Gʼaˬkʼehˇ 2:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Yawbae ngae nae, Miqyaer siqnya-awr noeqtsaev taq-euq lof-aer, Yeqsur, aqcawq-euq aqlaf-euq lafkhoer ya’anr-ir-euq mae. Nawmaf, zanrdawq-anr leur-eu deuq-euq aqlaf-anr ghoe-awr, aqyawf-anr lafyaq-euq khoertav taftaeq-awr saef-euq mae.

Akha

²³ Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Gʼaˬkʼehˇ 2:23 Referans Kwoze

Luˇkaꞈ 22:22

Tsawrhaq-euq Zaqyo-aq, Miqyaer nae noeqtsaev taq-euq lof-aer ya’ir taef-a. Aerkhawf, aqyawf-anr anqdzaq-euq khoerghaq-aq, ghawqshar shaq-aer ya ghaesaef taef-a.”

Gʼaˬkʼehˇ 4:28

Aqyawf maf-aq, nawr nuima tsaq-eu lof-aer nawq-euq aqlaf nae mr ma laer noeqtaq-euq lof-aer pyeuflarni mr-eu gharduq mae.

Gʼaˬkʼehˇ 3:18

Aerkhawf, Kali-aq, shaqzanq yadaq mae laer aqyawf-euq gharduq ngaeqdan-eu tsawrhaq dawqtawv luf-euq khaqmae-anr ghoe-awr, Miqyaer nae dzeurlaf ngae nae aertaq-euq lof-aer byanlar-euq mae.

1 Beˬtuˆluˆ 1:20

Mirtsaq maqbae-euq minav-aer, Miqyaer, aqyawf-anr tserdov taq-euq mae. Aerkhawf, arsaq saq-eu aryamq heu-euq lafkhoer, nawmaf-euq gharduq byacaevni bi dovle-euq mae.

Gʼaˬkʼehˇ 13:27

Yeqlursaqlaeq-anr jawr-eu tsawrhaq hawr-eu aqyawf maf-euq sanqpaq deuq-aq, aqyawf-anr maq siqnya-eu uqtaf, landaw jawrnan yawqjaw navluf guiluf-eu, Miqyaer gharduq ngaeqdan-eu deuq nae boftaq-euq sanqbof-anr khawf, maq ghovshaw nya-eu mirnae, dawq khoerdeuq byanlarni aqyawf-anr yarkhaq dar-euq mae.

Maꞈtehˬ 26:24

Tsawrhaq-euq Zaqyo-aq, Yaerbof-euq lafkhoer aqyawf-euq garkawv boftaq-euq lof-aer ya ghofler-eu mae. Aerkhawf, Tsawrhaq-euq Zaqyo-anr anqdzaq-euq ghaq-aq, ghawqshar shaq-aer ya ghaesaef taef-a. Khoerghaq maq daefle-euq lawnmr-aq, aqyawf-euq gharduq muiqdzaeq-eu mae.”

Lormav 4:17

Aqbyaqhaq janluf-eu Miqyaer-aq, shir-euq tsawrhaq-anr daef-eu jeq bifnya-eu uqtaf, maqjav-eu jeq-anr kur-awr bi javlar nya-eu Miqyaer mae. Miqyaer khoerghaq-euq maeqshi, Aqbyaqhaq-aq, aqdui yawqghaq navluf-euq aqda yawdzanr pyeuflar-euq mae. Khoer-aq, “Ngar, nawq-anr mirkhanq-euq tsawrjeuq ghawqmya jeuq-euq aqda yawdzanr bi pyeuflar ma,” (Adb 17:5) laer Yaerbof-euq lafkhoer boftaq-euq lof-aer mae.

Gʼaˬkʼehˇ 5:30

Nawmaf nae darkawq lafyaq-anr gheuceuq-awr saef-euq Yeqsur-anr, aqdui-euq aqpoeq deuq-euq Miqyaer nae bi ghofdaef lar-euq mae.

Jaceuq 76:10

Tsawrhaqzaq-euq nuima paer-eu jeq aqdir nawq-anr jaceuq taef-a. Dzerlar-euq nuima paer-eu jeq khoer-anr, nawr gheunaq taef-a.

