Gʼaˬkʼehˇ 26:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoeruqtaf, zanrdawq khawqnymr yawqgar navluf-euq lafkhoer, ngar, aqyawf maf-anr ghawqmya pov khaeq-awr, aqyawfmaf yaeqbawq saerlu-aer aerni ngar laejae-euq ma. Ngar, aqyawf maf-anr nuima paer duidui-eu mirnae, aqcawq-euq mirkhanq-anr jav-eu meuqdeuq-anr keuvni, aqyawf maf-anr khaeq-awr khavnaeq-euq ma.”

Akha

¹¹ Aˬ yawꞈ maꞈ-ahˇ uˬ duˬ tahˬ nymˇ laꞈ kʼoeˇ gʼawˬ mya poˆ bi kʼehˬ bi kʼaˆ ni ngaˇ jahˇ-awˇ, aˬ yawꞈ maꞈ-euˬ jah-eu jeˬ-ahˇ bi byehˇ dzeh-eu gʼaˇ duˬ ngaˇ leh jeh dui dui-euˬ ma. Aˬ yawꞈ maꞈ-ahˇ ngaˇ nui ma pehˇ dui dui-euˬ miˇ neh, aˬ cawˬ miˇ kʼahˬ-ahˇ jaˆ-eu meuˬ deuˬ-ahˇ keuˆ ni le le-ehˇ aˬ yawꞈ maꞈ-ahˇ kʼehˬ haw kʼaˆ haw-euˬ ma.

Gʼaˬkʼehˇ 26:11 Referans Kwoze

Gʼaˬkʼehˇ 22:19

Khoerngae, ngar heulof-aer aer-euq ma: ‘Sanqpaq-or! Ngar, nawq-anr jan-eu tsawrhaq-anr kuv-euq lafkhoer nyaefur-awr, zanrdawq khawqnymr yawqnymr navluf-euq lafkhoer aqyawf maf-anr diq-euq garkawv, aqyawfmaf siqnya-eu mae.

Gʼaˬkʼehˇ 13:45

Aerkhawf, Yurdav tsawrhaq deuq, tsawrhaq armaf-anr ya’mawr ngae, myavnavnav duidui-eu lafkhoer Pawrluv ngaeq-eu gar lavtsoeq-awr, pyaerpyaer-aer yaeqbawq saerlu-aer aernaeq-eu mae.

Maꞈtehˬ 10:17

Nawmaf, tsawrhaq khoerdeuq-anr yanr-awq. Aqjeq mirnae aernar-aq, aqyawfmaf, nawmaf-anr khavma armur-anr a’naeq taef-a. Zanrdawq khawqnymr-euq lafkhoer nawmaf-anr juiflar taef-a.

Gʼaˬkʼehˇ 22:5

Pirma yawhuiq ghaq hawr-eu khavma armur-euq aqyuif aqtsu dawqtawvluf khawf, ngaq-euq garkawv sarkir kamqnya taef-a. Aqyuif aqnyir Yurdav tsawrhaq-euq gharduq, ngar sanqbof za-awr, Daqmaqsaer-anr jawr-eu aqyuif aqnyir deuq-anr shmrcav nae paf-awr, Yeqlursaqlaeq-anr sheuqkeuv laf-awr khaeqnaeq-eu laer ngar, Daqmaqsaer-anr ir-euq ma.”

Gʼaˬkʼehˇ 9:1

Khoerngae yamq-anr khawf, Sawrluv-aq, Sanqpaq Yeqsur-euq zaqlanr deuq-anr saef ma laer guvtsiq nyaefnyaef-aer lmqluf-eu mae. Aqyawf, pirma yawhuiq ghaq jawr-eu gar le-awr,

2 Beˬtuˆluˆ 2:16

Aerkhawf, aqyawf-euq yawlaeq-euq baqda’nae bidaeq-euq mae. Manq tanqlav yawlaf, tsawrhaq lof-aer dawq ngaeqngaeq-aer, Miqyaer gharduq ngaeqdan-eu tsawrhaq-anr yawuq lof-aer mrluf-eu gar lavtsoeq-euq mae.

Yaˬkoˆ 2:7

Nawmaf-anr biftaq-euq tsawrmyanr yawmuiq-anr yaeqbawq saerlu-aer aerluf-eu tsawrhaq-aq, aqyawfmaf maqngeur-a laq?

Gʼaˬkʼehˇ 18:6

Aerkhawf, tsawrhaq khoerdeuq, aqyawf-anr muir-awr yaeqbawq saerlu-aer aer ngae, Pawrluv, aqyawf-euq paerkhanq byuqkhar-awr aer-eu, “Nawmaf-euq shiq, nawmaf-euq uqduq-euq khoertav jav luf-ur. Ngar-aq, yawshawr ma. Iqnan tafnar-aq, ngar, aqcawq tsawrjeuq tsawrca jawr-eu gar ir ma.”

Luˇkaꞈ 21:12

“Aerkhawf, heudeuq dawqtawvluf maq pyeuflar-euq minav-aer, aqcawq, nawmaf-anr nyaef-awr, khaeqlar khavlar taef-a. Aqcawq, nawmaf-anr zanrdawq khawqnymr-anr a’naeq-awr, kuv-anr khawf nyaefur naeqlaf taef-a. Ngaq-euq tsawrmyanr baqda’nae, nawmaf-anr sanqpaq deuq hawr-eu uvlanr-eu deuq-euq maeqshi sheuqghae naeqlaf taef-a.

Luˇkaꞈ 15:17

“Khoerngae, aqyawf noeqganr lar-awr heulof-aer aer-eu mae, ‘Ngaqda-anr ghaqmanr manrdzaq-eu deuq-aq, hawq dzaqdaev lof-awr par dzaeqlar-a siq. Aerkhawf, ngar-aq, maefsaef shaw-iq mir-a!

Luˇkaꞈ 6:11

Aqyawfmaf nuima paer duidui lar-awr, aqyawfmaf, Yeqsur-anr aqjox-aer janrnaeq-eu paq nga laer aqyawf maf-euq yawkaq bawqdzaq-eu mae.

Maˬkuˆ 13:9

“Nawmaf yawqhar yawqha yawmuiq-aer yanr-awq. Aqjeq mirnae aernar-aq, aqcawq, nawmaf-anr khavma armur-anr a’naeq taef-a. Nawmaf, zanrdawq khawqnymr-euq lafkhoer yabi diq taef-a. Nawmaf, ngaq-euq baqda’nae, mirkhanq-anr uvlanr-eu deuq hawr-eu sanqpaq deuq-euq maeqshi yawf-awr, aqyawf maf-anr sarkir yakamq taef-a.

Maˬkuˆ 3:28

“Ngar, nawmaf-anr aqdirma-aer aernaeq nyar, tsawrhaqzaq nae mrbanq-euq yawqjeq navluf hawr-eu yaeqbawq saerlu-aer aer-euq yawqjeq navluf-euq iqbax-anr pyaeqnaeqnya taef-a.

Jaceuq 102:8

Ngaq-anr muir-eu deuq, nan’ga-i ngaq-anr ngaeqdoer-awr; Ngaq-anr aqjaf jaf-eu deuq, kamq-eu lafkhoer ngaq-anr yaqkhaer yaq-eu mae.