Gʼaˬkʼehˇ 2:39 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Aqjeq mirnae aernar-aq, sarjax khoer-aq, aqdui-euq Sanqpaq Miqyaer nae khar kurtaq-euq nawmaf-anr khawf, nawmaf-euq zaqdeuq-anr khawf, garmanr kaq-eu gar jawr-eu tsawrhaq dawqtawv luf-anr khawf dzaqtaq-euq mae.”

Akha

³⁹ Aˬ jeˬ miˇ neh ehˇ naˇ, Muiˬ-eu shawˇ-eu Yaw sahˇ Miˬyehˇ biꞈ ma lehˇ Miˬyehˇ neh saˇ jaˇ dzaˬ taˬ-euˬ kʼoeˇ-aˬ, naw maꞈ hawˇ-eu naw maꞈ-euˬ zaˬ deuˬ-ahˇ dzaˬ taˬ-euˬ saˇ jaˇ pyeuꞈ-eu meh. Kʼoeˇ uˬ taꞈ, gaˇ mahˇ kaˬ gaˇ jawˇ-eu tsawˇ haˬ dawˬ tawˆ luꞈ hawˇ-eu aˬ dui-euˬ Miˬyehˇ pyeuꞈ-eu SahˬpaˬMiˬyehˇ neh aˬ yawꞈ jawˇ gaˇ kʼaˇ kuˇ taˬ-euˬ deuˬ dawˬ tawˆ luꞈ-ahˇ dzaˬ-euˬ saˇ jaˇ kʼawꞈ pyeuꞈ-eu meh.”

Gʼaˬkʼehˇ 2:39 Referans Kwoze

Lormav 8:30

Khoeruqtaf, yawbae ngae nae aqyawf nae tserdov taq-euq tsawrhaq-anr aqyawf kur-euq mae. Aqyawf nae kur-euq deuq-anr mrshawr-euq tsawrhaq bi pyeuflar-euq mae. Aqyawf nae mrshawr-euq deuq-anr aqyawf-euq yawshaef khanqsaer biza-euq mae.

Eˇpeˇsu 4:4

Miqyaer, nawmaf-anr kur ngae, noeqtmq-eu jeq tiqjeq taef-aer jav-eu lof-aer, mawrdo tiq do taef-aer baw-eu uqtaf, muiq-eu Saflar tiq ghaq jawr-eu taef mae.

Gʼaˬkʼehˇ 15:8

Tsawrhaq-euq nuima-anr siqnya-eu Miqyaer-aq, aqdui-anr Yawshawr Saflar bifnaeq laf-euq lof-aer, aqcawq tsawrjeuq tsawrca-anr khawf bifnaeq-euq mirnae, Miqyaer, aqyawf maf-anr khawf hageuf-eu nga laer mawrlar-eu mae.

1 Beˬtuˆluˆ 5:10

Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.

Panmaeq 19:9

Khoernar-aq, mqtav ghaqkhaer khoerghaq, ngaq-anr aernaeq laf-eu, “ ‘Yawrzaq oermr bar-eu gar lar-awq laer kurtaq-euq tsawrhaq deuq-aq, guiqlanq huiq-eu mae’ laer nawr boftaq-awq.” Aqyawf, ngaq-anr paraer-eu, “Dawq heudawq-aq, aqdir aqmar Miqyaer nae ngaeq-euq dawq mae.”

2 Beˬtuˆluˆ 1:3

Aqdui-anr yawshaef khanqsaer hawr-eu yawmuiq yawjaq jeq-anr ghoe-awr nae, kur-euq ghaq-anr aqdui siqnya-eu mirnae, Miqyaer, aqyawf-euq baoq-anr ghoe-awr nae, Miqyaer-anr yawzeu baw-awr, yawdaef daef-eu gar taf-eu yawqjeq navluf, aqdui-anr bifnaeq laf-euq mae.

HeˬByehˇ 9:15

Heu-euq baqda’nae, tsawrhaqzaq dawqma sarjax yawbae hmq-euq lafov jawr ngae, mrbanq mrlaeq-euq deuq-anr kakhof-eu laer Yeqsur shirdan-euq mae. Miqyaer nae kurtaq-euq tsawrhaq deuq-anr sarjax dzaqtaq-euq lof-aer, mqmaq maqbyav yarzir-euq jeqbir bi za’ni, Yeqsur-aq, dawqma sarjax yawshuif-euq tsawrkaq pyeuf-eu mae.

Panmaeq 17:14

Aqyawfmaf, Yawrzaq-anr guirdeuvdeuv taef-a. Guirdeuvdeuv ngae, Yawrzaq, aqyawf maf-anr deuvghaq taef-a. Aqjeq mirnae aernar-aq, Yawrzaq-aq, yawsanr deuq-euq Yawsanr hawr-eu sanqpaq deuq-euq Sanqpaq pyeuf-eu mae. Yawrzaq naeq-aer jawr-eu tsawrhaq deuq-aq, kurdov taq-euq tsawrhaq, tserdov taq-euq tsawrhaq hawr-eu sarjax zif-eu tsawrhaq deuq mae.”

2 Beˬtuˆluˆ 1:10

Khoermirnae, aqyuif aqnyir deuq-or! Miqyaer nae nawmaf-anr kur-awr, tserdov-euq jeq byacaevni dovlar paq-aer, yawkhav-aer laejae-awq. Khoerlof-aer janr nar-aq, nawmaf tiqjawr-iq sanqtif maqtif-ar.

