Gʼaˬkʼehˇ 20:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Tiqjaw-euq lafkhoer yawbae ngae nan, nga’maf kaqmur ngawqpyaeq-eu laer uiqler-euq ma. Pawrluv nishawq ngae nan dov-ir-eu laer ghae-eu mirnae, saerghanr caelar ngae keuvni dawqmaeq maeq-euq mae.

Akha

⁷ Tiˬ jaw laꞈ kʼoeˇ aˇ dahˬ beh-eu nah ngeh nah uˬ ciꞈ paw, dzaˬ taꞈ dawˇ taꞈ-eu gʼaˇ duˬ nga maꞈ uiˬ leˇ-euˬ ma. Pawˇluˆ-aˬ, yawˬ nah yawˬ doˆ-iˇ-eu lehˇ gʼeh-eu miˇ neh, kʼoeˇ ngeh miˇ uˬ ciꞈ sehˇ gʼahˇ keuˆ ni dawˬ mehˬ mehˬ-euˬ meh.

Gʼaˬkʼehˇ 20:7 Referans Kwoze

1 Gawˇliˬtu 16:2

Yawqjaw navluf-euq yawbae ngae nan, nawmaf yawqghaq navluf yawqha nae za-euq gar geuxni pyur yurdov-awr jeqhmq taq-awq. Khoerlof-aer janr nar-aq, ngar larkeuv ngae, pyur tafuiq-eu laer maqya ghae-ar.

Gʼaˬkʼehˇ 2:42

Aqyawfmaf aqmyanluf ghaqkhaer deuq-euq dawqmaeq dawqtsov narhaq-awr, tiqghaq tirghaq cawqcawq taf-eu lafkhoer, kaqmur ngawqpyaeq-awr guiqlanq shartaf-eu mae.

Yoˇhaˬ 20:19

Khoernar-aq, tiqjaw-euq lafkhoer yawbae ngae nan, uqcif paw zaqlanr deuq, Yurdav tsawrhaq-anr guv-eu mirnae, aqyawfmaf uiqler taq-euq jawrduq-euq larghov piqtaeqjir taq-euq mae. Khoerngae, Yeqsur urlar-awr, aqyawf maf-euq ghanrcae yawf-awr aqyawf maf-anr aernaeq-eu, “Nawmaf, nuisar of luf-ur!”

Yoˇhaˬ 20:1

Tiqjaw-euq lafkhoer yawbae ngae nan, uqbya maqbya lar-euq minav-aer, Maqliv Maqgaqdaqlar, lmqbymr-anr ir-euq mae. Aqyawf irkeuv ngae, lmqbymr-euq ghaqkhaeq-anr ngawqtsoeq taq-euq khaqlo khoersiq ngawqdzae taq-euq gar ya’mawr-euq mae.

Panmaeq 1:10

Ngar, Sanqpaq Miqyaer-euq arnan-anr, muiq-eu Saflar-euq lafkhoer jawrluf ngae, darhae tersar lof-aer ngaq-euq narkhan paw, khav duidui-eu tersar-anr yagaq-euq ma.

Gʼaˬkʼehˇ 20:11

Khoernar-aq, par davler-awr, kaqmur ngawqpyaeq-awr dzaq-euq mae. Aqyawfmaf naeq-aer ghawqmyanrni jasawx-awr, uqbya byalar-awr nae taef-aer dov-ir-euq mae.

Gʼaˬkʼehˇ 28:23

Khoernar-aq, aqyawfmaf, Pawrluv naeq-aer nanpax pax-euq mae. Khoernan keuvlar ngae, tsawrhaq ghawqmya’ni Pawrluv jawr-eu gar uiqlar-euq mae. Pawrluv uqshawq paw nae uqcif pawdzer keuvni, Miqyaer uvlanr-eu garkawv, aqyawf maf-anr sarkir kamqnaeq-awr, aqyawfmaf, Yeqsur-anr taf-eu paw pyawrlarni, Morseq-euq zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-anr ghoeghoe-aer, yawmuiq paq-aer dufyawrni ja’maeq naeq-euq mae.

Gʼaˬkʼehˇ 20:9

Khoerngae, Urtiqkur laer kur-eu aqli zaqguq tiq ghaq larghovzaq-anr nuirluf-eu mae. Pawrluv dawqmaeq ghawqmyanrni maeq-eu mirnae, khoerghaq yufkhav-awr, maq noeqni yufkhavbyov lef-euq mae. Khoernar-aq, aqyawf, nymr smq tiv gor-eu gar nae gaka ghae-awr, aqcawq, aqyawf-anr baftur-ir ngae shirdzeur-euq mae.

