Gʼaˬkʼehˇ 21:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Nishawq ngae nan, Pawrluv naeq-aer canluf-eu nga’maf dov-ir-awr, Gaersaqlir-anr irkeuv-euq ma. Pirlirpuv laer kur-eu guiqlanqdawq maeq-eu ghaq-euq nymr-anr urler-awr, aqyawf naeq-aer yaf-euq ma. Aqyawf-aq, cawba-eu shif ghaq-euq lafkhoer keuq-eu tiq ghaq mae.

Akha

⁸ Yawˬ nah yawˬ paˇ doˆ-iˇ-awˇ, Gehˇsaˬliˇ meuˬ-ahˇ iˇ keuˆ-euˬ ma. Piˇliˇpuˆ lehˇ myahˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˬ-euˬ nymˇ-ahˇ nga maꞈ yaꞈ-euˬ ma. Yeˬluˇsaˬlehˬ meuˬ laꞈ kʼoeˇ gaˇ bi caw mˇ-eu gʼaˇ duˬ tsawˇ haˬ shiꞈ gʼaˬ tseˇ doˆ ngeh, aˬ yawꞈ kʼawꞈ ahˇ-eu meh.

Gʼaˬkʼehˇ 21:8 Referans Kwoze

Gʼaˬkʼehˇ 6:5

Aqyawfmaf aer-eu gar, tsawrhaq armaf maflanni nuikhanr shir-awr, heudeuq-anr tserdov-euq mae: jan-eu jeq byan-awr Yawshawr Saflar byan-eu Saqteqpaq hawr-eu Pirlirpuv, Bawrkawq, Nirgaqnawq, Tirmoq, Baqmeqnar hawr-eu Yurdav-euq zanr tawqlar-euq Aqdirawq-anr jawr-eu Nirgawrla heudeuq mae.

Eˇpeˇsu 4:11

Aqyawf, tiqghaq nav-anr ghaqkhaer bigeuf-awr, tiqghaq nav-anr Miqyaer gharduq ngaeqdan-eu tsawrhaq bigeuf-euq mae. Tiqghaq nav-anr guiqlanqdawq maeq-eu tsawrhaq bigeuf-awr, tiqghaq nav-anr saqlaq bigeuf-euq uqtaf, tiqghaq nav-anr maeqzaq bigeuf-euq mae.

2 Tiˆmoˇseˬ 4:5

Aerkhawf, nawr-aq, yawqjeq navluf-euq lafkhoer yawqha-euq nuima-anr ghaqler-eu tsawrhaq pyeuf-awq. Shaqzanq nargawr-anr daq-awr, guiqlanqdawq maeq-eu uqtaf, nawq-euq guiqlanq-euq gar mrluiv-awq.

Gʼaˬkʼehˇ 28:16

Khoernar-aq, nga’maf, Lormav meuq-anr lekeuv ngae, yardzoeq guirhuq ghaq, aqyawf nae paftaq-euq tsawrhaq deuq, lofpir-eu guirzaq aqyuif ghaq-anr a’naeq-euq mae. Aerkhawf, Pawrluv-anr-aq, aqyawf-anr lof-eu guirzaq tiq ghaq bihaw-awr aqyawxyawf bijawr-euq mae.

Gʼaˬkʼehˇ 16:13

Landaw jawrnan ngae nan, nga’maf meuq-euq lafnyir paw irdov-awr, guiqlanq shar-eu tsawrhaq aqmyanluf guiqlanq shar-ir-eu lawrbaq lawrdzer-anr irkeuv-euq ma. Nga’maf nuir-awr khoergar uiqlar taq-euq zaqmiq aqbur deuq-anr dzoer-awr dawq ngaeqcawq-euq ma.

Gʼaˬkʼehˇ 16:10

Pawrluv mawrle-eu lafkhoer khoerlof-aer ya’mawr-euq nar-aq, Sanqpaq Miqyaer, aqyawf maf-anr guiqlanqdawq maeqnaeqler laer nga’maf-anr, kur-eu ngar-a laer noeqjir-awr, nga’maf, Maqgeqdawrniv mirkhanq-anr yawkawr-aer lenya’ni laeqhmq-euq ma.