2 Tiˆmoˇseˬ 1:9

Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.

Eˇpeˇsu 1:18

Miqyaer, nawmaf-anr kur-euq khoer, noeqtmq-eu jeq aqjox-aer jav-awr, tsawrshawr deuq-euq lafkhoer jeqbir-euq yawshaef khanqsaer arnavni sanr-eu nga laer, nawmaf-euq ghovshaw nya-eu myavnuiv panlarni khawf, ngar guiqlanq sharluf-eu ma.

Lormav 11:29

Aqjeq mirnae aernar-aq, Miqyaer-aq, aqyawf nae bif-euq lafsawq hawr-eu, aqyawf nae kur-euq khoer-anr maqpov maq parlar-a.

HeˬByehˇ 3:1

Mq-euq khoertav nae bikur-euq gar taf-eu shawr-eu aqyuif aqnyir deuq-or! Aqyawf-aq, Ghaqkhaer hawr-eu Pirma yawhuiq ghaq mae laer, aqdui aerdov-eu Yeqsur Kali-euq garkawv sharnoeq sharsawx haw-awq.

1 Gawˇliˬtu 7:14

Aqjeq mirnae aernar-aq, maqjan-eu khaqdzerzaq, yawqha-euq miqzaq-euq baqda’nae lavshawr ghaq-euq mae. Maqjan-eu miqzaq khawf, yawqha-euq khaqdzerzaq-euq baqda’nae lavshawr ghaq-euq mae. Khoerlof-aer maqngeur nar-aq, nawmaf-euq zaq maqshawr-a. Aerkhawf, nymq-mr-aq, aqyawfmaf yawshawr mae.

2 Teˇsaˬloˇni 1:11

Khoermirnae, aqdui-euq Miqyaer, nawmaf-anr kur-euq gar geux-awr, aqyawf-euq baoq baqda’nae nawmaf mrmawf-eu yawmuiq yawqjeq navluf hawr-eu jan-awr, mr-euq dawqtawvluf bi pyeuflarni, nga’maf aqmyanluf nawmaf-euq gharduq guiqlanq sharluf-eu ma.

Lormav 9:24

Oeqlanq khoer-aq, Miqyaer nae kur-euq aqduimaf ma. Yurdav tsawrhaq-euq lafkhoer taef-aer maqngeur-aer, aqcawq tsawrjeuq tsawrca-anr khawf kurdov naeqlaf-euq mae.

Lormav 9:4

Aqyawf maf-aq, Irsaqleqlav tsawrhaq mae. Miqyaer-euq zaq pyeuflar-awr, yawshaef khanqsaer hawr-eu dawqma sarjax za-euq uqtaf, zanrdawq bifnaeq-awr, uqduq tanq-eu zanr hawr-eu sarjax za-euq mae.

Gʼaˬkʼehˇ 15:14

Miqyaer, aqcawq tsawrjeuq tsawrca-anr hawle baebae ngae pov, aqyawf maf-euq lafkhoer nae, aqyawf-euq tsawrmyanr-euq uqmov bijawr-eu tsawrhaq deuq-anr tserdov taq-euq mae laer, Sirmoq dzawrnaeqlaf dzeur-euq mae.

Gʼaˬkʼehˇ 15:3

Khoerngae, Kalizaq armur aqyawf maf-anr khaerdov-awr bile-euq mae. Aqyawfmaf, Pirnir mirkhanq hawr-eu Saqmaqliv mirkhanq-anr cantsaev-awr, aqcawq tsawrjeuq tsawrca, Miqyaer jawr-eu paw ghoflar-euq garkawv dzawrmaeqnaeq ngae, aqyuif aqnyir dawqtawvluf laqkhaqcaer duidui-eu mae.

Gʼaˬkʼehˇ 14:27

Aqyawfnyaf ghofkeuvle ngae, Kalizaq armur-anr tiqgar kuruiq-awr, Miqyaer, aqyawf nyaf-anr ghoe-awr kharmr kharshar-euq garkawv hawr-eu, aqcawq tsawrjeuq tsawrca, Kali-anr janlarni Miqyaer larghov aqjox-aer pannaeq-euq garkawv, aqyawf maf-anr dzawrnaeq-euq mae.

Gʼaˬkʼehˇ 10:45

Aqcawq tsawrjeuq tsawrca-euq khoertav khawf, Miqyaer, Yawshawr Saflar-euq lafsawq shaevdav naeq-euq mirnae, Beqtuvluv naeq-aer lar-euq bawkhov maeqdzaq yaeq-euq jan-eu tsawrhaq khoerdeuq ya’mawr ngae zanqler-euq mae.

Eˇpeˇsu 2:12

Khoerngae, nawmaf, Kali-anr maq siqnya-aer, Irsaqleqlav tsawrhaq-anr maqtaf-eu tsawrhaq pyeuf-euq uqtaf, dawqma sarjax-anr maqsiq maqsux-eu tsawrhaq pyeuf-euq mirnae, nawmaf noeqtmqkhar maqza-aer, mirtsaq-euq khoertav Miqyaer-anr maq siqnya’ni daef-euq mae.