Biblia Todo Logo
Bib sou entènèt

- Piblisite -




Gʼaˬkʼehˇ 20:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

4 Pawrluv naeq-aer ir-euq deuq-aq, Beqlir-anr jawr-eu Sorbaqdaqlur, Tersaqlorni-anr jawr-eu Aqliqdaqgur hawr-eu Seqguqdur, Deqbeq-anr jawr-eu Gaqyur hawr-eu Tivmorseq, Aqsir mircoer-anr jawr-eu Durjir hawr-eu Daqlorbeq heudeuq mae.

Gade chapit la Kopi

Akha

4 Beˬliˇ meuˬ-ahˇ jawˇ-eu Buˇluˆ-euˬ aˬ li Soˇbaˬdaˬluˇ, Teˇsaˬloˇni meuˬ-ahˇ jawˇ-eu Aˬliˬdaˬguˇ hawˇ-eu Seˬguˬduˇ, Deˬbeˬ meuˬ-ahˇ jawˇ-eu Gaˬyuˇ, Aˬshaˆ miˇ kʼahˬ-ahˇ jawˇ-eu Duˇjiˇ hawˇ-eu Daˬloˇbeˬ aˬ ha maꞈ hawˇ-eu Tiˆmoˇseˬ kʼawꞈ, Pawˇluˆ nehˬ-ehˇ iˇ-euˬ meh.

Gade chapit la Kopi




Gʼaˬkʼehˇ 20:4
29 Referans Kwoze  

Khoerngae, meuq meuqlan-aer luiqgha lar-euq mae. Aqyawfmaf, Pawrluv naeq-aer canluf-eu Maqgeqdawrniv mirkhanq-anr jawr-eu Gaqyur hawr-eu, Aqliqdaqgur-anr gheu-awr, meuq-euq yawbui buiduq-anr uiqler-euq mae.


Erlaqdur-aq, Gawrliqtu-anr jawryaf-euq mae. Daqlorbeq nar-eu mirnae, ngar, aqyawf-anr Meqleqdur meuq-anr bi jawryaf-euq ma.


Ngar aqjox-aer pyeufluf-awr, aqjox-aer mrluf sharluf-eu garkawv nawmaf yasiqni, sarjax zif-awr Sanqpaq Miqyaer-euq kuirlaf zaqkhav pyeuf-eu, ngar zawr gaq-eu maernmr Durjir, nawmaf-anr yawqjeq navluf ja’maeq naeqlaf taef-a.


Ngar, Aqdeqmar maqngeur nar-aq, Durjir-anr nawr jawr-eu gar bi’oe ngae, ngar jawr-eu Nirgawrbaqlir-anr yawkawr-aer lar-awq. Aqjeq mirnae aernar-aq, ngar khoergar tsanqgav yamq jawrjir ma laer noeqtsaev taq-euq ma.


Durjir-anr-aq, ngar Erpersu-anr khaerghae-euq ma.


Ngar zawr gaq-eu maernmr Durjir-aq, ngaq-euq garkawv dawqtawvluf nawmaf-anr ja’naeqlaf taef-a. Aqyawf-aq, sarjax zif-eu kuirlaf zaqkhav hawr-eu ngaq naeq-aer tiqkawv lof-aer Miqyaer-euq gar mrzaq pyeuf-eu mae.


(Daqlorbeq laer kur-eu Erpersu-anr jawr-eu tiq ghaq, aqyawfmaf, Pawrluv naeq-aer meuq-euq lafkhoer canluf-eu gar ya’mawr-euq mirnae, Pawrluv, aqyawf-anr uqduq tanqnymr nymrma-euq lafkhoer sheuqur laf-euq paq laer aqyawfmaf noeq-eu mae.)


Khoerngae, Pawrluv, Deqbeq hawr-eu Lurdaqlar-anr oekeuv-euq mae. Khoergar Tivmorseq laer kur-eu zaqlanr tiq ghaq jawr-eu mae. Aqyawf-aq, janlar-euq Yurdavma tiq ghaq-euq zaqyo mae. Aerkhawf, aqyawf-euq aqda-aq, Heqlaqsar tsawrhaq mae.


Aqyawfnyaf garkawv khoer-anr yasiq ngae, Lurgawrnir mirkhanq-anr jav-eu Lurdaqlar meuq, Deqbeq hawr-eu jawqlaw jawrlawr jav-eu jawrkhanq-anr caev-ir-euq mae.


Ngaq naeq-aer kuv-anr urluf-eu Aqliqdaqgur, nawmaf-anr dawqcawq puqanr lef-euq mae. Baqnaqbar-euq aqdur Maqkuv khawf, nawmaf-anr dawqcawq puqanr lef-euq mae. (Maqkuv-euq garkawv ngar, nawmaf-anr khaertaq-euq lof-aer, aqyawf, nawmaf jawr-eu gar oekeuv nar-aq, aqyawf-anr hageuf-awq).


Ngar-aq, aqyuif aqtsu ma. Aqdui zawr gaq-awr yawtsaq yawdawr-euq lafkhoer ngar zawr gaq-eu Gaqyur-anr sanqbof bofanr lef-eu ma.


Ngaq-euq gar mrcawq Maqkuv, Aqliqdaqgur, Deqmav hawr-eu Lurkaf, aqha’maf khawf dawqtsaf tsafanr lef-euq mae.