Panmaeq 13:8

Mqbae mirbae bae ngae nae, bisaef-euq Yawrzaq-euq Daef-eu jeq bif-eu sanqbof-euq lafkhoer, tsawrmyanr maq bofanr taq-euq mirtsaq-euq khoertav jawr-eu tsawrhaq dawqtawvluf, jeqzaq heumawr-anr uqduqtanq taef-a.

Yuˇdaˆ 1:4

Aqjeq mirnae aernar-aq, tsawrhaq tiqghaqnav, aqdui maf-euq lafkhoer urkhoeq lar-euq mae. Aqyawf maf-aq, jawflafni ghae-eu jeq mrnya’ni, Miqyaer-euq guiqlanq yawdzanr lavpyawv-awr, aqdui-euq Sanqpaq Yeqsur Kali tiq ghaq taef-aer Sanqpaq Miqyaer pyeuf-eu mae laer maq hageuf-eu, Miqyaer-anr yawzeu maqbaw-eu tsawrhaq mae. Aqyawf maf-aq, yarkhaq dar-eu gar yadaqni arhuba nae bi dartsaev taq-euq mae.

1 Beˬtuˆluˆ 1:2

Nawmaf-aq, Yeqsur Kali-euq dawq narhaq geuf-awr, aqyawf-euq shiq nae bi byavshaeq-eu gharduq, arhuba nae, Aqda Miqyaer siqnya-eu lafkhoer tserdov taq-awr, muiq-eu Saflar nae lavshawr naeq-euq tsawrhaq deuq mae. Nawmaf-euq khoertav guiqlanq yawdzanr hawr-eu nuisar of-eu jeq myaqlar luf-ur.

Gʼaˬkʼehˇ 15:18

“Miqyaer nae kharmr-euq gar dawqtawvluf, mqmaq maqbyav yarzir-anr nae aqyawf siqnya luf-eu mae.’

Luˇkaꞈ 24:20

Pirma aqyuif deuq hawr-eu aqdui-anr uvlanr-eu aqyuif aqtsu deuq, aqyawf yashirni yarkhaq bidar-eu gharduq a’naeq-awr, lafyaq-euq khoertav bi tafsaef-euq mae.

Luˇkaꞈ 22:37

Ngar, nawmaf-anr aernaeq nyar, ‘Aqcawq, aqyawf-anr mrbanq mrlaeq-euq deuq naeq-aer sawxanr taef-a’ (Isy 53:12) laer boftaq-euq Yaerbof heudawq ngaq-euq lafkhoer ya byanlar taef-a. Aqjeq mirnae aernar-aq, ngaq-euq garkawv khar boftaq-euq deuq ya byanlar taef-a.”

Gʼaˬkʼehˇ 7:52

Nawmaf-euq aqpoeq deuq nae maqbi khaeq maqbi khav haw-euq Miqyaer gharduq ngaeqdan-eu tsawrhaq aqgeu ghaq jawr-eu la? Tsaq-awr dawr-eu ghaq oe taef-a laer ngaeqdan-euq deuq-anr khawf, aqyawfmaf saef-euq mae. Nymq-mr nawmaf khawf, Tsaq-awr dawr-eu khoerghaq, aqcawq-anr anqdzaq-awr bisaef-euq mae.

Yoˇhaˬ 19:24

Khoermirnae, aqyawf maf-euq yawkaq ja-eu, “Aqdui, paerkhanq heu maq caeqpyaqni, aqsur ghaq za’nya-eu nga laer shaevtsaqtsaq kar-eur.” Heu-aq, Yaerbof-euq lafkhoer boftaq-euq dawq heudawq bi byanlar-eu gharduq mae, “Aqyawf maf-euq yawkaq, ngaq-euq maeqtsoeq lafnyir kanr birgeuf-awr, Ngaq-euq paerkhanq lafkhoer kanr shaevtsaq tsaqgeuf-euq mae.” (Jc 22:18) Khoermirnae, guirzaq deuq khoerlof-aer janr-euq mae.

1 Beˬtuˆluˆ 2:8

Khoeruqtaf, “Khaqlo khoersiq-aq, tsawrhaqzaq sanqtif bitif-awr, bi coqdzae-ir-eu khaqlo loma mae.” (Isy 8:14) Aqyawfmaf, Yaerdawq maq narhaq geuf-euq mirnae, sanqtif tif-euq mae. Khoer-aq, Miqyaer nae tsaqtsov taq-euq lof-aer pyeuflar-euq mae.

