Gʼaˬkʼehˇ 26:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Aqyawf maf-euq myavnuiv pannaeq-awr, yawzanr-euq lafkhoer nae yawshaef jav-eu gar bilar-awr, naef Saqdaq-euq baoq-euq uqmov jawr-eu gar nae Miqyaer jawr-eu paw bi ghoflar-eu uqtaf, ngaq-anr jan-eu baqda’nae, Miqyaer, aqyawf maf-euq iqbax pyaeqnaeq-awr, muiqlar shawrlar-euq tsawrhaq naeq-aer jeqbir za’ni, ngar, nawq-anr aqyawfmaf jawr-eu gar bi’ir-eu ma.’ ”

Akha

¹⁸ Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.

Gʼaˬkʼehˇ 26:18 Referans Kwoze

1 Beˬtuˆluˆ 2:9

Aerkhawf, nawmaf-aq, Miqyaer nae tserdov taq-euq heuzir-euq tsawrhaq pyeuf-awr, sanqpaq hawr-eu pirma pyeuf-eu uqtaf, shawr-eu tsawrjeuq tsawrca pyeuf-awr, aqdir Miqyaer-euq tsawrhaq pyeuf-eu mae. Khoer-aq, Miqyaer nae mr-euq jaceuq paq-aer ghae-eu garkawv, dawqdzawr bimr-eu laer nawmaf-anr yawzanr-euq lafkhoer nae kurdov-awr, zanqler paq-aer ghae-eu yawshaef-euq lafkhoer sheuqur naeqlaf-euq mae. (Isy 43:20-21; Di 19:6)

Eˇpeˇsu 1:18

Miqyaer, nawmaf-anr kur-euq khoer, noeqtmq-eu jeq aqjox-aer jav-awr, tsawrshawr deuq-euq lafkhoer jeqbir-euq yawshaef khanqsaer arnavni sanr-eu nga laer, nawmaf-euq ghovshaw nya-eu myavnuiv panlarni khawf, ngar guiqlanq sharluf-eu ma.

Eˇpeˇsu 5:8

Dzeurlaf ngae, nawmaf yawzanr pyeuf-eu khawf, nymq-mr-aq, Sanqpaq Miqyaer-euq lafkhoer yawshaef pyeuflar-euq mae. Khoermirnae, yawshaef-euq zaq lof-aer daef-awq.

Gʼaˬkʼehˇ 20:32

“Aqyuif aqnyir deuq-or! Nymq-mr ngar, nawmaf-anr Miqyaer-euq aqlaf-euq lafkhoer hawr-eu aqyawf-euq guiqlanq yawdzanr-euq dawq-euq lafkhoer a’naeq-awr bi jawryaf ma. Guiqlanq yawdzanr-euq dawq khoer-aq, nawmaf-anr bihuiq bi manrlar nya-awr, lavshawr-euq tsawrhaq dawqtawvluf naeq-aer, nawmaf tiqkawv lof-aer jeqbir za’nya-eu mae.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

Yoˇhaˬ 8:12

Yeqsur, aqyawf maf-anr tiq pov par aernaeq-eu, “Ngar-aq, mirtsaq-euq yawshaef ma. Ngaq-euq maeqnan cantae-eu tsawrhaq-aq, yawzanr-euq lafkhoer maqpar can-aer, daef-eu jeq bif-eu yawshaef za taef-a.”

Luˇkaꞈ 1:79

Yawzanr-euq lafkhoer shir-eu narshmr-euq uqmov jawr-eu tsawrhaq-anr yawshaef bya’naeq-awr, Aqdui-euq aqkuir-anr nuisar of-eu garma-anr sheuqmaeq naeqlaf taef-a.”