Ngar zawr gaq-eu ngaqli Tivmorseq-anr sanqbof bofanr lef-eu ma. Aqda Miqyaer hawr-eu aqdui-euq Sanqpaq Yeqsur Kali-euq guiqlanq yawdzanr, ghawqshaq gaq-eu jeq hawr-eu nuisar of-eu jeq, nawq-euq khoertav jav luf-ur.


Ngar-aq, aqdui-anr Kakhof-eu ghaq pyeuf-eu Miqyaer hawr-eu aqdui-euq noeqtmqduq pyeuf-eu Sanqpaq Yeqsur Kali dawq bifnaeq laf-euq lof-aer, Yeqsur Kali-euq ghaqkhaer geufluf-eu Pawrluv ma.


Ngar, nawmaf-euq garkawv yasiq-awr nuima ghaq anrlarni, ghawqmyanr maqghae-aer, Tivmorseq, nawmaf jawr-eu gar bi’oe ma laer Sanqpaq Yeqsur-euq lafkhoer noeqtmq luf-eu ma.


Aqjeq mirnae aernar-aq, ngar, Siqlav hawr-eu Tivmorseq, nga’maf nae nawmaf-anr dawqmaeq maeqnaeq-euq, Miqyaer-euq Zaqyo Yeqsur Kali-euq garkawv-aq, ngeur-eu jeq khawf, maqngeur-eu jeq khawf, keuqkeuq soso-aer ghae-eu maqngeur-aer, aqyawf-euq lafkhoer-aq ngeur-eu jeq taef mae.


Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Gawrliqtu-anr jawr-eu Miqyaer-euq Kalizaq armur hawr-eu, Aqgaqyar mirkhanq doeni jawr-eu tsawrshawr dawqtawv luf-anr, aqdui-euq maernmr Tivmorseq, nga’nyaf sanqbof bofanr lef-eu ma.


Ngaq-anr hageuf-awr, Kalizaq armur murlan-anr hageuf naeqlaf-euq Gaqyur khawf, nawmaf-anr dawqcawq puqanr laf-euq mae. Meuq heumeuq-euq pyur jeqhmq-eu ghaq Erlaqdur hawr-eu maernmr Gawqtu khawf, nawmaf-anr dawqcawq puqanr laf-euq mae.


Ngaq-euq gar mrcawq Tivmorseq hawr-eu ngaq-euq aqyuif aqnyir pyeuf-eu Lurgir, Yaqsoq hawr-eu Sawrsirpaqtav aqha’maf, nawmaf-anr dawqcawq puqanr laf-euq mae.


Khoernar-aq, Aqsir mircoer-euq iqmalavshav lawrdzer cawcaw-aer jav-eu meuqdeuq-anr ir-eu laer nga’maf, Aqdaqmurdir meuq-anr jawr-eu tsawrhaq-euq lawq-anr davler-euq ma. Maqgeqdawrniv mirkhanq-anr jav-eu Tersaqlorni-anr jawr-eu Aqliqdaqgur khawf, nga’maf naeq-aer tiqkawv lof-aer ir-euq ma.


Khoerngae, Pawrluv hawr-eu Siqlav, Aqpirbawrlir meuq hawr-eu Aqpawrlawrnir meuq-anr canpav ghae-awr, Tersaqlorni-anr oekeuv-euq mae. Khoergar, Yurdav tsawrhaq-euq zanrdawq khawqnymr jav-eu mae.


Aerkhawf, zaqlanr deuq, aqyawf ga-eu tiqjawq yawfluf ngae, aqyawf turlar-awr, meuq-anr urler-euq mae. Nishawq ngae nan, Baqnaqbar naeq-aer Deqbeq-anr ir-euq mae.


Aqdui maf-aq, Baqtir mirkhanq, Miqdir mirkhanq, Erlamq mirkhanq hawr-eu Meqsoqpoqtaqmir mirkhanq-anr jawr-eu tsawrhaq, Yurdav mirkhanq, Gaqbaqdawrciv mirkhanq, Boqtuv mirkhanq, Aqsir mircoer,


Khoerngae, Aqsir mircoer-anr Yaerdawq maqbi maeqni Yawshawr Saflar lavtsoeq-eu mirnae, aqyawfmaf, Puqgir hawr-eu Gaqlaqtiv mirkhanq irpav ghae-euq mae.


Aerkhawf, Pawrluv, Beqlir meuq-anr Miqyaer-euq dawq maeqluf-eu mae laer Tersaqlorni-anr jawr-eu Yurdav tsawrhaq deuq yasiq ngae, khoergar khawf oe-awr, tsawrhaq armaf mafma-anr lavteuv-euq mae.


Aqsir mircoer-anr ghawqmyanr maqya jawrni, Erpersu-anr maqnaq-aer, maeqhu paw irghae ma laer Pawrluv noeqtsaev taq-euq mae. Ghaenya nar-aq, Beqdeqgordeq yawbui arnan-anr Yeqlursaqlaeq-anr jawrnya’ni, aqyawf yawkawr-aer irmawf-eu mae.


Aqyawfmaf, aqyawf jawr-eu gar larkeuv ngae, Pawrluv, aqyawf maf-anr heulof-aer aernaeq-euq mae: “Ngar, Aqsir mircoer-anr larkeuv danqbae-euq ngae nan-anr nae, nawmaf-euq ghanrcae kharjawr ngae, ngar aqjox-aer janr-euq garkawv nawmaf siqnya-eu mae.


Swiv nou:

Piblisite


Piblisite