Gʼaˬkʼehˇ 9:30

Aqyuif aqnyir deuq, garkawv khoer-anr yasiq ngae, aqyawf-anr Gaersaqlir-anr sheuqkeuv ha-ir-awr, Daqsuv-anr bile-euq mae.

Gʼaˬkʼehˇ 28:11

Bala smr siq dzeur-ir-awr, nga’maf, Aqleqsaqdur meuq-euq lawq-anr dziq-awr dov-ir-euq ma. Lawq khoerlawq-anr, “Zaqdzm Maernmr” laer kur-eu arbar nae tsaqtsov taq-euq mae. Lawq khoerlawq-aq, tsanqgav yamq-anr irjawlanr khoerlanr-anr naq-euq mae.

Gʼaˬkʼehˇ 27:1

Nga’maf-anr lawq-anr bidziq-awr, Irdaqliq mirkhanq-anr bi’ir ma laer noeqtsaev ghaq-euq nar-aq, Pawrluv hawr-eu kuv-anr ur-eu nuideuq-anr, Awrgurtuv guirzaq tiq mur-anr taf-eu, Yurluv laer kur-eu yardzoeq guirhuq-euq aqlaf-anr a’naeq-euq mae.

Gʼaˬkʼehˇ 23:23

Khoerngae, tanrdzoeq guirhuq khoerghaq, yardzoeq guirhuq nyiq ghaq-anr kur-awr heulof-aer aernaeq-euq mae, “Nymrcif naqliq ghoeq laf-anr Gaersaqlir-anr ir-eu gharduq, guirdeuv deuv-eu guirzaq 200 ghaq, manq dziq-eu guirzaq 70 ghaq hawr-eu, ganq baf-eu guirzaq 200 ghaq laeqhmq taq-awq.

Gʼaˬkʼehˇ 20:13

Pawrluv nae khaertaq-euq lof-aer, nga’maf-aq, lawq-anr dziq-awr Aqtsov-anr jeqhu irtawq-awr, aqyawf-euq mawrdo-aq, khoergar keuvni kuirzoq ir-awr, Aqtsov-anr nga’maf naeq-aer lawq-anr bi dziqlar-eu laer noeqtsaev taq-euq ma.

Gʼaˬkʼehˇ 20:6

Daeqtseq maqdawv-euq kaqmur dzaq-eu yawbui dzeur-awr, nga’maf, Pirlirpiv-anr nae lawq-anr dziq-awr dov-ir-euq ma. Ngaq nan byanlar ngae, Daqlor-anr irkeuv-awr, aqyawfmaf naeq-aer tanqdzoer-awr, khoergar shif nan byanni jawrnaq mr-euq ma.

Gʼaˬkʼehˇ 18:22

Pawrluv, Gaersaqlir-anr irkeuv-awr, khoergar nae ledav-awr, Kalizaq armur-anr dawqcawq puqnaeq-awr, Aqdirawq-anr le-euq mae.

Gʼaˬkʼehˇ 16:16

Tiqnan, nga’maf guiqlanq sharduq-anr irluf ngae, ja’maw maw-eu naef ur-eu zaqkhav aqbur tiq ghaq, nga’maf-anr tanqpuq lar-euq mae. Aqbur khoerghaq shaevtsaq tsaqnya-eu mirnae, aqyawf-euq yawsanr deuq-anr pyur ghawqmya’ni lavza naeq-euq mae.

Gʼaˬkʼehˇ 10:1

Gaersaqlir-anr Gorneqlir laer kur-eu tiq ghaq jawr-eu mae. Aqyawf-aq, Irdaqliq Guirmaf laer kur-eu guirmaf tiq mur-euq yardzoeq guirhuq tiq ghaq mae.

Gʼaˬkʼehˇ 21:16

Gaersaqlir-anr jawr-eu zaqlanr tiqpavnav deuq, Gurbaqlur irjawlanr-anr jawr-eu Maqnaqsoq khawf sheuq-awr nga’maf naeq-aer lar-euq mae. Maqnaqsoq-aq, zaqlanr geuf-eu myanrlar-euq mae. Nga’maf, aqyawf-euq nymr-anr yafler-euq ma.