Gʼaˬkʼehˇ 23:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoermirnae, aqyawfmaf lawflawf-aer yawkhav-aer pyaer-eu mae. Paqliqsaer-euq armur-euq lafkhoer zanr maeq-eu tiqpavnav deuq tsawqtur-awr tsawrpyaer pyaerpyaer-aer aer-eu, “Nga’maf-anr tsawrhaq heughaq tiqjeq-iq laeq nga laer maq mawrlar-a. Saflar maqngeur nar-aq, mqtav ghaqkhaer, aqyawf-anr dawq ngaeqcawq le-euq ngeur nar-aq, aqdui, Miqyaer-anr guir maq deuvni yanr kar-eur.”

Akha

⁹ Paˬliˬsehˇ aˇ muˇ-ahˇ taꞈ-eu Zahˇ dawˬ kʼoꞈ dawˬ mehˬ-eu saˬ laˬ tiˬ paˆ na deuˬ tsawˬ tuˇ laˇ-awˇ ehˇ-eu, “Tsawˇ haˬ heu gʼaˬ-euˬ yaw lehˬ tiˬ jeˬ-iˬ aˬ dui maˬ mawˇ-aˬ. Yaw sahˇ neh maˬ ngeuˇ naˇ, mˬ taˆ gʼaˬ kʼehˇ neh aˬ yawꞈ-ahˇ dawˬ ngehˬ cawˬ-euˬ maˬ siˬ tawˇ.”

Gʼaˬkʼehˇ 23:9 Referans Kwoze

Gʼaˬkʼehˇ 22:7

Ngar, mirtsa gacoqghae ngae, ngaq-anr heulof-aer aer-eu tersar-anr yagaq-euq ma, ‘Sawrluv-or! Sawrluv, nawr aqjeq mirnae ngaq-anr khaeq-awr khav-eu le?’

Yoˇhaˬ 12:29

Khoergar yawfluf-eu tsawrhaq armaf deuq, tersar khoer-anr yagaq ngae, mqjeq jeq-eu tersar nya laer aer-awr, tiqpavnav deuq aer-eu, “Mqtav ghaqkhaer, aqyawf-anr dawq ngaeqcawq-eu nya.”

Gʼaˬkʼehˇ 26:31

Aqyawfmaf dov-ir dzeur-euq nar-aq, aqyawf maf-euq yawkaq aer-eu, “Tsawrhaq heughaq beu, shir paq-aer hawr-eu shmrcav pafnaeq paq-aer geux-eu tiqjeq-iq maqanr nga-eq.”

Gʼaˬkʼehˇ 25:25

Aerkhawf, aqyawf shir paq-aer geux-eu yawbanq ngar maq povmawr-aq. Khoeruqtaf, Awrgurtuv jawr-eu gar yarkhaq bidar-ir naeqlaf laer Pawrluv aqyawfghaq shar-eu mirnae, ngar, aqyawf-anr bi sheuqha-ir ma laer noeqtsaev taq-euq ma.

Gʼaˬkʼehˇ 23:29

Aqyawfmaf, aqyawf-euq khoertav shir paq-aer geux-eu yawlaeq hawr-eu shmrcav paf paq-aer geux-eu yawlaeq daq-eu maqngeur-aer, aqyawf maf-euq zanrdawq-anr taf-eu garkawv taef-aer yawlaeq daq-eu nga laer ngar povtser duq-euq ma.

Maˬkuˆ 2:16

Yeqsur, iqbaxzaq hawr-eu jeq taf-eu tsawrhaq naeq-aer jawq-awr hawq dzaqluf-eu gar, Paqliqsaer-euq armur-anr taf-eu zanr maeq-eu deuq ya’mawr ngae, Yeqsur-euq zaqlanr deuq-anr narhaq-eu, “Aqyawf, jeq taf-eu tsawrhaq hawr-eu iqbaxzaq naeq-aer hawq dzaqtaf-eu la lor?”

