Gʼaˬkʼehˇ 2:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Puqgir mirkhanq, Paqburlir mirkhanq, Irjirtuv hawr-eu Kurleqniq mirkhanq-euq dawqpae jav-eu Lirbyaq mirkhanq-anr jawr-eu tsawrhaq deuq ma. Lormav meuq-anr nae lartaq-euq Yurdav tsawrhaq, Yurdav-euq zanr tawqlar-euq aqcawq tsawrjeuq tsawrca,

Akha

¹⁰ Puˬgiˇ miˇ kʼahˬ, Paˬbuˇliˇ miˇ kʼahˬ, Iˇjiˇtuˆ miˇ kʼahˬ, Kuˇleˬniˬ miˇ kʼahˬ dawˬ peh jaˆ-eu Liˆbyaˇ miˇ kʼahˬ, heu deuˬ doe ni tiˬ paw tiˬ gʼaˬ-ehˇ jawˇ-eu tsawˇ haˬ deuˬ ma. Aˬ dui tiˬ paˆ na deuˬ-aˬ, Loˇmaˆ meuˬ-ahˇ jawˇ-eu oe taˬ-euˬ meh.

Gʼaˬkʼehˇ 2:10 Referans Kwoze

Gʼaˬkʼehˇ 16:6

Khoerngae, Aqsir mircoer-anr Yaerdawq maqbi maeqni Yawshawr Saflar lavtsoeq-eu mirnae, aqyawfmaf, Puqgir hawr-eu Gaqlaqtiv mirkhanq irpav ghae-euq mae.

Gʼaˬkʼehˇ 18:23

Pawrluv khoergar tiqkhaeq jawr-euq nar-aq dov-ir-awr, Gaqlaqtiv hawr-eu Puqgir mirkhanq tiqgar sair tiqgar ir-awr, zaqlanr dawqtawv luf-anr ghaq bif-euq mae.

Gʼaˬkʼehˇ 15:38

Aerkhawf, dzeurlaf ngae, aqyawfmaf, Paqburlir mirkhanq-anr jawr ngae, aqyawfnyaf naeq-aer gar maqmr-ir ni ghawq-ir-euq tsawrhaq-anr sheuqghae-eu maqtsaq-a laer, Pawrluv pyaer-eu mae.

Gʼaˬkʼehˇ 13:43

Tsawrhaq armaf ghawq-ir ngae, Yurdav tsawrhaq hawr-eu Miqyaer-anr guv-eu Yurdav-euq zanr tawqlar-euq tsawrhaq ghawqmya’ni, aqyawf maf-anr maeqnaeq-euq Pawrluv hawr-eu Baqnaqbar-euq maeqnan cantae ghae-euq mae. Aqyawfnyaf, aqyawf maf-anr Miqyaer-euq guiqlanq yawdzanr-euq lafkhoer daefdav lefni maeqjan yaf-euq mae.

Gʼaˬkʼehˇ 13:13

Pawrluv hawr-eu aqyawf naeq-aer jawr-eu deuq lawq-anr dziq-awr, Baqpur meuq-anr nae Paqburlir mirkhanq Beqlaqgeq meuq-anr irkeuv-euq mae. Khoergar, Yorhaq, aqyawf nyaf-anr nae ghawq-awr Yeqlursaqlaeq-anr ghofler-euq mae.

2 Tiˆmoˇseˬ 1:17

Aqyawf, Lormav meuq-anr larkeuv-euq naeq-aer ngaq-anr maq povmawr-euq khoerkeuvni sharpov duidui-euq mae.

Lormav 1:15

Khoermirnae, ngar nuima keuv-eu lof-aer, Lormav meuq-anr jawr-eu nawmaf-anr khawf, guiqlanqdawq maeq-eu laer laeqhmqdan taq-euq ma.

Gʼaˬkʼehˇ 27:5

Khoernar-aq, Girlirciv mirkhanq hawr-eu Paqburlir mirkhanq-euq lafov paw jav-eu iqmalavshav-anr irpav ghae-awr, Lurgir mirkhanq-anr jav-eu Muqlar meuq-anr irkeuv-euq ma.

Gʼaˬkʼehˇ 14:24

Aqyawfnyaf, Birsirdir mirkhanq-anr cantsaev-awr, Paqburlir mirkhanq-anr irkeuv-euq mae.

Gʼaˬkʼehˇ 11:20

Aerkhawf, Gurbaqlur irjawlanr hawr-eu Kurleqniq mirkhanq-anr jawr-eu tiqpavnav deuq-aq, aqyawfmaf, Aqdirawq-anr larkeuv ngae, Heqlaqsar tsawrhaq-anr khawf ngaeqcawq-awr, Sanqpaq Yeqsur-euq garkawv dawqmaeq maeqnaeq-euq mae.

Maˬkuˆ 15:21

Khoerngae, Kurleqniq-anr jawr-eu Aqleqsaqdur hawr-eu Lurpur-euq aqda, Sirmoq laer kur-eu ghaq, pu paw nae cantsaevlaf luf-eu gar, guirzaq deuq, aqyawf-anr katir-awr Yeqsur-euq lafyaq bibaf-euq mae.

Maꞈtehˬ 27:32

Aqyawfmaf dov-ir luf ngae, Kurleqniq-anr jawr-eu Sirmoq laer kur-eu tiq ghaq-anr mawr-awr, aqyawf-anr katir-awr nae, Yeqsur-euq lafyaq bibaf-euq mae.

Panmaeq 11:8

Aqyawf nyaf-euq mawrdo-aq, meuq meuqma-euq garma-anr ga taef-a. Meuq heumeuq-aq, saflar paw-euq tsawrmyanr Sordoq hawr-eu Irjirtuv laer kur-awr, aqdui-euq Sanqpaq lafyaq-euq khoertav bi tafsaef-euq meuq khoermeuq mae.

