Gʼaˬkʼehˇ 19:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Garkawv heudeuq pyeuflar dzeur-euq nar-aq, Pawrluv, Maqgeqdawrniv mirkhanq hawr-eu Aqgaqyar mirkhanq-anr irtsaev ghae-awr, Yeqlursaqlaeq-anr le ma laer muiq-eu Saflar-euq lafkhoer noeqtsaev-euq mae. Aqyawf aer-eu, “Ngar khoergar leghaq-euq nar-aq, Lormav meuq-anr khawf yale-a siq.”

Akha

²¹ Gaˇ kawˆ kʼoeˇ deuˬ pyeuꞈ laˇ gʼaˬ ngeh, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ cah-iˇ-awˇ, Yeˬluˇsaˬlehˬ meuˬ-ahˇ iˇ ma lehˇ Pawˇluˆ noeˬ tsehˆ-euˬ meh. “Kʼoeˇ gaˇ iˇ gʼaˬ naˇ, Loˇmaˆ meuˬ-ahˇ kʼawꞈ ya iˇ haw nga siˬ” lehˇ aˬ yawꞈ ehˇ-eu meh.

Gʼaˬkʼehˇ 19:21 Referans Kwoze

Gʼaˬkʼehˇ 20:22

Nymq-mr muiq-eu Saflar, ngaq-anr paf-awr Yeqlursaqlaeq-anr sheuqghae naeqlaf luf-eu mae. Khoergar, ngaq-euq khoertav aqjeq keuvle-eu laer ngar maqsiq.

Gʼaˬkʼehˇ 20:16

Aqsir mircoer-anr ghawqmyanr maqya jawrni, Erpersu-anr maqnaq-aer, maeqhu paw irghae ma laer Pawrluv noeqtsaev taq-euq mae. Ghaenya nar-aq, Beqdeqgordeq yawbui arnan-anr Yeqlursaqlaeq-anr jawrnya’ni, aqyawf yawkawr-aer irmawf-eu mae.

Gʼaˬkʼehˇ 23:11

Nishawq nan ngae mir, Sanqpaq Yeqsur, Pawrluv-euq dawqpae yawfle-awr aer-eu, “Pawrluv-or! Nuima khaqduqni jawr-awq. Nawr, ngaq-euq garkawv Yeqlursaqlaeq-euq lafkhoer sarkir kamq-euq lof-aer, Lormav meuq-anr khawf sarkir yakamq taef-a.”

Lormav 1:13

Aqyuif aqnyir deuq-or! Ngar, nawmaf-anr heulof-aer bi siqmawf mir-a. Nuigar jawr-eu aqcawq tsawrjeuq tsawrca-euq ghanrcae arsiq za-euq lof-aer, nawmaf-euq ghanrcae khawf arsiq uicuivnav za’ni, nawmaf jawr-eu gar lar ma laer ngar ghawqmya pov noeqtsaev-euq ma. Aerkhawf, nymq-mr keuvni lavtsoeq-eu jeq jav-eu mae.

Gʼaˬkʼehˇ 18:21

Aerkhawf, aqyawf, aqyawf maf-anr ghawq-ir ngae aer-eu, “Ngar khar ghaenya-eu lof-aer Yeqlursaqlaeq-anr yawbui jav-eu gar ya irkeuv-a. Aerkhawf, Miqyaer nuima tsaq nar-aq, ngar, nawmaf jawr-eu gar par ghoflar ma.” Khoernar-aq, aqyawf, lawq-anr dziq-awr Erpersu-anr nae dov-ir-euq mae.

1 Teˇsaˬloˇni 1:7

Khoermirnae, nawmaf-aq, Maqgeqdawrniv hawr-eu Aqgaqyar mirkhanq-anr jawr-eu Kali-anr jan-eu tsawrhaq dawqtawv luf-euq gharduq, hawgeufduq pyeuflar-euq mae.

Gaˬlaˬtiˆ 2:1

Khoernar-aq, 14 khof dzeur-ir-awr, Baqnaqbar, nga’nyaf, Yeqlursaqlaeq-anr parle-euq ma. Tirtuv khawf sheuq-awr le-euq ma.

1 Gawˇliˬtu 16:5

Nymq-mr ngar, Maqgeqdawrniv mirkhanq-anr cantsaev luf-eu ma. Ngar, Maqgeqdawrniv mirkhanq-anr cantsaev ghaq-euq nar-aq, nawmaf jawr-eu gar lar ma.

Lormav 1:15

Khoermirnae, ngar nuima keuv-eu lof-aer, Lormav meuq-anr jawr-eu nawmaf-anr khawf, guiqlanqdawq maeq-eu laer laeqhmqdan taq-euq ma.

