Gʼaˬkʼehˇ 23:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, Pawrluv khavma armur-anr hawtsov taq-awr aer-eu, “Aqyuif aqnyir deuq-or! Iqnan keuvni, ngar, Miqyaer-euq maeqshi kharmr-euq jeq, zaqsiq nuisiq shawrjaevni anr-awr daefluf-eu ma.”

Akha

¹ Kʼoeˇ ngeh, Baꞈ dzah-ahˇ Pawˇluˆ haw tsoˆ taˬ-awˇ ehˇ-eu, “Aˬ yuiꞈ aˬ nyiˇ deuˬ-oˇ, iˬ nah keuˆ ni Miˬyehˇ mehˬ shi ngaˇ aˬ joˆ-ehˇ dehꞈ dzeuˇ jawˇ dzeuˇ laꞈ-euˬ gaˇ kawˆ ngaˬ-euˬ nui ma laꞈ kʼoeˇ shawˇ jehˆ ni jaˆ luꞈ ma.”

Gʼaˬkʼehˇ 23:1 Referans Kwoze

Gʼaˬkʼehˇ 24:16

Khoermirnae, ngar, Miqyaer hawr-eu tsawrhaq-euq maeqshi khawf, yawlaeq tiqjeq-iq maqanr-eu zaqsiq nuisiq za’ni laejae duidui luf-eu ma.

2 Tiˆmoˇseˬ 1:3

Ngar guiqlanq kharshar ngae, uqcif nan’ghanr maqaer, aqmyanluf nawq-anr noeqkeuv-awr, Miqyaer-anr jaceuq-eu ma. Aqpoeq aqbawr deuq shawrjaevni ghae-eu zaqsiq nuisiq anranr-aer, Miqyaer-euq gar mr-euq lof-aer ngar khawf mrluf-eu ma.

2 Gawˇliˬtu 1:12

Nga’maf heulof-aer khanqsaer jaev-eu ma. Nga’maf, mirtsaqzaq-euq maeqshi khawf, khoernav maqtser nawmaf-euq maeqshi khawf, Miqyaer-anr yawzeu baw-awr nuima shawrjaevni taq-awr, Miqyaer-euq lafkhoer dawrcoeni daef-euq ma laer, nga’maf-euq zaqsiq nuisiq sarkir kamqluf-eu mae. Nga’maf shiqshaq-euq zaqsiq tsawrganr-anr ghoe-awr nae maqngeur-eu, Miqyaer-euq guiqlanq yawdzanr-anr ghoe-awr khoerlof-aer mr-euq ma.

HeˬByehˇ 13:18

Nga’maf-euq gharduq guiqlanq sharcaw naeqlaf-awq. Aqjeq mirnae aernar-aq, nga’maf-euq zaqsiq nuisiq shawrjaevni jav ma laer nga’maf yawduqbaw ma. Nga’maf yawqjeq navluf-euq lafkhoer yawmuiq-aer daefmawf mir-a.

1 Gawˇliˬtu 4:4

Ngar, yawqha-euq yawlaeq tiqjeq-iq maq noeqdovnya nya. Aerkhawf, ngar khoerlof-aer maq noeqdov nya-eu mirnae, ngar mrshawr-euq tsawrhaq pyeuflar-euq maqngeur. Aqjeq mirnae aernar-aq, ngaq-anr yarkhaq dar-eu ghaq-aq, Sanqpaq Miqyaer mae.

Gʼaˬkʼehˇ 22:5

Pirma yawhuiq ghaq hawr-eu khavma armur-euq aqyuif aqtsu dawqtawvluf khawf, ngaq-euq garkawv sarkir kamqnya taef-a. Aqyuif aqnyir Yurdav tsawrhaq-euq gharduq, ngar sanqbof za-awr, Daqmaqsaer-anr jawr-eu aqyuif aqnyir deuq-anr shmrcav nae paf-awr, Yeqlursaqlaeq-anr sheuqkeuv laf-awr khaeqnaeq-eu laer ngar, Daqmaqsaer-anr ir-euq ma.”

2 Gawˇliˬtu 4:2

Aerkhawf, nga’maf shafdawrlar paq-aer ghae-eu zaftaq-euq jeq byaerdzae jir-awr, jaqmyawf-euq lafkhoer maqdaef-aer, maershuir maqanrni, Miqyaer-euq dawq khawqluf-eu ma. Khoermirnae, Miqyaer-euq maeqshi, tsawrhaq dawqtawv luf-euq zaqsiq nuisiq-anr tsaqni, yawtsaq yawdawr-aq, nga’maf-anr byacaevni ciqpoeq luf-eu mae.