Lormav 1:7

Miqyaer zawr gaq-awr, tsawrshawr pyeuflarni bi kurtaq-euq Lormav meuq-anr jawr-eu nawmaf dawqtawv luf-anr ngar sanqbof bofanr laf-euq ma. Aqdui-euq Aqda Miqyaer hawr-eu Sanqpaq Yeqsur Kali-euq guiqlanq yawdzanr hawr-eu nuisar of-eu jeq nawmaf-euq khoertav jav luf-ur.

Gʼaˬkʼehˇ 28:15

Khoergar jawr-eu aqyuif aqnyir deuq, nga’maf larluf-eu mae laer yagaq-euq mirnae, Aqpir laer kur-eu laev-anr hawr-eu daqyan Yafduq Smqnymr laer kur-eu tsanr-anr keuvni oe-awr, nga’maf-anr hageuf laqle-euq mae. Pawrluv, aqyawf maf-anr ya’mawr ngae, Miqyaer-anr jaceuq-awr, nuima ghaq anrlar-euq mae.

Gʼaˬkʼehˇ 18:2

Khoergar, Boqtuv mirkhanq-anr daefle-euq Aqgurla laer kur-eu Yurdav tsawrhaq tiq ghaq-anr tanqpuq-euq mae. Yurdav tsawrhaq dawqtawvluf Lormav meuq-anr nae yadov-ir jir-eu mae laer, sanqpaq Gaqlawrdir dawq bif-euq mirnae, aqyawf-euq nymrdanq Birgirla naeq-aer Irdaqliq mirkhanq-anr nae dovle-euq maq myanrlar-aq siq. Pawrluv, aqnyaf dzerzaq-anr dzoer-ir-euq mae.

Gʼaˬkʼehˇ 13:1

Aqdirawq Kalizaq armur-euq lafkhoer, Miqyaer gharduq ngaeqdan-eu deuq hawr-eu maeqnaeq tsovnaeq-eu deuq jawr-eu mae. Tsawrhaq khoerdeuq-aq, Baqnaqbar, Nirgaq laer kur-euq Surmoq, Kurleqniq mirkhanq-anr jawr-eu Lurgir, mirkhanq-anr uvlanr-eu Heqlor naeq-aer tiqkawv lof-aer huiqlar-euq Maqneq hawr-eu Sawrluv, heudeuq mae.

Gʼaˬkʼehˇ 6:9

Khoerngae, Buq-ir-euq tsawrhaq-euq zanrdawq khawqnymr laer kur-eu armur-anr taf-eu Kurleqniq meuq, Aqleqsaqdur meuq, Girlirciv hawr-eu Aqsir mircoer-anr nae lar-euq tsawrhaq tiqpavnav deuq turlar-awr, Saqteqpaq naeq-aer tsawrpyaer pyaercae cae-euq mae.

Gʼaˬkʼehˇ 6:5

Aqyawfmaf aer-eu gar, tsawrhaq armaf maflanni nuikhanr shir-awr, heudeuq-anr tserdov-euq mae: jan-eu jeq byan-awr Yawshawr Saflar byan-eu Saqteqpaq hawr-eu Pirlirpuv, Bawrkawq, Nirgaqnawq, Tirmoq, Baqmeqnar hawr-eu Yurdav-euq zanr tawqlar-euq Aqdirawq-anr jawr-eu Nirgawrla heudeuq mae.

Maꞈtehˬ 2:15

Heqlor shir ngae keuvni, khoergar jawr-euq mae. Garkawv heu-aq, Sanqpaq Miqyaer nae aqyawf-euq gharduq ngaeqdan-eu tsawrhaq-anr ghoe-awr aertaq-euq dawq heudawq byanlarni pyeuflar-euq mae, “Ngar, ngaq-euq zaqyo-anr Irjirtuv-anr nae kurdov laf-euq ma.” (Hs 11:1)

Gʼaˬkʼehˇ 23:11

Nishawq nan ngae mir, Sanqpaq Yeqsur, Pawrluv-euq dawqpae yawfle-awr aer-eu, “Pawrluv-or! Nuima khaqduqni jawr-awq. Nawr, ngaq-euq garkawv Yeqlursaqlaeq-euq lafkhoer sarkir kamq-euq lof-aer, Lormav meuq-anr khawf sarkir yakamq taef-a.”

Maꞈtehˬ 23:15

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, nawmaf, mirtsaq-euq khoertav hawr-eu ircuf-euq khoertav doeni can-awr, tsawrhaq tiq ghaq, nawmaf-euq zanr tawqlarni laejae-awr, tawqlar-euq nar-aq, aqyawf-anr nawmaf navmaqtser nyiq bymr shiqbuir lanma-euq zaq bi pyeuflar-eu mae.

Gʼaˬkʼehˇ 2:11

Gaqlaqdeq tsawrhaq hawr-eu Aqlar tsawrhaq khawf keuq-eu mae. Miqyaer nae muiq duidui-eu gardeuq mr-euq garkawv, aqyawfmaf ngaeq-eu gar aqdui yawqha-euq dawq-anr nae yagaq-euq ma.”

Gʼaˬkʼehˇ 17:21

Aqteq tsawrhaq hawr-eu khoergar jawr-eu daqyan deuq dawqtawvluf, nuijeq tiqjeq-iq-euq gharduq aryamq maqzmq-aer, maq gaqhaw-euq garkawv yawshuif jeq ja-awr, narhaq-eu gar taef-aer aryamq zmq-eu mae.