Gʼaˬkʼehˇ 23:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Nishawq nan ngae mir, Sanqpaq Yeqsur, Pawrluv-euq dawqpae yawfle-awr aer-eu, “Pawrluv-or! Nuima khaqduqni jawr-awq. Nawr, ngaq-euq garkawv Yeqlursaqlaeq-euq lafkhoer sarkir kamq-euq lof-aer, Lormav meuq-anr khawf sarkir yakamq taef-a.”

Akha

¹¹ Kʼoeˇ ngeh miˇ, Sahˬ paˬ Yeˬsuˇ Pawˇluˆ-euˬ dawˬ peh yawꞈ le-awˇ ehˇ-eu, “Taˬ guˆ. Yeˬluˇsaˬlehˬ meuˬ laꞈ kʼoeˇ ngaˬ-euˬ gʼaˇ duˬ nawˇ saˇ kiˇ kamˬ gʼaˬ-euˬ meh. Loˇmaˆ meuˬ laꞈ kʼoeˇ kʼawꞈ, kʼoeˇ loꞈ-ehˇ ya kamˬ meh.”

Gʼaˬkʼehˇ 23:11 Referans Kwoze

Gʼaˬkʼehˇ 19:21

Garkawv heudeuq pyeuflar dzeur-euq nar-aq, Pawrluv, Maqgeqdawrniv mirkhanq hawr-eu Aqgaqyar mirkhanq-anr irtsaev ghae-awr, Yeqlursaqlaeq-anr le ma laer muiq-eu Saflar-euq lafkhoer noeqtsaev-euq mae. Aqyawf aer-eu, “Ngar khoergar leghaq-euq nar-aq, Lormav meuq-anr khawf yale-a siq.”

Gʼaˬkʼehˇ 18:9

Uqcif pawdzer mawrle-eu lafkhoer, Sanqpaq Yeqsur, Pawrluv-anr heulof-aer aer-eu mae, “Taqguv. Nawr ciqcurni maqjawr-aer ngaeq-awq.

2 Tiˆmoˇseˬ 4:17

Tsawrhaq dawqtawvluf, ngaq-anr byaerdzae naeqlaf-euq khawf, ngar guiqlanqdawq tiqbyanni maeqnaeq-awr, aqcawq tsawrjeuq tsawrca dawqtawvluf yagaqni, Sanqpaq Yeqsur, ngaq naeq-aer jawr-awr, ghaq bifnaeqlaf luf-eu mae. Khoermirnae, ngar, arlaqjaqshir-euq khaqmae-anr nae yabuq-ir-euq ma.

Maꞈtehˬ 14:27

Khoerngae, Yeqsur, aqyawf maf-anr yawkawr-aer aernaeq-eu, “Taqguv, ngar le! Nuima zifdanni ghae-awq.”

Piˇliˇpiˆ 1:13

Khoerlof-aer pyeuflar-euq mirnae, ngar, Kali-euq gharduq shmrcav daqluf-eu mae laer, sanqpaq-euq nymr-anr lofpir-eu deuq hawr-eu, nuideuq dawqtawvluf byacaevni siqnya-eu mae.

Maꞈtehˬ 9:2

Khoerngae, aqcawq, yufzar-anr galuf-eu kuirshir lafshir shir-eu tiq ghaq-anr, Yeqsur jawr-eu gar baflaf-euq mae. Yeqsur, aqyawfmaf jan-eu gar ya’mawr ngae, kuirshir lafshir shir-eu khoerghaq-anr aernaeq-eu, “Aqli-or! Laqkhaq caer-awq, nawq-euq iqbax pyaeqnaeq ghaq-euq ma.”

Gʼaˬkʼehˇ 22:18

Sanqpaq Yeqsur mawrle-awr, ngaq-anr aer-eu, ‘Yeqlursaqlaeq-anr nae yawkawr-aer dov-ir-awq. Aqjeq mirnae aernar-aq, heugar jawr-eu tsawrhaq deuq, nawr, ngaq-euq garkawv sarkir kamq-eu gar maq hageuf-a.’

Gʼaˬkʼehˇ 20:22

Nymq-mr muiq-eu Saflar, ngaq-anr paf-awr Yeqlursaqlaeq-anr sheuqghae naeqlaf luf-eu mae. Khoergar, ngaq-euq khoertav aqjeq keuvle-eu laer ngar maqsiq.

Gʼaˬkʼehˇ 2:25

Daqbir, aqyawf-euq garkawv heulof-aer aertaq-euq mae: ‘Ngar, aqmyanluf, Sanqpaq Miqyaer-anr ngaq-euq maeqshi jawrluf-eu gar ngar mawr-euq ma. Ngar maqya nyaelarni, aqyawf, ngaq-euq armar paw jawrluf-eu mae.

Yoˇhaˬ 16:33

Nawmaf, ngaq-euq lafkhoer nuisar of-eu jeq za’ni, ngar, nawmaf-anr garkawv heudeuq aernaeq-eu ma. Mirtsaq-euq khoertav jawr ngae, nawmaf shaq-awr zanq-eu jeq-anr yadaq taef-a. Aerkhawf, nawmaf nuima zif-awr laqkhaq caer-awq, ngar, mirtsaq-anr ghaqler-euq ma.”

Yoˇhaˬ 14:18

“Ngar, nawmaf-anr murcoeq aqnmr lof-aer maq byaerdzaeyaf. Ngar, nawmaf jawr-eu gar par ghofle ma.

Maꞈtehˬ 28:20

Ngaq nae nawmaf-anr biftaq-euq dawq yawqdawq navluf-anr aqyawfmaf narhaq geufni maeqnaeq tsovnaeq-awq. Mirtsaq heu arsaqsaq ngae keuvni, ngar, nawmaf naeq-aer aqmyanluf jawr ma.” Aqmeq.

Jaceuq 109:31

Aqjeq mirnae aernar-aq, aqyawf, shaqzaq zanqzaq-euq armar paw yawf-awr; Aqyawf, laeq nga laer yarkhaq dartsaev-eu deuq-anr nae, Aqyawf-anr bibuq-ir-eu mae.

Luˇkaꞈ 16:28

Aqjeq mirnae aernar-aq, ngar maernmr ngaq ghaq jawr-eu le siq. Aqyawfmaf, shaqdui zanq duidui-eu jawrduq heutsanr-anr maqya oeni, Laqzaqlur nae aqyawf maf-anr sarkir bikamq-ir sher-eq.’

Gʼaˬkʼehˇ 22:15

Aqjeq mirnae aernar-aq, nawq nae yagaq ya’mawr-euq deuq, tsawrhaq dawqtawv luf-euq maeqshi aqyawf-euq gharduq nawr sarkir yakamq taef-a.

1 Gawˇliˬtu 9:1

Ngar, ghaqkhaer maqngeur-a lor? Ngar buq-ir-euq tsawrhaq maqngeur-a laq? Ngar, aqdui-euq Sanqpaq Yeqsur Kali-anr ya’mawr-euq maqngeur-a lor? Nawmaf-aq, Sanqpaq Miqyaer-euq lafkhoer ngaq nae mrtaq-euq gar maqngeur le laq?