Gʼaˬkʼehˇ 2:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Gaqlaqdeq tsawrhaq hawr-eu Aqlar tsawrhaq khawf keuq-eu mae. Miqyaer nae muiq duidui-eu gardeuq mr-euq garkawv, aqyawfmaf ngaeq-eu gar aqdui yawqha-euq dawq-anr nae yagaq-euq ma.”

Akha

¹¹ Yuˇdaˆ tsawˇ jeuˬ maˬ ehˇ, Yuˇdaˆ tsawˇ haˬ pyeuꞈ laˇ-euˬ aˬ cawˬ tsawˇ jeuˬ deuˬ maˬ ehˇ, aˬ dui laꞈ kʼoeˇ ahˇ-eu ma. Tiˬ paˆ na deuˬ-aˬ Gaˬlaˬdeˬ miˇ kʼahˬ hawˇ-eu Aˬleˬbyaˇ miˇ kʼahˬ-ahˇ jawˇ-eu ma. Ehˇ kʼawꞈ, Miˬyehˇ neh mˇ-euˬ huiˬ-eu gaˇ deuˬ gaˇ kawˆ aˬ yawꞈ maꞈ ngehˬ-eu kʼoeˇ, aˬ dui dawˬ tawˆ luꞈ yawˬ ha tsawˇ jeuˬ-euˬ dawˬ-ahˇ neh ya gaˬ-euˬ ma.”

Gʼaˬkʼehˇ 2:11 Referans Kwoze

1 Gawˇliˬtu 12:10

Tiq ghaq-anr khavjeq-aer ghae-eu jeq bi mrnya-awr, tiq ghaq-anr-aq, Miqyaer gharduq bi ngaeqdan nya-eu uqtaf, tiq ghaq-anr-aq, saflar deuq-anr bi tserpav nya-eu mae. Tiq ghaq-anr, dawqbav ghawqmya jeq bi bavnya-awr, tiq ghaq-anr-aq, dawqbav khoer-euq dawqtsuif bi yurdov nya-eu mae.

HeˬByehˇ 2:4

Miqyaer, aqyawf nuima tsaq-eu lof-aer bisiq bimawr-eu jeq, zanqler paq-aer ghae-eu jeq hawr-eu khavjeq-aer ghae-eu jeq ghawqmya jeq mr-awr, Yawshawr Saflar-euq lafsawq bizmq-eu lafkhoer sarkir kamqnaeq laf-euq mae.

Tiˇtuˆ 1:12

“Gaqlaqdeq irjawlanr-anr jawr-eu tsawrhaq deuq-aq, aqmyanluf jaqmyawf myawf-eu, bawrtsanq-euq jeqzaq yawghae deuq-anr dur-eu, yawdoer doer-awr dzaqyaef dawrbov-eu tsawrhaq mae” laer aqyawf maf-euq lafkhoer jawr-eu, Miqyaer gharduq ngaeqdan-eu tiq ghaq nae aertaq-euq dawq jav-eu mae.

Jaceuq 26:7

Khoernar-aq, ngar, dawqdzawr mr-eu jaceuq-eu tersar nae, Nawq nae zanqler paq-aer muiq-eu gardeuq mr-euq garkawv dawqtawvluf ja’naeq ma.

Tiˇtuˆ 1:5

Maq mrluiv-euq gardeuq mrluiv-eu uqtaf, ngaq nae nawq-anr khaertaq yaf-euq lof-aer, yawqmeuq navluf-euq lafkhoer jawr-eu Kalizaq armur-euq aqyuif aqtsu deuq-anr bi tserdov-eu laer, khoerngae, ngar, nawq-anr Gaqlaqdeq irjawlanr-anr bi jawryaf-euq ma.

Gʼaˬkʼehˇ 27:12

Khoeruqtaf, tsanqgav yamq-anr naqduq heutsanr naq-eu maqmuiq-eu mirnae, heugar nae dov-ir-awr, ghaenya nar-aq, Pirnir meuq-anr irkeuv-awr, tsanqgav yamq khoergar jawrnaq mr-ir-eu gar, tsawrhaq myaqni tiqpav nuima tsaq-eu mae. Pirnir meuq-aq, Gaqlaqdeq irjawlanr-anr jav-eu lawq naqduq mae. Naqduq khoer-aq, nanrma gakhaeq laftav paw hawr-eu nanrma gakhaeq lafov paw pyawr-eu mae.

Gʼaˬkʼehˇ 27:7

Nga’maf ghawqmya nan byanni, arlawv lawv-aer irghae-awr, maqghaq maqnav-aer Gaqnir meuq-euq dawqpae irkeuv-euq ma. Jaqlaer baw-eu arpyawq maqtsaq-eu mirnae, nga’maf maeqhu paw maqir nya-aer, Gaqlaqdeq irjawlanr-anr ghoe-awr, jaqlaer maqzaw-eu Saqmoqneq meuq paw nae irghae-euq ma.

Jaceuq 136:4

Aqyawf tiq ghaq taef-aer yawkhav-aer zanqler paq-aer ghae-eu jeq mr-eu mae. Aqyawf-euq ghawqshaq gaq-eu jeq, mqmaq maqbyav yarzir zif-eu mae.

Jaceuq 111:4

Aqyawf, aqyawf-euq zanqler paq-aer ghae-eu gardeuq-anr bi noeqtaq-eu gharduq mr-euq mae. Ya’we Miqyaer-aq, guiqlanq yawdzanr, Hawr-eu ghawqshaq gaq-eu jeq byan-eu mae.

Jaceuq 107:21

Ya’we Miqyaer-aq, muiq-awr, Tsawrhaqzaq-euq gharduq zanqler paq-aer ghae-eu gardeuq mr-euq mirnae; Tsawrhaqzaq, aqyawf-euq guiqlanq-anr jaceuq-eu tsaq mae.

