Gʼaˬkʼehˇ 2:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² “Irsaqleqlav tsawrhaq deuq-or! Ngar aer-eu gar narhaq sher-eq. Miqyaer, Naqzaqlaer tsawrhaq Yeqsur-anr ghoe-awr, nawmaf-euq ghanrcae khavjeq-aer ghae-eu jeq, zanqler paq-aer ghae-eu jeq hawr-eu bisiq bimawr-eu jeq bimr-awr, Miqyaer nae nawmaf-euq gharduq sarkir bipyeuf-euq ghaq mae laer nawmaf yawqghaq navluf siqnya-eu lof-aer mae.

Akha

²² “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ yaw muiˬ paˬ-ehˇ naˇ haˬ sheˇ. Naˬzaˬlehˇ tsawˇ haˬ Yeˬsuˇ-aˬ, maˇ maˇ ni Miˬyehˇ neh bi oe-euˬ gʼaˬ pyeuꞈ-eu gaˇ kawˆ, aˬ yawꞈ-ahˇ gʼoe-eu laꞈ kʼoeˇ Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ kʼoeˇ deuˬ saˇ kiˇ kamˬ luꞈ meh. Gaˇ kawˆ kʼoeˇ deuˬ naw maꞈ-euˬ mehˬ shi pyeuꞈ dzeuˇ yaꞈ-euˬ miˇ neh, naw maꞈ yaw muiˬ paˬ-ehˇ siˬ duˬ meh.

Gʼaˬkʼehˇ 2:22 Referans Kwoze

Yoˇhaˬ 3:2

Uqcif paw, aqyawf, Yeqsur jawr-eu gar lar-awr aer-eu, “Laqbir-or! Nawr-aq, Miqyaer jawr-eu gar nae oe-euq saqlaq tiq ghaq ngar-a laer nga’maf siqnya-eu ma. Aqjeq mirnae aernar-aq, nawq nae janr-euq bisiq bimawr-eu jeq, janr-eu ghaq naeq-aer Miqyaer maqjawr lawnmr-aq, tsawrhaq tiqghaq-iq maq janrnya-a.”

Gʼaˬkʼehˇ 4:10

nawmaf dawqtawvluf hawr-eu Irsaqleqlav tsawrhaq dawqtawvluf heu-anr siqnya-awq. Nawmaf-euq maeqshi yawfluf-eu heughaq taqler-euq-aq, nawmaf nae tafsaef-awr, Miqyaer nae aqyawf-anr shir-euq gar nae bi ghofdaef lar-euq Naqzaqlaer tsawrhaq Yeqsur Kali-euq tsawrmyanr baqda’nae mae.

Luˇkaꞈ 11:20

Ngar, Miqyaer-euq lafnoer-anr ghoe-awr naef-anr taedov-eu ngeur nar-aq, Miqyaer uvlanr-eu jeq nawmaf-euq khoertav keuvle-euq mae.

Maꞈtehˬ 12:28

Ngar, Miqyaer-euq Saflar-anr ghoeghoe-aer naef-anr taedov-eu ngeur nar-aq, Miqyaer uvlanr-eu jeq nawmaf jawr-eu gar keuvle-euq mae.

Maꞈtehˬ 9:8

Tsawrhaq baqmaf deuq khoer-anr ya’mawr ngae, aqyawfmaf zanqler-awr, tsawrhaqzaq-anr khoerlof-aer ghae-eu aryaq bif-euq Miqyaer-anr ciqhuiq ciqmanr-eu mae.

HeˬByehˇ 2:4

Miqyaer, aqyawf nuima tsaq-eu lof-aer bisiq bimawr-eu jeq, zanqler paq-aer ghae-eu jeq hawr-eu khavjeq-aer ghae-eu jeq ghawqmya jeq mr-awr, Yawshawr Saflar-euq lafsawq bizmq-eu lafkhoer sarkir kamqnaeq laf-euq mae.

