Gʼaˬkʼehˇ 24:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqjeq mirnae aernar-aq, tsawrhaq heughaq-aq, zawr khav-eu nyawq-ir nya-eu nargawr-anr dur-eu tiq ghaq ngar-a laer nga’maf ya’mawr-euq ma. Mirtsaq-euq khoertav kharngeur-eu gar jawr-eu Yurdav tsawrhaq dawqtawvluf, puiqlarni janr-eu ghaq pyeuf-awr, maqtsaq-eu Naqzaqlaer baqmur-euq aqyuif khawf pyeufluf-eu mae.

Akha

⁵ Tsawˇ haˬ heu gʼaˬ-aˬ, guˆ laˇ paˬ-ehˇ gʼeh-eu haiˬ dui dui-eu tsawˇ haˬ tiˬ gʼaˬ pyeuꞈ-eu nga maꞈ ya mawˇ-euˬ ma. Miˇ tsaˬ kʼoeˇ taˆ kʼaˇ jawˇ-eu Yuˇdaˆ tsawˇ haˬ deuˬ suˬ saˬ laˇ ni gʼaˬ biꞈ-eu Naˬzaˬlehˇ aˇ muˇ -euˬ aˬ yuiꞈ tiˬ gʼaˬ pyeuꞈ-eu meh.

Gʼaˬkʼehˇ 24:5 Referans Kwoze

Gʼaˬkʼehˇ 28:22

Aerkhawf, yawqgar navluf jawr-eu tsawrhaq, armur heumur-anr jadoer luf-eu mae laer nga’maf siqnya ma. Khoermirnae, nawr aqjox-aer noeq-eu le laer nga’maf gaqmawf mir-a.”

Gʼaˬkʼehˇ 24:14

Aerkhawf, ngar, nawq-anr dawrcoeni aerdov ma. Maqtsaq-eu baqmur laer aqyawfmaf kur-eu Yeqsur-euq Garma-anr ngar cantae luf-eu ma. Khoermirnae, ngar, ngaq-euq aqpoeq deuq-euq Miqyaer-anr uqduq tanqluf-awr, zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-euq lafkhoer khar boftaq-euq dawqtawv luf-anr khawf ngar jan-eu ma.

Gʼaˬkʼehˇ 26:5

Yawbae ngae nae, aqyawfmaf, ngaq-euq garkawv siqnya-eu mirnae, ngaq-euq garkawv sarkir kamqmawf lawnmr-aq, ngar-aq, nga’maf-euq kan duidui-eu uqduq tanq-eu zanr-euq lafkhoer, Paqliqsaer laer kur-eu armur-euq lafkhoer jawrhaw-euq mae laer kamqnya taef-a.

Gʼaˬkʼehˇ 15:5

Aerkhawf, Paqliqsaer armur-anr gawf-awr Kali-anr janlar-euq tiqpavnav deuq turlar-awr heulof-aer aer-eu mae, “Aqcawq tsawrjeuq tsawrca deuq bawkhov maeqdzaq yayaeq-awr, Morseq-euq zanrdawq-anr mrcaw-awq laer dawq yabif taef-a.”

1 Gawˇliˬtu 4:13

Aqcawq, nga’maf-anr yaeqbawq-aer jadoer lar-eu gar dawq yawmuiq-aer ngaeqkhof naeq-euq ma. Nymq-mr keuvni, aqcawq, nga’maf-anr mirtsaq-euq yawjawf jeq hawr-eu yavdzae taq-euq yawqjeq navluf-euq javguv javmeuq lof-aer hawluf-eu mae.

Gʼaˬkʼehˇ 21:28

gur-eu, “Irsaqleqlav tsawrhaq deuq-or! Cawba le-awq! Tsawrhaq heughaq-aq, aqdui-euq tsawrjeuq tsawrca-anr khawf, zanrdawq-anr khawf, jawrduq heutsanr-anr khawf, muirni kharngeur-eu gar yawqghaq navluf-anr maeqmaeq-aer canluf-eu mae. Khoeruqtaf, aqyawf, Heqlaqsar tsawrhaq-anr uqduq tanqnymr nymrma-euq lafkhoer sheuqur laf-awr, shawr-eu jawrduq heutsanr-anr maqshawrni bipyeuf-ir-euq mae.”

Gʼaˬkʼehˇ 5:17

Khoerngae, pirma yawhuiq ghaq hawr-eu aqyawf naeq-aer kharjawr-eu Saqduqgaer armur-anr gawf-eu tsawrhaq deuq myavnavnav duidui-eu mirnae tsawqtur lar-euq mae.

Luˇkaꞈ 23:2

Yeqsur-euq khoertav iqbax taqtaq-aer aer-eu, “Tsawrhaq heughaq-aq, nga’maf-euq tsawrjeuq tsawrca-anr nanrpov-aer daefni sheuqbanq-awr, sanqpaq Gaersaq-anr jeq taq dovnaeq laer lavtsoeq-eu uqtaf, yawqhar yawha Kali laer kur-eu Sanqpaq ma laer khawf, aqyawf aer-eu gar nga’maf yagaq ya’mawr-euq ma.”

