Gʼaˬkʼehˇ 22:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ “Aqyuif aqnyir, aqpoeq aqbawr deuq-or! Ngar, ngaq-euq garkawv nawmaf-anr jashaw-eu gar narhaq naeqlaf sher-eq.”

Akha

¹ “Aˬ yuiꞈ aˬ nyiˇ deuˬ-oˇ, ngaˬ-euˬ gaˇ kawˆ naw maꞈ-ahˇ ngaˇ ngehˬ kʼoꞈ gaˇ tiˬ poˆ naˇ haˬ sheˇ” lehˇ ehˇ nehˬ-euˬ meh.

Gʼaˬkʼehˇ 22:1 Referans Kwoze

Gʼaˬkʼehˇ 7:2

Khoerngae, Saqteqpaq heulof-aer aerkhof naeq-euq mae: “Aqyuif aqnyir hawr-eu aqda deuq-or! Narhaq sher-eq. Aqdui-euq aqpoeq Aqbyaqhaq, Harlaq meuq-anr maqjawr-ir-euq minav-aer, Meqsoqpoqtaqmir mirkhanq-anr jawr ngae, yawshaef khanqsaer huiq-eu Miqyaer, aqyawf jawr-eu gar dovle-awr,

2 Tiˆmoˇseˬ 4:16

Yarkhaq darduq-anr, ngaq-euq garkawv ngar yawbae pov jashawler ngae, yawqghaq navluf, ngaq-anr byaerdzae naeqlaf-awr ngaq-anr cawba naeqlaf-eu tiqghaq-iq maqjawr-a. Aerkhawf, iqbax heu aqyawf maf-euq khoertav taqtaq.

1 Beˬtuˆluˆ 3:15

Aerkhawf, nawmaf-euq nuima-euq lafkhoer Sanqpaq Miqyaer-aq, yawshawr mae laer noeqtsov taq-awq. Nawmaf noeqtmq luf-eu garkawv khar narhaq lar-eu tsawrhaq-anr, aqjox-aer aerkhof naeq-eu laer aqmyanluf yawmuiq-aer laeqhmq taq-awr, nuima nanqyuni yawzeu baw-eu lafkhoer jashaw naeq-awq.

Piˇliˇpiˆ 1:17

Yawqdeuq yawq-aq, ngaq-anr guiqlanq dawq-euq gharduq bi japir-eu laer khaertaq-euq mae laer aqyawfmaf siqnya-eu mirnae, gaq-eu lafkhoer dawqmaeq maeq-eu mae.

Piˇliˇpiˆ 1:7

Ngar, nawmaf yawqghaq navluf-euq garkawv heulof-aer noeq-eu-aq tsaq taef-a. Aqjeq mirnae aernar-aq, nawmaf, ngaq-euq nuima-euq lafkhoer jawrluf-eu mae. Ngar shmrcav ya daqluf ngae khawf, guiqlanq dawq-euq gharduq jashaw-eu lafkhoer tsaq mae laer sarkir kamqluf ngae khawf, nawmaf, ngaq naeq-aer tiqkawv lof-aer guiqlanq yawdzanr zaluf-eu mae.

2 Gawˇliˬtu 12:19

Nawmaf nymq-mr keuvni, nga’maf, yawqha-euq garkawv jashaw-eu laer ja-eu nga laer taef-aer noeq-eu le siq laq? Nga’maf-aq, Miqyaer-euq maeqshi Kali-euq lafkhoer ngaeqluf-eu ma. Ngar zawr gaq-eu cawqdeuq-or! Heudeuq dawqtawvluf nawmaf bihuiq bi manrlar-eu laer mrluf-eu ma.

2 Gawˇliˬtu 7:11

Miqyaer-anr yawzeu baw-eu lafkhoer noeqshaq-eu jeq-aq, nawmaf-euq lafkhoer aqgeu jeq bi dovlar-euq nga laer sharnoeqhaw sher-eq: nawmaf laejae mawf-eu nuima anrlar-awr, yawqha-euq garkawv jashaw mawf-eu uqtaf, maqtsaq-eu jeq-anr nuima paer duidui lar-awr, Miqyaer-anr guv-eu jeq anrlar-euq uqtaf, yawmuiq jeq-anr za’mawf duidui lar-awr, yawmuiq jeq mrmawf-eu shaqdaef shaqnar anrlar-euq uqtaf, dawrcoeni yarkhaq darmawf lar-euq mae. Heudeuq dawqtawv luf-euq lafkhoer, nawmaf yawlaeq maqanr nga laer byacaevni dovlar-euq mae.

1 Gawˇliˬtu 9:3

Ngaq-anr povtser lar-eu tsawrhaq-anr ngar heulof-aer jashawnaeq ma.

Lormav 2:15

Zanrdawq aertaq-euq lof-aer, aqyawf maf-euq nuima-euq lafkhoer boftaq-euq nga laer mawrlar-eu mae. Aqyawf maf-euq zaqsiq nuisiq khawf, sarkir kamq-eu mae. Khoermirnae, aqyawf maf-euq yawkaq iqbax taqnya-awr, tsaq ngar-a laer khawf aernya-eu mae).