2 Gawˇliˬtu 12:12

Ngar ghaqkhaer ngar-a laer aqdir bisiq bimawr-eu jeq-aq, nawmaf naeq-aer jawr ngae, yawqjeq navluf daq-awr or-eu, bisiq bimawr-eu jeq, zanqler paq-aer ghae-eu jeq hawr-eu, baoq huiq-eu deuq mr-euq ma.

Gʼaˬkʼehˇ 26:26

Garkawv heudeuq-anr sanqpaq Aqgirpav siqnya-eu mirnae, ngar, aqyawf-euq maeqshi nuima khaqduqni aerpeuq-eu ma. Garkawv heudeuq barzaf-anr pyeuflar-euq maqngeur-eu mirnae, aqyawf maqsiq maqmawr-euq tiqjeq-iq maqjav-a laer ngar yawduqbaw ma.

Gʼaˬkʼehˇ 26:9

“Aqdir aernar-aq, ngar, Naqzaqlaer tsawrhaq Yeqsur-euq tsawrmyanr-anr coeqler civlerni ghawqmya jeq janr paq-aer ghae taef-a laer noeqhaw-euq ma.

Gʼaˬkʼehˇ 24:5

Aqjeq mirnae aernar-aq, tsawrhaq heughaq-aq, zawr khav-eu nyawq-ir nya-eu nargawr-anr dur-eu tiq ghaq ngar-a laer nga’maf ya’mawr-euq ma. Mirtsaq-euq khoertav kharngeur-eu gar jawr-eu Yurdav tsawrhaq dawqtawvluf, puiqlarni janr-eu ghaq pyeuf-awr, maqtsaq-eu Naqzaqlaer baqmur-euq aqyuif khawf pyeufluf-eu mae.

Gʼaˬkʼehˇ 22:8

Khoerngae, ngar aerkhof naeq-eu, ‘Sanqpaq-or! Nawr aqsur ghaq le?’ Aqyawf, ngaq-anr aerkhof naeqlaf-eu, ‘Ngar-aq, nawr khaeq-awr khavluf-eu Naqzaqlaer tsawrhaq Yeqsur ma.’

Gʼaˬkʼehˇ 21:28

gur-eu, “Irsaqleqlav tsawrhaq deuq-or! Cawba le-awq! Tsawrhaq heughaq-aq, aqdui-euq tsawrjeuq tsawrca-anr khawf, zanrdawq-anr khawf, jawrduq heutsanr-anr khawf, muirni kharngeur-eu gar yawqghaq navluf-anr maeqmaeq-aer canluf-eu mae. Khoeruqtaf, aqyawf, Heqlaqsar tsawrhaq-anr uqduq tanqnymr nymrma-euq lafkhoer sheuqur laf-awr, shawr-eu jawrduq heutsanr-anr maqshawrni bipyeuf-ir-euq mae.”

Gʼaˬkʼehˇ 14:27

Aqyawfnyaf ghofkeuvle ngae, Kalizaq armur-anr tiqgar kuruiq-awr, Miqyaer, aqyawf nyaf-anr ghoe-awr kharmr kharshar-euq garkawv hawr-eu, aqcawq tsawrjeuq tsawrca, Kali-anr janlarni Miqyaer larghov aqjox-aer pannaeq-euq garkawv, aqyawf maf-anr dzawrnaeq-euq mae.

Gʼaˬkʼehˇ 13:16

Khoerngae, Pawrluv turlar-awr, aqlaf bafdir-awr heulof-aer aer-eu mae: “Irsaqleqlav tsawrhaq hawr-eu Miqyaer-anr guv-eu tsawrhaq deuq-or! Narhaq sher-eq.

Gʼaˬkʼehˇ 6:14

Naqzaqlaer tsawrhaq Yeqsur, uqduq tanqnymr nymrma heu-anr pyavdzae-awr, ‘Morseq nae aqdui-anr bi tawqka lef-euq zanr deuq-anr khawf lavpar taef-a’ laer aqyawf aer-eu gar nga’maf yagaq-euq ma.”

