Gʼaˬkʼehˇ 2:42 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴² Aqyawfmaf aqmyanluf ghaqkhaer deuq-euq dawqmaeq dawqtsov narhaq-awr, tiqghaq tirghaq cawqcawq taf-eu lafkhoer, kaqmur ngawqpyaeq-awr guiqlanq shartaf-eu mae.

Akha

⁴² Aˬ yawꞈ maꞈ-aˬ, gʼaˬ kʼehˇ deuˬ neh mehˬ nehˬ-euˬ jeˬ-ahˇ yaw muiˬ paˬ-ehˇ dzaw geuꞈ-awˇ, tiˬ gʼaˬ tiˇ gʼaˬ cawˬ yaw muiˬ-ehˇ cawˬ taꞈ-eu laꞈ kʼoeˇ, tiˬ kawˆ loꞈ-ehˇ dzaˬ taꞈ dawˇ taꞈ-awˇ guiˬ lahˬ shaˇ taꞈ-euˬ meh.

Gʼaˬkʼehˇ 2:42 Referans Kwoze

HeˬByehˇ 10:25

Aqdui tiqkawv lof-aer uiqler bymrler-eu jeq-anr, tsawrhaq tiqpavnav byaer-eu lof-aer maqbyaerni mrdavlef kar-eur. Arnan khoernan keuvle-eu dawqpae paelar-eu ngar-a laer, nawmaf siqnya-eu mirnae, tiqghaq tirghaq, ghaq yawkhav-aer biftaer taeq-awq.

Gʼaˬkʼehˇ 1:14

Aqyawfmaf dawqtawvluf nuima tiqgar gm-awr, guiqlanq yawkhav-aer shar-awr, maq naqlerni tanqshar luf-eu mae. Zaqmiq aqbur heumyav ghaq, Yeqsur-euq aqma Maqliv hawr-eu Yeqsur-euq maernmr deuq khawf, aqyawfmaf naeq-aer jawrluf-eu mae.

1 Yoˇhaˬ 1:3

Nawmaf khawf, nga’maf naeq-aer cawq ya cawqni, nga’maf ya’mawr yagaq-euq deuq nawmaf-anr ja’maeq-eu ma. Aqdui cawq cawqtaf-eu-aq, Aqda Miqyaer hawr-eu aqyawf-euq Zaqyo Yeqsur Kali naeq-aer cawq cawqtaf-eu jeq pyeuf-eu mae.

1 Yoˇhaˬ 1:7

Miqyaer, yawshaef-euq lafkhoer jawr-eu lof-aer, aqdui khawf yawshaef-euq lafkhoer daef nar-aq, aqdui tiqghaq tirghaq cawq cawqtaf taef-a. Khoeruqtaf, aqyawf-euq Zaqyo, Yeqsur Kali-euq shiq, aqdui-euq iqbax dawqtawv luf-anr tsiqshawr naeqlaf-eu mae.

Gʼaˬkʼehˇ 2:46

Aqyawfmaf nan-anr nae nuima gm-awr, uqduq tanqnymr nymrma-anr davler-eu uqtaf, kaqmur ngawqpyaeq-awr, laqkhaq tiqcaer nuima jerloni, tiqnymr sair tiqnymr dzaqtaf dawrtaf-eu mae.

Gʼaˬkʼehˇ 20:7

Tiqjaw-euq lafkhoer yawbae ngae nan, nga’maf kaqmur ngawqpyaeq-eu laer uiqler-euq ma. Pawrluv nishawq ngae nan dov-ir-eu laer ghae-eu mirnae, saerghanr caelar ngae keuvni dawqmaeq maeq-euq mae.

Eˇpeˇsu 6:18

Nawmaf, ghaqpyawq dawqtawvluf zmq-awr aqmyanluf guiqlanq shar-awq. Muiq-eu Saflar-euq lafkhoer tanqshar-awq. Yawbeur beur-aer oror-aer guiqlanq shar-awq. Tsawrshawr dawqtawv luf-euq gharduq guiqlanq sharcaw naeq-awq.