Gʼaˬkʼehˇ 28:17

Khoerngae, heulof-aer pyeuflar-euq mae. Smq nan dzeur-euq nar-aq, Pawrluv khoergar jawr-eu Yurdav tsawrhaq-anr sheuqghae-eu deuq-anr kuruiq-euq mae. Aqyawfmaf uiqlar ngae, Pawrluv, aqyawf maf-anr heulof-aer aernaeq-euq mae: “Aqyuif aqnyir deuq-or! Ngar, aqdui-euq tsawrjeuq tsawrca hawr-eu aqdui-euq aqpoeq deuq-euq zanrsanrkhof-anr tiqjeq-iq maq mrbanq-euq khawf, Yeqlursaqlaeq-euq lafkhoer ngaq-anr nyaef-awr, Lormav tsawrhaq-euq aqlaf-euq lafkhoer bi’anr-ir-euq mir-a.

Gʼaˬkʼehˇ 26:24

Pawrluv khoerlof-aer jashawluf ngae, Beqtur tersar yawkhav-aer aer-eu, “Pawrluv-or! Nawr-aq, uq-ir-euq nga. Nawr sanqbof ardzaeq-aer dzawdzeur-awr dzawuq shaw-euq ngar-a!”

Gʼaˬkʼehˇ 25:16

Ngar, aqyawf maf-anr heulof-aer aernaeq-euq ma, ‘Lormav-euq zanrsanrkhof-aq, yawlaeq mr-aq laer bidaq-euq ghaq yacawv-ir ni, yawlaeq mr-aq laer daq-euq ghaq naeq-aer myavpyawq ciqdaq-awr, yawlaeq khoer-euq garkawv maqya jashaw-euq khoerkeuvni, yarkhaq maq darnya-a.’

Gʼaˬkʼehˇ 25:8

Khoerngae, Pawrluv, aqyawf-euq garkawv jashawkhof naeq-eu, “Ngar-aq, Yurdav tsawrhaq-euq zanrdawq-anr khawf, uqduq tanqnymr nymrma-anr khawf, Gaersaq-anr khawf, mrbanq taq-euq tiqjeq-iq maqjav.”

Gʼaˬkʼehˇ 24:10

Khoernar-aq, dawq ngaeqnya taef-a laer sanqpaq Peqlir, Pawrluv-anr lafdzawr dzawrnaeq ngae, Pawrluv heulof-aer aer-eu mae: “Nawr, mirkhanq heukhanq-anr yarkhaq dar-eu ghaq geufluf-eu ghawqmya khof byanlar-euq mae laer, ngar siqnya-eu mirnae, nawq-euq maeqshi ngar laqkhaq caertavni ngaq-euq garkawv jashawnaeq ma.

Gʼaˬkʼehˇ 23:6

Khoerngae, uiqlar taq-euq tsawrhaq deuq-euq lafkhoer, Paqliqsaer tiqpavnav deuq keuq-awr, tiqpavnav deuq-aq, Saqduqgaer nga laer Pawrluv yasiq ngae, tersar yawkhav-aer khavma armur-anr aernaeq-eu, “Aqyuif aqnyir deuq-or! Ngar-aq, Paqliqsaer ma. Ngaqda khawf Paqliqsaer mae. Shir-euq tsawrhaq ghofdaef lar-eu hawr-eu noeqtmq-eu jeq-euq garkawv-euq baqda’nae, ngar yarkhaq dar-eu gar ya daqluf-eu ma.”

Gʼaˬkʼehˇ 23:1

Khoerngae, Pawrluv khavma armur-anr hawtsov taq-awr aer-eu, “Aqyuif aqnyir deuq-or! Iqnan keuvni, ngar, Miqyaer-euq maeqshi kharmr-euq jeq, zaqsiq nuisiq shawrjaevni anr-awr daefluf-eu ma.”

Gʼaˬkʼehˇ 19:33

Khoerngae, aqcawq, Aqleqsaqdur-anr gheudov lef-awr, Yurdav tsawrhaq nae aqyawf-anr tsawrhaq khoerdeuq-euq maeqshi daeqdov ghae-euq mae. Khoernar-aq, Aqleqsaqdur, tsawrhaq armaf mafma deuq-anr garkawv jashawnaeq mawf-eu mirnae, aqlaf bafdir-euq mae.

Gʼaˬkʼehˇ 13:26

“Aqbyaqhaq-euq zaq pyeuf-eu aqyuif aqnyir hawr-eu nawmaf-euq lafkhoer Miqyaer-anr guv-eu tsawrhaq deuq-or! Kakhof-eu garkawv-anr taf-eu dawq heu-aq, nawmaf-anr shaha keuvlef taq-euq mae.

Luˇkaꞈ 21:14

Khoermirnae, aqjox-aer ya aerkhof naeq-eu nga laer, aryamq maq keuvlar-euq minav-aer ngar maq sharnoeq laer, nawmaf yawqha-euq nuima-euq lafkhoer noeqtsaev taq-awq.

Luˇkaꞈ 12:11

“Aqcawq, nawmaf-anr zanrdawq khawqnymr-anr maqaer, sanqpaq deuq hawr-eu aryaq jav-eu deuq-euq maeqshi sheuqghaelef ngae, aqjox-aer ya ngaeqkhof naeq-awr, aqjox-aer ya’ngaeq yatmr-eu laer khanq taqlanr.