Maꞈtehˬ 20:19

Khoernar-aq, aqcawq tsawrjeuq tsawrca-euq aqlaf-euq lafkhoer a’naeq-awr, aqyawf-anr aqjaf jafnaeq-awr, yanqcav nae juif-awr nae lafyaq-euq khoertav tafsaef taef-a. Aerkhawf, smq nan keuvlar nar-aq, aqyawf ghofdaeflar taef-a.”

Maꞈtehˬ 27:35

Khoerngae, aqyawfmaf, aqyawf-anr lafyaq-euq khoertav taftaeq-awr nae, aqyawf-euq maeqtsoeq shaevtsaq tsaq-awr birgeuf-euq mae. Khoer-aq, Miqyaer gharduq ngaeqdan-eu deuq nae aertaq-euq dawq heudawq byanlar-euq mae, “Aqyawf maf-euq yawkaq, ngaq-euq maeqtsoeq lafnyir kanr bifgeuf-awr, Ngaq-euq paerkhanq lafkhoer kanr shaevtsaq tsaqgeuf-euq mae.” (Jc 22:18)

Maˬkuˆ 15:24

Khoernar-aq, aqyawfmaf, aqyawf-anr lafyaq-euq khoertav taftaeq-awr, aqyawf-euq maeqtsoeq aqgeu ghaq aqgeu jeq za-eu nga laer shaevtsaq tsaq-awr birgeuf-euq mae.

Luˇkaꞈ 23:33

Uqduqkhmq laer kur-eu khoertsanr-anr lekeuv ngae, aqyawfmaf, Yeqsur-anr lafyaq-euq khoertav taftaeq-euq mae. Yawbanq jeq mr-euq khoer nyiq ghaq-anr khawf, armar paw tiq ghaq, arcar paw tiq ghaq laer taftaeq taq-euq mae.

Yoˇhaˬ 19:18

Khoergar, aqyawfmaf, Yeqsur-anr lafyaq-euq khoertav taftaeq-euq mae. Tsawrhaq nuideuq nyiq ghaq-anr khawf, aqyawf naeq-aer tiqpaw tiq ghaq-aer, Yeqsur-anr-aq, ghanrcae laer taftaeq taq-euq mae.

Gʼaˬkʼehˇ 2:36

“Khoermirnae, Irsaqleqlav-euq nymrkhanq yawqkhanq navluf garkawv heu-anr yawmuiq-aer siqduq-awq. Nawmaf nae tafsaef-euq Yeqsur khoerghaq-anr Miqyaer nae Sanqpaq Miqyaer hawr-eu Kali bi pyeuflar ghaq-euq mae.”

Gʼaˬkʼehˇ 5:28

aer-eu, “Tsawrmyanr heumyanr-anr ghoeghoe-aer aqcawq-anr taqpar maeqnaeq laer nga’maf, nawmaf-anr dawq yawkhav khav-aer bif-euq maqngeur-a lor? Aerkhawf, hawsher-eq, nawmaf-euq dawqmaeq dawqtsov deuq, Yeqlursaqlaeq meuq meuqlanni gaqdoe-ir taq-awr, tsawrhaq heughaq-euq shiq-euq arpoeq, nga’maf-euq khoertav bi keuvle mawf-eu ghae-eu nga.”

Lormav 2:12

Zanrdawq maqjav-aer iqbax kharmr-euq tsawrhaq-aq, zanrdawq-anr maqtaf-aer yacawv-ir taef-a. Zanrdawq jav-eu gar nae iqbax kharmr-euq tsawrhaq-aq, zanrdawq aertaq-euq lof-aer yarkhaq dar-eu gar yadaq taef-a.

1 Teˇsaˬloˇni 2:15

Yurdav tsawrhaq khoerdeuq, Sanqpaq Yeqsur hawr-eu aqyawf maf-euq Miqyaer gharduq ngaeqdan-eu deuq-anr saef-awr, nga’maf-anr khawf taedzae naeqlaf-euq mae. Aqyawf maf-aq, Miqyaer nuima tsaqni maqmr-eu uqtaf, tsawrhaq yawqghaq navluf-anr muir-eu mae.