Eˇpeˇsu 4:18

Aqyawf maf-euq nuima myavbaef baef-ir-euq mirnae, aqyawfmaf tiqjeq-iq maq siqnya’ni pyeuf-ir-awr, Miqyaer nae biftaq-euq yawdaef daef-eu jeq-anr nae zanrdof kaq-ir-euq uqtaf, ghovshaw nya-eu jeq zanrtsuini pyeuf-ir-euq mae.

2 Gawˇliˬtu 6:14

Nawmaf, Kali-anr maqjan-eu tsawrhaq naeq-aer taqgawf. Tsaq-awr dawr-eu jeq hawr-eu zanrdawq-anr leur-eu jeq aqjox-aer gmler nya-eu? Yawshaef hawr-eu yawzanr cawq aqjox-aer cawqtaf nya-eu?

2 Gawˇliˬtu 4:4

Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.

1 Yoˇhaˬ 3:8

Iqbax mr-eu tsawrhaq-aq, naef sanqpaq-anr taf-eu tsawrhaq mae. Aqjeq mirnae aernar-aq, naef sanqpaq-aq, yawbae ngae nae iqbax mrluf-eu mae. Khoermirnae, Miqyaer-euq Zaqyo, naef sanqpaq mrluf-eu gardeuq-anr lavcawv-eu laer oe-euq mae.

Gʼaˬkʼehˇ 2:38

Khoerngae, Beqtuvluv, aqyawf maf-anr heulof-aer aernaeq-euq mae: “Miqyaer, nawmaf-euq iqbax pyaeqnaeqni noeqpov noeqpar-awr, Yeqsur Kali-euq tsawrmyanr-euq uqmov bartirsaq hageuf-awq. Khoerlof-aer janr nar-aq, Yawshawr Saflar-euq lafsawq za taef-a.

1 Yoˇhaˬ 5:19

Aqdui-aq, Miqyaer-euq zaqdeuq pyeuf-awr, mirtsaqzaq dawqtawvluf yawcawv khoerghaq uvlanr-eu uqmov jawrluf-eu mae laer siqnya ma.

1 Yoˇhaˬ 1:9

Aqdui yawqha-euq iqbax yawqha aerdov nar-aq, Miqyaer-aq, sarjax zif-awr dawr-awr tsaq-eu lafkhoer, aqdui-euq iqbax pyaeqnaeq laf-awr, aqdui-euq maqtsaq maqdawr-eu dawqtawv luf-anr tsiqshawr naeqlaf-eu mae.

Gʼaˬkʼehˇ 20:21

Yurdav tsawrhaq hawr-eu Heqlaqsar tsawrhaq-anr khawf, Miqyaer-euq maeqshi iqbax noeqpov-awr, aqdui-euq Sanqpaq Yeqsur Kali-anr jan-awq laer sarkir kamq-euq ma.

Luˇkaꞈ 24:47

Khoeruqtaf, nawmaf, aqyawf-euq tsawrmyanr-anr ghoe-awr, iqbax noeqpov-eu jeq hawr-eu iqbax pyaeqnaeq-eu garkawv, Yeqlursaqlaeq-anr nae mirkhanq-euq tsawrjeuq tsawrca dawqtawv luf-anr dawqmaeq ya’maeq-ir taef-a.

Panmaeq 21:27

Aerkhawf, maqshawr-eu aqgeu jeq maqkaq, meuq heumeuq-anr maqya urler-a. Nuidav davlar paq-aer ghae-eu hawr-eu jaqmyawf myawf-eu tsawrhaq-aq, meuq heumeuq-anr maqya urler-a. Yawrzaq-euq Daef-eu jeq bif-eu sanqbof-euq lafkhoer, tsawrmyanr bofanr taq-euq tsawrhaq taef-aer ya urler-eu mae.

1 Beˬtuˆluˆ 2:25

Yawbae, nawmaf-aq, garbanq banq-euq yawr-anr dur-eu mae. Aerkhawf, nymq-mr nawmaf-aq, nawmaf-euq nuima saflar-anr hawpir-eu ghaq hawr-eu yawr bo-eu ghaq jawr-eu gar ghofkhof lar-euq mae.