Dawqdaq 16:7

Ya’we Miqyaer, tsawrhaq tiq ghaq-euq garma-anr nuikhanrshir nar-aq, Aqyawf-anr muir-eu deuq khawf, Aqyawf-anr tsaqler dzoerlerni janrnaeq-eu mae.

1 Gawˇliˬtu 10:22

Aqdui, Sanqpaq Miqyaer myavnav navni mrnmr lor? Aqdui, aqyawf-euq navmaqtser ghaq khavdzaeq-eu le laq?

Gʼaˬkʼehˇ 27:23

Aqjeq mirnae aernar-aq, ngaq-anr uvlanr-awr, ngar uqduq tanqluf-eu Miqyaer-euq mqtav ghaqkhaer, mircif ngaq-euq dawqpae yawfle-awr,

Gʼaˬkʼehˇ 23:8

Aqjeq mirnae aernar-aq, Saqduqgaer deuq-aq, shir-euq tsawrhaq maq ghofdaef lar-a laer aer-eu uqtaf, mqtav ghaqkhaer maqjawr-aer saflar khawf maqbaw-a laer aer-eu mae. Aerkhawf, Paqliqsaer deuq-aq, heudeuq dawqtawvluf jav mae, jawr mae laer aer-eu mae.

Gʼaˬkʼehˇ 11:17

Aqdui, Sanqpaq Yeqsur Kali-anr janlar ngae, Miqyaer, aqdui-anr lafsawq bifnaeq laf-euq lof-aer, aqyawf maf-anr khawf bifnaeq-euq ngeur nar-aq, Miqyaer-anr lavtsoeq nya’ni ngar, aqsur ghaq la?”

Gʼaˬkʼehˇ 9:4

Khoerngae, aqyawf, mirtsa gacoq ghae-awr, aqyawf-anr heulof-aer aer-eu tersar-anr yagaq-euq mae, “Sawrluv-or! Sawrluv, nawr aqjeq mirnae ngaq-anr khaeq-eu le?”

Gʼaˬkʼehˇ 5:39

Aerkhawf, Miqyaer-anr nae dovle-euq ngeur nar-aq, nawmaf, aqyawf maf-anr maq lavtsoeq nya-ar. Khoeruqtaf, nawmaf, Miqyaer-anr guirdeuv deuv-eu nga laer mawrlar-eu baw-mr.”

Luˇkaꞈ 23:22

Khoerngae, Pirlav smq pov tiqpov aqyawf maf-anr aernaeq-eu, “Aqjeq mirnae bi tafsaef mawf-eu nya? Aqyawf yawdoer jeq mrtaq-euq aqgeu jeq jav-eu la? Ngar, aqyawf-euq lafkhoer shir paq-aer mrbanq taq-euq yawbanq tiqjeq-iq maq povmawr-aq. Khoermirnae, ngar, aqyawf-anr diq-awr pyaeqnaeq ma.”

Luˇkaꞈ 23:4

Khoernar-aq, Pirlav, pirma aqyuif deuq hawr-eu tsawrhaq armaf mafma deuq-anr aernaeq-eu, “Ngar, tsawrhaq heughaq-euq lafkhoer yawlaeq tiqjeq-iq maq povmawrnya nya.”

Luˇkaꞈ 5:30

Khoerngae, aqyawf maf-euq zanr maeq-eu deuq hawr-eu Paqliqsaer deuq-aq, Yeqsur-euq zaqlanr deuq-anr jabu jadoer-eu lafkhoer aer-eu, “Nawmaf aqjeq mirnae jeq taf-eu tsawrhaq hawr-eu iqbaxzaq deuq naeq-aer dzaqtaf dawrtaf-eu le?”

Gʼaˬkʼehˇ 22:6

“Ngar, Daqmaqsaer-euq meuqdzer irkeuv ngae, nanlov caelar-euq mae. Khoerngae, mq-anr nae zawr khav-eu yawshaef tiqpov taef-aer ngaq-euq tiqjawq byale-euq mae.