Gʼaˬkʼehˇ 5:35

Khoernar-aq, aqyawf, khavma armur deuq-anr heulof-aer aernaeq-euq mae: “Irsaqleqlav tsawrhaq deuq-or! Nawmaf tsawrhaq heudeuq-anr aqjox-aer janrnaeq law-awr khawf, yawmuiq-aer yanr-eu lafkhoer janr-eu tsaq mae.

Gʼaˬkʼehˇ 3:12

Beqtuvluv khoer-anr ya’mawr ngae, tsawrhaq khoerdeuq-anr heulof-aer aernaeq-euq mae: “Irsaqleqlav tsawrhaq deuq-or! Nawmaf aqjeq mirnae garkawv heu-anr zanqler-eu nya? Nga’maf-anr aqjeq mirnae hawtsov taq-euq le? Nga’nyaf-euq baoq hawr-eu nga’nyaf, Miqyaer-anr yawzeu baw-eu baqda’nae heughaq-anr garma bi cannya lar-euq nga laer nawmaf noeq-eu le lor?

Yoˇhaˬ 19:19

Khoerngae, Pirlav sanqbof bof-awr, lafyaq-euq khoertav tafmyanq taq-euq mae: YURDAV TSAWRHAQ-EUQ SANQPAQ, NAQZAQLAER TSAWRHAQ YEQSUR.

Yoˇhaˬ 15:24

Tsawrhaq tiqghaq nae-iq maq mrhaw-euq gardeuq, ngar, aqyawf maf-euq ghanrcae maqmr-euq lawnmr-aq, aqyawfmaf iqbax maqanr-ar. Aerkhawf, nymq-mr aqyawfmaf gar khoerdeuq-anr ya’mawr-awr, ngaq-anr khawf, ngaqDa-anr khawf byae-eu mae.

Yoˇhaˬ 12:17

Yeqsur, Laqzaqlur-anr shir-euq gar nae bi ghofdaef lar-awr, lmqbymr-anr nae kurdov ngae, Yeqsur naeq-aer khoergar jawr-eu tsawrhaq armaf khoerdeuq, garkawv khoer sarkir kamqluf-eu mae.

Yoˇhaˬ 11:47

Khoerngae, Paqliqsaer deuq hawr-eu pirma aqyuif deuq, khavma armur-anr kuruiq-awr aer-eu, “Aqduimaf aqjox-aer janr nmr-mq? Tsawrhaq heughaq-aq, bisiq bimawr-eu jeq ghawqmya’ni mrluf-eu mae.

Yoˇhaˬ 10:37

Ngar, ngaqDa-euq gardeuq maqmr nar-aq, ngaq-anr taqjan.

Yoˇhaˬ 9:33

Tsawrhaq heughaq, Miqyaer jawr-eu gar nae oe-euq maqngeur lawnmr-aq, aqyawf tiqjeq-iq maqmr nya-ar.”

Yoˇhaˬ 7:31

Tsawrhaq khoerdeuq-euq lafkhoer ghawqmya ghaq aqyawf-anr janlar-awr aer-eu, “Kali oe ngae, tsawrhaq heughaq nae mr-euq bisiq bimawr-euq deuq myavmaqtser aqyawf mr taef-a lor?”

Yoˇhaˬ 6:27

Buf-ir cawv-ir nya-eu dzaqdzaq dawrdawr za’ni taq laejae. Aerkhawf, Tsawrhaq-euq Zaqyo bifnaeq nya-eu mqmaq maqbyav yarzir zif-eu dzaqdzaq dawrdawr za’ni laejae-awq. Aqjeq mirnae aernar-aq, Aqda Miqyaer nae Tsawrhaq-euq Zaqyo-anr jmq diqtaq-euq mae.”