Gʼaˬkʼehˇ 28:16

Khoernar-aq, nga’maf, Lormav meuq-anr lekeuv ngae, yardzoeq guirhuq ghaq, aqyawf nae paftaq-euq tsawrhaq deuq, lofpir-eu guirzaq aqyuif ghaq-anr a’naeq-euq mae. Aerkhawf, Pawrluv-anr-aq, aqyawf-anr lof-eu guirzaq tiq ghaq bihaw-awr aqyawxyawf bijawr-euq mae.

Gʼaˬkʼehˇ 27:24

aer-eu, ‘Pawrluv-or! Taqguv. Nawr, Gaersaq-euq maeqshi yayawf taef-a. Nawq naeq-aer lawq-anr dziqluf-eu tsawrhaq yawqghaq navluf khawf, Miqyaer, nawq-anr taqnaeq jir-euq mae.’

Gʼaˬkʼehˇ 27:1

Nga’maf-anr lawq-anr bidziq-awr, Irdaqliq mirkhanq-anr bi’ir ma laer noeqtsaev ghaq-euq nar-aq, Pawrluv hawr-eu kuv-anr ur-eu nuideuq-anr, Awrgurtuv guirzaq tiq mur-anr taf-eu, Yurluv laer kur-eu yardzoeq guirhuq-euq aqlaf-anr a’naeq-euq mae.

Gʼaˬkʼehˇ 21:17

Khoernar-aq, nga’maf, Yeqlursaqlaeq-anr lekeuv ngae, aqyuif aqnyir deuq, nga’maf-anr laqkhaq caertavni hageuf naeqlaf-euq mae.

Gʼaˬkʼehˇ 21:4

Nga’maf khoergar jawr-eu zaqlanr deuq-anr povmawr-awr, khoergar shif nan byanni jawrnaq mr-euq ma. Zaqlanr khoerdeuq Yawshawr Saflar-anr ghoeghoe-aer Pawrluv-anr Yeqlursaqlaeq-anr taqle laer aernaeq-euq mae.

Gʼaˬkʼehˇ 18:12

Aqgaqyar mirkhanq-anr Gaqliqoq sanrmrluf ngae, Yurdav tsawrhaq nuima tiqgar gm-awr, Pawrluv-anr muirni turlar-awr, aqyawf-anr yarkhaq dar-eu nuirmanq-anr sheughae-awr,

Gʼaˬkʼehˇ 16:12

Khoergar nae nar-aq, Pirlirpiv-anr lekeuv-euq ma. Meuq khoermeuq-aq, Maqgeqdawrniv mirkhanq-euq lafkhoer, Lormav tsawrhaq uvlanr luf-eu meuq uqdzan mae. Nga’maf khoergar heumyav nan jawr-euq ma.

Gʼaˬkʼehˇ 19:22

Khoermirnae, aqyawf-anr cawba-eu deuq-euq lafkhoer nae, Tivmorseq hawr-eu Erlaqdur aqnyaf-anr Maqgeqdawrniv mirkhanq-anr bile-awr, aqyawf-aq, Aqsir mircoer-anr tiqkhaeq par jawryaf-euq mae.

Gʼaˬkʼehˇ 19:29

Khoerngae, meuq meuqlan-aer luiqgha lar-euq mae. Aqyawfmaf, Pawrluv naeq-aer canluf-eu Maqgeqdawrniv mirkhanq-anr jawr-eu Gaqyur hawr-eu, Aqliqdaqgur-anr gheu-awr, meuq-euq yawbui buiduq-anr uiqler-euq mae.

Lormav 1:11

Aqjeq mirnae aernar-aq, ngar, nawmaf-anr mawrmawf duidui nya. Ya’mawr nar-aq, nawmaf ziflarni, nawmaf-anr saflar paw-euq lafsawq tiqjeqnav bifnaeqmawf mir-a.

1 Gawˇliˬtu 4:19

Aerkhawf, Sanqpaq Miqyaer nuima tsaq nar-aq, ghawqmyanr maqghae-aer, ngar, nawmaf jawr-eu gar lar ma. Khoerngae, ngar, nuima huiq-eu khoerdeuq dawq ngaeq-eu gar maqngeur-eu, aqyawf maf-euq baoq-anr haw ma.

2 Gawˇliˬtu 10:16

Khoerlof-aer pyeuflar nar-aq, nga’maf, nawmaf-euq jawrduq irdzeur ghae-awr, guiqlanqdawq ya’maeq taef-a. Aqcawq-euq mirkaq-euq lafkhoer, aqcawq nae mrpyeuf taq-euq gar nga’maf khanqsaer maqjaev.