Gʼaˬkʼehˇ 19:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqyawf nyiq khof byanni khoerlof-aer janr-euq mirnae, Aqsir mircoer-anr kharjawr-eu tsawrhaq dawqtawvluf Yurdav tsawrhaq deuq khawf, Heqlaqsar tsawrhaq deuq khawf, Sanqpaq Yeqsur-euq dawq yagaq-euq mae.

Akha

¹⁰ Nyiˬ kʼoꞈ byah ni aˬ yawꞈ kʼoeˇ loꞈ-ehˇ mˇ daˆ leꞈ-euˬ miˇ neh, Aˬshaˆ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ, Yuˇdaˆ tsawˇ haˬ maˬ ehˇ, aˬ cawˬ tsawˇ jeuˬ deuˬ maˬ ehˇ, Sahˬpaˬ Yeˬsuˇ-euˬ dawˬ ya gaˬ-euˬ meh.

Gʼaˬkʼehˇ 19:10 Referans Kwoze

Gʼaˬkʼehˇ 20:31

Khoermirnae, nawmaf yawbeur beur-aer jawr-awq. Ngar smr khof byanni uqcif nan’ghanr maqaer, maq naqlerni myavbir dovdov-aer, nawmaf yawqghaq navluf-anr aernoeq naeq-euq gar noeqmawr-awq.

2 Tiˆmoˇseˬ 1:15

Nawr siqnya-eu lof-aer Aqsir mircoer-anr jawr-eu tsawrhaq yawqghaq navluf ngaq-anr byaerdzae naeqlaf-euq mae. Tsawrhaq khoerdeuq-euq lafkhoer, Piqgeqlur hawr-eu Heqlarmorjeq khawf keuq-eu mae.

Gawˇlawˇsehˇ 3:11

Tsawrhaq yawshuif pyeuflar-euq lafkhoer, Heqlaqsar hawr-eu Yurdav tsawrhaq, bawkhov maeqdzaq yaeq-euq hawr-eu bawkhov maeqdzaq maqyaeq-euq tsawrhaq, yarsaq tsawrhaq hawr-eu Siqtiv tsawrhaq, zaqkhav hawr-eu buq-ir-euq tsawrhaq laer maqbaw-a. Kali-aq, dawqtawvluf pyeuf-awr, dawqtawv luf-euq lafkhoer jawr-eu mae.

Gaˬlaˬtiˆ 3:28

Nawmaf dawqtawvluf, Yeqsur Kali-euq lafkhoer tiq ghaq lof-aer taef-aer pyeuf-eu mirnae, Yurdav tsawrhaq hawr-eu Heqlaqsar tsawrhaq, zaqkhav hawr-eu buq-ir-euq tsawrhaq, zaqyo aqli hawr-eu zaqmiq aqbur laer maqpar baw-eu mae.

Lormav 10:18

Aerkhawf, ngar narhaq mawf-eu-aq, aqyawfmaf maqya gaq-aq lor? Aqdir yagaq-euq mae. “Aqyawf maf-euq tersar, mirkhanq doeni irkhawq ghae-awr, Aqyawf maf-euq dawq mqdzer mirdzer irkeuv taq-euq mae.” (Jc 19:3)

Lormav 10:12

Yurdav tsawrhaq hawr-eu Heqlaqsar tsawrhaq maq beugar-a. Aqjeq mirnae aernar-aq, Miqyaer-aq, tsawrhaq dawqtawv luf-euq Sanqpaq pyeuf-awr, aqyawf-anr kur-eu tsawrhaq yawqghaq navluf-anr guiqlanq tiqbyanni bifnaeq-eu mae.

Lormav 1:16

Ngar, Kali-euq guiqlanqdawq gharduq maq shafdawr. Aqjeq mirnae aernar-aq, guiqlanq dawq-aq, jan-eu tsawrhaq yawqghaq navluf-anr bibuq-ir nya-eu Miqyaer-euq baoq pyeuf-eu mae. Yurdav tsawrhaq-anr nae bae-awr, Heqlaqsar tsawrhaq-anr khawf bibuq-ir-eu mae.

Gʼaˬkʼehˇ 16:6

Khoerngae, Aqsir mircoer-anr Yaerdawq maqbi maeqni Yawshawr Saflar lavtsoeq-eu mirnae, aqyawfmaf, Puqgir hawr-eu Gaqlaqtiv mirkhanq irpav ghae-euq mae.

