʼehˇ 13:29

Yeqsur-euq garkawv khar boftaq-euq lof-aer, aqyawfmaf mrbyan ghaq ngae, aqyawf-anr darkawq lafyaq-anr nae bafka-awr, lmqbymr-euq lafkhoer bafanr-ir-euq mae.

1 Gawˇliˬtu 15:3

Ngaq nae za-awr nawmaf-anr maeqnaeq-euq yawbae jeq-aq, Yaerbof-euq lafkhoer aertaq-euq lof-aer, Kali, aqdui-euq iqbax-euq gharduq shirdan-awr,

1 Gawˇliˬtu 15:4

aqyawf-euq mawrdo bi bafpanq-euq mae. Khoernar-aq, Yaerbof-euq lafkhoer aertaq-euq lof-aer, smq nan keuvlar nar-aq ghofdaef lar-euq mae.