Gʼaˬkʼehˇ 26:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Nga’maf yawqghaq navluf mirtsa gacoq ghae-awr jawr ngae, Heqbyaer dawq-anr nae heulof-aer ngaeqdov lef-eu gar ngar yagaq-euq ma, ‘Sawrluv-or! Sawrluv, nawr, ngaq-anr aqjeq mirnae khaeq-eu le? Nawr jeqzaq-anr tae-eu darcae-anr baev-eu-aq maqawq-a.’

Akha

¹⁴ Nga maꞈ yawˬ gʼaˬ na luꞈ miˇ tsa coˬ dzeh-euˬ ma. Kʼoeˇ naˇ, Heˬbyehˇ dawˬ-ahˇ neh, ngaˬ-ahˇ heu loꞈ-ehˇ ehˇ-eu teˇ saˇ-ahˇ ngaˇ ya gaˬ-euˬ ma. ‘Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te. Mawˇ neˇ-ahˇ tsawˆ-eu daˇ ceh-ahˇ behˆ-eu mawˇ neˇ loꞈ-ehˇ, yawˬ haˇ yawˬ ha laˆ tahˬ laˆ naˇ-eu jeˬ nawˇ mˇ-eu nga’ lehˇ ehˇ-eu meh.

Gʼaˬkʼehˇ 26:14 Referans Kwoze

Gʼaˬkʼehˇ 21:40

Tanrdzoeq guirhuq arnmq bifnaeq ngae, Pawrluv dawqdzm-anr yawf-awr, tsawrhaq khoerdeuq-anr lafdzawr dzawrnaeq-euq mae. Aqyawfmaf ciqcur savni jawr ngae, Pawrluv, Heqbyaer dawq-anr nae aqyawf maf-anr heulof-aer aernaeq-euq mae:

Gʼaˬkʼehˇ 22:2

Aqyawf, Heqbyaer dawq ngaeq-eu gar aqyawfmaf yagaq ngae, yawbae navmaqtser ciqcurni jawr-eu gar Pawrluv heulof-aer aernaeq-euq mae,

Gʼaˬkʼehˇ 9:7

Aqyawf naeq-aer canluf-eu tsawrhaq deuq tersar khoer-anr yagaq-euq khawf, tiqghaq-anr-iq maqmawr-euq mirnae, dawq maq ngaeqdov nya’ni yawfluf-eu mae.

1 Gawˇliˬtu 10:22

Aqdui, Sanqpaq Miqyaer myavnav navni mrnmr lor? Aqdui, aqyawf-euq navmaqtser ghaq khavdzaeq-eu le laq?

Dawqdaq 13:15

Yawmuiq-aer ghovshaw nya-eu baqda’nae, ghoer mr-eu jeq za-eu mae. Aerkhawf, sarjax maqzif-eu tsawrhaq-euq garma-aq yawshaq mae.

Gʼaˬkʼehˇ 26:13

Sanqpaq-or! Nanlov caelar-eu yamq-anr, ngar garpaer-anr canluf ngae, mq-anr nae nanrma tsaeq-eu navmaqtser khav-eu yawshaef, ngar hawr-eu ngaq naeq-aer canluf-eu deuq-euq tiqjawq byale-euq gar ya’mawr-euq ma.

Gʼaˬkʼehˇ 26:15

Khoerngae, ngar narhaq-eu, ‘Sanqpaq-or! Nawr aqsur ghaq le?’ Khoernar-aq, aqyawf heulof-aer aer-eu mae: ‘Ngar-aq, nawr khaeqluf-eu Yeqsur ma.