Gʼaˬkʼehˇ 20:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Luiqgha-eu khoer cof-ir-euq nar-aq, Pawrluv, zaqlanr deuq-anr kuruiq-awr, aqyawf maf-anr byarcuf-awr, Maqgeqdawrniv mirkhanq-anr irghae-euq mae.

Akha

¹ Kʼoeˇ ngeh poˆ uiˬ laˇ-euˬ kʼoeˇ coꞈ-iˇ ngeh, jah-eu tsawˇ haˬ deuˬ-ahˇ Pawˇluˆ kuˇ uiˬ-awˇ, gʼaˬ biꞈ-eu laꞈ kʼoeˇ gʼoꞈ dawˬ tsaꞈ yaꞈ-awˇ, Maˬgeˬdawˇniˆ miˇ kʼahˬ-ahˇ iˇ-euˬ meh.

Gʼaˬkʼehˇ 20:1 Referans Kwoze

2 Gawˇliˬtu 7:5

Nga’maf, Maqgeqdawrniv mirkhanq-anr larkeuv ngae, tiqjawr-iq ghaqnaq naq-eu maqdan-aq. Khoeruqtaf, nga’maf-euq tiqjawq nuima maqsar-eu jeq keuvle-eu gar yadaq-euq ma. Lafnyir paw iqdaeq iqcae dovlar luf-awr, lafkhoer paw guv-eu jeq anr-eu mir-a.

Gʼaˬkʼehˇ 19:21

Garkawv heudeuq pyeuflar dzeur-euq nar-aq, Pawrluv, Maqgeqdawrniv mirkhanq hawr-eu Aqgaqyar mirkhanq-anr irtsaev ghae-awr, Yeqlursaqlaeq-anr le ma laer muiq-eu Saflar-euq lafkhoer noeqtsaev-euq mae. Aqyawf aer-eu, “Ngar khoergar leghaq-euq nar-aq, Lormav meuq-anr khawf yale-a siq.”

1 Tiˆmoˇseˬ 1:3

Ngar, Maqgeqdawrniv mirkhanq-anr le-eu laer ghae ngae, tsawrhaq tiqpavnav deuq-anr dawq bibif-eu gharduq, nawq-anr heulof-aer tanqshar-euq ma, “Erpersu-anr jawryaf-awr, ‘Dawqmaeq dawqtsov nuijeq taqpar maeq.

1 Teˇsaˬloˇni 5:26

Aqyuif aqnyir yawqghaq navluf-anr shawr-eu maeqsaw nae dawqcawq puq-awq.

1 Gawˇliˬtu 16:20

Aqyuif aqnyir yawqghaq navluf, nawmaf-anr dawqcawq puqanr laf-euq mae. Nawmaf tiqghaq tirghaq shawr-eu maeqsaw nae dawqcawq puq-awq.

1 Gawˇliˬtu 16:5

Nymq-mr ngar, Maqgeqdawrniv mirkhanq-anr cantsaev luf-eu ma. Ngar, Maqgeqdawrniv mirkhanq-anr cantsaev ghaq-euq nar-aq, nawmaf jawr-eu gar lar ma.

Lormav 16:16

Shawr-eu maeqsaw saw-eu jeq nae nawmaf tiqghaq tirghaq dawqcawq puq-awq. Kali-euq Kalizaq armur deuq, nawmaf-anr dawqcawq puqanr laf-euq mae.

Gʼaˬkʼehˇ 20:37

Khoernar-aq, aqyawfmaf dawqtawvluf yawkhav-aer ngoerngoer-aer, Pawrluv-euq kawqlanr-anr byarcuf-awr maeqsaw saw-euq mae.

Gʼaˬkʼehˇ 20:10

Khoerngae, Pawrluv zafka-ir-awr, khoerghaq-euq khoertav awkhof-awr, aqyawf-anr byarcuf-awr, aqyawf maf-anr aernaeq-eu, “Nawmaf taq tsawqguv-ir, aqyawf daefluf nya siq.”

Gʼaˬkʼehˇ 16:9

Uqcif pawdzer, Pawrluv-anr mawrle-euq lafkhoer, Maqgeqdawrniv tsawrhaq tiq ghaq yawfle-awr Pawrluv-anr shar-eu, “Maqgeqdawrniv mirkhanq-anr lar-awr, nga’maf-anr cawba lar-awq.”

Gʼaˬkʼehˇ 11:26

Aqyawf-anr povmawr ngae, Aqdirawq meuq-anr sheuqlaf-euq mae. Aqyawfnyaf tiq khof byanni khoergar jawr-awr, Kali-anr jan-eu armur naeq-aer uiqler uiqler-aer tsawrhaq ghawqmya ni-anr maeqnaeq tsovnaeq-euq mae. Zaqlanr deuq-anr Kalizaq laer kur-eu-aq, Aqdirawq meuq-anr nae kurbae bae-euq mae.

2 Gawˇliˬtu 13:12

Nawmaf tiqghaq tirghaq shawr-eu maeqsaw saw-awr dawqcawq puq-awq.

Gʼaˬkʼehˇ 16:12

Khoergar nae nar-aq, Pirlirpiv-anr lekeuv-euq ma. Meuq khoermeuq-aq, Maqgeqdawrniv mirkhanq-euq lafkhoer, Lormav tsawrhaq uvlanr luf-eu meuq uqdzan mae. Nga’maf khoergar heumyav nan jawr-euq ma.

Gʼaˬkʼehˇ 20:2

Mirkhanq khoerkhanq doeni irghae ngae, zaqlanr deuq-anr dawq ghawqmya’ni ngaeqnaeq-awr ghaq bifyaf-awr, Heqlaqsar mirkhanq-anr irkeuv-euq mae.

Gʼaˬkʼehˇ 20:3

Khoergar bala smr siq byanni jawr-awr, lawq-anr dziq-awr Surliv-anr ghof-ir-eu laer ghae ngae, Yurdav tsawrhaq, Pawrluv-anr saef-eu laer tovluf-eu mirnae, aqyawf, Maqgeqdawrniv mirkhanq paw nae ghof-ir ma laer noeqtsaev-euq mae.

Lormav 15:19

Baoq huiq-eu bisiq bimawr-eu jeq hawr-eu zanqler paq-aer ghae-eu jeq heudeuq, Miqyaer-euq Saflar-euq baoq-anr ghoe-awr mr-euq ma. Khoerlof-aer mrmr-aer, ngar, Yeqlursaqlaeq-anr nae Irlurliv-anr keuvni, Kali-euq garkawv guiqlanqdawq maeqdoe-euq ma.