Jaceuq 107:15

Ya’we Miqyaer-aq, muiq-awr tsawrhaqzaq-euq gharduq, Zanqler paq-aer ghae-eu gardeuq mr-euq mirnae; Tsawrhaqzaq, aqyawf-euq guiqlanq-anr jaceuq-eu tsaq mae.

Jaceuq 107:8

Ya’we Miqyaer-aq, muiq-awr tsawrhaqzaq-euq gharduq, Zanqler paq-aer ghae-eu gardeuq mr-euq mirnae; Tsawrhaqzaq, aqyawf-euq guiqlanq-anr jaceuq-eu tsaq mae.

Jaceuq 96:3

Tsawrjeuq tsawrca-euq ghanrcae, aqyawf-euq yawshaef khanqsaer-euq garkawv, dawqdzawr mr-awr; Tsawrhaqzaq dawqtawv luf-anr aqyawf-euq zanqler paq-aer ghae-eu jeq dzawrnaeq-awq.

Jaceuq 89:5

Ya’we Miqyaer-or, Mqdeuq, nawq-euq zanqler paq-aer ghae-eu garkawv jaceuq-awr; Tsawrshawr deuq uiqler taq-awr jawr ngae, Nawq-euq sarjax zif-eu garkawv khawf jaceuq taef-a.

Jaceuq 78:4

Aqdui, aqyawf maf-euq zaqdeuq uvdeuq-anr nae maq zaftaq. Ya’we Miqyaer-anr jaceuq paq-aer ghae-eu deuq, Aqyawf-euq ghaq hawr-eu zanqler paq-aer ghae-eu aqyawf nae mr-euq gar, Maeqnan paw cantae laf-eu nanqzir-anr ja’naeq ma.

Jaceuq 77:11

Ngar, Ya’we Miqyaer-euq gardeuq-anr noeqkeuv ma. Ngar, arhuba nawq nae zanqler paq-aer ghae-eu jeq, Mryaf-euq gar aqdir noeqkeuv ma.

Jaceuq 71:17

Miqyaer-or! Nyir ngae nae nawr, ngaq-anr maeqnaeq tsovnaeq laf-awr, Nawq nae mr-euq zanqler paq-aer ghae-eu gardeuq-anr, iqnan keuvni ngar dawqdzawr mrluf-eu ma.

Jaceuq 40:5

Ngaq-euq Miqyaer pyeuf-eu Ya’we Miqyaer-or, Nawq nae mr-euq zanqler paq-aer muiq-eu jeq, Ghawqmya’ni myaq-eu mae. Nga’maf-euq gharduq, nawq-euq nuinoeq teu-aq, Tiqjeq sair tiqjeq gui ngae maq guijir coer-a. Ngar dzawr-awr ngaeq-eu lawnmr khawf, Ardzaeq-aer myaq-eu mirnae maq sawxdovjir coer-a.

Gaˬlaˬtiˆ 4:25

Haqgaqlar-aq, Aqlarbyaq mirkhanq-anr jav-eu Sirnav gawqjawq mae. Nymq-mr jav-eu Yeqlursaqlaeq-anr aermawf-eu mae. Aqjeq mirnae aernar-aq, Yeqlursaqlaeq hawr-eu aqyawf-euq zaqdeuq khawf zaqkhav geufluf-eu mae.

Gaˬlaˬtiˆ 1:17

Ngar, Yeqlursaqlaeq-anr le-awr, ngaq-euq jeqhu nae ghaqkhaer geufluf-eu deuq-anr khawf maq lemawr-aq. Tiqpov taef-aer Aqlarbyaq mirkhanq-anr ir-euq ma. Khoernar-aq, Daqmaqsaer-anr ghofler-euq ma.

1 Gawˇliˬtu 12:28

Miqyaer, tsawrhaq heudeuq-anr Kalizaq armur-euq lafkhoer bijawr-euq mae. Tif, ghaqkhaer deuq, nyif, Miqyaer gharduq ngaeqdan-eu deuq, smr, maeqnaeq tsovnaeq-eu deuq mae. Khoernar-aq, khavjeq-aer ghae-eu jeq mr-eu deuq, nargawr lavtaq-eu lafsawq za-euq deuq, aqcawq-anr cawba-eu deuq, dzoeqdzaq mr-eu deuq hawr-eu dawqbav ghawqmya jeq bav-eu deuq-anr bijawr-euq mae.

Gʼaˬkʼehˇ 2:10

Puqgir mirkhanq, Paqburlir mirkhanq, Irjirtuv hawr-eu Kurleqniq mirkhanq-euq dawqpae jav-eu Lirbyaq mirkhanq-anr jawr-eu tsawrhaq deuq ma. Lormav meuq-anr nae lartaq-euq Yurdav tsawrhaq, Yurdav-euq zanr tawqlar-euq aqcawq tsawrjeuq tsawrca,

Gʼaˬkʼehˇ 2:12

Aqyawfmaf dawqtawvluf zanqler jir-awr, noeq maqdovni pyeuf-ir jir-awr, tiqghaq tirghaq aer-eu, “Heu, aqjeq laer aermawf-eu nga?”

Gʼaˬkʼehˇ 27:13

Khoerngae, lafov paw nae bawlaf-eu jaqlaer shuqshuq-aer bawluf-eu mirnae, aqyawfmaf nae noeqtmq taq-euq lof-aer pyeuflar-euq nga laer aqyawfmaf noeq-eu mae. Khoernar-aq, lawq-euq kuvseuq gheudav-awr, iqmalavshav-anr dov-ir ngae, Gaqlaqdeq irjawlanr-euq dawqpae nae ir-euq ma.