Biblia Todo Logo
Bib sou entènèt

- Piblisite -




Gʼaˬkʼehˇ 23:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

12 Uqbya byalar ngae, Yurdav tsawrhaq tiqpavnav deuq banrler-awr, Pawrluv-anr maqsaef-euq khoer-aq, maqdzaq maqdawr laer kamq-awr aertsaev taq-euq mae.

Gade chapit la Kopi

Akha

12 Uˬ bya bya laˇ ngeh, Yuˇdaˆ tsawˇ haˬ tiˬ deuˬ tahˬ dzoeˇ-awˇ, Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ saˇ jaˇ dzaˬ-euˬ meh.

Gade chapit la Kopi




Gʼaˬkʼehˇ 23:12
33 Referans Kwoze  

Arnan, tsawrhaq heughaq-anr saef-eu laer Yurdav tsawrhaq laeqhmq taq-euq mae laer, aqcawq, ngaq-anr aernaeq lar-euq naeq-aer, ngar, aqyawf-anr nawr jawr-eu gar yawkawr-aer bi sheuqha le-euq ma. Aqyawf-anr yarkhaq ja’mawf-eu tsawrhaq khawf, nawq-euq maeqshi ja-ir-awq laer ngar dawq bif-euq ma. Guiqlanqhuiq luf-ur.”


Teumirnae, aqyawf maf-euq shardawq-anr nawr taq narhaq. Aqjeq mirnae aernar-aq, Pawrluv-anr maqsaef-euq khoer-aq, tiqjeq-iq maqdzaq maqdawr laer tsawrhaq 40 ghaq dzaeqni kamq-awr, aertsaev taq-awr lofluf-eu mae. Nymq-mr aqyawfmaf danlar taq-awr, nawq-euq dawq-anr dawqluf-eu mae.”


Khoernar-aq, aqyawfmaf, pirma aqyuif deuq hawr-eu aqyuif aqtsu deuq jawr-eu gar le-awr heulof-aer aernaeq ler-euq mae, “Nga’maf, Pawrluv-anr maqsaef-euq khoer-aq, tiqjeq-iq maqdzaq laer nga’maf-euq yawkaq kamq-awr aertsaev taq-euq ma.


Aqcawq ghawqmya’ni jabu jadoer-eu, ngaq-anr gaqlar luf-eu mirnae, Guvlar paq-aer ghae-eu jeq yawqpaw navluf tiqjawq javluf-eu mae. Aqyawfmaf tiqgar uiqler-awr, Ngaq-euq daefzir-anr deuqni maeqbawq bawqluf ngae, Ngaq-anr saef-eu laer bawqtov tovluf-eu mae.


Pawrluv-anr muirni, Yeqlursaqlaeq-anr bi sheuqha lar-eu gharduq, janrtsaq naeqlaf laer Beqtur-anr shar-euq mae. Aqjeq mirnae aernar-aq, aqyawfmaf garpaer khoeqlof-awr, Pawrluv-anr saef-eu laer noeqtaq-euq mae.


Aqyawfmaf aqjox-aer ghae-awr nae jaqmyawf maershuir-euq lafkhoer, Yeqsur-anr nyaef-awr yasaefni bawqdzaq-euq mae.


Kali-aq, aqdui-euq gharduq yaqkhaer yaqgar yadaq-euq mirnae, zanrdawq-euq lafkhoer boftaq-euq yaqkhaer yaq-eu jeq-anr nae aqdui-anr kakhof naeqlaf-euq mae. Aqjeq mirnae aernar-aq, “Arbawr-euq khoertav kharbi gheuceuq taq-euq tsawrhaq yawqghaq navluf yaqkhaer yaqgar daqluf-eu tsawrhaq mae,” (Dm 21:23) laer Yaerbof-euq lafkhoer boftaq-euq mae.


Aqsur ghaq maqkaq, Sanqpaq Yeqsur Kali-anr maqgaq nar-aq, aqyawf-euq khoertav yaqkhaer yaq-eu jeq keuvle luf-ur. Sanqpaq Yeqsur-or, oe-awq!


Khoerngae, tsawrhaq armaf mafma dawqtawvluf aer-eu, “Aqyawf-euq shiq lavdov-euq arpoeq, nga’maf hawr-eu nga’maf-euq zaqdeuq-euq khoertav keuvle luf-ur.”


Khoerngae, Beqtuvluv yawqhar yawqha yaqkhaer yaqyaq-aer kamq-eu lafkhoer aer-eu, “Ngar, tsawrhaq khoerghaq-anr maq siqnya nya ler!” Beqtuvluv khoerlof-aer aerghaq-euq naeq-aer, yapoer doerdov laf-euq mae.


Ghawqmya nan dzeur-ir ngae, Yurdav tsawrhaq deuq, Sawrluv-anr saef-eu laer tov-eu mae.


Aerkhawf, aqyawfmaf nae tov-euq khoer Sawrluv yasiq-euq mae. Aqyawfmaf, Sawrluv-anr saef-eu laer uqcif nan’ghanr maqaer, meuq-euq lanrkhaeq deuq-anr lofluf-eu mae.


Khoerlof-aer banrler-euq tsawrhaq-aq, 40 ghaq dzaeq-eu mae.


Ngar maqmyanr kaq-anr garma dov-ir-eu, ircuf huiq-eu gar guvkhar za-eu, tanrjoe-anr guvkhar za-eu, ngaq-euq tsawrjeuq tsawrca-anr guvkhar za-eu, aqcawq tsawrjeuq tsawrca-anr guvkhar za-eu, meuq-euq lafkhoer guvkhar za-eu, bawrtsanq bawrdanr-anr guvkhar za-eu, iqmalavshav-euq lafkhoer guvkhar za-eu, aqyuif aqnyir janrgeuf-eu deuq-anr guvkhar za-eu heudeuq-anr yadaq-euq ma.


Nga’maf, aqcawq tsawrjeuq tsawrca kakhof-eu jeq za’ni, dawqmaeq maeq-eu gar lavtsoeq-eu mae. Aqyawfmaf khoerlof-aer janr-eu-aq, aqyawf maf-euq iqbax byanlarni janr-eu mae. Khoermirnae, Miqyaer nuima paer-eu jeq aqyawf maf-euq khoertav tiqbyanni keuvle teurle-euq mae.


Swiv nou:

Piblisite


Piblisite