Gʼaˬkʼehˇ 23:6

Khoerngae, uiqlar taq-euq tsawrhaq deuq-euq lafkhoer, Paqliqsaer tiqpavnav deuq keuq-awr, tiqpavnav deuq-aq, Saqduqgaer nga laer Pawrluv yasiq ngae, tersar yawkhav-aer khavma armur-anr aernaeq-eu, “Aqyuif aqnyir deuq-or! Ngar-aq, Paqliqsaer ma. Ngaqda khawf Paqliqsaer mae. Shir-euq tsawrhaq ghofdaef lar-eu hawr-eu noeqtmq-eu jeq-euq garkawv-euq baqda’nae, ngar yarkhaq dar-eu gar ya daqluf-eu ma.”

Dawqdaq 28:1

Tsawrcawv-aq, aqcawq tiqghaq-iq maqtae-eu gar guvguv-aer caev-eu mae. Aerkhawf, tsaq-awr dawr-eu tsawrhaq-aq, Arlaqjaqshir lof-aer khaqduqni ghae-eu mae.

1 Beˬtuˆluˆ 3:16

Nawmaf-euq zaqsiq nuisiq shawrjaevni bijav-awq. Khoerlof-aer bijav nar-aq, nawmaf, Kali-anr ghoe-awr yawmuiq jeq mrluf-eu gar, nawmaf maqmuiq-eu yawdoer jeq mrluf-a laer, jabu jadoer-awr dawqdoer ngaeq-eu tsawrhaq deuq ya shafdawr-ir taef-a.

Gʼaˬkʼehˇ 22:30

Nishawq ngae nan, tanrdzoeq guirhuq, Pawrluv-anr shmrcav puirnaeq-awr, Yurdav tsawrhaq, Pawrluv-anr iqbax aqjox-aer taq-eu nga laer siqnya mawf-eu mirnae, pirma aqyuif deuq hawr-eu khavma armur dawqtawv luf-anr dawq bif-awr bi uiqlar-euq mae. Khoernar-aq, Pawrluv-anr sheuqlef-awr, aqyawf maf-euq maeqshi biyawf-euq mae.

Gʼaˬkʼehˇ 6:15

Khoerngae, khavma armur-euq lafkhoer nuirluf-eu tsawrhaq dawqtawvluf, Saqteqpaq-anr hawtsov taq-awr, aqyawf-euq myavpyawq, mqtav ghaqkhaer-euq myavpyawq lof-aer dur-eu gar ya’mawr-euq mae.

Gʼaˬkʼehˇ 22:1

“Aqyuif aqnyir, aqpoeq aqbawr deuq-or! Ngar, ngaq-euq garkawv nawmaf-anr jashaw-eu gar narhaq naeqlaf sher-eq.”

Maꞈtehˬ 5:22

Aerkhawf, ngar, nawmaf-anr aernaeq nyar, tiqjeq-iq garkawv maqjav-eu gar nae nuima kharpaer-eu tsawrhaq-aq, yarkhaq dar-eu gar yadaq taef-a. Aqyuif aqnyir-anr ‘Dawrga’ laer khardaeq-eu tsawrhaq-aq, khavma armur-euq maeqshi yarkhaq dar-eu gar yadaq taef-a. Aqyuif aqnyir-anr ‘Aqdzawq argan’ laer khardaeq-eu tsawrhaq-aq, shiqbuir lanma miqdzaq-euq lafkhoer yadaq taef-a.

Gʼaˬkʼehˇ 23:15

Teumirnae, nawmaf, khavma armur naeq-aer tiqkawv lof-aer tanrdzoeq guirhuq jawr-eu gar le-awr, nawmaf, Pawrluv-euq garkawv yawmuiq-aer siqduqni narhaqtser mawf-eu janrgeuf-awr, aqyawf-anr nawmaf hawr-eu khavma armur jawr-eu gar bi sheuqlefni sharler-awq. Aerkhawf, aqyawf maq oekeuv-euq minav-aer, nga’maf, aqyawf-anr saef-eu laer laeqhmqtaq ma.”

Gʼaˬkʼehˇ 23:20

Khoerngae, aqli zaqguq khoerghaq heulof-aer aer-eu mae, “Pawrluv-euq garkawv yawmuiq-aer narhaqduq mawf-eu janrgeuf-awr, nishawq nan, khavma armur jawr-eu gar nawr, Pawrluv-anr sheuqka lefni, Yurdav tsawrhaq, nawq-anr shar-eu laer bawqdzaqtsaev taq-euq mae.

Gʼaˬkʼehˇ 23:28

Yurdav tsawrhaq, aqyawf-anr aqjeq-euq baqda’nae iqbax taq-eu nga laer ngar siqduq mawf-eu mirnae, aqyawf-anr aqyawf maf-euq khavma armur jawr-eu gar sheuqghae-euq ma.