HeˬByehˇ 11:6

Jan-eu jeq maqanr nar-aq, tiqjeq ghaenae-iq Miqyaer nuikhanr shirni maq janrnya-a. Aqjeq mirnae aernar-aq, Miqyaer jawr-eu gar kharlar-eu tsawrhaq-aq, Miqyaer aqdir jawr mae laer jan-awr, laejae-awr aqyawf-anr sharpov-eu tsawrhaq-anr guiqlanq bif-eu mae laer khawf yajan-eu mae.

Gʼaˬkʼehˇ 13:47

Aqjeq mirnae aernar-aq, Sanqpaq Miqyaer, nga’maf-anr dawq heulof-aer biftaq-euq mae, ‘Nawq-euq baqda’nae, mqdzer mirdzer-anr keuvni kakhof-eu jeq za’ni, Aqcawq tsawrjeuq tsawrca-euq gharduq ngar, nawq-anr yawshaef bipyeuf-euq ma.’ ” (Isy 49:6)

Gʼaˬkʼehˇ 15:9

Miqyaer-aq, aqdui hawr-eu aqyawfmaf laer maq tserpav-a. Jan-eu jeq-anr ghoe-awr nae, Miqyaer, aqyawf maf-euq nuima-anr bimuiq bi shawrlar-euq mae.

Gʼaˬkʼehˇ 5:31

Uvlanr-eu ghaq hawr-eu Kakhof-eu ghaq pyeuf-awr, Irsaqleqlav-anr noeqpov noeqpar-eu jeq hawr-eu, iqbax pyaeq-eu jeq bif-eu gharduq, Miqyaer, aqyawf-anr aqyawf-euq armar paw ciqgor naeq-euq mae.

Yoˇhaˬ 9:5

Ngar, mirtsaq-euq khoertav kharjawr-eu khoerkeuvni, ngar-aq, mirtsaq-euq yawshaef ma.”

Yoˇhaˬ 3:19

Yarkhaq dar-eu jeq-aq heulof-aer mae. Mirtsaq-euq khoertav yawshaefbya le-euq khawf, tsawrhaqzaq yawdoer jeq mr-eu mirnae, yawshaef-anr navmaqtser yawzanr-anr gaq-eu mae.

1 Yoˇhaˬ 2:12

Ngar gaq-eu zaqdeuq-or! Kali-euq tsawrmyanr baqda’nae, nawmaf-euq iqbax-anr pyaeqnaeq-euq mirnae, ngar, nawmaf-anr sanqbof bofanr lef-eu ma.

1 Beˬtuˆluˆ 1:4

Khoermirnae, Miqyaer nae nawmaf-euq gharduq maqcawv-ir nya-aer, maqjawf-ir nya-eu uqtaf, maqpeuq-ir nya-eu jeqbir, mq-euq khoertav jeqhmq taq-euq mae.

Yoˇhaˬ 17:17

Nawq-euq yawtsaq yawdawr nae aqyawf maf-anr lavshawr naeq-awq. Nawq-euq dawq-aq, yawtsaq yawdawr mae.

Luˇkaꞈ 1:77

Khoerlof-aer janr-awr, aqyawf-euq tsawrhaq deuq-euq iqbax pyaeqnaeq-euq mirnae, kakhof-eu jeq-anr siqnyalar taef-a.

Yuˇdaˆ 1:1

Ngar-aq, Yeqsur Kali-euq kuirlaf zaqkhav hawr-eu Yaqkov-euq maernmr Yurdav ma. Aqda Miqyaer nae kurdov-awr lavshawr-euq uqtaf, Yeqsur Kali bosav-eu lafkhoer jawrluf-eu tsawrhaq deuq-anr sanqbof bofanr lef-euq ma.

