Biblia Todo Logo
Bib sou entènèt

- Piblisite -




Gʼaˬkʼehˇ 20:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

2 Mirkhanq khoerkhanq doeni irghae ngae, zaqlanr deuq-anr dawq ghawqmya’ni ngaeqnaeq-awr ghaq bifyaf-awr, Heqlaqsar mirkhanq-anr irkeuv-euq mae.

Gade chapit la Kopi

Akha

2 Miˇ kʼahˬ kʼoeˇ kʼahˬ doe ni aˬ yawꞈ iˇ gʼeh ngeh, dawˬ mehˬ mehˬ mehˬ-ehˇ gʼaˬ biꞈ yaꞈ-awˇ, Aˬgaˬyaˇ miˇ kʼahˬ-ahˇ iˇ keuˆ-euˬ meh.

Gade chapit la Kopi




Gʼaˬkʼehˇ 20:2
17 Referans Kwoze  

Aqyuif aqnyir deuq-or! Ngar heulof-aer arsaq saqmawf mir-a. Nga’maf, Sanqpaq Yeqsur-anr ghoeghoe-aer, nawmaf-anr heulof-aer sharshar-aer ghaq bifmawf nya siq. Nawmaf, Miqyaer nuikhanr shirni yawdaef aqjox-aer yadaef-eu garkawv, nga’maf, nawmaf-anr maeqnaeq-euq ma. Nawmaf khoer-euq maeqnan cantae luf-eu lof-aer, maeqhu paw khawf khoernav maqtser laejae laejae-aer cantae ghae-awq.


Nga’maf, nawmaf-anr ghaq bif-euq khoer-aq, maqtsaq-eu jeq hawr-eu maqshawr-eu lafkhoer mr-euq maqngeur. Maershuir shuir-eu laer mr-euq khawf maqngeur.


Nga’maf, aqyawf-euq garkawv dawqmaeq maeq-eu-aq, tsawrhaq yawqghaq navluf, Yeqsur Kali-euq lafkhoer tsawrkhav khavlar-euq tsawrhaq lof-aer a’naeq-eu gharduq, yawqghaq navluf yanryanr-aer daefnya’ni, zaqsiq tsawrganr dawqtawvluf zmq-awr, maeqnaeq tsovnaeq luf-eu ma.


Aqda tiq ghaq, yawqha-euq zaq-anr janrnaeq-eu lof-aer, nga’maf khawf nawmaf yawqghaq navluf-anr ghaq bif-awr, nuima bi sarlar-euq gar nawmaf siqnya mae.


Khoernar-aq, par davler-awr, kaqmur ngawqpyaeq-awr dzaq-euq mae. Aqyawfmaf naeq-aer ghawqmyanrni jasawx-awr, uqbya byalar-awr nae taef-aer dov-ir-euq mae.


Khoernar-aq, uqcif cifle ngae, aqyuif aqnyir deuq tiqpov taef-aer, Pawrluv hawr-eu Siqlav-anr Beqlir meuq-anr khaerghae-euq mae. Aqyawfnyaf khoergar irkeuv ngae, Yurdav tsawrhaq-euq zanrdawq khawqnymr-anr urler-euq mae.


Khoerngae, Pawrluv hawr-eu Siqlav, Aqpirbawrlir meuq hawr-eu Aqpawrlawrnir meuq-anr canpav ghae-awr, Tersaqlorni-anr oekeuv-euq mae. Khoergar, Yurdav tsawrhaq-euq zanrdawq khawqnymr jav-eu mae.


Khoergar nae nar-aq, Pirlirpiv-anr lekeuv-euq ma. Meuq khoermeuq-aq, Maqgeqdawrniv mirkhanq-euq lafkhoer, Lormav tsawrhaq uvlanr luf-eu meuq uqdzan mae. Nga’maf khoergar heumyav nan jawr-euq ma.


Aqyawf, Surliv hawr-eu Girlirciv doedoe-aer, Kalizaq armur deuq-anr ghaq bifbif-aer can-euq mae.


Zaqlanr deuq nuima saflar, ghaq khavlarni, aqmyanluf jan-awr nuima zifdanni jawr-awq laer ghaq bifnaeq-eu lafkhoer aer-eu, “Aqdui, Miqyaer uvlanr-eu jeq-anr urler nya’ni, shaqzanq ghawqmya jeq-anr ya tanqpuq-eu mae.”


Khoeruqtaf, Beqtuvluv dawq ghawqmya’ni ngaeq-awr, aqyawf sarkir kamq-awr aqyawf maf-anr ghaq bifnaeq-eu, “Nawmaf, nanrpov-aer ghae-eu heuzir-anr yabuq-ir ni laejae-awq.”


Yorhaq-aq, tsawrhaq khoerdeuq-anr dawqmaeq maeq-eu lafkhoer ghawqmya jeq-euq garkawv nae ghaq bifnaeq-euq mae.


Luiqgha-eu khoer cof-ir-euq nar-aq, Pawrluv, zaqlanr deuq-anr kuruiq-awr, aqyawf maf-anr byarcuf-awr, Maqgeqdawrniv mirkhanq-anr irghae-euq mae.


Khoergar bala smr siq byanni jawr-awr, lawq-anr dziq-awr Surliv-anr ghof-ir-eu laer ghae ngae, Yurdav tsawrhaq, Pawrluv-anr saef-eu laer tovluf-eu mirnae, aqyawf, Maqgeqdawrniv mirkhanq paw nae ghof-ir ma laer noeqtsaev-euq mae.


Aerkhawf, Sanqpaq Miqyaer nuima tsaq nar-aq, ghawqmyanr maqghae-aer, ngar, nawmaf jawr-eu gar lar ma. Khoerngae, ngar, nuima huiq-eu khoerdeuq dawq ngaeq-eu gar maqngeur-eu, aqyawf maf-euq baoq-anr haw ma.


Swiv nou:

Piblisite


Piblisite