Panmaeq 1:11

Tersar khoer aer-eu, “Ngar-aq, Ardanq bae-eu hawr-eu Arsaq saq-eu ghaq, Aqlaqpar hawr-eu Ormeqgar ma. Nawr kharya mawr-eu jeq sanqbof-euq lafkhoer boftaq-awr, Aqsir mircoer-anr jawr-eu Erpersu, Saqmeuqnav, Beqgaqmor, Tiqyaqdiqlar, Saqdir, Pirlaqdeqpir hawr-eu Lawqdiqciv Kalizaq armur heu shif mur-anr sha’naeq-awq.”

Panmaeq 1:4

Ngar-aq, Yorhaq ma. Aqsir mircoer-anr jawr-eu Kalizaq armur shif mur-anr sanqbof heu bofanr laf-euq ma. Arhu nae daef-eu, nymq-mr keuvni daefluf-awr, aqkar zafka le-eu laer ghae-eu ghaq hawr-eu Miqyaer-euq nuirmanq-euq maeqshi jawr-eu Saflar shif lar-euq guiqlanq yawdzanr, hawr-eu nuisar of-eu jeq, nawmaf-euq khoertav jav luf-ur.

1 Beˬtuˆluˆ 1:1

Ngar-aq, Yeqsur Kali-euq ghaqkhaer Beqtuvluv ma. Boqtuv, Gaqlaqtiv, Gaqbaqdawrciv, Aqsir hawr-eu Beqturnir-anr jawrbyav taq-euq deuq-anr sanqbof heupur bofanr lef-euq ma.

Gʼaˬkʼehˇ 20:18

Aqyawfmaf, aqyawf jawr-eu gar larkeuv ngae, Pawrluv, aqyawf maf-anr heulof-aer aernaeq-euq mae: “Ngar, Aqsir mircoer-anr larkeuv danqbae-euq ngae nan-anr nae, nawmaf-euq ghanrcae kharjawr ngae, ngar aqjox-aer janr-euq garkawv nawmaf siqnya-eu mae.

Gʼaˬkʼehˇ 19:22

Khoermirnae, aqyawf-anr cawba-eu deuq-euq lafkhoer nae, Tivmorseq hawr-eu Erlaqdur aqnyaf-anr Maqgeqdawrniv mirkhanq-anr bile-awr, aqyawf-aq, Aqsir mircoer-anr tiqkhaeq par jawryaf-euq mae.

Gʼaˬkʼehˇ 19:8

Khoernar-aq, Pawrluv zanrdawq khawqnymr-anr urler urler-aer, khaqduqni bala smr siq aerghaqni, aqyawf maf-anr gheupyawr khof-eu gharduq, Miqyaer uvlanr-eu garkawv jasawx jasawx-aer jawr-euq mae.

Gʼaˬkʼehˇ 18:11

Pawrluv khoergar tiq khof uqtaf bala kof siq jawr-awr, aqyawf maf-euq ghanrcae Miqyaer-euq dawq maeqnaeq tsovnaeq-euq mae.

Gʼaˬkʼehˇ 18:4

Yurdav tsawrhaq hawr-eu Heqlaqsar tsawrhaq, Kali-anr janlarni, landaw jawrnan yawqnan navluf zanrdawq khawqnymr-euq lafkhoer Pawrluv kurcawq-eu mae.

Gʼaˬkʼehˇ 2:9

Aqdui maf-aq, Baqtir mirkhanq, Miqdir mirkhanq, Erlamq mirkhanq hawr-eu Meqsoqpoqtaqmir mirkhanq-anr jawr-eu tsawrhaq, Yurdav mirkhanq, Gaqbaqdawrciv mirkhanq, Boqtuv mirkhanq, Aqsir mircoer,

Gʼaˬkʼehˇ 6:9

Khoerngae, Buq-ir-euq tsawrhaq-euq zanrdawq khawqnymr laer kur-eu armur-anr taf-eu Kurleqniq meuq, Aqleqsaqdur meuq, Girlirciv hawr-eu Aqsir mircoer-anr nae lar-euq tsawrhaq tiqpavnav deuq turlar-awr, Saqteqpaq naeq-aer tsawrpyaer pyaercae cae-euq mae.

Gʼaˬkʼehˇ 13:12

Khoerlof-aer pyeuflar-euq gar meuq-anr sanrmr-eu khoerghaq ya’mawr ngae, aqyawf, Kali-anr janlar-euq mae. Aqjeq mirnae aernar-aq, Sanqpaq Miqyaer-euq garkawv maeqnaeq-eu gar aqyawf zanq duidui ler-euq mae.

Gʼaˬkʼehˇ 19:20

Khoermirnae, Sanqpaq Miqyaer-euq dawq-aq, ghaq khavlar luf-awr ghaqler luf-eu mae.