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

HeˬByehˇ 10:14

Aqjeq mirnae aernar-aq, aqyawf tiq pov lawr-euq khoer, bi lavshawr luf-eu tsawrhaq deuq mqmaq maqbyav yarzir byanlarni mr-euq mae.

Gaˬlaˬtiˆ 3:14

Khoermirnae, Aqbyaqhaq-anr bif-euq guiqlanq, Yeqsur Kali-anr ghoe-awr, aqcawq tsawrjeuq tsawrca-anr keuv-ir ni, aqdui jan-eu mirnae, bif ma laer aertaq-euq Yawshawr Saflar za-euq ma.

Luˇkaꞈ 24:45

Khoerngae, aqyawfmaf, Yaerbof-anr ghovshaw nya’ni, Yeqsur, aqyawf maf-euq nuima pannaeq-euq mae.

Jaceuq 119:18

Ngar, nawq-euq zanrdawq-euq lafkhoer anr-eu zanqler paq-aer muiq-eu jeq mawrnya’ni, Ngaq-euq myavnuiv-anr pannaeq laf-awq.

2 Tiˆmoˇseˬ 2:26

Khoerngaejawr, aqyawf-euq nuinoeq bigeuf-eu laer naef sanqpaq nae khoerdeuq-anr khmrpaf taq-euq khawf, noeqbeur lar-awr, aqyawf-euq lanrju-anr nae yabuq-ir taef-a.

Eˇpeˇsu 2:8

Nawmaf jan-eu lafkhoer, guiqlanq yawdzanr baqda’nae kakhof-eu jeq za-euq mae. Yawqha-euq baqda’nae maqngeur-aer, Miqyaer nae bifnaeq-euq lafsawq pyeuf-eu mae.

Eˇpeˇsu 1:11

Aqdui khawf Kali-euq lafkhoer jeqbir of-eu tsawrhaq pyeuflar-euq ma. Miqyaer-euq arpyar jav-eu lof-aer, aqyawf yawbae ngae nae tserdov taq-awr, dawqtawv luf-euq lafkhoer aqyawf nuinoeq nuidur jav-awr nuima tsaq-eu lof-aer mr-euq mae.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

Luˇkaꞈ 4:18

“Sanqpaq Miqyaer-euq muiq-eu Saflar, ngaq-euq khoertav jawrluf-eu mae. Aqjeq mirnae aernar-aq, ngar, irshaqzaq-anr guiqlanqdawq bimaeq-eu gharduq, Aqyawf, ngaq-anr tsaqtsov naeqlaf-euq mae. Nuima nar-eu deuq-anr lavsavtaq naeq-awr, Bi paftawf taq-euq deuq-anr pyaeqnaeq-euq uqtaf, Myavbaef deuq-anr bi mawrnya lar-awr, Khaeq-awr khav-eu gar ya daqluf-eu deuq-anr pyaeqnaeq-eu hawr-eu,

Luˇkaꞈ 2:32

Kakhof-eu jeq heu-aq, aqcawq tsawrjeuq tsawrca-anr bya’naeq-eu yawshaef pyeuf-awr, Nawq-euq tsawrjeuq tsawrca Irsaqleqlav tsawrhaq-euq yawshaef khanqsaer mae.”

Maꞈtehˬ 4:16

Yawzanr-euq lafkhoer jawr-eu tsawrhaq heudeuq, Zawr bya-eu yawshaef-anr ya’mawr-euq mae. Mirkhanq heudeuq-anr hawr-eu shir-eu narshmr-euq uqmov nuirluv-eu tsawrhaq deuq-euq gharduq, yawshaef byadov le-euq mae.” (Isy 9:1-2)

Jaceuq 146:8

Ya’we Miqyaer, myavbaef-anr bi danrlar-awr; Ya’we Miqyaer, awbyav-eu tsawrhaq-anr ciqtur naeq-eu mae. Ya’we Miqyaer, tsaq-awr dawr-eu tsawrhaq-anr gaq-eu mae.