Yuˇdaˆ 1:20

Aerkhawf, ngar zawr gaq-eu cawqdeuq-or! Nawmaf, shawr duidui-eu jan-eu jeq-euq lafkhoer huiqlar manrlar-awr, Yawshawr Saflar-euq lafkhoer guiqlanq shar-awq.

Gawˇlawˇsehˇ 4:2

Maq tsaevlerni nuima keuv-awr guiqlanq shar-awq. Yawbeur beur-aer Miqyaer-euq guiqlanq-anr jaceuq-eu lafkhoer shar-awq.

Gawˇlawˇsehˇ 1:23

Nawmaf nae yagaq-euq guiqlanq dawq-anr taf-eu noeqtmq-eu jeq-anr nae maq jivdov-ir ni, jan-eu lafkhoer dawqpaeq zif-awr, zifdanni nyaeftaeqtaq nya-euq ngeur nar-aq, khoer-aq, mq-euq uqmov baetaq-euq yawqjeq navluf-anr dawqmaeq maeqnaeq-euq mirnae mae. Ngar, Pawrluv khawf khoer-euq gharduq kuirlaf zaqkhav geuflar-euq ma.

2 Tiˆmoˇseˬ 3:14

Aerkhawf, nawr-aq, nawq nae yadzaw-awr, yawmuiq-aer janluf-eu deuq-anr zifdanni janzif taq-awq. Aqjeq mirnae aernar-aq, nawr aqsur ghaq-anr dzaw-euq le laer nawr siqnya-eu mae.

Eˇpeˇsu 2:20

Nawmaf-aq, ghaqkhaer deuq hawr-eu Miqyaer gharduq ngaeqdan-eu deuq nae dawqpaeq baetaq-euq gar tsovtsaf davlef-euq nymr mae. Yeqsur Kali-aq, lafcoer-euq lozif pyeuf-eu mae.

Gʼaˬkʼehˇ 14:22

Zaqlanr deuq nuima saflar, ghaq khavlarni, aqmyanluf jan-awr nuima zifdanni jawr-awq laer ghaq bifnaeq-eu lafkhoer aer-eu, “Aqdui, Miqyaer uvlanr-eu jeq-anr urler nya’ni, shaqzanq ghawqmya jeq-anr ya tanqpuq-eu mae.”

Gʼaˬkʼehˇ 6:4

Aerkhawf, nga’maf-aq, guiqlanq shar-awr, Yaerdawq-anr taf-eu guiqlanq-euq gar-anr taef-aer noeqtsov taq-awr mr ma.”

Gʼaˬkʼehˇ 4:31

Aqyawfmaf guiqlanq sharghaq ngae, aqyawfmaf uiqler taq-euq khoertsanr nyaelar-euq mae. Khoernar-aq, aqyawfmaf yawqghaq navluf-anr Yawshawr Saflar byanle-awr, aqyawfmaf nuima khaqduqni Miqyaer-euq dawq ngaeq-eu mae.

1 Gawˇliˬtu 10:21

Nawmaf, Sanqpaq Miqyaer-euq khmqmaq-anr nae dawr-euq nar-aq, naef-euq khmqmaq-anr nae maq dawrnya-a. Nawmaf, Sanqpaq Miqyaer-euq hawqje-anr jawq-euq nar-aq, naef-euq hawqje-anr maqjawq nya-a.

Lormav 12:12

Noeqtmq-eu lafkhoer laqkhaq caer-awr, shaqzanq yadaq ngae or-eu uqtaf, aqmyanluf nuima keuvkeuv-aer guiqlanq shar-awq.

HeˬByehˇ 10:39

Aerkhawf, aqdui-aq, narkhan paw jivkhof ghae-awr, yacawv-ir-eu tsawrhaq khoerdeuq maqngeur. Jan-eu mirnae, saflar kakhof-eu jeq-anr za-eu tsawrhaq ma.

