Gʼaˬkʼehˇ 19:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Khoernar-aq, Pawrluv zanrdawq khawqnymr-anr urler urler-aer, khaqduqni bala smr siq aerghaqni, aqyawf maf-anr gheupyawr khof-eu gharduq, Miqyaer uvlanr-eu garkawv jasawx jasawx-aer jawr-euq mae.

Akha

⁸ Pawˇluˆ uˬ duˬ tahˬ nymˇ-ahˇ le-awˇ, ba la smˇ siˬ byah ni kʼaˬ duˬ ni ngehˬ-eu tmˇ-eu laꞈ kʼoeˇ, Miˬyehˇ Miˇ kʼahˬ gaˇ kawˆ aˬ yawꞈ maꞈ siˬ duˬ laˇ ni ja sawˇ mehˬ nehˬ-euˬ meh.

Gʼaˬkʼehˇ 19:8 Referans Kwoze

Gʼaˬkʼehˇ 1:3

Aqyawf shaqzanq daqghaq-euq nar-aq, yawduq baw-eu sarkir ghawqmya jeq nae aqyawf daefluf-eu ma laer, ghaqkhaer deuq-anr bimawr-euq mae. Oeqtser nan-euq lafkhoer aqyawf-euq mawrdo aqyawf maf-anr bimawr-awr, Miqyaer uvlanr-eu garkawv ja’maeq naeq-euq mae.

Gʼaˬkʼehˇ 28:23

Khoernar-aq, aqyawfmaf, Pawrluv naeq-aer nanpax pax-euq mae. Khoernan keuvlar ngae, tsawrhaq ghawqmya’ni Pawrluv jawr-eu gar uiqlar-euq mae. Pawrluv uqshawq paw nae uqcif pawdzer keuvni, Miqyaer uvlanr-eu garkawv, aqyawf maf-anr sarkir kamqnaeq-awr, aqyawfmaf, Yeqsur-anr taf-eu paw pyawrlarni, Morseq-euq zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-anr ghoeghoe-aer, yawmuiq paq-aer dufyawrni ja’maeq naeq-euq mae.

Yuˇdaˆ 1:3

Ngar zawr gaq-eu cawqdeuq-or! Aqdui kakhof-eu jeq tiqkawv lof-aer za-eu garkawv, ngar nuima keuv-awr nawmaf-anr bofanr naeqlefmawf mir-a. Aerkhawf, Miqyaer nae tsawrshawr deuq-anr tiq pov bif-euq nar-aq luiv-eu jan-eu jeq-euq gharduq, nuima keuv duidui-eu lafkhoer deuv-awq laer, ghaq bif-eu tsaq nga laer noeq-awr bofanr lef-euq ma.

Gʼaˬkʼehˇ 19:9

Aerkhawf, tiqpavnav deuq nuima ghanr-awr maqjan-aer, tsawrhaq armaf mafma-euq maeqshi Yeqsur-euq Garma-anr dawqdoer ngaeq-eu mae. Khoerngae, Pawrluv, aqyawfmaf jawr-eu gar nae dov-ir-awr, zaqlanr deuq-anr khawf, aqyawf maf-euq lafkhoer nae bi dovle-awr, nan-anr nae Durlaqnmr-euq dawqmaeq maeq-eu dzawnymr-euq lafkhoer jasawx-euq mae.

Gʼaˬkʼehˇ 18:19

Aqyawfmaf, Erpersu-anr irkeuv-awr, aqnyaf dzerzaq-anr khoergar bi jawryaf-euq mae. Pawrluv-aq, zanrdawq khawqnymr-anr urler-awr, Yurdav tsawrhaq deuq naeq-aer jasawx-euq mae.

Gʼaˬkʼehˇ 18:4

Yurdav tsawrhaq hawr-eu Heqlaqsar tsawrhaq, Kali-anr janlarni, landaw jawrnan yawqnan navluf zanrdawq khawqnymr-euq lafkhoer Pawrluv kurcawq-eu mae.

Gʼaˬkʼehˇ 17:17

Khoermirnae, aqyawf, zanrdawq khawqnymr-euq lafkhoer, Yurdav tsawrhaq hawr-eu Miqyaer-anr uqduq tanq-eu aqcawq tsawrjeuq tsawrca naeq-aer jasawx-eu uqtaf, yawqnan navluf povka laevkawv-anr khar mawrle-euq tsawrhaq naeq-aer jasawx-euq mae.

Gʼaˬkʼehˇ 14:1

Aqyawfnyaf Irgawrnir-anr jawr-awr, Yurdav tsawrhaq-euq zanrdawq khawqnymr-anr tiqkawv lof-aer davler-euq mae. Khoergar dawqmaeq maeqnaeq-euq mirnae, Yurdav tsawrhaq hawr-eu Heqlaqsar tsawrhaq armaf mafma janlar-euq mae.

Gʼaˬkʼehˇ 13:46

Khoermirnae, Pawrluv hawr-eu Baqnaqbar nuima khaqduqni anrlar-awr heulof-aer aernaeq-euq mae: “Miqyaer-euq dawq nawmaf-anr jeqhu maeqnaeq-eu-aq tsaq mae. Aerkhawf, nawmaf, Miqyaer-euq dawq-anr byaerdzae-awr, li-eu maqbawni daef-eu jeq za-eu-aq, yawqha maqgeux-a laer dar-eu mirnae, nga’nyaf, aqcawq tsawrjeuq tsawrca jawr-eu paw ciqpyawr ma.

Gʼaˬkʼehˇ 13:14

Khoerngae, aqyawfnyaf, Beqlaqgeq meuq-anr nae dov-ir-awr, Birsirdir mirkhanq-anr jav-eu Aqdirawq-anr lekeuv-euq mae. Landaw jawrnan ngae nan, aqyawfnyaf zanrdawq khawqnymr-anr urler-awr nuir-euq mae.

Gʼaˬkʼehˇ 18:26

Aqyawf, zanrdawq khawqnymr-euq lafkhoer, danqbae-awr nuima khaqduqni maeq-eu mae. Birgirla hawr-eu Aqgurla aqnyaf dzerzaq, aqyawf maeq-eu dawq yagaq ngae, aqyawf-anr kurceuv dov-awr, Miqyaer-euq garkawv marjawvni yawmuiq-aer, aqyawf-anr maeqnaeq-euq mae.

Gʼaˬkʼehˇ 19:7

Aqyawf maf-aq, zaqyo aqli deuq dawqtawvluf 12 ghaq aerghaqni byan-eu mae.

Gʼaˬkʼehˇ 19:10

Aqyawf nyiq khof byanni khoerlof-aer janr-euq mirnae, Aqsir mircoer-anr kharjawr-eu tsawrhaq dawqtawvluf Yurdav tsawrhaq deuq khawf, Heqlaqsar tsawrhaq deuq khawf, Sanqpaq Yeqsur-euq dawq yagaq-euq mae.

Gʼaˬkʼehˇ 20:31

Khoermirnae, nawmaf yawbeur beur-aer jawr-awq. Ngar smr khof byanni uqcif nan’ghanr maqaer, maq naqlerni myavbir dovdov-aer, nawmaf yawqghaq navluf-anr aernoeq naeq-euq gar noeqmawr-awq.