HeˬByehˇ 10:10

Miqyaer nuima tsaq-eu baqda’nae, Yeqsur Kali-euq mawrdo tiq pov lawrnaeq-euq taef khawf, lawrluiv jir-euq jeq pyeuf-eu gar ghoe-awr, aqdui bi lavshawr-euq ma.

HeˬByehˇ 9:15

Heu-euq baqda’nae, tsawrhaqzaq dawqma sarjax yawbae hmq-euq lafov jawr ngae, mrbanq mrlaeq-euq deuq-anr kakhof-eu laer Yeqsur shirdan-euq mae. Miqyaer nae kurtaq-euq tsawrhaq deuq-anr sarjax dzaqtaq-euq lof-aer, mqmaq maqbyav yarzir-euq jeqbir bi za’ni, Yeqsur-aq, dawqma sarjax yawshuif-euq tsawrkaq pyeuf-eu mae.

Eˇpeˇsu 5:14

Khoermirnae, aqyawf aer-eu, “Yufkhav taq-euq tsawrhaq-or! Noeqlar-awr, shir-euq gar nae ghofdaef lar-awq. Kali, nawmaf-anr yawshaef bya’naeqlaf taef-a.”

Eˇpeˇsu 1:14

Aqyawf-euq yawshaef khanqsaer-anr jaceuq-eu jeq dovlarni, zeurtsaev taq-euq kakhof-eu jeq maqza-euq khoerkeuvni, Yawshawr Saflar-aq, aqdui jeqbir za-eu yawduq bawmae laer kamq-eu ghaq pyeuf-eu mae.

Eˇpeˇsu 1:7

Miqyaer-euq guiqlanq yawdzanr sanr duidui-eu lafkhoer, aqdui, Zaqyo-euq shiq baqda’nae kakhof-eu jeq za-awr, iqbax pyaeqnaeq-eu jeq za-euq ma.

Gaˬlaˬtiˆ 3:2

Ngar, nawmaf-anr tiqjeq narhaq mawf-eu taef mir-a. Nawmaf, Yawshawr Saflar za-euq-aq, zanrdawq-anr mrcaw-euq mirnae-a lor? Maqngeur nar-aq, guiqlanqdawq yagaq-awr jan-euq mirnae-a laq?

Gaˬlaˬtiˆ 2:20

Ngar, Kali naeq-aer lafyaq-euq khoertav bi taftaeq-euq ma. Khoermirnae, nymq-mr ngar daefluf-eu-aq, ngar daef-eu maqngeur. Kali, ngaq-euq lafkhoer daefluf-eu mae. Khoeruqtaf, nymq-mr ngar shiqshaq paw yawdaef daefluf-eu-aq, Miqyaer-euq Zaqyo-anr jan-eu lafkhoer daefluf-eu ma. Aqyawf, ngaq-anr gaq-awr, ngaq-euq gharduq aqyawf-euq mawrdo lawrnaeq-euq mae.

1 Gawˇliˬtu 1:2

Gawrliqtu-anr jawr-eu Miqyaer-euq Kalizaq armur-anr sanqbof bofanr lef-eu ma. Yeqsur Kali-euq lafkhoer bi lavshawr-awr, tsawrshawr bigeuf-eu laer kurdov taq-euq aqdui-euq Sanqpaq, Yeqsur Kali-euq tsawrmyanr-anr kharkur-eu aqgeugar jawr-eu tsawrhaq-anr maqkaq, sanqbof heu bofnaeq-eu ma. Kali-aq, aqdui-euq Sanqpaq pyeuf-awr, aqyawf maf-euq Sanqpaq khawf ngeur-eu mae.