1 Beˬtuˆluˆ 2:19

Tsawrhaq tiq ghaq, Miqyaer-euq maeqshi zaqsiq nuisiq baqda’nae, maqngeur-eu gar darlar ngae, ghawqshar shaq-aer ghae-eu lafkhoer daqcoer orcoer nar-aq, Miqyaer nuikhanrshir taef-a.

1 Gawˇliˬtu 11:19

Nawmaf-euq lafkhoer geufnya-eu tsawrhaq aqsur ghaq nga laer siqduq mawrduq larni, maqtsaq maq dzoerler-eu jeq yajav lar-eu mae.

Gʼaˬkʼehˇ 22:22

Tsawrhaq armaf mafma deuq, Pawrluv dawq khoerdawq aer-eu gar narhaq keuvlaf-euq nar-aq, tersar yawkhav khav-aer gur-eu, “Teulof-aer ghae-eu tsawrhaq-aq, mirtsaq-euq khoertav nae lavbyov dzae-awq. Aqyawf daef-eu maqgeux-a.”

Gʼaˬkʼehˇ 6:13

Khoeruqtaf, aqyawfmaf, tsawrkaq jaqmyawf kurlaf-awr heulof-aer bi’aer-euq mae: “Tsawrhaq heughaq-aq, yawshawr lawv hawr-eu zanrdawq-anr maq tsaevlerni yaeqbawq saerlu-aer aerluf-eu mae.

Luˇkaꞈ 23:25

Mirkhanq-anr puiq-awr, tsawrhaq-anr saef-euq mirnae, kuv-anr bi nyaefur taq-euq khoerghaq-anr-aq, aqyawfmaf shar-eu lof-aer pyaeqdov naeq-euq mae. Yeqsur-anr-aq, aqyawfmaf janrnaeq mawf-eu lof-aer janrnaeq nya’ni, aqyawf maf-euq aqlaf-anr a’naeq-euq mae.

Luˇkaꞈ 23:19

Baqlaqbar-aq, meuq khoermeuq-euq lafkhoer puiq-awr, tsawrhaq khawf saef-euq mirnae, kuv-anr bi nyaefur taq-euq mae.

Luˇkaꞈ 23:5

Aerkhawf, aqyawfmaf ngaeq-aer nar-aq ngaeq-aer yawkhav-aer aer-eu, “Tsawrhaq heughaq-aq, Yurdav mirkhanq doeni maeqmaeq-aer, tsawrhaq baqmaf deuq bi luiqgha lar-euq mae. Gaqliqlaer mirkhanq-anr nae maeqdanq bae-awr, heugar keuvni maeqkeuv lef-euq mae.”

Maꞈtehˬ 10:25

Zaqlanr tiq ghaq, saqlaq lof-aer durlar-awr, kuirlaf zaqkhav tiq ghaq, yawsanr ghaq lof-aer durlar nar-aq, nuikhanr shir-awq. Aqcawq, nymrsanr ghaq-anr Beqsaqburlar laer kur-euq nar-aq, aqyawf-euq miqsawrzaq deuq-anr ngeurdzaeq arnavni par kurdoer-eu paq nga!

Maꞈtehˬ 2:23

Naqzaqlaer laer kur-eu meuq tiq meuq-anr lekeuv-awr, khoergar jawr-euq mae. Khoer-aq, Miqyaer gharduq ngaeqdan-eu tsawrhaq nae aertaq-euq dawq heudawq byanlar-euq mae, “Aqyawf-anr Naqzaqlaer tsawrhaq laer kur taef-a.”

Maˬkuˆ 1:24

Aqyawf aer-eu, “Naqzaqlaer tsawrhaq Yeqsur-or! Nawr, nga’maf-anr aqjeq taf-eu le? Nga’maf-anr lavcawv le-euq le lor? Nawr aqsur ghaq-a laer ngar siqnya ma. Nawr-aq, Miqyaer-euq Yawshawr ghaq mae.”

Gʼaˬkʼehˇ 24:4

Aerkhawf, nawr narhaqbyae paq-aer ngar dawq ardzaeq-aer maq ngaeqdzeurni, ghawqshaq gaq-awr nga’maf heumyav dawq ja-eu gar narhaq naeqlaf-awq laer ngar, nawq-anr shar-eu ma.

Gʼaˬkʼehˇ 25:7

Khoernar-aq, Pawrluv larkeuv ngae, Yeqlursaqlaeq-anr nae oe-euq Yurdav tsawrhaq deuq, Pawrluv-euq tiqjawq yawf-awr, Pawrluv nae yawkhav-aer mrlaeq-euq ghawqmya jeq jav-eu mae laer daq-eu mae. Aerkhawf, aqyawfmaf aer-eu lof-aer, yawduq bawni tiqjeq-iq maq toeqmaeq nya-a.