Gʼaˬkʼehˇ 11:23

Aqyawf khoergar irkeuv-awr, Miqyaer-euq guiqlanq yawdzanr-anr ya’mawr-euq mirnae, laqkhaq caer-eu mae. Aqyawf, aqyawfmaf yawqghaq navluf-anr nuima zifdanni, Sanqpaq Miqyaer-euq dawqpae taeqni daef-awq laer ghaq bif-euq mae.

1 Gawˇliˬtu 11:2

Yawqjeq navluf-euq lafkhoer, nawmaf, ngaq-anr noeqkeuv-awr, ngaq nae nawmaf-anr bifyaf-euq lof-aer, zanroer khoerdeuq-anr cantae luf-eu mirnae, ngar, nawmaf-anr jaceuq ma.

Gʼaˬkʼehˇ 20:11

Khoernar-aq, par davler-awr, kaqmur ngawqpyaeq-awr dzaq-euq mae. Aqyawfmaf naeq-aer ghawqmyanrni jasawx-awr, uqbya byalar-awr nae taef-aer dov-ir-euq mae.

1 Yoˇhaˬ 2:19

Tsawrhaq khoerdeuq aqdui-euq armur-anr nae dov-ir-euq mae. Aqyawfmaf, aqdui-euq armur-euq lafkhoer jawr ngae khawf, aqdui-anr maqtaf-a. Aqyawfmaf, aqdui-anr taf-eu lawnmr-aq, nymq-mr keuvni aqdui naeq-aer jawrluf taef-a. Aqyawfmaf dov-ir-euq khoer-aq, aqyawfmaf yawqghaq navluf, aqdui-anr maqtaf nga laer byacaevni dovlar-euq mae.

Gaˬlaˬtiˆ 1:6

Kali-euq guiqlanq yawdzanr-euq lafkhoer nawmaf-anr kur-euq Miqyaer-anr, nawmaf yaw’awr laf-aer byaerdzae-awr, guiqlanqdawq yawqdawq yawq-anr hageuf-euq mirnae, ngar zanq duidui ler nya.

Gʼaˬkʼehˇ 4:23

Aqyawfnyaf bipyaeq-euq nar-aq, cawqdeuq jawr-eu gar ir-awr, pirma aqyuif deuq hawr-eu aqyuif aqtsu deuq nae aqyawf nyaf-anr khar aernaeq-euq dawqtawvluf, aqyawf maf-anr dzawrnaeq-euq mae.

Luˇkaꞈ 24:35

Khoerngae, aqyawfnyaf khawf, garpaer-anr pyeuflar-euq garkawv hawr-eu kaqmur ngawqpyaeq ngae taef-aer Yeqsur nga laer yasiq-euq garkawv, aqyawf maf-anr ja’naeq-euq mae.

Luˇkaꞈ 24:30

Khoerngae, heulof-aer pyeuflar-euq mae. Yeqsur, aqyawfnyaf naeq-aer jawq-awr dzaq-eu laer ghae ngae, Yeqsur kaqmur yur-awr jaceuq-euq mae. Khoernar-aq, ngawqpyaeq-awr aqyawf nyaf-anr bifnaeq-euq mae.

1 Gawˇliˬtu 14:6

Aqyuif aqnyir deuq-or! Ngar, nawmaf jawr-eu gar lar-awr, Miqyaer nae panmaeq-euq jeq hawr-eu siqnya-eu tsawrganr anr-eu dawq maqngaeq-aer, Miqyaer gharduq maq ngaeqdan-eu uqtaf, maqmaeq maqtsov-aer, dawqbav taef-aer bav nar-aq, nawmaf-euq gharduq aqjeq gardanr tsoeq-eu la?

Piˇliˇpiˆ 1:5

Aqjeq mirnae aernar-aq, ardanqbae ngae nan-anr nae iqnan keuvni, nawmaf khawf guiqlanq dawq-anr tafler-awr nae gar cawmr luf-eu mae.