Lormav 8:17

Aqyawf-euq zaq pyeuf-eu ngeur nar-aq, jeqbir of-eu tsawrhaq khawf pyeuf-eu mae. Kali naeq-aer tiqkawv lof-aer yawshaef khanqsaer za’ni, aqdui, aqyawf naeq-aer shaqzanq daq nar-aq, aqdui khawf Miqyaer-euq jeqbir of-eu tsawrhaq pyeuf-awr, Kali naeq-aer tiqkawv lof-aer jeqbir of-eu tsawrhaq pyeuf taef-a.

Gʼaˬkʼehˇ 26:23

Kali-aq, yashaq yazanq-awr, shir-euq gar nae ghofdaef baebae lar-euq ghaq pyeuf-awr, Yurdav tsawrhaq hawr-eu aqcawq tsawrjeuq tsawrca-anr yawshaef-euq garkawv dzawrnaeq taef-a.”

Gʼaˬkʼehˇ 10:43

Aqyawf-anr kharjan-eu aqsur ghaq maqkaq, aqyawf-euq tsawrmyanr baqda’nae iqbax pyaeq-eu jeq za taef-a laer, Miqyaer gharduq ngaeqdan-eu tsawrhaq yawqghaq navluf aqyawf-euq garkawv sarkir kamqtaq-euq mae.”

Gʼaˬkʼehˇ 3:19

Khoermirnae, noeqpov noeqpar-awr daefpov daefpar-awq. Khoerlof-aer janr nar-aq, Miqyaer, nawmaf-euq iqbax sivdzae naeqlaf-awr, Sanqpaq Miqyaer-euq maeqshi lavshuif-eu aryamq keuvle taef-a.

Yoˇhaˬ 9:39

Khoerngae, Yeqsur aer-eu, “Myavnuiv maq mawrnya-eu tsawrhaq myavnuiv mawrnya lar-awr, myavnuiv mawrnya-eu tsawrhaq-aq, myavbaef baef-ir ni, ngar yarkhaq dar-eu laer mirtsaq-euq khoertav oe-euq ma.”

Yoˇhaˬ 4:14

Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Yoˇhaˬ 4:10

Yeqsur, aqyawf-anr aerkhof naeq-eu, “Miqyaer nae bif-euq lafsawq hawr-eu, ‘Ngaq-anr ircuf bidawr naeqlaf-awq’ laer nawq-anr sharluf-eu ghaq aqsur ghaq la laer nawr siqnya lawnmr-aq, nawr, aqyawf-anr shar taef-a. Aqyawf khawf nawq-anr daef-eu jeq bif-eu ircuf bidawr naeqlaf taef-a.”

Maꞈtehˬ 4:10

Khoerngae, Yeqsur, aqyawf-anr aernaeq-eu, “Naef Saqdaq-or! Dov-ir-awq. Aqjeq mirnae aernar-aq, Yaerbof-euq lafkhoer boftaq-euq, ‘Nawq-euq Sanqpaq Miqyaer-anr taef-aer uqduq yatanq-awr, aqyawf-euq gar taef-aer ya’mr-eu mae.’ ” (Dm 6:13)

Gʼaˬkʼehˇ 26:19

“Khoermirnae, sanqpaq Aqgirpav-or! Mq-euq khoertav nae bi mawrle-euq jeq-anr ngar maq narhaq geuf-aer maqghae-aq.

Eˇpeˇsu 5:11

Yawzanr jeq naeq-aer gardanr maqtsoeq-eu gar mr-eu gar maq gmler-aer, gar khoer yawbya-anr bi dovlar-awq.

Eˇpeˇsu 6:12

Aqjeq mirnae aernar-aq, aqdui guirdeuv deuv-eu-aq, shiq hawr-eu shaqjir-anr deuvluf-eu maqngeur. Aqdui heudeuq-anr deuvluf-eu ma, mqsanr deuq, aryaq deuq, mirtsaq yawzanr-euq khoertav baoq jav-eu deuq hawr-eu, mq-anr jawr-eu yawcawv-euq saflar deuq-anr deuvluf-eu ma.