Luˇkaꞈ 24:35

Khoerngae, aqyawfnyaf khawf, garpaer-anr pyeuflar-euq garkawv hawr-eu kaqmur ngawqpyaeq ngae taef-aer Yeqsur nga laer yasiq-euq garkawv, aqyawf maf-anr ja’naeq-euq mae.

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

1 Gawˇliˬtu 10:16

Aqdui, Miqyaer-anr jaceuq-eu guiqlanq-euq khmqmaq heu-aq, aqdui, Kali-euq shiq-anr tafluf-eu ma laer aermawf-eu maqngeur-a lor? Aqdui ngawqpyaeq-eu kaqmur-aq, aqdui, Kali-euq mawrdo-anr gawfluf-eu ma laer aermawf-eu maqngeur-a laq?

Gʼaˬkʼehˇ 20:31

Khoermirnae, nawmaf yawbeur beur-aer jawr-awq. Ngar smr khof byanni uqcif nan’ghanr maqaer, maq naqlerni myavbir dovdov-aer, nawmaf yawqghaq navluf-anr aernoeq naeq-euq gar noeqmawr-awq.

Gʼaˬkʼehˇ 2:46

Aqyawfmaf nan-anr nae nuima gm-awr, uqduq tanqnymr nymrma-anr davler-eu uqtaf, kaqmur ngawqpyaeq-awr, laqkhaq tiqcaer nuima jerloni, tiqnymr sair tiqnymr dzaqtaf dawrtaf-eu mae.

Yoˇhaˬ 20:26

Khoernar-aq, yaef nan dzeur-ir-awr, aqyawf-euq zaqlanr deuq, nymr-euq lafkhoer par uiqler-awr jawr ngae, Tormav khawf aqyawfmaf naeq-aer jawrluf-eu mae. Aqyawfmaf larghov dawqtawvluf piqtaeqjir taq-awr jawrluf ngae, Yeqsur urlar-awr, aqyawf maf-euq ghanrcae yawf-awr aer-eu, “Nawmaf, nuisar of luf-ur!”

Luˇkaꞈ 22:19

Aqyawf, kaqmur paryur-awr, Miqyaer-euq guiqlanq-anr jaceuq-euq mae. Khoernar-aq, kaqmur ngawqpyaeq-awr, aqyawf maf-anr ciqnaeq-awr nae aer-eu, “Heu-aq, nawmaf-euq gharduq bifnaeq-eu ngaq-euq mawrdo ma. Nawmaf, ngaq-anr noeqkeuv-eu gharduq heulof-aer janr-awq.”

2 Tiˆmoˇseˬ 4:2

Yaerdawq yawmuiq-aer maeq-awq! Aryamq za ngae khawf, maqza ngae khawf maeq-eu laer laeqhmq taq-awq. Mrlaeq-euq deuq-anr toeqmaeq-awr, yawkhav khav-aer maeqpar tsovpar naeq-awq. Yawqjeq navluf-euq lafkhoer nuinoeq ghawqmanrni noeq-awr maeq-eu uqtaf, ghaq khawf bif-awq.

Maˬkuˆ 16:9

Khoernar-aq, tiqjaw-euq lafkhoer yawbae ngae nan, uqshawq yawnaf-aer Yeqsur ghofdaef lar-euq mae. Aqyawf-euq mawrdo aqyawf nae naef shif mawr taedov naeq-euq Maqliv Maqgaqdaqlar-anr jeqhu bimawr-euq mae.

Gʼaˬkʼehˇ 16:10

Pawrluv mawrle-eu lafkhoer khoerlof-aer ya’mawr-euq nar-aq, Sanqpaq Miqyaer, aqyawf maf-anr guiqlanqdawq maeqnaeqler laer nga’maf-anr, kur-eu ngar-a laer noeqjir-awr, nga’maf, Maqgeqdawrniv mirkhanq-anr yawkawr-aer lenya’ni laeqhmq-euq ma.

Gʼaˬkʼehˇ 20:5

Aqyawfmaf jeqhu irghae-awr, nga’maf-anr Daqlor-anr dawqluf-eu mae.