Yoˇhaˬ 6:14

Tsawrhaq khoerdeuq, Yeqsur nae bisiq bimawr-eu jeq mr-euq gar ya’mawr-awr aer-eu, “Tsawrhaq heughaq-aq, aqdir mirtsaq-euq khoertav oe taef-a laer aertaq-euq, Miqyaer gharduq ngaeqdan-eu khoerghaq ngar-a.”

Yoˇhaˬ 5:36

“Aerkhawf, ngar-aq, Yorhaq-euq sarkir navmaqtser huiq-eu jeq jav-eu ma! Aqda nae ngaq-anr bifnaeq laf-euq gardeuq mrluivni, nymq-mr ngar mrluf-eu heu-aq, Aqda nae ngaq-anr khaerghae lef-euq mae laer sarkir kamq-eu mae.

Yoˇhaˬ 4:48

Yeqsur, aqyawf-anr aernaeq-eu, “Bisiq bimawr-eu jeq hawr-eu zanqler paq-aer ghae-eu jeq-anr nawmaf maqya mawr-euq khoer-aq maqjan-a.”

Yoˇhaˬ 1:45

Pirlirpuv, Naqdaqneqlar-anr povmawr-awr aqyawf-anr aernaeq-eu, “Morseq nae boftaq-euq zanrdawq-euq lafkhoer hawr-eu, Miqyaer gharduq ngaeqdan-eu deuq-euq sanqbof-euq lafkhoer boftaq-euq tsawrhaq khoerghaq-anr nga’maf ya’mawr-euq ma. Aqyawf-aq, Naqzaqlaer tsawrhaq Yorsaev-euq zaqyo Yeqsur mae.”

Luˇkaꞈ 24:18

Khoerngae, aqyawf nyaf-euq lafkhoer nae Gaqlawrpar laer kur-eu ghaq, aqyawf-anr aernaeq-eu, “Nymq-mr heumyav nan-euq lafkhoer pyeuflar-euq garkawv deuq maq siqnya-eu, Yeqlursaqlaeq-anr lartaq-euq daqyan-aq, nawr tiq ghaq jawr-eu taef jeq ngar-a.”

Maꞈtehˬ 2:23

Naqzaqlaer laer kur-eu meuq tiq meuq-anr lekeuv-awr, khoergar jawr-euq mae. Khoer-aq, Miqyaer gharduq ngaeqdan-eu tsawrhaq nae aertaq-euq dawq heudawq byanlar-euq mae, “Aqyawf-anr Naqzaqlaer tsawrhaq laer kur taef-a.”

Gʼaˬkʼehˇ 2:19

Mq-euq khoertav zanqler paq-aer ghae-eu jeq ngar bimawr-awr, Mirtsaq-euq khoertav-aq, bisiq bimawr-eu jeq: Shiq dov-awr miqdzaq dof-eu uqtaf, miqkhoeq uvghoeq taq-euq heudeuq-anr bimawr ma.

Gʼaˬkʼehˇ 2:43

Khoernar-aq, guv-eu jeq yawqghaq navluf-euq khoertav keuvle-euq mae. Khoerngae, ghaqkhaer deuq zanqler paq-aer ghae-eu jeq hawr-eu bisiq bimawr-eu jeq ghawqmya jeq mrdov laf-euq mae.

Gʼaˬkʼehˇ 3:6

Khoerngae, Beqtuvluv aer-eu, “Ngar, pyur hawr-eu shuir maqanr. Aerkhawf, ngar anr-eu jeq nawq-anr bif ma. Naqzaqlaer tsawrhaq Yeqsur Kali-euq tsawrmyanr-euq uqmov turlar-awr can-awq.”

Luˇkaꞈ 18:37

Aqyawfmaf, aqyawf-anr Naqzaqlaer tsawrhaq Yeqsur cantsaev luf-eu nga laer aernaeq-euq mae.